Thursday, December 7, 2017

ශ්‍රීලනිප සමග ඒකාබද්ධ පොදුජන පෙරමුණ එක්ව තරග කිරීම...! [Mahinda.Info EXCLUSIVE]


ඉදිරි පළාත් පාලන මතිවරණයෙන් ජය ගැනීමටනම් මෛත්‍රීපාල සිරිසේන නායකත්වය දරන ශ්‍රී ලංකා නිදහස් පක්ෂය සමග එකතු වී ඒකාබද්ධ පොදුජන පෙරමුණ තරග කළ යුතු බවට සුළු පිරිසක් පවසයි. එහෙත් අති බහුතරයගේ මතය වන්නේ ඒකාබද්ධ පොදුජන පෙරමුණ වෙන්ව තරග කළ යුතු බවය. සුළුතර මතය වූ පමණින් එය ප්‍රතික්ෂේප නොකර ඔවුන්ගේ තර්කය mahinda.info වෙතින් විශ්ලේෂණාත්මකව විමසා බලමු.

ශ්‍රීලනිප සමග ඒකාබද්ධ පොදුජන පෙරමුණ එකතු විය යුතුයැයි කියන අයට ඒ සඳහා වෙන වෙනම ඤායපත්‍රයන් තිබිය හැකිය. එහෙත් ඔවුන් මතු කරන එකම තර්කය වන්නේ පළාත් පාලන මැතිවරණය ජය ගැනීමටනම් එකතු විය යුතු බවයි. ශ්‍රීලනිපය සමග එකතු වීමෙන් ඇති වාසි ඔවුන් මෙසේ පෙළ ගස්වයි.

1. මෛත්‍රීපාල සිරිසේන ජනාධිපතිවරයාට සහ ඔහුට සහය දක්වන පිරිසට ඉතා සුළු ජන පදනමක් ඇති අතර ඔවුන්ද එකතු කර ගැනීම ජයග්‍රහණයට හේතුවකි.

2. මෛත්‍රීපාලගේ ශ්‍රීලනිප ය එකතු කර නොගතහොත් ඔවුන් එක්සත් ජාතික පක්ෂය සමග එකතු වෙනු ඇත.

3. විධායක බලය ඇත්තේ විධායක ජනාධිපති මෛත්‍රීපාල සිරිසේනට වන අතර එය මැතිවරණය ජයග්‍රහණයට අවශ්‍ය වෙයි.

දැන් එම තර්ක 3 හි ඇත්ත නැත්ත බලමු.

1. මෛත්‍රීපාල සිරිසේන හැරුණ විට අන් කිසිවෙකුට ඡන්දය නොදෙමි යන මතයේ සිටින ඉතා සුළු පිරිසක් සිටිය හැකිය. නමුත් මෛත්‍රීපාල සමග එකතු වුවහොත් නැවත කාටවත් ඡන්දය නොදෙමි කියන මහින්ද පාක්ෂිකයන් ප්‍රමාණය ඊට වඩා අතිශයින්ම වැඩි ය. මේ දේ ඔබට විශ්වාස නැතිනම් ඔබ එදිනෙදා දන්නා මහින්ද පාක්ෂිකයන්ගෙන් ඒ බව විමසා බලන්න. එතකොට මෛත්‍රීපාල සිරිසේන සමග එකතු වීම යනු ලැබෙන ඡන්ද ප්‍රමාණය අඩු කර ගැනීමකි.

2. මෛත්‍රීපාලගේ ශ්‍රීලනිප ය එකතු කර නොගතහොත් ඔවුන් එක්සත් ජාතික පක්ෂය සමග එකතු වෙනු ඇත යන තර්ජනය අනුව පෙනී යන්නේ ඔවුන්ට ප්‍රතිපත්තියක් නොමැති බවයි. ඔවුන් හරියට කුලී හමුදාවක් වැනි ය. උඹලට අපිව ඕනැ නැතිනම් අපි උඹලගේ විරුද්ධවාදීන්ගේ පැත්ත ගන්නවා කියන උදවියව විශ්වාස කිරීමට නොහැකි ය. වරාය ගුවනොත්‍ටුපොළ තරංගසංඛ්‍යාත ඇතුළු ජාතික සම්පත් විකුණන, කෝටි ප්‍රකෝටි ගණන් බැඳුම්කර වංචා කළ, සංවර්ධනය සහමුලින්ම නවතා දැමූ, රණවිරුවන්ව සිරගත කරන, කොටින්ව නිදහස් කරන, උහුලන්නට බැරි ජීවන වියදමක් ඇති කළ උදවිය සමග එක් වෙන බව කියන අයව විශ්වාස කිරීම තරම් මෝඩ කමක් තවත් නැත. ඔවුන් යම් හෙයකින් ඒකාබද්ධ පොදු ජන පෙරමුණෙන් ජයග්‍රහණය කළද එක්සත් ජාතික පක්ෂය සමග එකතු වෙනු ඇත.

3. විධායක බලය ඇත්තේ විධායක ජනාධිපති මෛත්‍රීපාල සිරිසේනට වන අතර එය මැතිවරණය ජයග්‍රහණයට අවශ්‍ය වෙයි කියන කථාව අනුව බැලුවහොත් කිසිදා විපක්ෂයකට බලයට ඒමට නොහැකි වේවි. අනික අතට මෛත්‍රීපාලගේ විධායක බලය යොදා ගනිමින් ඡන්ද දිනන්න ශ්‍රීලනිපය හදනවානම් එය ඡන්ද වංචාවකි. මහින්ද රාජපක්ෂ මැතිතුමාට සහය දක්වන අප කිසි සේත්ම ඡන්ද වංචා වලට එකඟ නොවෙමු.



මෛත්‍රීපාල සිරිසේන නායකත්වය දරන ශ්‍රීලනිප සමග ඒකාබද්ධ පොදු ජන පෙරමුණ එකතු වෙන්න කියන අය නොකියන තවත් කරුණු ලයිස්තුවක් ද mahinda.info වෙතින් ඔබට සැකවින් මෙසේ දක්වන්නෙමු. ඒවා පහතින්.

[1]. 2015 ජනවාරි 8 වැනිදා මහින්ද රාජපක්ෂ ජනාධිපති තුමා නායකත්වය දැරූ රජය, එජාපය විසින් පෙරලූයේ මෛත්‍රීපාල සිරිසේන මූලික කරගනිමිනි. අපට අවශ්‍ය වන්නේ නැවතත් මහා සංවර්ධනයක් සිදුවෙන - රටම එකම වැඩ බිමක් බවට පත් වෙන - අධිවේගී මාර්ග ගුවන් පාලම් ඉදි වෙන - නීතිය නමා නිදහස් කළ කොටින්ව බො‍ටුවෙන් අල්වා සිරගත කර, හිරේ සිටින රණවිරුවන්ව නිදහස් කරන - බැඳුම්කර හොරුන් හොරා කෑ මුදල් නැවතත් ජනසතු කරන - ජීවන වියදම අඩු වෙන - මහින්ද යුගයකට යාමටනම් අප විසින් මෛත්‍රීපාල සිරිසේනව තීරණාත්මකව පරාජය කළ යුතුය. ඔහු කුමන වෙස් මුහුණු බැන්දත් ඔහුව පරාජය කිරීම අත්‍යවශ්‍ය කරුණකි. එය යමපාලන ගෙදර යැවීමේ පළමු වෙඩි මුරයයි. එසේම මෛත්‍රීපාල සිරිසේන නායකත්වය දරණ පක්ෂයක පරාජය මගින් ජාත්‍යන්තරයත් රටේ සැබෑ ජනමතය කුමක් දැයි හඳුනා ගනු ඇත. ජාත්‍යන්තරය මත යැපෙන එක්සත් ජාතික පක්ෂයට ලැබන ඩොලර් කුට්ටි වලට තිත තැබෙනු ඇත.

[2]. මෛත්‍රීපාල සිරිසේනගේ සහයෝගයක් නොමැතිව ඒකාබද්ධ විපක්ෂය ජයග්‍රහණය කළ විට පාර්ලිමේන්තුවේ මෛත්‍රීපාල සිරිසේන යටතේ සිටින මන්ත්‍රීවරුන් රොත්තක් ඉන් ගැලවී ඒකාබද්ධ විපක්ෂය සමග එකතු වෙනු ඇත. මෛත්‍රීපාලගේ සහයෝගයෙන් ඒකාබද්ධ විපක්ෂය ජයග්‍රහණය කළ විට මෙය සිදු නොවේ.

[3]. තනියම තරග කළද නැතහොත් එක්සත් ජාතික පක්ෂය සමග එක් වී තරග කළද මෛත්‍රීපාල සිරිසේනගේ පිලට ඡන්ද නොලැබෙනු ඇත. ජනතා විමුක්ති පෙරමුණටත් වඩා අඩු ඡන්ද සංඛ්‍යාවක් ශ්‍රීලනිපය ගත් විට මෛත්‍රීපාල සිරිසේනට රෙද්දක් ඇඳන් ශ්‍රීලනිප නායකත්වය හෙබවීමට නොහැකි වනු අත. එවිට ඒකමතිකිකව ශ්‍රීලනිප නායකත්වය මහින්ද රාජපක්ෂ මැතිතුමාට නැවතත් ලැබෙනු ඇත. මෙය 2020 ජයග්‍රහණයේ සංධිස්ඨානයකි. ශ්‍රීලනිප නායකත්වය මහින්ද රාජපක්ෂ මැතිතුමාට ලැබුණත් 2020 ඡන්දය ඉල්ලන්නේ අත ලකුණෙන් නොවේ. (යම් හෙයකින් අති විශාල ඡන්ද ප්‍රමාණයකින් පළාත් පාළන මැතිවරණය පොහොට්‍ටුව ජය ගතහොත්, ජනමතයක් නොමැතිව රටක් පාලනය කිරීමට නොහැකි බැවින් 2018 අප්‍රියෙල් වෙද්දී ආණ්ඩුව විසිරුවීමට සිදුවෙනු ඇත.)

[4]. එය වන්නේ මෙසේ ය. ඒකාබද්ධ පොදු ජන පෙරමුණ වෙනම ඉදිරිපත් වූ විට මෛත්‍රීපාල පාර්ශවය සතුව පවතින්නෙ විකල්ප 3ක් පමණි. තනිව ඉල්ලීම, එජාපය හා ඉල්ලීම හා ඉල්ලා නොසිටීම ය. මෙහි එජාපය හා ඉල්ලුවොත් හෝ ඉල්ලා නොසිටිය හොත් සෘජුවම සමස්ත ආණ්ඩු විරෝධී බලවේගයම , රජයට විරුද්ධව සිටගනු ලැබේ. මෛත්‍රීපාල තනිව ඉදිරිපත් වුව හොත්, අවම වශයෙන් 3% වත් ඡන්ද ප්‍රතිශතයක් නොලබනු ඇත. එය ඔහු සතු වන තීරණාත්මක පරාජයකි. එමගින්ම ඔහුගේ නිදහස් පක්ෂය ගැලවී යනු ඇත. එහිදී ද රජයට 2/3 බලය අහිමිවනු ඇත. හුළඟ යන අතට ගසා යන එජාප මන්ත්‍රීවරුන්ද එදා 17 කණ්ඩායම ගැලවුණා මෙන් එජාපෙන් ඉවත් වෙනු ඇත. එදා වේල ණය මත යැපෙන එජාපයට රටේ බහුතර ජනමතය නැති විට ණය දීමට කවුරුත් අකමැති වීමෙන් මුදල් නැතිව කොහොමත් ආණ්ඩු කිරීමට නොහැකි වෙනු ඇත.

[5]. මෛත්‍රීපාලගේ කණ්ඩායමට කවුරුන් හෝ සහය දේනම් ඔහු සමස්තයක් වශයෙන් වත්මන් යමපාලන ආණ්ඩුවට සහය දෙන අයෙකි. එජපය හා මෛත්‍රීපාල කණ්ඩායම බෙදී තරග කිරීමෙන් , රජයේ බලවේගය පරිපූණ ලෙස දෙකට බෙදී යයි. එයින් ආණ්ඩුවේ ඡන්ද ප්‍රතිශතයට වන හානිය, ඒකාබද්ධ පොදු ජන පෙරමුණේ ප්‍රතිශතයට වන හානියට වඩා ඉතා අධික ය.

[6]. ආණ්ඩු විරෝධී මහින්ද පාර්ශවය, යළි මෛත්‍රීපාල හා එක්වීමේ දී , එනයින්ම යමපාලන ආණ්ඩුවේ වැරදිවලින් කොටසකට කරගැසීමට ද සිදු වේ. එතැන් පටන් සාර්ථකව ආණ්ඩුව විවේචනය කිරීමක් කළ නොහැක. සහෝදර පක්ෂයක් බවට පත් වෙන මෛත්‍රීපාල සිරිසේනව විවේචනය කිරීමට නොහැකිව යයි. එනයින් ම ඒකාබද්ධ පොදු ජන පෙරමුණේ ඡන්ද , බෙදී වෙන්වී ඉල්ලන අවස්ථාවකටත් වඩා පහළ යනු ඇත.

[7]. මෛත්‍රීපාල සමග එක්ව තරග කිරීමේ ප්‍රතිඵලය පසුගිය 2017 මහ මැතිවරණයේදී අපි අත් දු‍ටුවෙමු. මෛත්‍රීපාලම පැවසූයේ ඔහු එජාපය ජයග්‍රහණයට උපකාර කළ බව යි. මහින්ද රාජපක්ෂ මැතිතුමාට අගමැති කම නොදෙන බවට අන්තිම මොහොතේ ලිපියක් ලිවීම, පක්ෂ ලේකම්වරුන්ව ඉවත් කිරීම, කිසිදු ජන ‍රැලියකට සහභාගී නොවීම, ජාතික ලයිතුව කොල්ල කා පරාජය වූ අයව නැවතත් පත් කිරීම ආදිය මගින් ඔහු එය ඔප්පු කළේ ය. එසේ වෙද්දී නැවතත් ඔහු සමග එකතු වී රෑ වැ‍ටුණ වලේ දවලුත් වැටීමට කටයුතු නොකළ යුතු ය.

[8]. යම් හෙයකින් මෛත්‍රීපාලගේ ශ්‍රීලනිපය සමග එක් වී ඒකාබද්ධ පොදු ජන පෙරමුණ, එජාපය පරාජය කර දිනුවා යැයි සිතමු. එතැන් පටන් මෛත්‍රීපාල, එස්බී දිසානායක, අප්පච්චි මළෝ, චන්ද්‍රිකා කුමාරතුංග, ඩිලාන් පෙරේරා ආදීන්ගේ සටන් පාඨය වන්නේ "අපියි දිනුවේ, ඒකාබද්ධය අපේ ඇඟේ එල්ලිලා ගොඩ ගියා, විධායක බලය තියෙන්නේ අපිට, කැමතිනම් එජාපය සමග එක්ව ආණ්ඩු පිහි‍ටුවීමට එකඟ වෙනු, බැරි අය විපක්ෂයට පල" යන්න ය. එය මෛත්‍රීපාල ගේ ම ජයග්‍රහණයකි. එය වක්‍රව ආණ්ඩුවේම ජයග්‍රහණයකි. එසේනම් එය රනිල්ගේත් ජයග්‍රහණයකි. එයින් අවම වශයෙන් සංකේතාත්මක ව වත් ජනවාරි 8 ජනමතය පරාද වන්නේ නැත.


[9]. ශ්‍රීලනිපයටත් ජයග්‍රහණයේ කොටසක් දී පළාත් පාළන මැතිවරණය ජය ගත් පසු මෛත්‍රීපාල රනිල් හවුල සුපුරුදු එට්කා , අතුරුදන්වීම් පනත්, නව ව්‍යවස්ථා සම්මත කිරීම දක්වා ගමන් කළොත් නවත්වන ක්‍රමයක් නැත. ඔහු ජනමතය යළි දිනා අවසන් ය. මහින්ද පාක්ෂිකයන් එවිට කළකිරී ව්‍යවස්ථාව ගැන ජනමත විචාරණයකටවත් ඡන්දය දීමෙන් වළකිනු ඇත. එනයින් එක්ව ඉල්ලීමෙන් වන්නේ , මහින්ද පාර්ශවය දිනුවත් ඒ ජන මතය ආණ්ඩුවටම පාවා දී , ව්‍යවස්ථා සඳහා ජනමතවිමසුමේ ජයග්‍රහණය ආණ්ඩුව ට ම පාවා දීම ය.

එකතු වෙන්න කියමින් තවමත් තර්ක කරන අයට මෙම ලිපිය පෙන්වමු.


අනිත් අයටත් කියවීමට Share කරන්න.

Saturday, November 25, 2017

නාමල් විසින් ඇලෝසියස්ට කතා කළා කියපු UNP බොරුව මාට්‍ටු වෙයි. මෙන්න ඇත්ත.


පාර්ලිමේන්තු මන්ත්‍රී නාමල් රාජපක්ෂ මහතා අවස්ථා ඇතුළුව මහින්ද රාජපක්ෂ මැතිතුමා සහ අනෙකුත් ඒකාබද්ධ විපක්ෂයේ මන්ත්‍රීවරුන් පිරිසක් අර්ජුන් ඇලෝසියස්ට කතා කළ බව කියමින් පුවතක් මඩ වෙබ් අඩවියක පසුගිය දිනවල පළ විය. හිරු ගොසිප් වෙබ් අඩවියේ ලෝගෝව අනුකරණය කරමින් එජාපය විසින් සිදුකරන හරි ගොසිප් නැමැති මඩ වෙබ් අඩවියේ එය පළ වුණි.


එය මඩ ප්‍රචාරයක් පමණක් බව සනාථ වීමට කරුණු පහත දැක්වේ.

[1]. එජාපයෙන් කරන ගොසිප් මඩ වෙබ් සයිට් වල මිස කිසිදු ලියාපදිංචි ජනමාධ්‍යයක එවන් පුවතක් පළ වූයේ නැත. අනෙකුත් ලියාපදිංචි ජනමාධ්‍ය වල පළ වූයේ එක්සත් ජාතික පක්ෂ මන්ත්‍රීවරු 4 දෙනෙකු ප්‍රශ්ණගත බැදුම්කර සිදුවීමට සම්බන්ධ අර්ජුන් ඇලෝසියස් සමඟ දුරකථනය හරහා සාකච්ජා කර ඇති බවය. අදාල දුරකථන වාර්තාව මෙතනින්. ලියාපදිංචි පුවත්පතක් වන "ලක්බිම" පුවත්පත් වෙබ් අඩවියෙන් මූලාශ්‍රය මෙතනින්. කවරෙක් හෝ ඒකාබද්ධ විපක්ෂයේ මන්ත්‍රීවරුන් විසින් අර්ජුන් ඇලෝසියස් ට කතා කළ බව කියන්නේනම් කිසිදු හෝ පිළිගත් ලියාපදිංචි ජනමාධ්‍යයක එවන් පුවතක් නැත්තේ ඇයි දැයි ඔබ ප්‍රශ්න කළ යුතු ය.

[2]. මේ වන විට පවතින්නේ එජාප ආණ්ඩුවකි. එසේම බැඳුම්කර කොමිසම පත් කරන ලද්දේත් එජාපයේ ජනාධිපති අපේක්ෂකයා වූ විධායක ජනාධිපති මෛත්‍රීපාල සිරිසේන මහතා විසිනි. ආණ්ඩුව පත් වී දැනට අවුරුදු 3 කට ආසන්න වන අතර අගවිනිසුරු, නීතිපති, පොලිස්පති, පොලිස් කොමිසමේ සභාපති ආදීන්ගේ සිට පොලිසියේ විමර්ශණ නිලධාරීන් දක්වා සියලුම නිලයන් එජාපය විසින් අලුතෙන් පත් කර ඇත. එසේ වී තිබියදී එජාපයෙන් පත් වූ විධායක ජනාධිපති මෛත්‍රීපාල සිරිසේන මහතා හෝ එජාප පොලිස් ඇමති සාගල රත්නායක යටතේ ඇති පොලිසියෙන් ඒකාබද්ධ විපක්ෂයේ මන්ත්‍රීවරුන්ට අදාල දුරකථන සංවාද වසං කරයි කීම කිසි සේත්ම පිළිගත නොහැකි තර්කය කි.

[3]. පසුගිය කාලයේ නොයෙකුත් බොරු චෝදනා එල්ල කරමින් නාමල් රාජපක්ෂ මන්ත්‍රීවරයා ඇතුළු ඒකාබද්ධ විපක්ෂයේ මන්ත්‍රීවරුන්ව සිරගත කළ අතර එම එකදු චෝදනාවක්වත් ඔප්පු කරගැනීමට නොහැකිව ඔවුන් නිදහස් විය. ඒ අනුව යම් හෙයකින් ඒකාබද්ධ විපක්ෂයේ මන්ත්‍රීවරුන් ඇලෝසියස් ට දුරකථන ඇමතුම් දී අති බවට සාක්ෂි තිබේනම් ඒවා සඟවනවා වෙනුවට රජයේ ජනමාධ්‍ය හරහා එය පළකර මේ වන විට ඔවුන්ව අත් අඩංගුවටත් පත්ව තිබෙනු ඇත.

[5]. අර්ජුන් ඇලෝසියස් විසින් කෝප් කමි‍ටු සාමාජිකයන්ට දුරකථන ඇමතුම් අරගෙන තිබුණේ ඔහුව බැඳුම්කර වංචාවෙන් නිදහස් කරගැනීමට බව ආණ්ඩුවේ ඇමති සහ කෝප් කමි‍ටු සාමාජික දයාසිරි ජයසේකර මහතා පාර්ලිමේන්තුවේදී කළ "මට ඔහුට උදව් කරන්න බෑ කිව්වා" යන ප්‍රකාශයෙන් පසක් වෙයි. ඒ අනුව අර්ජුන් ඇලෝසියස් කතා කරයිනම් කතා කළ යුත්තේ එක්කෝ කෝප් කමි‍ටුවේ සාමාජිකයන් ටය. නැතහොත් රජයට බලපෑම් කළ හැකි දේශපාලඥයින්ට හෝ නිලධාරීන් ට ය. නැතිව ආණ්ඩුව සමග නඩු කියන ආණ්ඩුව විසින් විටින් විට බොරු චෝදනා නගා සිරගත කරන රාජපක්ෂවරුන් ඇතුළු ඒකාබද්ධ විපක්ෂයට නොවේ. එමගින්ම එජාප මඩ කරියන්ට තම මඩ ගැසීමවත් සංගත ආකාරයෙන් කරගත නොහැකි අනුකම්පාසහගත ආකාරය පැහැදිළි වෙයි.

එජාප මඩ වෙබ් අඩවියේ පළවූ අසත්‍ය පුවත පළ කිරීමට සම්බන්ධ බවට සැක කෙරෙන එජාප ඇමතිවරුන් දෙදෙනෙක් විසින් එය කිසිදු පිළිගත හැකි සාක්ෂියකින් තොරව ප්‍රසිද්ධියේ ප්‍රකාශ කර තිබුණි.



රනිල් වික්‍රමසිංහ අග්‍රාමාත්‍යවරයා විසින් මහ බැංකු අධිපති ලෙස ඔහුගේ සමීපතම හිතවතෙක් වන අර්ජුන් මහේන්ද්‍රන් ව පත් කළේ ඔවුන් අතර වඩාත් හොඳ විශ්වාසයක් ඇති නිසාවෙනි. යම් හෙයකින් රාජිත සේනාරත්න ඇමතිවරයා පවසන අයුරින් ඔහු රාජපක්ෂවරුන්ට සමබ්න්ධ අයෙක් නම් ඔහුව මහ බැංකු අධිපති ලෙස පත් කරන්නේ නැත. එමගින්ම රාජිත සේනාරත්න ඇමතිවරයාගේ පට්ට පල් බොරුවේ අසංගත බව ඕනැම අයෙකුට වැටහෙයි.



එසේම සුජීව සේනසිංහ මන්ත්‍රීවරයා පවසන කරුණටත් අදාල කිසිදු පොලිස් වාර්තාවක් හෝ පිළිගත හැකි ජනමාධ්‍යයක පළවූ වාර්තාවක් නොමැත. එය පළමු වරට පවසන්නේ ඔහු ය. අදාල මඩ පුවත නිර්මාණය කිරීමට සුජීව සේනසිංහ සහ රාජිත සේනාරත්න සම්බන්ධ බවට මෙමගින් පැහැදිළි වෙයි.

නාමල් රාජපක්ෂ මන්ත්‍රීවරයා විසින් මෙලෙස මඩ ගසන අයට එරෙහිව අපහාස නඩු පැවරෙනු ඇත.


අනිත් අයටත් කියවීමට Share කරන්න.

Saturday, November 4, 2017

යහපාලනයෙන් ලක්ෂ 4 ක් ‍රැකියා දීම බොරුවක්. ලක්ෂ 4.76 කට ‍රැකියා අහිමි වෙලා. මෙන්න මහ බැංකු වාර්තාවෙන් මූලාශ්‍රය.



[1]. මේ දින වල එක්සත් ජාතික පක්ෂය මගින් මුද්‍රිත, විද්‍යුත් සහ අන්තර්ජාල මාධ්‍ය මගින් තොර ‍තෝංචියක් නැතිව පවසන්නේ නව ‍රැකියා ලක්ෂ 4 ක් බිහි කළ බවයි. අග්‍රාමාත්‍ය රනිල් වික්‍රමසිංහ මහතාගේ නිල ෆේස්බුක් පි‍ටුවේම මෙසේ සටහන් කර තිබෙනවා. [මූලාශ්‍රය]




[2]. ඉහත කතාවේ ඇත්ත නැත්ත එක්සත් ජාතික පාක්ෂිකයෙකුට වුණත් පිළිගත හැකි ආකාරයකට දැක ගන්න පුලුවන් මූලාශ්‍රයක් තමයි ශ්‍රී ලංකා මහ බැංකු වාර්තාව. මොකද එය ආණ්ඩුවේම ප්‍රකාශනයක් නිසා.

අපි මුලින්ම 2014 වර්ෂයට අදාල ශ්‍රී ලංකා මහ බංකු වාර්තාව බලමු.

ඕනැම වසරක මහ බැංකු වාර්තාව පිළියෙළ කර නිකුත් වන්නේ ඊළඟ වසරේ අප්‍රියෙල් මාසයේ. ඒ අනුව 2014 වසරේ මහ බැංකු වාර්තාව නිකුත් වන්නේ එක්සත් ජාතික පක්ෂයෙන් පත් කළ මහ බැංකු අධිපති අර්ජුන් මහේන්ද්‍රන් විසින් ඔහුගේ අත්සන සහිතවයි. 2014 මහ බැංකු වාර්තාවේ 3 වැනි පි‍ටුවේ තිබෙනවා අර්ජුන් මහේන්ද්‍රන්ගේ අත්සන සහිතව එය පිළිගන්වන ලිපිය. [මූලාශ්‍රය]

(i). මෙහි 94 පි‍ටුවේ (PDF 12 පි‍ටුව) ඇති වගුවේ මෙසේ සඳහන් වෙනවා. 2014 වර්ෂයේ (Annual) ‍රැකියා නියුක්තිය 8,424,000 [මූලාශ්‍රය]


(ii). එක්සත් ජාතික පක්ෂ ආණ්ඩුව ඇවිත් වසර 2 කට පසුව එනම් 2016 දී මහ බංකු වාර්තාව දෙස බලමු. මෙහි 136 පි‍ටුවේ (PDF 12 පි‍ටුව) ඇති වගුවේ මෙසේ සඳහන් වෙනවා. 2014 වර්ෂයේ ‍රැකියා නියුක්තිය 7,948,000 [මූලාශ්‍රය]




[3]. ඒ අනුව එක්සත් ජාතික පක්ෂයෙන් පත් කරපු මහ බංකු අධිපතිවරයා විසින් නිකුත් කළ මහ බංකු වාර්තා දෙකෙන්ම පේනවා වත්මන් පාලනයේ මුල් වසර දෙක තුළ රැකියා අවස්ථා 476,000 ක් ජනතාවට අහිමි වී ඇති බව.

ආණ්ඩුවෙන් ලක්ෂ 4 ක් ‍රැකියා බිහි කළානම්, පෞද්ගලික අංශයෙනුත් ඇති වන ‍රැකියා අවස්ථා අනුව මේ විදිහට ලක්ෂ 4.76 ක් ‍රැකියා නියුක්තිය පහත යන්නේ නෑ. මහින්ද රාජපක්ෂ ජනාධිපති තුමාගේ කාලයේ ‍රැකියාවක් කරමින් තම දරු පවුල් ‍රැක ගත් අයටත් තම ‍රැකියා අහිමි වීමයි සිදුවෙලා තියෙන්නේ.

ජනතා මුදල් කාබාසිනිය කරමින් පුවත්පත් රූපවාහිනී වල දැන්වීම් දමා මේ විදිහට අතේ පැලවෙන බොරු කියමින් එක්සත් ජාතික පක්ෂයෙන් ඔබව ‍රැවටීම යහපාලනය ද?


අනිත් අයටත් කියවීමට Share කරන්න.

Wednesday, October 11, 2017

මහින්ද රාජපක්ෂ මැතිතුමා ව්‍යවස්ථා මර උගුල ගැන පසුගිය වසර 2 පුරාම රට දැනුවත් කරයි.


වත්මන් ආණ්ඩුව විසින් ෆෙඩරල් ව්‍යවස්ථාවක් ගෙන ඒමට කටයුතු කිරීම සම්බන්ධයෙන් මහින්ද රාජපක්ෂ මැතිතුමා ජනතාව දැනුවත් කරනවා මදිදෝ යි අන්තර්ජාලයේ සමහරුන් ප්‍රශ්න කර තිබුණා. සමහරුන් එම ප්‍රශ්නය නගා ඇත්තේ තවමත් අපි බොහෝ දේ දකින්නේ ප්‍රධාන ප්‍රවෘත්ති විකාශයන්ගෙන් වීමත්, එහිදී වත්මන් ආණ්ඩුවේ බලපෑමට ඒ සියලුම නාලිකා අඩු වැඩි වශයෙන් යට වීම නිසා සියලුම මාධ්‍ය ආයතන වලට ආණ්ඩුවට එරෙහි දෑ පළ කිරීම සීමා සහිත වීම නිසයි.

අලුත් ව්‍යවස්ථාවක් ගෙනැවිත් එමගින් රට දෙකඩ කිරීමේ වෑයම පිළිබඳව මුල සිටම ජනතාව දැනුවත් කිරීමට මහින්ද රාජපක්ෂ මැතිතුමා පසුගිය අවුරුදු 2 පුරාවටම දීප ව්‍යාප්ත ජන රැළි සිය ගණන් තබමින් කටයුතු කළ අතර ඒ සම්බන්ධ උදාහරණ කිහිපයක් අන්තර්ජාලය තුළින්ම අප පහතින් දක්වනවා.


"ඒකීය" යන වචනය අලුත් ව්‍යවස්ථාවෙන් ඉවත් නොකර රටේ ඒකීය භාවය නැති කරන බවට මහින්ද රාජපක්ෂ මැතිතුමා විශේෂ නිවේදනයක් මගින් රටට අනතුරු ඇඟවූයේ 2016 දෙසැම්බර් 4 වැනි ඈතකදී යි. දිනය:2016/12/04



13 වන සංශෝධනයට එහා යමින්, බුද්ධාගමේ මුල් තැන අහිමි කරමින් ව්‍යවස්ථාව සම්පූර්ණයෙන්ම වෙනස් කිරීම නොකළ යුතුයි. දිනය:2016/01/11



"රට ජාතිය නැති කිරීමට ව්‍යවස්ථා සහ නීති සංශෝධන කෙටුම්පත් කිරීම" ගැන මහින්ද රාජපක්ෂ මැතිතුමා මාධ්‍ය නිවේදනයක් මගින් රට දැනුවත් කිරීම. එහිදී ව්‍යවස්ථාවක් කඩිමුඩියේ ගෙන එන්නේ 2015 වසරේ ජිනීවා හිදී මේ ආණ්ඩුව සිදුකළ පොරොන්දුවකට අනුව බව එතුමා පෙන්වා දෙයි. දිනය:2016/03/13



ව්‍යවස්ථා මර උගුල මගින් ජනතාව මෝඩයාට ඇන්දවීමේ ආණ්ඩුවේ උත්සාහය සහ ආණ්ඩුවේ ප්‍රශ්න යටපත් කරගැනීම ගැන ගැන හෙළි කරයි. දිනය:2016/01/17



අලුත් ව්‍යවස්ථාවෙන් ෆෙඩරල් රජයක් හැදීමට අප එරෙහි විය යුත්තේ ඇයි. දිනය:2016/11/21



රට ඉදිරියේ ඇති තර්ජනය: ව්‍යවස්ථාව වෙනස් කර රට බෙදා දැමීම. විධායක ජනාධිපති ක්‍රමය අහෝසි කිරීමටනම් පවත්නා ව්‍යවස්ථාවට සංශෝධනයක් ගෙන ආ හැකියි. දිනය:2016/09/24



රට දෙකඩ කරන, බුද්ධාගමට ඇති ප්‍රමුඛස්ථානය ඉවත් කරන ව්‍යවස්ථාවක් ගෙන ඒම. විදේශිකයන්ට ශ්‍රී ලංකා රණවිරුවන්ට එරෙහිව නඩු ඇසීමට එමගින් අවස්ථාව ලබා දීමේ ආන්ඩුවේ වෑයම. දිනය:2016/06/26



අලුත් ව්‍යවස්ථාවක් ගේන්න ජනතාව ආණ්ඩුවට බලයක් දී නෑ. ෆෙඩරල් රාජ්‍යයක් කරා ශ්‍රී ලංකාව ගෙන යනවා. දිනය:2016/02/12



ඒකීය රටක් වෙනුවට ෆෙඩරල් රටක් අලුත් ව්‍යවස්ථාවෙන් හැදීමට යනවාට විරෝධය පළ කරයි. දිනය:2016/11/20



අලුත් ව්‍යවස්ථාව මගින් රට බෙදීමට ආණ්ඩුවට කටයුතු කරන හැටි. දිනය:2016/10/12



අන්තර්ජාලය පිරික්සීමෙන් මේ වගේ තව ඕන තරම් උදාහරණ ඔබට දැක ගැනීමට පුළුවන් වේවි. මෙලෙස රට පුරා ජන රැළි පවත්වමින් ජනතාව දැනුවත් කිරීමට අමතරව විද්වත් සභා ඇති කරමින් විවිධ මට්ටමේ වෘත්තිකයන්ව ව්‍යවස්ථා මර උගුලට එරෙහිව පෙළ ගස්වන්නේද මහින්ද රාජපක්ෂ මැතිතුමාගේ මෙහෙයවීම අනුව බව නොරහසක්.

මහින්ද රාජපක්ෂ මැතිතුමාට අමතරව ඒකාබද්ධ විප්ක්ෂයේ අනෙකුත් දේශපාලඥයින්ද, එහි සහෝදර පක්ෂ වන විමල් වීරවංශ - උදය ගම්මන්පිල මන්ත්‍රීතුමන්ලාගේ පක්ෂ වලින්ද ව්‍යවස්ථා මර උගුලෙන් රට බේරා ගැනීමට අතිශය වැදගත් කාර්යභාරයක් ඉටු කරන බවට අප කවුරුත් දන්නවා. අප සියල්ලන්ගේම ඒකමතික අවශ්‍යතාවය වන්නේ රණවිරුවන් ජීවිත පරිත්‍යාගයෙන් රැක ගත් රට දෙකඩ කිරීමේ ආණ්ඩුවේ වෑයම පරාජය කිරීමයි.

මහින්ද රාජපක්ෂ මැතිතුමා ව්‍යවස්ථා මර උගුලෙන් රට බේර ගන්න කරන්නේ මොනවාද කියල අහන අයට මේ ලිපිය පෙන්වා දෙන්න.


අනිත් අයටත් කියවීමට Share කරන්න.

Tuesday, October 3, 2017

බැසිල් උතුරේ දේශපාලනය මෙහෙයවීම පසුපස ඇති රහස මෙන්න

[1]. නිදහසෙන් පසු ශ්‍රී ලංකාව පාලනය කළ ප්‍රධාන දේශපාලන පක්ෂ කිසිවක් උතුරේ සෘජුවම දේශපාලන කටයුතු වල යෙදුනේ නෑ. ඊට හේතු ගණනාවක් තිබුණා...

i. කොළඹ ඇතුළු රටේ දකුණු ප්‍රදේශ වල සිට උතුරට යාමට විශාල කාලයක් සහ පිරිවැයක් ගත වීම.
ii. යුද්ධය අතරතුර උතුරට යාම දැඩි අනාරක්ෂිත දෙයක් වීම
iii. මහින්ද රාජපක්ෂ මැතිතුමාගේ රජයෙන් උතුරු වසන්තය සිදුකරන තුරු උතුරේ සංවර්ධන කටයුතු වලට රටේ ප්‍රධාන පක්ෂ දෙක කටයුතු නොකීරීම නිසා උතුරේ ජනතාවට මුහුණ දීමට නොහැකි වීම
ආදිය ඉන් සමහර කරුණුයි.

එනිසා ප්‍රධාන පක්ෂ දෙකම සිදුකළේ උතුරේ දෙමළ පක්ෂ වල සහය පැතීමයි.



[2]. ශ්‍රී ලංකාව පාලනය කරන පක්ෂ විසින් උතුරට පමණක් සීමා වූ දෙමළ දේශපාලන පක්ෂ වල සහය පැතීම නිසා ශ්‍රී ලංකාවට දිගුකාලීනව සිදුවූ බලපෑම් කිහිපයක් මෙලෙසයි.
i. උතුරේ බොහෝ දේශපාලන පක්ෂයන්හි නායකයින් ඡන්ද ලබා ගැනීමට පහසුම ක්‍රමය ලෙස ජාතිවාදය යොදා ගැනීම. උදා: දෙමළ ජාතික සංධානයේ සමහර නායකයින්.
ii. එකී දේශපාලඥයින් උතුරේ ජනතාවට රටේ අනෙකුත් අයට මෙන්ම ඇති සැබෑ ප්‍රශ්න වෙනුවට "දෙමළ ජනතාවට පමණක් අසාධාරණයක් වී තිබෙනවා" වැනි ව්‍යාජ ප්‍රශ්නයක් මවා පෙන්වීම. උදා: මහින්ද යුගය වෙන තුරු දකුණේ ග්‍රාමීය නිවාස වලට විදුලිය ලැබී තිබුණේ නැත. එවිට උතුරේ ජාතිවාදී දේශපාලඥයා කරන්නේ "නුඹලා දෙමළ නිසා සිංහල ආණ්ඩුව විදුලිය දෙන්නේ නෑ" යැයි පැවසීමයි. මහින්ද ආණ්ඩුව ඇවිත් උතුරු වසන්තය ක්‍රියාත්මක කරන තුරු දිගටම ඡන්ද ලබා ගැනීම සඳහා විදුලිය ප්‍රශ්නයට ඔවුන් විසඳුමක් දුන්නේත් නෑ.
iii. උතුරේ සමහර දේශපාලඥයන් ජාතිවාදී පදනම මත උතුරේ ඡන්ද කිරීම නිසා අවසානයේදී එය බෙදුම්වාදයක් දක්වා වර්ධනය වීම.
iv. ශ්‍රී ලංකාව ග්‍රහණය කරගැනීමට බලන් සිටින බලවත් රටවල් උතුරේ සමහර දේශපාලඥයන්ට මුදල් යහමින් වියදම් කර ජාතිවාදී දේශපාලඥයින් හරහා ඒ රටවල ඇජෙන්ඩාවන් ක්‍රියාත්මක කිරීම. උදා: Divide and rule


[3]. නමුත් උතුරේ දෙමළ ජනතාවට තිබෙන සැබෑ අවශ්‍යතාවයන් බොහෝ අය සිතනවාට වඩා හාත්පසින්ම වෙනස්. ඒවායින් කිහිපයක් පහතින්.
i. නව ව්‍යාපාරික අවස්ථාවන් ලබා ගැනීමේ අවශ්‍යතාවය.
ii. තරුණයින්ට රැකියා ලබා ගැනීමේ අවශ්‍යතාවය.
iii. ස්ථිර නිවාස හදා ගැනීමට ණය ආධාර ලබා ගැනීම.
iv. දූවිල්ල අවම කර ගැනීම සඳහා ක්‍රමවත්ව ගස් සිටවාගැනීම. - දැඩි දූවිල්ල නිසා බොහෝ ජනතාවට පෙණහලු ආබාධ තිබේ. ගෝඨාභය රාජපක්ෂ මැතිතුමාගේ මෙහෙයවීම මත එවකට උතුරේ ප්‍රධාන නගර අවට ගස් සිටවූවත් වත්මන් ආණ්ඩුව පැමිණි පසු ඒවා නඩත්තු නොකිරීම නිසා බොහෝ පැළ මැරී ගොස් ඇත.
v. ගොවි බිම් වල අස්වැන්න ක්‍රමවත්ව අලෙවි කරගැනීමේ අවශ්‍යතාවය.
vi. කුල පීඩනය - යාපනය රෝහලට ලේ හිඟ වීම නිසා පසුගිය දා ශ්‍රී ලංකා ආරක්ෂක හමුදාවේ භටයන්ට ලේ දන් දීමට සිදුවිය. මේ බව කියන්නේ අපි නොව, එක්සත් ජාතික පක්ෂයේ රුවන් විජයවර්ධන ඇමතිවරයාට අයත් ලංකාදීප පුවත්පතෙනි. සම්පූර්ණ ලිපිය මෙතනින්.


[4]. මහින්ද රාජපක්ෂ මැතිතුමාගේ රජය විසින් උතුරු වසන්තය ක්‍රියාත්මක කරන තුරු ලංකාවේ කිසිදු රජයක් උතුරේ ජනතාවට කිසිදු ප්‍රමාණවත් සේවාවක් නොකිරීමත්, මහින්ද රජය ගිය පසු වර්තමාන රජයෙන් එම සංවර්ධන කටයුතු සියල්ලම අතරමග නතර කිරීමත්, දෙමළ සංධානය වැනි පක්ෂ වල දේශපාලඥයින් ජනතාවගේ සැබෑ ප්‍රශ්න වලට විසඳුම් නොදී ජාතිවාදය හිඟන්නාගේ තුවාලය කරගෙන තිබීමත් යන කාරණා උතුරේ ජනතාවට දැන් වැටහෙමින් පවතිනවා. මේ බව කියන්නේ අපි නෙමෙයි, යාපනය නල්ලූර් කෝවිලේ ප්‍රධාන ස්වාමිතුමා විසින් බැසිල් රාජපක්ෂ මැතිතුමාව හමුවී පැවසූයේ එවන් කරුණුයි.




[5]. අන්න ඒ හේතු මත බැසිල් රාජපක්ෂ මැතිතුමාට උතුරේ ජනතාවගෙන් විශාල පිළිගැනීමක් ලැබුණා. ඔවුන්ට මතකයි පසුගිය කාලයේ උතුරු වසන්තය ක්‍රියාත්මක වෙද්දී සිදුවුණ සංවර්ධනය සහ දැන් ඒ සියල්ලම එක තැන ඇණ හිටී ඇති අයුරු. ජනතාවට අවශ්‍ය වන්නේ එදා මහින්ද යුගයේදී සිදුකළ සංවර්ධනය නැවතත් ආරම්භ කිරීමටයි. එමගින් ඔවුන්ගේ ජීවන තත්ත්වය ඉහල දැමීමටයි.එතුමාගේ ප්‍රධානත්වයෙන් උතුරේ දේශපාලන සංවිධාන කටයුතු සහ රැස්වීම් ගණනාවක්ම සිදුකළා.



[6]. දැන් තමයි මේ ලිපියේ වැදගත්ම කොටස. බැසිල් රාජපක්ෂ මහතා විසින් ශ්‍රී ලංකා පොදු ජන පෙරමුනේ දේශපාලන සංවිධාන කටයුතු උතුරේදී කිරීම උතුරේ ජනතාවට පමණක් නොව රටටම විශාල සේවාවක් වීමට තවත් ප්‍රධාන හේතුවක් තිබෙනවා. ඉහත අංක [2] හි දැක්වූ අයුරින් දෙමළ ජාතිවාදී ප්‍රවාහය මත බිහිවූ පක්ෂ වල ඉල්ලීම තමයි උතුරට ෆෙඩරල් පාලනයක් ලබා ගැනීම. යම් හෙයකින් නුදුරේදී ජනමත විචාරණයක් පැවැත්වුවහොත් කැමැත්තෙන් හෝ අකමැත්තෙන් උතුරේ සියලුම පක්ෂ පෙනී සිටින්නේ ෆෙඩරල් ව්‍යවස්ථාව වෙනුවෙන්. මොකද එම පක්ෂ වල මතවාදය තියෙන්නේ බෙදුම්වාදය මත නිසා ඔවුන්ට ෆෙඩරල් ව්‍යවස්ථාවකට එරෙහි වීමට නොහැකියි. එහිදී උතුරු නැගෙනහිර නොවන ප්‍රදේශ වලින් 60% ක් ජනතාව ෆෙඩරල් ව්‍යවස්ථාවට විරුද්ධ වුණත්, ජාතිවාදී පක්ෂ වල උසිගැන්වීම මත උතුරේ 80% කට වඩා ජනතාව ෆෙඩරල් ව්‍යවස්ථාවට පක්ෂ වීම යනු ජාත්‍යන්තරව ව බලන කල බරපතල කාරණාවක්. ශ්‍රී ලංකා පොදුජන පෙරමුණේ "ඒකීය" දේශපාලන මතය උතුරේ සෘජුවම ගෙන යාමේ අවශ්‍යතාවය ඇති වන්නේ මෙනිසයි. එතකොට බැසිල් රාජපක්ෂ මහතා මේ කරන්නේ හුදු දේශපාලන ව්‍යාපෘතියකට ඔබ්බෙන් ගිය, ව්‍යවස්ථා මර උගුලෙන් රට බේරා ගැනීමේ ජාතික කාර්යභාරයක්.

[7]. දැන් උතුරේ දෙමළ ජනතාව ඇත්තටම ශ්‍රී ලංකා පොදු ජන පෙරමුණේ මතයට එකඟ වී ෆෙඩරල් ව්‍යවස්ථාවට එරෙහිව ඡන්දය දේවිද යැයි ඔබට හිතෙන්නට පුලුවන්. එහෙත් උතුරේ ජනතාවගෙන් බොහෝ පිරිසක් දැනටමත් බෙදුම්වාදයේ අවාසිදායී බව වටහා ගනිමින් පවතින බව බැසිල් රාජපක්ෂ මැතිතුමාගේ රැස්වීම් වලට ආ දහස් ගණන් ජනතාව දෙස බැලීමෙන් ඔබට පෙනෙනවා ඇති. ඒ සඳහා කරුණු කිහිපයක් දක්වන්නම්.
i. උතුරේ ජනතාවට ඇති සැබෑ ප්‍රශ්න මොනවාදැයි ඔවුන් දැන් වටහාගනිමින් පැවතීම. දෙමළ ජාතිවාදී පක්ෂ ජාතිවාදය මාකට් කරන නිසා ඔවුන් සැබෑ ප්‍රශ්න වලට විසඳුමක් ලබා දෙන්නේ නැත. උදාහරණ ලෙස ශ්‍රී ලංකාවේ ද්‍රරිද්‍රතාවය අවසන් වෙනවාට ජවිපෙ අකමැති වන්නා සේ.
ii. උතුරු නැගෙනහිර ෆෙඩරල් වුවහොත් දකුණේ ජනතාව උතුරේ කෘෂි නිශ්පාදන වර්ජනය කිරීමේ අවදානමක් ඇති වීම. ඉන්දියාවේ නිෂ්පාදය පිරිවැය වඩා අඩු නිසා ඉන්දියාවට අපනයනය කිරීමටත් නොහැකි වීම.
iii. ශ්‍රී ලංකාවේ දෙමළ ජනතාවගෙන් 50% කට වඩා ජීවත් වන්නේ උතුරු නැගෙනහිර නොවන ප්‍රදේශ වලයි. උතුරු නැගෙනහිර ෆෙඩරල් වුවහොත් දකුණේ ජනතාව සහ දකුණේ සෙසු දෙමළ ජනතාව අතර සාමය අඩු වීම. මෙනිසා දකුණේ දෙමළ නායකයින් සහ ව්‍යාපාරික ප්‍රජාවගේ සහය ගෙන උතුරේ ජනතාව දැනුවත් කරයි.
iv. දකුණේ අති විශාල රැකියා අවස්ථා බිහිවී තිබීම සහ බෙදුම්වාදයට එරෙහිව ගොස් එකම රටක ජීවත් වීමට කැමති වීමෙන් මේ රැකියා අවස්ථා වල නොබියව යෙදීමට පරිසරය නිර්මාණය වීම. උදා: පෙදරේරුවෙකුගේ දිනක වැටුප රු 2500 යි. නුපුහුනු පෙදරේරුවෙකුගේ [අත් උදව් කරුවෙකුගේ] දිනක වැටුප රු 1500 යි. උතුරේ දෙමළ ජනතාව සතියකට දින 6 ක්ම වුවද වැඩ කරන අතර එමගින් ඔවුන්ට උපයිය හැකි ආදායම ඔබම ගණනය කර බලන්න.
v. උතුර ෆෙඩරල් වුවහොත් එය ඉන්දියාවේ ග්‍රහණයට ලක් වීම. ප්‍රශ්නය තමයි තමිල්නාඩුවට වඩා ශ්‍රී ලංකාවේ දෙමළ ජනතාව ආර්ථික අතින් දියුණුයි. එසේනම් වඩාත් දුප්පත් ජනතාවක් වෙසෙන රටක් කෙරෙහි උතුරේ ජනතාව විශ්වාසය තබන්නේ කෙසේ ද යන්න.
ඉහත සියලුම කරුණු වලින් පෙනෙන්නේ බෙදී වෙන් වෙනවාට වඩා එකම රටක ජීවත් වීමෙන් උතුරේ දෙමළ ජනතාවට අත් වෙන වාසි වැඩි බවයි.

මානුෂික මෙහෙයුමේ අන්තිම මොහොතේදී ප්‍රභාකරන්ව බේරා ගැනීමට ඉන්දියාව සූදානම් වෙද්දී බැසිල් රාජපක්ෂ මහතා වහාම දිල්ලියට ගොස් ඔවුන් සමග රාජත්‍රාන්ත්‍රික සාකච්ඡාවක් සිදුකර ඉන්දියාව "හැන්ඩ්ල්" කරගත් හැටි ඔබ අසා ඇති. ඔහුගේ ඊළඟ වැදගත්ම මෙහෙයුම තමයි මේ සිදුවන්නේ.


අනිත් අයටත් කියවීමට Share කරන්න.

Thursday, September 14, 2017

සිල් රෙදි ව්‍යාපෘතියේ මුල සිට අගටම මෙන්න.. මහින්ද රාජපක්ෂ මැතිතුමා සියල්ල පහදයි..


මාධ්‍ය නිවේදනය: සිල් රෙදි ව්‍යාපෘතිය

හිටපු ජනාධිපති ලේකම් ලලිත් වීරතුංග හා විදුලි සංදේශ නියාමන කොමිසමේ හිටපු අධ්‍යක්‍ෂ ජනරාල් අනූෂ පැල්පිට දණ්ඩ නීති සංග්‍රහයේ අංක 386 වගන්තියට අදාලව වරදකරුවන් බවට මහාධිකරණය විසින් තීන්දු කර ඇත. මෙහිදී චෝදනාව වූයේ විදුලි සංදේශ නියාමන කොමිසමට අයත් රුපියල් මිලියන 600ක මුදලක් ජනාධිපති ලේකම් කාර්යාලයේ ගිණුමකට බැරකර සිල්රෙදි බෙදා දීම සඳහා සාවද්‍ය ලෙස පරිහරණය කර තිබෙන බවයි. මේ සඳහා මෙම නිලධාරීන් දෙදෙනාට ලැබී ඇති දඩුවම වන්නේ බරපතල වැඩ ඇතිව අවුරුදු තුනක සිර දඩුවමක් සහ එක් අයෙකුට රුපියල් මිලියන 02 බැගින් දඩයකි. එයට අමතරව විදුලි සංදේශ නියාමන කොමිසමට එක් අයෙකු රුපියල් මිලියන 50 බැගින් වන්දියක් ගෙවිය යුතු වන අතර එම මුදල ගෙව්වේ නැතිනම් තවත් අවුරුදු 02ක බරපතල වැඩ ඇතුව සිර දඩුවම් නියම වෙනු ඇත. මේ කාරණය ගැන බොහෝ අය මගෙන් විමසා සිටින නිසා මේ සම්බන්ධයෙන් මගේ අදහස් ජනතාව ඉදිරියේ තැබිය යුතු යැයි සිතමි.

මේ නඩු තීන්දුවෙන් හා දඩුවමෙන් මුලු රමට විමතියටත් කනස්සල්ලටත් පත් වී ඇත. ලලිත් වීරතුංග හෝ අනූෂ පැල්පිට සිල්රෙදි මිලදී ගැනීම සඳහා යොදවා ඇති මුදල් තමන්ගේ ප්‍රයෝජනයට ලබාගෙන නැති බව නඩු තීන්දුවේම සඳහන් වේ. මගේ දෘෂ්ඨිකෝණයෙන් බලන කල මොවුන් කර ඇත්තේ රටේ ජනාධිපතිවරයා විසින් ඔවුන් වෙත ලබාදුන් නීත්‍යානුකූල නියෝගයක් ක්‍රියාත්මක කිරීම පමණි. මා විසින් ඔවුන්ට මේ සම්බන්ධයෙන් ලබා දී තිබූ වාචික උපදෙස් ලලිත් වීරතුංග මහතා ජනාධිපති ලේකම් කාර්යාලයේ ලිපිගොනුවල වෙනත් නිලධාරීන්ගේ දැනගැනීම පිණිස සිය අත් අකුරින්ම තබා ඇති සටහන් වලින් පැහැදිලි වේ. 2014 මාර්තු 20 වනදා ජනාධිපති ලේකම් කාර්යාලයේ ජ්‍යෙෂ්ඨ සහකාර ලේකම්ගේ අවධානය පිණිස තබන ලද ලිඛිත සටහනක ජනාධිපති විශේෂ සංවර්ධන මූලාරම්භ ගිණුම යටතේ 2014 වසර තුළ ‍සිදුකල යුතු බවට මා විසින් නියෝග දුන් ව්‍යාපෘති අටක් පිළිබඳ විස්තර සටහන් කොට ඇත.

මේ ලැයිස්තුවේ 6 වෙනි අංගය වූයේ පෝය දිනවල පන්සල් වල සිල් ගන්නා බැතිමතුන්ට ද්‍රව්‍යමය ආධාර සැපයීමේ ව්‍යාපෘතියකි. එම ලැයිස්තුවේ තිබුණු සෙසු අංග අතර කොතලාවල ආරක්‍ෂක විශ්ව විද්‍යාලයේ පරිඝනක අංශයට හා කලින් මායිම් ගම්මාන වශයෙන් හැඳින්වූ ප්‍රදේශවල අඩු ආදායම්ලාභී පවුල් වලට නිවාස ඉදි කිරීමට ආධාර කිරීම වැනි ව්‍යාපෘති විය. 2014 මැයි 12 වනදා වීරතුංග මහතා සිය ජ්‍යෙෂ්ඨ සහකාර ලේකම්වරයාට සටහනක් තබමින් පවසා සිටියේ පෝය දිනවල සිල් ගන්නා බැතිමතුන්ට සිල්රෙදි බෙදා දිය යුතු බවට මම උපදෙස් දී ඇති බවයි. මේ ජනාධිපතිවරණය කැඳවීමට බොහෝ කලකට පෙරය. වසරකට රුපියල් මිලියන 1,000 ක මුදල් ප්‍රතිපාදනයක් සහිතව 2012 දී ආරම්භ කරන ලද ජනාධිපති විශේෂ සංවර්ධන මූලාරම්භ ගිණුමේ කාර්යභාර්ය වූයේ වෙනත් අමාත්‍යංශ හා දෙපාර්තමේන්තු වල වැඩසටහන් වල හිඩැස් පිරවීම හා ජනාධිපතිවරයාට ඍජුව කෙරෙන ඉල්ලීම් වලට ප්‍රතිචාර දැක්වීමයි. මේ යටතේ ආරම්භ වූ සිල්රෙදි ව්‍යාපෘතිය ක්‍රියාත්මක කරනු ලැබුවේ ජනාධිපති ලේකම් කාර්යාලයේ ආගමික කටයුතු සම්බන්ධීකරණ ලේකම් ධූරය දැරෑ වටිනාපහ සෝමානන්ද හිමියන්ය.

සෝමානන්ද හිමිගේ ඉල්ලීම පරිදි සමෘද්ධි නිලධාරීන් මාර්ගයෙන් රටපුරා පන්සල් වලින් සිල්රෙදිවල අවශ්‍යතාවය සමීක්‍ෂණය කරනු ලැබුවේ ආර්ථික කටයුතු අමාත්‍යංශය විසිනි. සිල්රෙදි සපයන පුදගලික කොන්ත්‍රාත්කරුවන් එක් එක් ප්‍රාදේශීය ලේකම් කොට්ඨාශවල නම් කරන ලද එක් ප්‍රධාන පන්සලකට මේ සිල්රෙදි භාර දෙනු ලැබූ අතර, සෙසු පන්සල් මේ ප්‍රධාන මධ්‍යස්ථානයෙන් තමන්ට අදාල සිල් රෙදි ප්‍රමාණය ලබා ගැනීම මෙහි ක්‍රමවේදය විය. මෙය පන්සල් 11,021 ක සහභාගීත්වයෙන් දීපව්‍යාප්තව සිදුකරන ලද ව්‍යාපෘතියකි. මෙකී සිල්රෙදි සපයන ලද්දේ පන්සල්වලට මිස ඡන්ද දායකයන්ට නොවේ. සිල්රෙදි පන්සලට ලැබුණු පසු එම සිල්රෙදි බෙදා දෙන්නේ කවදාද, කේසේද, කාටද යන්න තීන්දු කරනු ලැබුවේ විහාරාධිපති හිමිවරුන්ගේ අභිමතය පරිදිය. අසවල් දිනට පෙර මේ සිල්රෙදි බෙදා දිය යුතු යැයි පන්සල් වලට කිසිදු උපදෙසක් ලබාදී තිබුනේ නැත. විහාරාධිපති හිමිවරුන්ගේ අභිමතය පරිදි එම සිල්රෙදි එක්කෝ එවෙලේම නැතිනම් අවුරුද්දකට පසුව වුවද බෙදා දිය හැකි විය.

බෙදා හැරීමේ ක්‍රමවේදය තුළ දේශපාලන කාරණා මත සිල් රෙදි ලාභීන් තේරීමට කිසිඳු අවස්ථාවක් නොවීය. පාසල් නිල ඇඳුම් ව්‍යාපෘතිය යටතේ නිල ඇඳුම් බෙදා දෙන්නේද අවුරුද්දේ අන්තිමට වන අතර ඡන්දයක් තිබුණත් එය නැවැත්විය නොහැක. ඡන්දයක් පවතින අතර පාසල් නිල ඇඳුම් බෙදා දීමෙන් ඡන්දයේ ප්‍රතිඵලය වෙනස් වීමට ඉඩ තිබෙනවා යැයි කිසිවෙකුවත් කියන්නේ නැත. මෙම සිල් රෙදිද පාසල් නිල ඇඳුම් මෙන්ම බෞද්ධ බැතිමතුන්ට පොදුවේ බෙදා දෙනු ලැබූ රාජ්‍ය ආධාර විය. මේ සිල්රෙදි ව්‍යාපෘතිය සඳහාද යොදාගනු ලැබුවේ ආන්ඩුවේ පාසල් නිල ඇඳුම් ව්‍යාපෘතියේ පුද්ගලික සැපයුම්කරුවන්ම බවද සැලකිය යුතුය. වැඩිහිටියන්ට පමණක් නොව පෝය දිනවල සිල් ගන්නා දහම් පාසල් සිසුන්ටද සිල්රෙදි ලබාදෙනු ලැබීය. මෙකී සිල්රෙදි පැකැට්ටුවේ, “මහින්ද රාජපක්‍ෂ මැතිතුමන් මහින්ද චින්තන ප්‍රතිපත්තිවලට අනුව යමින් කරන දහම් පඞුරක්” කියමින් ලේබලයක් තිබුණු බව මෙම නඩු තීන්දුවේ සඳහන්ය.

නමුත් මෙය මේ සිල්රෙදි ලැබෙන්නේ කොතනින්දැයි පෙන්වන ලේබලයක් පමණක් මිස 1981 අංක 15 දරණ ජනාධිපති මැතිවරණ පනතේ ඡන්ද සමයේ මුද්‍රිත පත්‍රිකා ප්‍රදර්ශනය කිරීමට අදාල 72 හා 68 (1)(ඉ) වගන්ති උල්ලංගනය කරන්නක් නොවේ. ජනාධිපති මැතිවරණ පනතේ ඡන්ද දායකයන්ට ‘සංග්‍රහ’ කිරීමට අදාල 77 වන වගන්තියද මීට අදාල නොවන්නේ මේ සිල්රෙදි සපයනු ලැබුවේ පන්සල් වලට මිස ඡන්ද දායකයන්ට නොවන නිසාය. එමෙන්ම මේවා බෙදා හැරීමට කිසිඳු කාල වකවානුවක් ලබාදී නොතිබුණු අතර දේශපාලන භේද නොතකා සියලු පන්සල් හා බෞද්ධ බැතිමතුන් ආවරණය වන පරිදි මේ ව්‍යාපෘතිය ක්‍රියාත්මක විය. මෙය ඡන්ද සමයේ පොදු දේපල අවභාවිතය සම්බන්ධ නඩුවක් හැටියට හුවා දැක්වීමට ඇතැම් අය උත්සාහ ගත්තද ලලිත් වීරතුංගට හා අනුෂ පැල්පිටට එරෙහිව ඡන්ද නීති උල්ලංගනය කිරීම සම්බන්ධයෙන් කිසිදු චෝදනාවක් ගොනුකරනු ලැබුව නැත. අපරාධ නඩු විධාන සංග්‍රහයේ අංක 164(4) වගන්තිය අනුව, යම් චූදිතයෙකුට එරෙහිව චෝදනා ගොනු කිරීමේදී ඔවුන්ට දඩුවම් පැමිණවිය හැකි වරදට අදාල නිතිය පැහැදිලිව සඳහන් විය යුතුය. නමුත් එවැන්නක් මෙහිදී සිදුවී තිබෙන බවක් නොපෙනේ.

මේ ව්‍යාපෘතිය සඳහා මුදල් විදුලි සංදේශ නියාමන කොමිසමෙන් ලබා ගැනීමට සිදුවුයේ ජනාධිපති විශේෂ සංවර්ධන මූලාරම්භ ගිණුමේ මුදල් වෙනත් කටයුත්තකට යෙදවීමට සිදුවීම නිසාය. 2014 ඔක්තෝබර් 14 වන දා ජනාධිපති ලේකම් කාර්යාලයේ ප්‍රධාන ගණකාධිකාරීවරයා ලලිත් වීරතුංග මහතාට සටහනක් යොමු කරමින් පවසා සිටියේ 2014 වසර සඳහා ජනාධිපති විශේෂ සංවර්ධන මූලාරම්භ ගිණුමට ලබා දී ඇත්තේ රුපියල් මිලියන 1,000ක ප්‍රතිපාදනයක් බවත්, එයින් රුපියල් මිලියන 400 ක් කොතලාවල ආරක්‍ෂක විද්‍යාලයේ ව්‍යාපෘතියකට දීමට සිදු වී ඇති නිසා සිල්රෙදි ව්‍යාපෘතියට ප්‍රමාණවත් මුදල් නොමැති බවයි. මෙයට පිළිතුරු දෙමින් 2014 ඔක්තෝබර් 15 වන දා සටහනක් තැබු ලලිත් වීරතුංග පවසා සිටියේ කොතලාවල ආරක්‍ෂක විශ්ව විද්‍යාලයට යැවිය යුතු මුදල් ඔවුන්ට ලබා දිය යුතු බවත්, සිල්රෙදි ව්‍යාපෘතියට අවශ්‍ය මුදල් පසුව ප්‍රතිපූර්ණ කිරීමේ පදනම මත විදුලි සංදේශ නියාමන කොමිසමෙන් ලබා ගන්නා බවයි. 2014 ඔක්තෝබර් 30 වනදා විදුලි සංදේශ නියාමන කොමිසමේ අධ්‍යක්‍ෂ ජනරාල්වරයාට ලිපියක් ලියමින් වීරතුංග මහතා පවසා සිටියේ මේ සිල්රෙදි ව්‍යාපෘතිය සඳහා මූල්‍ය අනුග්‍රහය විදුලි සංදේශ නියාමන කොමිසමෙන් ලබා ගැනීමට තීන්දු කර ඇති බවයි.

ඒ අනුව විදුලි සංදේශ නියාමන කොමිසමේ අධ්‍යක්‍ෂ ජනරාල් අනූෂ පැල්පිට එදිනම මාණ්ඩලික පත්‍රිකාවක් සකස් කරමින් මේ සඳහා විදුලි සංදේශ කොමිසමේ අධ්‍යක්‍ෂක මණ්ඩලයේ අනුමැතිය ලබා ගැනිමට කටයුතු කලේය. මේ මාණ්ඩලික පත්‍රිකාවෙන් අධ්‍යක්‍ෂ මණ්ඩලයේ අවසරය ඉල්ලා සිටිනු ලැබුවේ, (1) ආර්ථික ප්‍රතිපාදනයක් හැටියට විදුලි සංදේශ නියාමන කොමිසමේ සමාජසේවා ගිණුමට රුපියල් මිලියන 600ක් වෙන් කිරීමටත් (2) මෙකී රුපියල් මිලියන 600 ජනාධිපති විශේෂ සංවර්ධන මූලාරම්භ ගිණුමට ලබා දීමටත් (3) මෙකී මුදල් විදුලි සංදේශ නියාමන කොමිසමේ සමාජ සේවා ගිණුම හරහා වැය කිරීමටත් යන කාරණා තුන සඳහාය. මෙකී මාණ්ඩලික පත්‍රිකාව 2014 දෙසැම්බර් 15 වනදා පවත්වනු ලැබූ අධ්‍යක්‍ෂක මණ්ඩල රැස්වීමට ඉදිරිපත් කරනු ලැබූ අතර එම යෝජනා තුනම කොමිසම විසින් ඒකමතිව සම්මත කරන ලදී. 2014 දෙසැම්බර් 5 වනදා අදාල මුදල විදුලි සංදේශ නියාමන කොමිසමෙන් ජනාධිපති ලේකම් කාර්යාලයේ ගිණුමට යවා තිබුණි. 2014 දෙසැම්බර් 29 වනදා ජනාධිපති ලේකම් කාර්යාලයේ ප්‍රධාන ගණකාධිකාරීවරයාට සටහනක් ලියමින් ලලිත් වීරතුංග මහතා පවසා සිටියේ 2015 වසර සඳහා මුදල් ප්‍රතිපාදන ලැබුණු විගස අදාල මුදල විදුලි සංදේශ නියාමන කොමිසමට ප්‍රතිපූර්ණ කල යුතු බවත් 2015 පළමු කාර්තුව ඇතුලත අඩුම වශයෙන් රුපියල් මිලියන 200ක් වත් එසේ ලබාදීමට කටයුතු කල යුතු බවයි.

1996 අංක 27 දරණ පනතින් සංශෝධිත 1991 අංක 25 දරණ ශ්‍රී ලංකා විදුලි සංදේශ පනතේ 22ඊ(3) වගන්තියට අනුව විදුලි සංදේශ නියාමන කොමිසමේ අධ්‍යක්‍ෂ මණ්ඩලයට එම කොමිසමේ ඕනෑම වියදමකට අනුමැතිය දීමට බලය ඇත. ශ්‍රී ලංකා ආණ්ඩුවේ මුදල් රෙගුලාසිවල අංක 218,115,65,66,68,93 හා 94 යන වගන්ති වලට අනුව ඒ ඒ අමාත්‍යංශ වල ‘ප්‍රධාන ගිණුම් තබන නිලධාරීන්ට’ තමා යටතේ තිබෙන එක් ආයතනයකින් තවත් ආයතනයකට ප්‍රතිපූර්ණ කිරීමේ පදනම මත මුදල් ලබා දීමට බලය ඇත. ජනාධිපති ලේකම් කාර්යාලයේ ප්‍රධාන ගිණුම් තබන නිලධාරියා වූයේ ලලිත් වීරතුංග මහතාය. ජනාධිපති ලේකම් කාර්යාලයේ ප්‍රධාන ගණකාධිකාරීවරයාට හා ජ්‍යෙෂ්ඨ සහාකර ලේකම්වරයාට ලලිත් වීරතුංග මහතා ලියා තිබුණු සටහන් උසාවියට ඉදිරිපත් කර තිබුණද තීන්දුව දීමේදී ඒ ලිඛිත සාක්‍ෂි මහාධිකරණය විසින් සැලකිල්ලට ගෙන නැත.

පැමිණිලි පාර්ශවය විසින් චූදිතයන්ට එරෙහි නඩුව ඔප්පු කිරීමට සාක්‍ෂි කරුවන් 21 දෙනෙකු උසාවියට ඉදිරිපත් කරන ලදී. මෙසේ පැමිණිල්ල විසින්ම ගෙන එන ලද සාක්‍ෂිකරුවන් ගණනාවක්ම, එනම්, පිළිවලින් අංක 13,20,15,04,14 හා 5 දරණ හේවගේ එමාලි ප්‍රියංකර, රුවනි සෞම්‍යා ගුණරත්න, වටිනාපහ සෝමානන්ද හිමි, සපුතන්ත්‍රිගේ චන්ද්‍ර ජගත්, මල්ලිකා කංකානම්ගේ ජයන්ත හා අමරසිංහ ලේකම්ලාගේ දොන් ගුණරත්න යන පැමිණිල්ලේ සාක්‍ෂිකරුවන් මේ නඩුවේ චූදිතයන් සමඟ ජනාධිපති ලේකම් කාර්යාලය හා විදුලි සංදේශ නියාමන කොමිසමේ සේවය කර ඇති බවත්, ඔවුන් මේ සිල්රෙදි ව්‍යාපෘතියටද සම්බන්ධ බවත්, ඔවුන් චූදිතයන්ට ලැදියාවක් ඇතුව සාක්‍ෂි ඉදිරිපත් කර ඇති බවත් කියමින් මහාධිකරණය ඔවුන් දුන් සාක්‍ෂි සැලකිල්ලට ගෙන නැත. මේ සාක්‍ෂිකරුවන් විත්තිය විසින් ගෙන එනු ලැබූ සාක්‍ෂි කරුවන් නොව පැමිණිල්ලේ සාක්‍ෂි කරුවන්ම වීම මෙහිදී සුවිශේෂ වෙයි.

මේ පූර්වාදර්ශය සියලුම රාජ්‍ය සේවකයන්ට ගැටළුකාරී තත්වයක් ඇති කරයි. උදාහරණයක් වශයෙන් රේගු දෙපාර්තමේන්තුවේ සේවකයකු ක්‍රියාපටිපාටි උල්ලංගනය කිරීමේ චෝදනාවක් මත උසාවියට ඉදිරිපත් කරනු ලැබුවහොත්, එවැනි චූදිතයෙකුට එරෙහිව ඇති චෝදනා ඔප්පු කිරීමට නැතිනම් නිශ්ප්‍රභා කිරීමට හැකි වන්නේ රේගු දෙපාර්තමේන්තුව තුලින්ම ලබා ගන්නා ලිඛිත හා වාචික සාක්‍ෂි වලට අනුවයි. රේගු දෙපාර්තමේන්තුවේ ක්‍රියාපටිපාටි හා භාවිතයන් පිළිබඳ විස්තර වෙනත් ආයතන වලින් ලබාගත නොහැක. මෙවැනි අවස්ථාවල, පැමිණිල්ලේ සාක්‍ෂිකරුවන් පවා සපයන සාක්‍ෂි, ඔවුන් වූදිතයන් සමඟ එකට සේවය කර තිබෙනවාය, එම නිසා ඔවුන් චූදිතයන්ට ලැදියාවක් දක්වනවා විය හැකිය යන පදනම මත එම සාක්‍ෂි සැලකිල්ලට ගැනීමෙන් වැලකී සිටිනවා නම්, මෙවැනි නඩුවල චූදිතයන්ට කිසිදා තමන්ගේ නිර්දෝශී භාවය ඔප්පු කිරීමට නොහැකිවෙනු ඇත. ලලිත් වීරතුංග මහතා එකල රටේ සිටි ඉහලම රාජ්‍ය නිලධාරියා වුවද, ඔහු තමා යටතේ සිටි නිලධාරීන්ට තම අත් අකුරින්ම ලියූ සටහන් හා නියෝග උසාවිය විසින් සැලකිල්ලට නොගෙන තිබීමද කාගෙත් අවධානයට යොමු වෙනු ඇත.

මෙය පූර්වාදර්ශයක් බවට පත්වුවහොත් යම් චෝදනාවක් මත උසාවියකට ඉදිරිපත් කරනු ලබන කිසිදු රජයේ සේවකයකුට තමාගේ නිර්දෝශීභාවය ඔප්පු කිරීමට ක්‍රමයක් නැතිවනු ඇත. විදුලි සංදේශ නියාමන කොමිසමේ මුදල් භාවිතා කිරීම සම්බන්ධයෙන් අනන්‍ය හා සම්පූර්ණ බලය ඇත්තේ එම කොමිසමේ අධ්‍යක්‍ෂ මණ්ඩලයට වුවත්, 2014 දෙසැම්බර් 15 වැනි දින අනූෂ පැල්පිට මහතාගේ මාණ්ඩලික පත්‍රිකාවට අධ්‍යක්‍ෂ මණ්ඩලයේ ඒකමතික අනුමැතිය ලැබී තිබීමද උසාවිය සැලකිල්ලට ගෙන නැත. මේ හේතුවෙන් අධ්‍යක්‍ෂ මණ්ඩල හරහා පාලනය වෙන පුද්ගලික අංශයේ හා රාජ්‍ය අංශයේ ආයතනවල කටයුතු දැඩි අවිනිශ්චිතතාවයකට ලක්වීම වැලැක්විය නොහැක.

ලලිත් වීරතුංගට හා අනුෂ පැල්පිටට දැඩි දඩුවම් පනවා ඇත්තේ ඔවුන් අල්ලස් ලබාගත් නිසාවත්, දූෂනයේ යෙදුණු නිසාවත් නොව ශ්‍රී ලංකා ආණ්ඩුක්‍රම ව්‍යවස්ථාවේ බුදු දහම ආරක්‍ෂා කිරීමට හා ප්‍රවර්ධනය කිරීමට අදාල 9 වන වගන්තිය යටතේ ආණ්ඩුවට පැවරෙන වගකීම් ඉටුකිරීම සඳහා පන්සල් වලට සිල්රෙදි බෙදා දිමට රාජ්‍ය නායකයා විසින් දෙනු ලැබූ නියෝගයක් පිළිපැදීම නිසාය. අපගේ ආණ්ඩුක්‍රම ව්‍යවස්ථාවට අනුව, ආණ්ඩුව මෙහෙයවනු ලබන්නේ ජනාධිපතිවරයාද ඇතුලත් කැබිනට් මණ්ඩලය විසිනි. රජයේ සේවකයන් විසින් සිදුකරනු ලබන්නේ ආණ්ඩුවේ ප්‍රතිපත්තිය ක්‍රියාත්මක කිරීමට සද්භාවයෙන් කටයුතු කිරීමයි. තමන් හොබවන තනතුර භාවිතා කර පුද්ගලික ලාභ ප්‍රයෝජන ලබා ගැනීමේ චෝදනා නැතිනම් ජනාධිපතිවරයාගේ හා කැබිනට් මණ්ඩලයේ නීත්‍යානුකූල නියෝග ක්‍රියාත්මක කරන රජයේ සේවකයන් ආරක්‍ෂා කිරීම සෑම ආණ්ඩුවකම පොදු ප්‍රතිපත්තිය විය යුතුය.

මහින්ද රාජපක්‍ෂ
ශ්‍රී ලංකාවේ හිටපු ජනාධිපති


අනිත් අයටත් කියවීමට Share කරන්න.

Tuesday, September 5, 2017

සරත් ෆොන්සේකාට කරුණා අම්මාන් ගෙන් කට උත්තර නැති වෙන්න පිළිතුරු.



[1]. පසුගිය 2015 ජනාධිපතිවරණ සමයේ මහින්ද රාජපක්ෂ ජනාධිපති තුමාට එරෙහිව එවකට විපක්ෂයෙන් එල්ල කළ චෝදනාවක් වූයේ සරත් ෆොන්සේකාව හිරේ දැමීමත් කරුණා අම්මාන්ට ඇමති කමක් දීමත් යන කාරණාවයි. මේ චෝදනාවේ ඇත්ත නැත්ත අපි විමසා බලමු.


[2]. සරත් ෆොන්සේකා එල්ල කළ චෝදනාව.

(i). මීට දින කිහිපයකට පෙරදී සරත් ෆොන්සේකා ප්‍රසිද්ධ මාධ්‍ය ප්‍රකාශයක් කරමින් පැවසූයේ ජගත් ජයසූරිය මහතා යුද පෙරමුණේ අත් අඩංගුවට ගන්නා අයට අදාලව අපරාධ කළ බවට තොරතුරු ලැබුණ බවත් ඊට අදාලව සාක්ෂි දෙන්න තමන් සූදානම් බවත් ය. එහි වීඩියෝව පහතින්.



(ii). නමුත් ඉහත සරත් ෆොන්සේකා එල්ල කරන චෝදනාව පට්ට පල් බොරුවක් බව බැලූ බැල්මටම වටහා ගැනීමට පහත තර්ක 2 ප්‍රමාණවත් ය. එනම්, 1. ජගත් ජයසූරිය මහතාට එරෙහිව එකදු හෝ අපරාධමය සාක්ෂියක් තිබේනම් සරත් ෆොන්සේකා මාධ්‍ය වෙත පැමිණ ඒවා ගැන කියනවා වෙනුවට පසුගිය අවුරුදු 2 තුළදී යුධ අධිකරණයේ නඩු පැවරීමට තිබුණි. 2. පසුගිය අවුරුදු 2 පුරාවටම ජෙනරල් ජගත් ජයසූරිය මහතා බ්‍රසීලයේ තානාපති ලෙසේ සේවය කළේය. එතුමා කිසියම් අපරාධයක් කළ බවට සරත් ෆොන්සේකා සැකයක් හෝ තිබුණානම් ඔහු ඒ ගැන ඔහුගේම නායකයින් වන ජනපති අගමැති දැනුවත් කරන අතර එවිට එම තානාපති තනතුර ඔහුට දරන්නට වන්නේ නැත.

(iii). සරත් ෆොන්සේකා මේ වන විට ශ්‍රී ලංකා ආරක්ෂක හමුදාවේ නිලධාරියෙක් දරන ඉහලම නිලය වන ෆීල්ඩ් මාෂල් නිලය දරයි. ඊට අමතරව ඔහු කැබිනට් ඇමතිවරයෙකි. රටේ පවතින්නේ ඔහුට සහය දෙන ආණ්ඩුවකි. රටේ අගවිනිසුරුවරයාගේ සිට නීතිපතිවරයා දක්වා ඔහුට සහය දෙන ආණ්ඩුවෙන් පත් කළ නිලධාරී ය. ඔහු කියන චෝදනා ඇත්තක්නම් මාධ්‍ය වෙත පැමිණ චරිත ඝාතන සිදු නොකොට පසුගිය දෙවසර තුළ ලෙහෙසියෙන්ම නීතිමය ක්‍රියාමාර්ග ගැනීමට තිබුණි. එසේ කළේ නැත. ඒ වෙනුවට ජගත් ජයසූරිය මහතා කිසිදු චෝදනාවක් නොමැතිව තානාපති සේවාවේ නියැලෙමින් රටට සේවය කළේය. ඒ අනුව සනාථ වන්නේ සරත් ෆොන්සේකා පවසන්නේ නීතිය ඉදිරියේ ඔප්පු කළ නොහැකි ඔහුගේම හිතලුවක් බවයි.

(iv). සරත් ෆොන්සේකා විසින් එම චෝදනාව එල්ල කරන්නේ බ්‍රසීලයේදී ජෙනරල් ජගත් ජයසූරිය මහතාට එරෙහිව කොටි සංවිධානයට සහය දෙන විදේශික ඩයස්පෝරා පිරිසක් විසින් නඩු පැවරීමෙන් අනතුරුවයි. එසේනම් සාක්ෂි නොමැති වුවද ශ්‍රී ලංකාවේ සිටින ෆීල්ඩ් මාෂල් වරයාගේ ඉහත ප්‍රකාශය පමණක් සාක්ෂියක් ලෙස අදාල නඩුවේදී ඉදිරිපත් වෙනු ඇත. ඒ අනුව සරත් ෆොන්සේකා කටයුතු කරන්නේ කා වෙනුවෙන් දැයි පැහැදිළි වෙයි.


[3]. කරුණා අම්මාන්ගෙන් සරත් ෆොන්සේකාට පිළිතුරු.

(i). සරත් ෆොන්සේකාගේ එකී දේශද්‍රෝහී ප්‍රකාශයට පිළිතුරු ලෙස කරුණා අම්මාන් 2017/09/04 දිවයින පුවත්පතෙන් පවසා ඇත්තේ මෙයයි. මූලාශ්‍රය මෙතනින්.


(ii). එසේම 2015 පෙබරවාරි  27 ලංකාදීප පුවත්පතෙන් කරුණා අම්මාන් පවසා ඇත්තේ පසුගිය යුද්ධයේදී ශ්‍රී ලංකා ආරක්ෂක හමුදාව අතින් යුද අපරාධ සිදු නොවූ බවයි. මූලාශ්‍රය මෙතනින්.


මහින්ද යුගයේදී මෙන් තමන්ට නිසි දේශපාලන රැකවරණයක් නොමැතිවද කරුණා අම්මාන් පවසන ඉහත ප්‍රකාශ දෙස බැලීමේදී, ඔහු සහ සරත් ෆොන්සේකා අතර වෙනස පැහැදිළියි නේද?


[4]. සරත් ෆොන්සේකා සිය ඉහත ප්‍රකාශයට අමතරව තවත් බරපතල කටයුතු කීපයක්ම සිදු කර තිබේ. යහපාලන වෙබ් අඩවි වල මෙන් මඩ නොව, මූලාශ්‍ර වීඩියෝ සහිතවම එම ප්‍රකාශ පහතින්...

(i). ඕන කෙනෙකුට වෙඩි තියන්න, සුදු කොඩි තිබුණත් වෙඩි තියන්න ආදී ලෙස ආරක්ෂක ලේකම්වරයා උපදෙස් දුන් බව පවසයි.



(ii). සුදු කොඩි කතාවෙන් නොනැවතී ඔහු පැවසූයේ පුදුකුඩි ඉරිප්පු හි ඉස්පිරිතාලයකට වැරදීමකින් මෝටාර් දැමූ බවයි. කොටින්ගේ එම මඩ චෝදනාව ඔප්පු කරගැනීමට කිසිදු සාක්ෂියක් නොමැතිව තිබියදී සරත් ෆොන්සේකා විසින් සිදුකළ දෙවන පාවාදීම එයයි.



(iii). ප‍්‍රභාකරන් සැමරුවාට ප‍්‍රශ්ණයක් නැතැයි පවසයි. මිය ගිය කොටි සැමරුවා කියා ජාතික ආරක්‍ෂාවට කිසිම ප‍්‍රශ්නයක් වෙන්නේ නැතැයිද ඔහු සදහන් කරයි.



(iv). යුධ අපරාධ වලට හේතුව තමන් විසින් හමුදාව පාවාදීම බව හිටපු හමුදාපති සරත් ෆොන්සේකා පැහැදිළි කරයි. සරත් ෆොන්සේකා සිරගත වීම ගැන කණගාටු වෙන අයට පහත වීඩියෝවෙන් තම සිරගත වීම සාධාරණීකරනය කරමින් ඔහුම පිළිතුරක් ලබා දී තිබේ.



මානුෂික මෙහෙයුමේ මුල් භාගය සිදුවූයේ සරත් ෆොන්සේකා නොමැතිව යි. බෝම්බ ප්‍රහාරයකින් අසාධ්‍යව සිටි සරත් ෆොන්සේකාව සිංගප්පූරුවට යවා ප්‍රතිකාර කළේ ජනාධිපති මහින්ද රාජපක්ෂ මැතිතුමාගේ මැදිහත්වීමෙනි. එසේම මානුෂික මෙහෙයුම ආරම්භ වෙද්දී සරත් ෆොන්සේකා සිටියේ ලෙඩ ඇඳේ වන අතර කාලයක් ගත වෙන තුරු ඔහුට හරියට කතා කරගැනීමටවත් නොහැකි විය. එසේ වූයේ ඔහු යුද බිමේ දැක්වූ වීරක්‍රියාවක් නිසා නොව, තමන්ගේම ආරක්ෂක දුර්වලතාවයක් නිසා කොළඹ අධි ආරක්ෂක කලාපයේ පිහිටි තම මූලස්ථානය තුළට පැමිණි කොටි කතකගෙන් බෝම්බ කෑමෙනි. යුද බිමේ දක්ෂතා දැක්වූ සෙන්පතියන් කෙරෙහි වෛර කිරීමට එය ද හේතුවක් විය හැකිය.


[5]. මානුෂික මෙහෙයුම අතරතුරදී කරුණා අම්මාන්ට ඇමති කමක් දීම හරහා යුද උපක්‍රම ගණකාවක් සිදුවිය. ඒවායින් හෙළි කළ හැකි කරුණු කිහිපයක් පහත දැක්වේ.

(i). මානුෂික මෙහෙයුම ආරම්භ කිරීමට ප්‍රථමයෙන් සේනාධිනායක මහින්ද රාජපක්ෂ ජනාධිපති තුමා පැවසූයේ යටත් වීමට කැමති කොටි සාමාජිකයන්ට ආයුද බිම තබා යටත් විය හැකි බවය. එවකටත් කොටි සංවිධානයෙන් විරසකව සිටි කරුණා අම්මාන් ඇතුළු පිරිස සේනාධිනායකවරයාගේ දේශපාලන ප්‍රකාශයේ ප්‍රතිඵලයක් ලෙස ශ්‍රී ලංකා රජයටට පක්ෂපාතීව එකතු වුණි. එවිට තමන් කළ දේශපාලන ප්‍රකාශය ඔප්පු කරමින් තවත් යටත් වෙන අයට දිරි ගැන්වීමක් වශයෙන් කරුණා අම්මාන්ට රජයේ ඇමති ධූරයක් ලබා දුනි.

(ii). යුද්ධයකදී තීරණාත්මක කාර්යභාරයක් Psychological warfare (PSYWAR) සිදුකරයි. එය අතිශය සංකීර්ණ විශයක් වන අතර ඒ ගැන වැඩිදුර කියවීමට මෙතනින්. යටත් වෙන සතුරන්ට වරප්‍රසාද ලබා දීම මගින් යටත් වීමට බලාපොරොත්තුවෙන් සිටින සතුරන්ව යටත් වීමට දිරි ගැන්වීමත්, ඒ හරහා සතුරන්ගේ නායකත්වයට මානසිකව පහර දීමත් මෙහිදී සිදුකරන උපක්‍රමයකි.එය Rewards for Surrendered ලෙස හැඳින්වේ. Airborne leaflet propaganda මගින් ලෝකයේ බොහෝ යුද වලදී එය සිදුකළ හැටි මෙතනින්. හුදු නිදහස හෝ මුදල් ත්‍යාග මෙන් නොව රජයේ වරප්‍රසාද සහිත කැබිනට් ඇමති ධූරයක්ම ලබා දීම හරහා කොටි සංවිධානයට සිදුකළ මානසික ආතතිත දැඩි විය. එමගින් සාර්ථක ප්‍රතිඵල අත්වූ අතර, නම් වශයෙන් හෙළි කළ නොහැකි කොටි නායකයන් ඇතුළු බොහෝ පිරිසක් කරුණා ඇමති ධූරය ලබා ගැනීමත් සමග ශ්‍රී ලංකා හමුදාවට යටත් වුණි. එමගින් කොටි සංවිධානය දුර්වල විය. එසේ නොවන්නට ශ්‍රී ලංකා හමුදාවන්ට ඒ සියල්ලම සහිත ශක්තිමත් කොටින් සමග යුද වැදීමට සිදුවෙන අතර, යුද ජයග්‍රහණය සිදු නොවීමට එය හේතු වෙනු ඇත.

(iii). කොටි සංවිධානය වෙනම රටක් ඉල්ලමින් නැගූ මූලිකම චෝදනාව වූයේ ශ්‍රී ලංකා රජය මගින් දමිළ ජනතාවට දේශපාලන නිදහසක් ලබා නොදෙන බවයි. ඔවුන් එසේ කළේ ශ්‍රී ලංකා රජයේ දමිළ අමාත්‍යවරුන් මෙන්ම දමිළ පාර්ලිමේන්තු මන්ත්‍රීවරුන් සිටිය දී ය. ඒ අනුව ඔවුන්ගේ චෝදනාව බොරුවක් වේ. ඒ අතර තුර කොටි සංවිධානයෙන් වෙන් වූ කරුණා අම්මාන් ට රජයේ ඇමති ධූරයක් ලැබීමත් සමග ඔවුන්ගේ චෝදනව පට්ට පල් බොරුවක් බවට පත් විය. එනම් ජාත්‍යන්තරයට ගිය මතය වූයේ කොටි ත්‍රස්තවාදියෙකුට වුවද ආයුධ බිම තැබීමෙන් රටේ දේශපාලන ප්‍රවාහයට එක් වී ඇමති ධුරයකට එක් විය හැකි තරම් ශ්‍රී ලංකාවේ ප්‍රජාතන්ත්‍රවාදය ශක්තිමත් බවයි. එම හේතුව මත විදේශ රටවලින් කොටින්ට ලැබුණ බොහෝ ආධාර නැවැත්වීමට හැකි විය. එසේ නොවූවානම් ශ්‍රී ලංකා හමුදාවට යුද වැදීමට සිදුවන්නේ වඩාත් බරපතල ආයුධ තිබූ කොටි සමග යි.

(iv). ප්‍රභාකරන් ඇතුළු කොටි සංවිධානයේ බරපතල මොළ ශෝධනයකට ලක් වී සිටි උතුරේ දෙමළ ජනතාවට නැවතත් අනෙකුත් ශ්‍රී ලාංකිකයන් කෙරෙහි විශ්වාසය ඇති කිරීම, එනම් පුනරුත්ථාපනය වෙන කොටි සාමාජිකයන්ටත් නැවතත් සිවිල් සමාජයට එක් විය හැකි බවට පෙන්වා දීම කරුණා අම්මාන්ට ඇමති ධූරයක් පිරිනැමීම මගින් සිදු විය.

(v). ශ්‍රී ලාංකික හමුදාවට එරෙහිව ව්‍යාජ චෝදනා නගන කොටි ඩයස්පෝරාවට සහ අන්තර්ජාතික ප්‍රජාවට ප්‍රභාකරන්ගේ සමීපතමයෙක්ව සිට දැන් ශ්‍රී ලංකාව ඇමති කමක් දරන අයෙක් ලවාම පිළිතුරු දී ඔවුන්ව ජාත්‍යන්තරයේදී කට උත්තර නැති කිරීම ත් සිදුවූ තවත් උපක්‍රමය කි. කරුණා අමාන් ඇමතිවරයක් ලෙස පාර්ලිමේන්තුවේදී කළ පහත කථාවෙන් ඒ බව මනාව පැහැදිළි වෙයි.



තවත් බොහෝ හේතු කිව නොහැකි වුවද ඉහත කාරණා ටික බැලීමෙන් පමණක්, "කරුණා අම්මාන්ට ඇමති කමක් දුන්නේ ඇයි" කියල අහන අයවලුන්ට යතාර්ථය අවබෝධ වෙනු ඇතැයි සිතමු. එසේම කරුණා අම්මාන්ට එරෙහිව යහපාලන දේශපාලඥයන් ඇස් දෙකෙන් දැක්කා මෙන් පවසන ත්‍රස්තවාදී ක්‍රියා එකක් හෝ ඇත්තනම් පහුගිය අවුරුදු 2 තුළ ඔවුන් කළ යුතුව තිබුණේ අදාල කරුණු වලට කරුණා අම්මාන්ට එරෙහිව නඩු පැවරීමයි. නමුත් එසේ කළේ නැත.


අනිත් අයටත් කියවීමට Share කරන්න.