Mahinda Rajapaksa

Saturday, June 27, 2020

MCC ගිවිසුම සම්බන්ධයෙන් තවත් රහස් මෙන්න.



[1]. අග්‍රාමාත්‍ය මහින්ද රාජපක්ෂ මැතිඳුන් පසුගිය ජනාධිපතිවරණයේදී පැහැදිළිවම ප්‍රකාශ කළේ, තම ආණ්ඩුවෙන් කිසිදු විටෙකවත් MCC ගිවිසුම අත්සන් නොකරන බවයි. එතුමන් ඉදිරියටත් එම මතයේම සිටියි.


[2]. MCC ගිවිසුම අධ්‍යයනය කිරීම සඳහා පත් කරන ලද විද්වත් කමි‍ටු වාර්තාව පසුගිය දා එළිදැක්වුණි. සම්පූර්ණ වාර්තාව මෙතනින්. එම වාර්තාව සම්බන්ධයෙන් ජනාධිපති මාධ්‍ය අංශයෙන් නිකුත් කරන ලද නිවේදනයෙන් MCC ගිවිසුමේ භයානකත්වය පැහැදිලි වේ.



[3]. එහි ඇති ප්‍රධාන කරුණු දෙකක් සම්බන්ධයෙන් මෙම ලිපියෙන් අවධානය යොමු කෙරේ. එනම්,
(i). පසුගිය රජය 2017 සහ 2018 වසරවල MCC ගිවිසුමේ අදියර දෙකකට අත්සන් තබා ඇත.
(ii). ඒ යටතේ ඇමරිකානු ඩොලර් මිලියන 7.4 ක් සහ මිලියන 2.6 ක් ප්‍රදානය කර ඇතත් ඊට අදාල ගිණුම් විස්තරයක් කිසිදු තැනක දක්නට නැත.


[4]. පසුගිය ජනාධිපතිවරණයට පෙර MCC ගිවිසුම අත්සන් කරන බවට පැතිර ගිය ආරංචිය සමග අතිපූජ්‍ය උඩුදුම්බර කාශ්‍යප හිමියන් නිදහස් මන්දිරයේදී උපවාසයක් ආරම්භ කළහ.


එහිදී එවකට ජනාධිපති අපේක්ෂක ගෝඨාභය රාජපක්ෂ මහතා පැහැදිළිවම ප්‍රකාශ කළේ MCC ගිවිසුම අත්සන් නොකරන බවයි. එසේම සජිත් ප්‍රේමදාස මහතාද පැහැදිළිවම ප්‍රකාශ කළේ ජනාධිපතිවරණයට පෙර MCC අත්සන් නොකරන බවයි. ප්‍රධාන අපේක්ෂකයන් දෙදෙනාගේම ප්‍රකාශ නිසා අතිපූජ්‍ය උඩුදුම්බර කාශ්‍යප හිමි උපවාසය නතර කළහ. සජිත් ප්‍රේමදාස මහතාගේ ලිපිය පහතින්.


නමුත් MCC ගිවිසුමේ අදියර දෙකකට පසුගිය රජය ඒ වෙන විටත් අත්සන් කර තිබීමෙන් සජිත් ප්‍රේමදාස මහතා මේ රටේ අතිපූජනීය මහා සංඝරත්නය බොරු කියා රවටා ඇති බවට අනුමාන කිරීමට සිදුවේ. එවකට ආණ්ඩුවේ,
(i). ප්‍රබලතම කැබිනට් අමාත්‍යවරයෙක් වූද,
(ii). එජාපයේ නියෝජ්‍ය නායකයා වූද,
(iii). එජාප ජනාධිපති අපේක්ෂකයා වූද
සජිත් ප්‍රේමදාස මහතා එවකට ආණ්ඩුවේ ජාත්‍යන්තර ගිවිසුම් නොදන්නවා කියන්නේනම් එය විශ්වාස කළ නොහැකියි.


[5]. අනෙක් අතට "ඇමරිකානු ඩොලර් මිලියන 7.4 ක් සහ මිලියන 2.6 ක් ප්‍රදානය කර ඇතත් ඊට අදාල ගිණුම් විස්තරයක් කිසිදු තැනක දක්නට නැත." යනුවෙන් විද්වත් කමි‍ටු වාර්තාවේ දැක්වීම මගින් MCC ගිවිසුම හරහා එවකට ආණ්ඩුවේ ප්‍රබලයන් විසින් ඩොලර් මිලියන 10 ක (ආසන්න වශයෙන් රු 1,500,000,000.00 ක) අති දැවැන්ත වංචාවක් සිදුකර ඇති බවට අනුමාන කිරීමට සිදුවේ.

මෙම අති දැවැන්ත වංචා චෝදනාව ශ්‍රී ලංකාව සම්බන්ධයෙන් බරපතල අපරාධයක් වන්නේ එය තවත් එක් පගා ගැහිල්ලක් නොව, දේශද්‍රෝහී පාවාදීමක් උදෙසා ලබාගත් පගාවක් වන බැවිනි.

ඇමරිකාව විසින් එම ඩොලර් මිලියන 10 නාස්ති කර ඇතිනම් ඒවා එම ඇමරිකා නියෝජිතයින්ගේ පුද්ගලික මුදල් නොවේ. ඒවා ඇමරිකාවේ බදු ගෙවන ජනතාවගේ මුදල් ය. ඇමරිකානුවන්ගෙන් බොහෝ දෙනා බදු ගෙවන්නන් වන අතර ඔවුන් තම බදු මුදල් රජය විසින් වියදම් කරන ආකාරය ගැන දැඩි අවධානයකින් පසු වෙයි.


[6]. 2018 ජූනි 13 දින ඇමරිකානු එම්බසි වෙබ් අඩවියේ මෙලෙස වාර්තාවක් පළ විය. http://archive.is/8zVta

එහි දැක්වෙන දෑ විවිධාකාරයෙන් අර්ථ නිරූපනය කළ හැකි නිසා ගූගල් පරිවර්තනය පහතින් දක්වමි. [Original]


විද්වත් කමි‍ටු වාර්තාවේ ඇති කරුණු යළිත් සනාථ කරමින්, ඇමරිකන් එම්බසි වෙබ් අඩවියට අනුවත්
ඩොලර් මිලියන 7.4 ක් ඒ වෙන විටත් දී ඇත. ($7.4 million USD grant that MCC provided last July.)
ඇමරිකන් එම්බසි වෙබ් අඩවියේ දැක්වෙන පරිදි අත්සන් කර ඇත්තේ ඉතිරි ඩොලර් මිලියන 2.6 උදෙසායි. එයත් පසුව දී ඇති බවට විද්වත් කමි‍ටු වාර්තාවෙන් පැහැදිලි වේ.


[7].මේ සම්බන්ධයෙන් ඇමරිකානු එම්බසියෙන් නිකුත් කළ ටිවිටර් පණිවිඩය පහත දැක්වේ. 

http://archive.is/H66nN
http://archive.is/wip/H5kUH

ඊට ශ්‍රී ලාංකිකයෙක් දැක්වූ ප්‍රතිචාරය පහතින්.


(i). ඇමරිකන් එම්බසි ට්වීට් එකෙන් "පසුගිය රජය 2017 සහ 2018 වසරවල MCC ගිවිසුමේ අදියර දෙකකට අත්සන් තබා ඇත" යන විද්වත් කමි‍ටු වාර්තාවේ කරුණ ප්‍රතික්ෂේප කර නොමැත. ඒ අනුව MCC ගිවිසුම මේ වන විටත් යම් දුරකට ක්‍රියාත්මක වෙන බිහිසුණු තත්ත්වයක අප පසුවෙයි. ජාත්‍යන්තර ගිවිසුමක් යනු ඒකපාර්ශවිකව ඉරා විසි කළ හැක්කක් නොවේ. එසේ කළහොත් ශ්‍රී ලංකාවට ජාත්‍යන්තරයේ අනෙකුත් රටවල් වලින් ආර්ථික සම්බාධක වැටීමට වුවද ඉඩ ඇත. එනිසා අග්‍රාමාත්‍ය මහින්ද රාජපක්ෂ මැතිඳුන් විසින් මේ සම්බන්ධයෙන් දැනටමත් අවධානය යොමු කර කඩිනම් නීතිමය පියවර ගැනීම සඳහා නීතිවේදීන්ව යොමු කර ඇත.

(ii). "ඒ යටතේ ඇමරිකානු ඩොලර් මිලියන 7.4 ක් සහ මිලියන 2.6 ක් ප්‍රදානය කර ඇතත් ඊට අදාල ගිණුම් විස්තරයක් කිසිදු තැනක දක්නට නැත." යන විද්වත් කමි‍ටු වාර්තාවේ කරුණද එමගින් ප්‍රතික්ෂේප කර නොමැත. ඔවුන් දක්වා ඇත්තේ "රජයට මුදල් ලබා නොදුන් බවයි".

ඒ මුදල් ලබා දුන්නේ කාටද යන්න ගැටළුවකි. ඉතින් ගිණුම් ගත නොවීම පුදුමයක් නොවේ.

අනෙක් අතට අදියර දෙකකට අත්සන් තබා තිබියදී ඊට අදාල මුදල රජයට ලබා නොදී,  වෙනත් කාට හෝ ලබා දී ඇතිනම් එහිදී බරපතල දූෂණයක් සිදුවී ඇති බව පසක් වේ.

Monday, June 15, 2020

මහින්ද රාජපක්ෂ මැතිතුමන් විසින් පක්ෂ දෙකඩ කළා කියන අසාද් සාලිගේ චෝදනාවට පිළිතුරු.



මෙතෙක් කාලයක් ජනතාව දැනන් සිටියේ මහින්ද රාජපක්ෂ මැතිඳුන් යනු දෙකඩ වෙන්න ගිය රට බේරා ගත් නායකයා යනුවෙනි. නමුත් අසාද් සාලි පසුගිය දා පැවසූ කතාවෙන් පසුව පෙනී යන්නේ, දෙකඩ වෙන්නට ගිය රට බේරා ගැනීමට අමතරව, වේලුපිල්ලේ ප්‍රභාකරන් සමග අතට අත දී හොර ගිවිසුම් ගසා රට දෙකඩ කරන්නට ගිය දේශද්‍රෝහීන් ‍රැළත් එතුමන් විසින් දෙකඩ කර ඇති බවයි.

2015 දී යමපාලකයින් විසින් ජනාධිපති මහින්ද රාජපක්ෂ මැතිඳුන්ව පරාජය කළා පමණක් නොව ශ්‍රීලනිපයේ කොටසක් යමපාලනයට බිලිබාගෙන ශ්‍රීලනිපයද "දෙකඩ කළේය". ජාතික ආරක්ෂාව නැත්තටම නැති විය. එහි ප්‍රතිඵලය අපි 2019 පාස්කු දින දු‍ටුවෙමු. 97 වතාවක් බුද්ධි අංශ වලින් අනතුරු අඟවා තිබියදීත් 8 දෙනෙක්ගෙන් ජනතාව බේරාගන්න බැරි වූ යමපාලකයින්, ලෝක බලවතුන් පවා අසරණ වූ කොරෝනා වෛරසයෙන් රට බේරා ගන්නා හැටි සිතා බලන්න. එසේනම් මේ වෙද්දී කොරෝනා නිසා මුළු රටම විශාලාවක් වී ගෙයක් ගෙයක් පාසා මළමිනී ගොඩ ගැහෙනු ඇත.

ජනපතිවරණ පරාජයෙන් පසුව රට අරාජික වෙන බව පෙනෙද්දී මහින්ද රාජපක්ෂ මැතිඳුන් නිහඬව පැත්තකට වුණේ නැත. එසේ පැත්තකට වුණානම් අදත් රට පාලනය කරන්නේ යමපාලකයින් විසිනි. දෙවන වතාවටත් රට බේරා ගැනීමේ මෙහෙයුමට අත දැම්මේය. ගම් දනව් පාසා ගිහින් ජනතාව දැනුවත් කරමින් යමපාලනයට එරෙහිව ජනතාව සංවිධානය කළේය. දෙකඩ කර තිබූ ශ්‍රීලනිපය වෙනුවට අලුතෙන්ම පක්ෂයක් හැදුවේය. එදා මෙදා තුර තමන්ට හිතවත් ප්‍රාදේශීය නායකයින් දස දහසකට වඩා වෙන වෙනම හමුවී ඔවුන් හා සාකච්ඡා කරමින් දේශපාලන සේනාව සංවිධානය කළේය. එක පිට එක මඩ ගසා තිබූ තමන්ගේ සොයුරාගේ සියලුම මඩ සම්බන්ධයෙන් මාධ්‍ය නිවේදන මගින් ජනතාවට පිළිතුරු දී අවසානයේදී ඔහුගේ නිර්දෝශී කම සනාථ කරමින් ඔහුව ඉතිහාසගත ඡන්ද සංඛ්‍යාවකින් ජනාධිපති කරවීය.

අද එජාපය, දෙමළ සංධානය සහ මුස්ලිම් කොන්ග්‍රසය හඬා වැටෙන්නේ තමන්ව මහින්ද රාජපක්ෂ මැතිඳුන් විසින් දෙකඩ කර දමා ඇති බවයි. එදා තමන්ව ජනාධිපතිවරණයෙන් පරාජය කළ ප්‍රතිවාදියා අද තමන් යටතේ ඡන්දය ඉල්ලයි.

අතීතයේදී සොළී රජෙක් ලක්දිව ආක්‍රමණය කොට බිල්ලන් යොදවා ස්වේදේශිකයන් දොළොස් දහසක් පැහැර ගෙන සිරකරුවන් වශයෙන් දකුණු ඉන්දියාවට ගෙන ගියේය. මේ ගැන කිපුන "පළමුවන ගජබාහු" රජතුමා, තමන්ගේ නීල මහා යෝධයා සමග සේනාසහිතව දකුණු ඉන්දියාවට ගොස්, නීල මහා යෝධයා ලවා සොළී රජුට තර්ජනය කර බිය වද්දා, පැහැර ගත් දොළොස් දාහත් ඊට හිලව් ලෙසට දාසයන් ලෙසට සොළීන් දොළොස් දහසකුත් ‍රැගෙන ආවේය. මේ සිද්ධිය දකුණු ඉන්දීය වීර කාව්‍ය වන සීලප්පදිකාරම් නමැති ග්‍රන්ථයද සනාථ කරයි. එදා සිට වසර 2000 ක් පමණ කාලය ගත වී ඇත. නමුත් ඉතිහාසය පුනරාවර්තනය වේ.

- Mahinda.info Editor

Monday, April 27, 2020

කොරෝනා මර්දනය සඳහා ශ්‍රී ලංකා ආරක්ෂක හමුදාව සම්බන්ධ කරගැනීම ගැන එජාපෙන් ගහන මඩට පිළිතුරු.


කොරෝනා ව්‍යසනය මර්දනය කිරීම සඳහා ශ්‍රී ලංකා ආරක්ෂක හමුදාවන් සම්බන්ධ කරගැනීම ගැන එක්සත් ජාතික පක්ෂය ප්‍රමුඛ විපක්ෂ බලවේග විසින් දිගින් දිගටම මඩ ගසනු දක්නට ලැබේ. ඔවුන්ගේ ප්‍රධානතම චෝදනා දෙක වන්නේ
1. සෞඛ්‍ය ව්‍යසනයක් සම්බන්ධයෙන් සෞඛ්‍ය අංශය මිස හමුදාව මැදිහත් නොකරගත යුතුයි.
2.සිවිල් කටයුත්තකට හමුදාව සම්බන්ධ ක‍රැගැනීම නිසා හමුදා පාලනයක් ඇති වී තිබේ.

ඔවුන්ගේ එම චෝදනා දෙකට පිළිතුරු දීමට පෙර කොරෝනා ව්‍යසනය සම්බන්ධයෙන් බටහිර රටවල් වල ක්‍රමය කුමක්දැයි බලමු.
1. නිතරම වෙනස් වෙන විෂයක් වන බටහිර විද්‍යාව මත රඳා පවතිමින් ලෝක සෞඛ්‍ය සංවිධානයෙන් දෙන නිර්දේශ ඉස් මුදුනෙන් පිළිගැනීම. [source: 1 , 2 ]
2. ඒ අනුව යමින් මුලදී එය මිනිසාගෙන් මිනිසාට බෝ වෙන්නේ නැති බව සිතා නොසලකා හැරීම.
3. පසුව එය සාමාන්‍ය උණක් ලෙස නොසලකා හැරීම.
4. පසුව නීරෝගී ජනතාවට ශල්‍ය මුහුණු ආවරණ අනවශ්‍ය බව කීම.
5. පසුව ස්වයං නිරෝධායනයට ලක් වෙන්නට කියා වගකීම ජනතාවටම පැවරීම.
6. සමාජ දුරස්ථ භාවය පවත්වා ගන්නට කියා වගකීම ජනතාවටම පැවරීම.
7.  කොරෝනා සමාජය පුරාම පැතිරුණ පසුව දිගින් දිගටම ටෙස්ට් කිරීම.

එම රටවල් වල නායකයින්ගේ වැරදි තීරණ නිසාවෙන් ඒ රටවල ජනතාව අද විශාල ජීවිත ප්‍රමාණයකින් වන්දි ගෙවමින් සිටිති.

ශ්‍රී ලංකා රජයේ උපක්‍රමය වූයේ,

1. නිතරම වෙනස් වෙන විෂයක් වන බටහිර විද්‍යාවෙන් දෙන නිර්දේශ වලට එහා ගොස් ආරක්ෂාකාරී පියවර අනුගමනය කිරීම. (උදා: ලෝක සෞඛ්‍ය සංවිධානයට අනුව යමින් ලංකාවේ සමහර සෞඛ්‍ය බලධාරීන් නීරෝගී ජනතාවට ශල්‍ය මුහුණු ආවරණ අනවශ්‍ය බව කීවද, ආරක්ෂක අංශ වලට රජය ලබා දුන් සෘජු නියෝගය වූයේ ශල්‍ය මුහුණු ආවරණ පැළඳවීමට සියලුම ජනතාව යොමු කරවීමටයි. අද ශ්‍රී ලංකා රජයේ තීරණය නිවැරදි බව සෞඛ්‍ය බලධාරීන් පිළිගෙන ඇත. එසේම ලෝක සෞඛ්‍ය සංවිධානය මොනවා කීවද ශ්‍රී ලංකාවේ කොරෝනා ආසාදිත මෘත දේහ ආදාහනය කිරීමට අග්‍රාමාත්‍ය මහින්ද රාජපක්ෂ මැතිතුමන් සෘජු තීරණයක් ගත්තේය. එසේම එය ජනතාවට කාරුණිකව පැහැදිළි කර දුන්නේය. තව ටික දවසකින් ලෝක සෞඛ්‍ය සංවිධානය එයත් පිළිගත්තත් පුදුම නොවන්න. එසේම මේ දින වල වෙනත් ලෙඩක් හැදී මිය යන රෝගීන්ව වුවද ආරක්ෂිත බෑග් වල දමා අවමංගල්‍ය සිදුකිරීමට තීරණය කර ඇත.).



2. සංක්‍රමණිකයන්, රෝගීන්ට නිරාවරණය වූවන් සහ කොරෝනා ආසාදනය වූවායැයි සැක කරන පුද්ගලයන් සියල්ල රජයේ පූර්ණ පාලනය සහිත නිරෝධායන මධ්‍යස්ථාන තුළදී දින 21 කට නිරෝධායනයට ලක් කිරීම.

3. එම කාලය තුලදී ඔවුන්ව පැය 24 පුරාම අධීක්ෂණය කිරීම.

4. එහිදී හමුවෙන කොරෝනා රොගීන්ව රෝහල් ගත කිරීම සහ එහිදී බටහිර වෛද්‍ය ක්‍රමය අනුගමනය කරන අතරේම දේශීය වෙදකම්ද කිරීම.

5. නිරෝධායන මධ්‍යස්ථාන තුළදී දින 21 ඇතුළත අසනීප නොවන අය නිවෙස් බලා පිටත් කර තවදුරටත් දින 14 ක් මහජන සෞඛ්‍ය පරීක්ෂක වරුන්ගේ පූර්ණ අධීක්ෂණය යටතේ ස්වයං නිරෝධායනයට ලක් කිරීම.(දින 14 ක නිරෝධායනයෙන් පසුව කොරෝනා බෝ නොවන බවට බටහිර විද්‍යාවෙන් පැවසුවද නිරෝධායනයට දින 5 කට පසුවත් කොරෝනා පෙන්නුම් කෙරුණි. ශ්‍රී ලංකා රජය අමතර දින 7 ක නිරෝධානයක් සහ දින 14 ක ස්වයං නිරෝධායනයක ආරක්ෂිත පියවර ගැනීම නිසා විශාල අනතුරක් වැළකුණි).

6. රෝගීන් යැයි සැක සහිත පුද්ගලයන්ට නිරාවරණය වූවන් දින 21 ක් මහජන සෞඛ්‍ය පරීක්ෂක වරුන්ගේ පූර්ණ අධීක්ෂණය යටතේ ස්වයං නිරෝධායනයට ලක් කිරීම.

7. කිසියම් රෝගියෙක් ප්‍රදේශයක සැරි සරා තිබේනම් ඊට අදාල ප්‍රදේශයම සම්පූර්ණයෙන්ම වසා දැමීම. (Freeze)

8. ඇඳිරි නීතිය හරහා සමාජ දුරස්ථභාවය බලයෙන් (by-force) ඇති කිරීම.

9. රටේ ජනතාව පළාත් වශයෙන්, දිස්ත්‍රික් වශයෙන්, ග්‍රාමසේවා වසම් වශයෙන් වෙන් කොට තබා අවදානම් කළමනාකරනය කිරීම.

ඉහත දේවල් කරන්නට හැක්කේ ආරක්ෂක අංශයටයි. ඒකෙදි යොදා ගන්නා උපක්‍රම බොහෝමයක් මීට අවුරුදු 10 කට පෙර පුනරුත්ථාපන කඳවුරු වලදී (rehabilitation camps) සහ පලා ගිය කොටි සාමාජිකයන් සෙවිමේදී (Espionage) භාවිතා කර තිබේ..

මානුෂික මෙහෙයුමේ අවසන් භාගයේදී කොටින්ගේ පාලන ප්‍රදේශ වලින් සිවිල් වැසියන් දස දහස් ගණනින් ශ්‍රී ලංකා රජයේ පාලන ප්‍රදේශ වලට පලා එන්නට පටන් ගත්තෝය. ඒ අතරේ කොටි සාමාජිකයන්ද සිටි අතර ඒ අය වෙන් කර අඳුනාගන්නේ නැතිව ඔවුන්ව නිදහස් කරන්නට නොහැකි විය. ඉතින් පලා එන සිවිල් වැසියන් සම්බන්ධයෙන් මහින්ද රාජපක්ෂ ජනාධිපතිතුමාගේ ප්‍රතිපත්තිය වුණේ ඔවුන් සියල්ලටම මානුෂික ලෙස සැලකීමයි. "මානුෂික මෙහෙයුම" යන නම යොදා ගැනීමට එතුමන් විසින් නියම කළේත් ඒ නිසයි. ඒ අනුව ඔවුන් සියල්ලම යම් කාලයකට පුනරුත්ථාපන කඳවුරු (rehabilitation camps) වලට යොමු කරමින් කාර්මික අධ්‍යාපනයක් (වඩු, මේසන්, ගොවිතැන්, මැසීම් ආදී) දෙනු ලැබුණි. එය තුළ ස්ථාන ගත කරන බුද්ධි නිලධාරීන්, "CCTV", "Spy Cams", "Drones" ආදියෙන් එම ජනතාවගේ හැසිරීම ඉතාමත් සුපරික්ෂාකාරීව විද්‍යාත්මකව අධ්‍යයනය කළෝය. ත්‍රස්තවාදීන් අතරෙන් පලා ආ සිවිල් වැසියන් අතර සිටි ත්‍රස්ත අදහස් ඇත්තන්ට අනෙකුත් ජනතාව වෙත ත්‍රස්තවාදය වැපිරවීමට ඇති අවස්ථාව ඉන් අවහිර විය. එහි ප්‍රතිඵලයක් ලෙස කෙටි කාලයක් ඇතුළත කොටි සාමාජිකයන්ව වෙන් කර හඳුනාගත් අතර, අනෙකුත් ජනතාව අද සාර්ථකව තම ජීවිතය ගෙවා දමයි. ඒ අතරේම භයානක කළු කොටින් හැරුණ විට, අනෙකුත් කොටි සාමාජිකයන්වද වසර කිහිපයකින් පුනරුත්ථාපනය කෙරුණි. එසේම පලා ගිය කොටි සාමාජිකයන්ව අල්ලන්නත් විශේෂ සෝදිසි මෙහෙයුම් සිදුකෙරුණි. ඒ වැඩපිළිවෙළ කොතරම් සාර්ථක වුණාද කිවහොත් යුද්ධය අවසන් වීමෙන් පසුව ඉතිරි වූ එකදු ත්‍රස්තවාදියෙකුටවත් බෝම්බ පුපුරන්න්ට හැකි වූයේ නැත. මෙහිදීත් යොදා ගන්නේ එම වැඩපිළිවෙළේ අත්දැකීම් වන අතර මානුෂික මෙහෙයුමේ අත්දැකීම් වර්තමානයේදී අතිශය උපකාරී වී තිබේ.


කොරෝනා මර්දනයේදී නිරෝධායන මධ්‍යස්ථාන (Quarantine Centers) සඳහා භාවිතා කරන ක්‍රමය එදා පුනරුත්ථාපන කඳවුරු වල අත්දැකීම් ඇසුරෙන් සැකසූවකි. ගුවන්තො‍ටුපොළේ සිට පැමිණෙන ජනතාවට ක්ෂණිකව සමාජයට යාමට ඉඩ නොදී ඉතාමත් ආරක්ෂාකාරීව නිරෝධායන කඳවුරු වෙතට ගෙන ගොස් දින 21 කට නිරෝධායනය කෙරේ. ඒ කාලය තුළදී ඔවුන්ගේ සමාජ දුරස්ථභාවය අනිවාර්ය කරයි. නිරන්තර පරීක්ෂාවන් හරහා රෝගය ඇත්තේ කාටද කියා බලයි. රෝගය ඉස්මතු වුවහොත් වහාම රෝහල් ගත කරයි. ඒ අතර ඔවුන්ට ඉතාමත් ඉහළින් සැලකීම සඳහා මුදල් ප්‍රතිපාදන ලබා දෙයි. එදා මානුෂික මෙහෙයුමේදී භාවිතා කළ පුනරුත්ථාපනය නිසාවෙන් ත්‍රස්ත අදහස් ඇත්තන් සමාජයට යාම වැළැක්වූ  ආකාරයටම covid-19 වෛරසය ඇත්තන් අවශේෂ සමාජය වෙත ගොස් බෝ කිරීම නැවතෙයි.

නිරෝධායන මධ්‍යස්ථාන පවත්වා ගැනීම, ජන ජීවිතය මෙහෙයවීම ඇතුළු විශාල වගකීමක් ත්‍රිවිධ හමුදාවට දී තිබෙන්නේ ඒ නිසාවෙනි.

ආරක්ෂක හමුදාව මෙහෙයවීම ඇතුළු රටේ සියලුම තීරණ ගන්නේ ජනාධිපති තුමා, අගමැතිතුමා සහ කැබිනට් මණ්ඩලය විසින් නිසා ශ්‍රී ලංකාවේ හමුදා පාලනයක් ඇති වෙනවා යැයි එජාපෙන් කියන මැසිවිල්ලේද කිසිදු පදනමක් නැත. එදා අගමැතිගෙන් ජනපතිවරයාට කිසිදු සහයෝගයක් නොලැබුණද, වර්තමානයේ අග්‍රාමාත්‍යවරයා වශයෙන් මහින්ද රාජපක්ෂ මැතිතුමන් විසින් සිය සහෝදරයා වන ජනාධිපති ගෝඨාභය රාජපක්ෂ මැතිතුමන්ට සිය සම්පූර්ණ සහයෝගය ලබා දෙයි.
 
මේ අවස්ථාවේදී එක්සත් ජාතික පක්ෂය ආණ්ඩුවේ සිටියානම් ඔවුන් කිසිම විටෙකවත් හමුදාව සම්බන්ධ කර නොගන්නා බව ඔවුන්ගේ කතා වලින් පැහැදිළි වේ. එසේනම් යුරෝපයේ මෙන් කොරෝනා සමාජය කරා ව්‍යාප්ත වෙන අතර එවිට එජාපය නිතරම මතුරන මන්තරයක් වන "PCR Test" කරමින් සිටිනු ඇත. විපක්ෂයේ සිටියදී පවා තම එකමුතුව ‍රැක ගැනීමට නොහැකිව පක්ෂ දෙකකට කැඩුණ සජිත්-රනිල් දෙදෙනා අගමැති - ජනපති වූවානම්, මේ මොහොතේදී රටේ තත්ත්වය සිතා ගැනීමට පවා නොහැකි වෙනු ඇත.

Friday, April 10, 2020

LTTE ග්‍රහණයේ සිටි සිවිල් වැසියන්ව මුදා ගැනීමට මහින්ද ජනපතිඳුන් යෙදූ උපක්‍රමය මෙවර කොරෝනාවට එරෙහිවත් යොදාගත් අයුරු.


කොරෝනා ව්‍යසනය සම්බන්ධයෙන් බටහිර රටවල් වල නායකයින්ගේ ක්‍රමය වූයේ...
1. නිතරම වෙනස් වෙන විෂයක් වන බටහිර විද්‍යාව මත රඳා පවතිමින් ලෝක සෞඛ්‍ය සංවිධානයෙන් දෙන නිර්දේශ ඉස් මුදුනෙන් පිළිගැනීම. [source: 1 , 2 ]
2. ඒ අනුව යමින් මුලදී එය මිනිසාගෙන් මිනිසාට බෝ වෙන්නේ නැති බව සිතා නොසලකා හැරීම.
3. පසුව එය සාමාන්‍ය උණක් ලෙස නොසලකා හැරීම.
4. පසුව නීරෝගී ජනතාවට ශල්‍ය මුහුණු ආවරණ අනවශ්‍ය බව කීම.
5. පසුව ස්වයං නිරෝධායනයට ලක් වෙන්නට කියා වගකීම ජනතාවටම පැවරීම.
6. සමාජ දුරස්ථ භාවය පවත්වා ගන්නට කියා වගකීම ජනතාවටම පැවරීම.
එම රටවල් වල නායකයින්ගේ වැරදි තීරණ නිසාවෙන් ඒ රටවල ජනතාව අද විශාල ජීවිත ප්‍රමාණයකින් වන්දි ගෙවමින් සිටිති.


ශ්‍රී ලංකා රජයේ උපක්‍රමය වූයේ,

1. නිතරම වෙනස් වෙන විෂයක් වන බටහිර විද්‍යාවෙන් දෙන නිර්දේශ වලට එහා ගොස් ආරක්ෂාකාරී පියවර අනුගමනය කිරීම. (උදා: ලෝක සෞඛ්‍ය සංවිධානයට අනුව යමින් ලංකාවේ සමහර සෞඛ්‍ය බලධාරීන් නීරෝගී ජනතාවට ශල්‍ය මුහුණු ආවරණ අනවශ්‍ය බව කීවද, ආරක්ෂක අංශ වලට රජය ලබා දුන් සෘජු නියෝගය වූයේ ශල්‍ය මුහුණු ආවරණ පැළඳවීමට සියලුම ජනතාව යොමු කරවීමටයි. අද ශ්‍රී ලංකා රජයේ තීරණය නිවැරදි බව සෞඛ්‍ය බලධාරීන් පිළිගෙන ඇත. එසේම ලෝක සෞඛ්‍ය සංවිධානය මොනවා කීවද ශ්‍රී ලංකාවේ කොරෝනා ආසාදිත මෘත දේහ ආදාහනය කිරීමට අග්‍රාමාත්‍ය මහින්ද රාජපක්ෂ මැතිතුමන් සෘජු තීරණයක් ගත්තේය. එසේම එය ජනතාවට කාරුණිකව පැහැදිළි කර දුන්නේය. තව ටික දවසකින් ලෝක සෞඛ්‍ය සංවිධානය එයත් පිළිගත්තත් පුදුම නොවන්න).

2. සංක්‍රමණිකයන්, රෝගීන්ට නිරාවරණය වූවන් සහ කොරෝනා ආසාදනය වූවායැයි සැක කරන පුද්ගලයන් සියල්ල රජයේ පූර්ණ පාලනය සහිත නිරෝධායන මධ්‍යස්ථාන තුළදී දින 14 කට නිරෝධායනයට ලක් කිරීම. (මෙය දින 21 දක්වා දීර්ඝ කෙරුණි)

3. එම කාලය තුලදී ඔවුන්ව පැය 24 පුරාම අධීක්ෂණය කිරීම.

4. එහිදී හමුවෙන කොරෝනා රොගීන්ව රෝහල් ගත කිරීම සහ එහිදී බටහිර වෛද්‍ය ක්‍රමය අනුගමනය කරන අතරේම දේශීය වෙදකම්ද කිරීම.

5. නිරෝධායන මධ්‍යස්ථාන තුළදී දින 14 ඇතුළත අසනීප නොවන අය නිවෙස් බලා පිටත් කර තවදුරටත් දින 14 ක් මහජන සෞඛ්‍ය පරීක්ෂක වරුන්ගේ පූර්ණ අධීක්ෂණය යටතේ ස්වයං නිරෝධායනයට ලක් කිරීම.(දින 14 ක නිරෝධායනයෙන් පසුව කොරෝනා බෝ නොවන බවට බටහිර විද්‍යාවෙන් පැවසුවද නිරෝධායනයට දින 5 කට පසුවත් කොරෝනා පෙන්නුම් කෙරුණි. ශ්‍රී ලංකා රජය අමතර දින 14 ක ආරක්ෂිත පියවර ගැනීම නිසා විශාල අනතුරක් වැළකුණි).

6. රෝගීන් යැයි සැක සහිත පුද්ගලයන්ට නිරාවරණය වූවන් දින 21 ක් මහජන සෞඛ්‍ය පරීක්ෂක වරුන්ගේ පූර්ණ අධීක්ෂණය යටතේ ස්වයං නිරෝධායනයට ලක් කිරීම.

7. කිසියම් රෝගියෙක් ප්‍රදේශයක සැරි සරා තිබේනම් ඊට අදාල ප්‍රදේශයම සම්පූර්ණයෙන්ම වසා දැමීම. (Freeze)

8. ඇඳිරි නීතිය හරහා සමාජ දුරස්ථභාවය බලයෙන් (by-force) ඇති කිරීම.

9. රටේ ජනතාව පළාත් වශයෙන්, දිස්ත්‍රික් වශයෙන්, ග්‍රාමසේවා වසම් වශයෙන් වෙන් කොට තබා අවදානම් කළමනාකරනය කිරීම.

ඉහත දේවල් කරන්නට හැක්කේ ආරක්ෂක අංශයටයි. ඒකෙදි යොදා ගන්නා උපක්‍රම බොහෝමයක් මීට අවුරුදු 10 කට පෙර පුනරුත්ථාපන කඳවුරු වලදී (rehabilitation camps) සහ පලා ගිය කොටි සාමාජිකයන් සෙවිමේදී (Espionage) භාවිතා කර තිබේ..

මානුෂික මෙහෙයුමේ අවසන් භාගයේදී කොටින්ගේ පාලන ප්‍රදේශ වලින් සිවිල් වැසියන් දස දහස් ගණනින් ශ්‍රී ලංකා රජයේ පාලන ප්‍රදේශ වලට පලා එන්නට පටන් ගත්තෝය. ඒ අතරේ කොටි සාමාජිකයන්ද සිටි අතර ඒ අය වෙන් කර අඳුනාගන්නේ නැතිව ඔවුන්ව නිදහස් කරන්නට නොහැකි විය. ඉතින් පලා එන සිවිල් වැසියන් සම්බන්ධයෙන් මහින්ද රාජපක්ෂ ජනාධිපතිතුමාගේ ප්‍රතිපත්තිය වුණේ ඔවුන් සියල්ලටම මානුෂික ලෙස සැලකීමයි. "මානුෂික මෙහෙයුම" යන නම යොදා ගැනීමට එතුමන් විසින් නියම කළේත් ඒ නිසයි. ඒ අනුව ඔවුන් සියල්ලම යම් කාලයකට පුනරුත්ථාපන කඳවුරු (rehabilitation camps) වලට යොමු කරමින් කාර්මික අධ්‍යාපනයක් (වඩු, මේසන්, ගොවිතැන්, මැසීම් ආදී) දෙනු ලැබුණි. එය තුළ ස්ථාන ගත කරන බුද්ධි නිලධාරීන්, "CCTV", "Spy Cams", "Drones" ආදියෙන් එම ජනතාවගේ හැසිරීම ඉතාමත් සුපරික්ෂාකාරීව විද්‍යාත්මකව අධ්‍යයනය කළෝය. ත්‍රස්තවාදීන් අතරෙන් පලා ආ සිවිල් වැසියන් අතර සිටි ත්‍රස්ත අදහස් ඇත්තන්ට අනෙකුත් ජනතාව වෙත ත්‍රස්තවාදය වැපිරවීමට ඇති අවස්ථාව ඉන් අවහිර විය. එහි ප්‍රතිඵලයක් ලෙස කෙටි කාලයක් ඇතුළත කොටි සාමාජිකයන්ව වෙන් කර හඳුනාගත් අතර, අනෙකුත් ජනතාව අද සාර්ථකව තම ජීවිතය ගෙවා දමයි. ඒ අතරේම භයානක කළු කොටින් හැරුණ විට, අනෙකුත් කොටි සාමාජිකයන්වද වසර කිහිපයකින් පුනරුත්ථාපනය කෙරුණි. එසේම පලා ගිය කොටි සාමාජිකයන්ව අල්ලන්නත් විශේෂ සෝදිසි මෙහෙයුම් සිදුකෙරුණි. ඒ වැඩපිළිවෙළ කොතරම් සාර්ථක වුණාද කිවහොත් යුද්ධය අවසන් වීමෙන් පසුව ඉතිරි වූ එකදු ත්‍රස්තවාදියෙකුටවත් බෝම්බ පුපුරන්න්ට හැකි වූයේ නැත. මෙහිදීත් යොදා ගන්නේ එම වැඩපිළිවෙළේ අත්දැකීම් වන අතර මානුෂික මෙහෙයුමේ අත්දැකීම් වර්තමානයේදී අතිශය උපකාරී වී තිබේ.


කොරෝනා මර්දනයේදී නිරෝධායන මධ්‍යස්ථාන (Quarantine Centers) සඳහා භාවිතා කරන ක්‍රමය එදා පුනරුත්ථාපන කඳවුරු වල අත්දැකීම් ඇසුරෙන් මානුෂික මෙහෙයුමේ ජනාධිපතිව සිටි මහින්ද රාජපක්ෂ මැතිඳුන්ගේ උපදෙස් ප්‍රකාරව සැකසූවකි. ගුවන්තො‍ටුපොළේ සිට පැමිණෙන ජනතාවට ක්ෂණිකව සමාජයට යාමට ඉඩ නොදී ඉතාමත් ආරක්ෂාකාරීව නිරෝධායන කඳවුරු වෙතට ගෙන ගොස් දින 21 කට නිරෝධායනය කෙරේ. ඒ කාලය තුළදී ඔවුන්ගේ සමාජ දුරස්ථභාවය අනිවාර්ය කරයි. නිරන්තර පරීක්ෂාවන් හරහා රෝගය ඇත්තේ කාටද කියා බලයි. රෝගය ඉස්මතු වුවහොත් වහාම රෝහල් ගත කරයි. ඒ අතර ඔවුන්ට ඉතාමත් ඉහළින් සැලකීම සඳහා මුදල් ප්‍රතිපාදන ලබා දෙයි. එදා මානුෂික මෙහෙයුමේදී භාවිතා කළ පුනරුත්ථාපනය නිසාවෙන් ත්‍රස්ත අදහස් ඇත්තන් සමාජයට යාම වැළැක්වූ  ආකාරයටම covid-19 වෛරසය ඇත්තන් අවශේෂ සමාජය වෙත ගොස් බෝ කිරීම නැවතෙයි.

නිරෝධායන මධ්‍යස්ථාන පවත්වා ගැනීම, ජන ජීවිතය මෙහෙයවීම ඇතුළු විශාල වගකීමක් ත්‍රිවිධ හමුදාවට සහ පොලිසියට දී තිබෙන්නේ ඒ නිසාවෙනි. බුද්ධි අංශ යොදා ගනිමින් කොරෝනා රෝගීන්ව සොයා ගැනීම සහ නිරෝධායනය කිරීම ලෝකයේ අන් කිසිදු රටක මේ ආකාරයෙන් සාර්ථකව සිදුවූයේ නැත.

විජයග්‍රාහී මානුෂික මෙහෙයුමේ එදා ජනාධිපතිවරයා අද අග්‍රාමාත්‍ය තනතුර හොබවයි. එදා ආරක්ෂක ලේකම් වරයා අද ජනාධිපති තනතුර හොබවයි. එදා ඉදිරිපෙළ සේනාංකාධිපතිවරුන් දෙදෙනෙක් අද හමුදාපති සහ ආරක්ෂක ලේකම් තනතුර හොබවයි. ඒ ගැන හමුදාපති ශවේන්ද්‍ර සිල්වා මහතාම පැහැදිළි කළේ පහත ආකාරයටයි. (කාලය පැය 1:30:57 සිට)



කොරෝනා මර්දනයේ ඉදිරි පෙළ (front line) වන්නේ වෛද්‍යවරුන්, හෙදියන්, සෞඛ්‍ය පරීක්ෂකවරුන් ඇතුළු සෞඛ්‍ය අංශයයි. හමුදාව විසින් ඔවුන්ට පූර්ණ සහයෝගය ලබා දෙයි. සිය ජීවිත අවදානම නොතකා කොරෝනා රෝගීන්ට ප්‍රතිකාර කරන එකී සෞඛය කාර්ය මණ්ඩලයට ජාතියේම ගෞරවය හිමිවිය යුතුයි.

ඒ සියල්ල සිදුවෙන අතරේම
1. රටේ අත්‍යවශ්‍ය සේවා සිදුකරමින් ජන ජීවිතය පවත්වා ගැනීම.
2. රටේ ආර්ථිකය කඩා වැටීමකින් තොරව පවත්වා ගැනීම. ...සිදුකෙරේ.

මිලියන 22 ක ජනතාවකට ඇඳිරි නීතිය දමා ගෙවල් තුළ සිටියදී ඔවුන්ගේ අත්‍යවශ්‍ය සේවාවන් (ගොවිතැන, ආහාර සැපයුම, ඖෂධ ආනයනය සහ සැපයුම, විදුලිය, දුරකථන, අන්තර්ජාල, ජලය, ඉන්ධන) සිදුකිරීමේදී සුළු අඩුපාඩු සිදුවීම නොවැළැක්විය හැකියි. නමුත් සමස්තයක් ලෙස අපේ රටේ ආහාර සහ ඖෂධ බෙදා හැරීම සාර්ථකව පවතී.

පහත දැක්වෙන්නේ අල්ලපු රට වන ඉන්දියාවේ සමාජ ජාල වල වැදි බණ අසා එරට අගමැති මෝදි විසින් රටම Lock Down කිරීමේ ප්‍රතිඵලයයි. ජනතාවට දිගින් දිගටම පොලිසියෙන් ගුටි කෑමට සිදුවූ අතර අවසානයේදී බඩගින්නේ සිටීම නිසා මහ පාරට බැස්සෝය. අසාර්ථක වූ Lock Down එක නිසා අගමැති මෝදි ට ජාතියෙන් සමාව ඉල්ලන්න සිදුවිය.


ශ්‍රී ලංකාවේ භාවිතා කරන්නේ Lock Down හෙවත් "Attempted Quarantine" නොව "Extensive distancing" ක්‍රම්වේදයයි. ඇඳිරි නීතිය ක්‍රියාත්මක කිරීමෙන් අත්‍යවශ්‍ය සේවාවන්ට ඉඩ දෙන නමුත් අනෙකුත් අයව නිවාස වල තැබීම මගින් එය සිදුකෙරේ. ආසාදිත රෝගීන්ගේ හැසිරීම සම්බන්ධයෙන් Washington Post මගින් පළ කළ පහත සමාකරණය (Simulation) බලන්න.



ආරක්ෂක අංශය කොතරම් සංවිධානාත්මකව කොරෝනා මර්දනය කළත් ඒ සියල්ලටම වඩා බඩගින්න ලොකුය. වසර 2001 චන්ද්‍රිකා ආණ්ඩුව කඩා වැ‍ටුණේ එවකට ඇතිවූ ඉඩෝරය නිසා රටේ ආර්ථිකය කඩා වැටීම නිසයි. එහි ප්‍රතිඵලය වූයේ එජාපය බලයට අවුත් ඇතිකළ සටන් විරාම ගිවිසුම හරහා ප්‍රභාකරන්ට උතුරු නැගෙනහිර අත් වීමයි. නමුත් මෙවර ආර්ථිකය කඩා වැ‍ටුණොත් මිලියන 22 ක ජනතාවගේ ජීවිත ඉරණම තීන්දු වෙනු ඇත.

ආයුධ සඳහා දිනපතා බිලියන ගණනින් මුදල් වැයවුණ දරුණු යුද්ධයක් යන අතරතුරදී, ලෝක ආර්ථික අවපාතය, ලෝක ආහාර අර්බුදය පවා සිදුවෙද්දී ශ්‍රී ලංකාවේ ආර්ථිකය ‍රැක ගැනීමට එදාත් මුදල් ඇමතිවරයා වශයෙන් මහින්ද රාජපක්ෂ මැතිඳුන්ට හැකි විය. මෙවරත් රටේ ආර්ථිකය කඩා වැටීමෙන් තොරව පවත්වා ගැනීමේ භාරදූර වගකීම සඳහා ජනාධිපති ගෝඨාභය රාජපක්ෂ මැතිතුමන් විසින් අග්‍රාමාත්‍ය මහින්ද රාජපක්ෂ මැතිතුමන්ව මුදල් ඇමැති බවට පත් කළේ එනිසයි.

මුළු ලෝකයම ව්‍යසනකාරී අවස්ථාවක සිටියදී හිටපු මුදල් ඇමති මංගල සමරවීර මහතා එසේ පවසයි. විපක්ෂය විසින් රටේ ආර්ථිකය බංකොළොත් කිරීම සඳහා නීති තර්ක පවා ගෙන හැර පාන අවස්ථාවකදී, මහින්ද රාජපක්ෂ මැතිතුමන් මුදල් ඇමතිවරයා වශයෙන් රාජ්‍ය සේවකයන්ගේ වැ‍ටුප් ගෙවාගෙන, රටේ අත්‍යවශ්‍ය සේවාවන්ද සිදුකරවමින්, රටේ ආහාර සැපයුම අඩාල කරගන්නේත් නැතිව මුදල් ඇමතිවරයාගේ කාර්යභාරය සිදුකරමින් ගෝඨාභය ජනාධිපතිතුමාගේ ආරක්ෂක වැඩපිළිවෙලට සිය සහය ලබා දෙයි. ඒ අතරේ තම දේශපාලන ආධාරකරුවන් ලවා රජයේ කොරෝනා අරමුදලට විශාල මුදල් පරිත්‍යාගයන්ද සිදුකරවයි.

අප්‍රියෙල් 4 එව්න විට රට පුරාවටම කොරෝනා රෝගීන් දහස් ගණනින් ව්‍යාප්ත විය හැකි බව සමහර වියතුන් පවසා තිබුණි. නමුත්...,

1. ඇඳිරිනීතිය හරහා රජය විසින් සමාජ දුරස්ථභාවය ඇති කර තිබීම
2. රෝගීන්ට නිරාවරණය වූ බවට හඳුනාගත් සියල්ල නිරෝධායනය කර තිබීම
3. තවදුරටත් ආරක්ෂක අංශ මගින් රෝගීන්ව සහ රෝගීන්ට නිරාවරණය වූවන්ව සොයා මෙහෙයුම් සිදුකිරීම ....නිසා රටේ වසංගත තත්ත්වයක් ඇති නොවී ආරක්ෂා විය.

ලෝකයේ ජාතික ආරක්ෂාව අතින් බලවත්ම රට ලෙස සැලකෙන, ඒ වෙනුවෙන්ම ක්‍රියා කරන CIA, FBI, NSA, DIA, DEA, Homeland Security ආදී ඒජන්සි සහිත, 24/7/365 පුරාවටම අති නවීනතම තාක්ෂණය භාවිතා කරමින් රටට සිදුවෙන ඕනෑම ආකාරයේ සන්නද්ධ, න්‍යෂ්ඨික, රසායනික ප්‍රහාරයන්ට සූදානම්ව සිටින එක්සත් ජනපදයටවත් කොරෝනා ව්‍යසනයෙන් බේරෙන්නට නොහැකි විය. ලෝකයේ සෞඛ්‍ය සේවය අතින් දියුණුතම රටක් ලෙස සැලකෙන, බටහිර වෛද්‍ය විද්‍යාවේ මහගෙදර ලෙස සැලකෙන බ්‍රිතාන්‍යයටත් ඉන් බේරෙන්න බැරි විය. අප වැනි රටකට කොරෝනා පැමිණීමෙන් වළක්වා ගැනීම නොකළ හැක්කක් බව පැහැදිළියි. නමුත් රජයේත්, ආරක්ෂක අංශ වලත්, සෞඛ්‍ය අංශයේත් සහ සමස්තයක් ලෙස මහජනතාවගේත් කැපවීම නිසාවෙන් අපිට කොරෝනා ව්‍යසනය පාලනය කරගන්නට හැකි වී තිබේ. අප රට සම්පූර්ණයෙන්ම නිරුපද්‍රිත වීමටනම් ජනතාවගෙන් මේ දක්වා ලැබූ සහයෝගය ඉදිරි සති කිහිපයටත් අවශ්‍ය වී තිබේ.

Monday, March 30, 2020

ජනාධිපති සහ අගමැති ගැන හමුදාපතිතුමාගෙන් විශේෂ ප්‍රකාශයක්! (VIDEO)



ගෝඨාභය රාජපක්ෂ ජනාධිපතිතුමන් සහ මහින්ද රාජපක්ෂ අග්‍රාමාත්‍යතුමන් ගැන හමුදාපති ශවේන්ද්‍ර සිල්වා මහතා පැවසූ ප්‍රකාශය පහත වීඩියෝවේ කාලය පැය 1:30:57 සිට දැක්වෙනවා.



හමුදාව යනු සෑම විටම දේශපාලන නායකත්වය යටතේ ක්‍රියාතමක වෙන ආයතනයක් බවත්, දක්ෂ ජනාධිපතිවරයෙන් සහ අගමැතිවරයෙක් මේ අවස්ථාවේදී සිටින නිසා අපේ හමුදාවට මේ කටයුතු කරගැනීමට හැකි වූ බවත් හමුදාපතිතුමාගේ ප්‍රකාශයෙනුත් පැහැදිළි වෙනවා.

මහා ඇලෙක්සැන්ඩර් අධිරාජ්‍යයා "I am not afraid of an army of lions led by a sheep; I am afraid of an army of sheep led by a lion." යනුවෙන් පවසා තිබෙනවා .

1977 සිට 2005 දක්වාත්, 2015 සිට  2019 දක්වා යහපාලන ආණ්ඩුව කාලෙදිත් අපේ රටේ හමුදාව පත්ව සිටියේ "an army of lions led by a sheep" (බැටළුවෙක් නායකත්වය දරන සිංහ හමුදාවක්) තත්ත්වයටයි.

(1977-2005 කාලය) ඊළාම් යුද්ධයේ මුල් කාලයේදී ලුතිනන් ජෙනරල් ඩෙන්සිල් කොබ්බෑකඩුව මහතාගේ නායකත්වය යටතේ, මේජර් ජෙනරල් විජය විමලරත්න, ලුතිනන් කර්නල් ගෝඨාභය රාජපක්ෂ ආදී රණවිරුවන්ට යුද්ධය අවසන් කිරීමට හැකියාව තිබුණා. නමුත් එවකට නිසි දේශපාලන නායකත්වයක් තිබුණේ නෑ. ඒ විතරක් නෙමෙයි අර මුල් විරුවන් දෙදෙනාගේ ජීවිත පවා කුමන්ත්‍රණකාරී ලෙස අවසන් කළා. අවසානයේදී මහින්ද රාජපක්ෂ මැතිඳුන් ජනාධිපති වෙන තුරුම යුද්ධය ඇදි ඇදී ගියා. මහින්ද ජනපතිඳුන්ගේ දේශපාලන නායකත්වය යටතේ යුද්ධය අවසන් කරන්න ගියේ වසර 2.5 ක් වැනි කාලයක් පමණයි.

(2015-2019 කාලය) පාස්කු දින ප්‍රහාරය එල්ල කළ ත්‍රස්තවාදීන් ගැන හමුදා බුද්ධි අංශ වලින් 2017 කාලයේදීම එවකට දේශපාලන බලාධිකාරය දැනුවත් කරලා තිබුණා. නමුත් එය වළකාගැනීමට නොහැකි වූයේ නිසි දේශපාලන නායකත්වයක් නොතිබීම නිසයි.

මේ අවස්ථාවේදී යහපාලන ආණ්ඩුව තිබුණානම් වෙන දේ:

ජනාධිපති - කොරෝනා ගැන මම දැනගත්තේ පත්තරෙන්.
අගමැති - පවත්නා නීතිය යටතේ මේ ගැන කිසිවක් කරන්න බෑ.
පොලිස්පති - ආරක්ෂක මණ්ඩලය ‍රැස් වුණේ නැති නිසයි මේක වුණේ.
ආරක්ෂක ලේකම් - කොරෝනා වෛරසය ගැන අපි දැනන් හිටියා, ඒත් මෙච්චර ගොඩක් මැරෙයි කියල අපි දැනන් හිටියේ නෑ.
අධ්‍යාපන ඇමැති - ළමයි මැරුණට බය වෙන්න එපා, සුරක්ෂා රක්ෂණයෙන් රු ලක්ෂ 2 ක් ලැබෙනවා.
මුදල් ඇමැති - කොරෝනා අර්බුදයෙන් රටට වුණේ යහපතක්. ලොකු ගාණක් මැරුණොත් ගොඩක් විදේශ ආධාර ලැබෙනවා.
සෙටප් විපක්ෂය 1 - මේක රාජපක්ෂලාගේ කුමන්ත්‍රණයක්... අම්මපා.
සෙටප් විපක්ෂය 2 - කොරෝනා ගැන කියමින් රාජපක්ෂවරුන් විසින් සුළු ජාතීන්ගෙන් පළි ගන්නවා.
ජනාධිපති අපේක්ෂක - මම ජනතාව අතරට ගිහින් අත් වැල් අල්ලගෙන කොරෝනා හදාගෙන මැරෙන්න වුණත් සූදානම්.
ඩිජිටල් ඇමති - මගේ තාත්තා මට කිව්වා එලියට යන්න එපා කියලා, ඒ නිසයි මම එලියට ගියේ නැත්තේ. ජනතාවට කියන්න අමතක වුණා.
නීතිපති නිලධාරියා - නිරෝධායනය නොවූ සංක්‍රමණිකයන්ව අත් අඩංගුවට ගන්න කියල රහස් පොලිසියෙන් ඉල්ලීමක් කළා, නමුත් ඒකට වරෙන්තු නිකුත් කරන්න යම් ප්‍රමාදයක් වුණා
සෞඛ්‍ය ඇමති - GOMA එක්ට බය වෙලා ආණ්ඩුව තීරණ ගන්නේ නෑ.

යහපාලන කාලෙදි අවුරුදු දෙකකට කළින් බුද්ධි අංශ වලින් දැනුම් දීල තිබිලා, ප්‍රහාරයට දින කිහිපෙකට කළිනුත් බුද්ධි අංශ වලින් දැනුවත් කරලත්, ත්‍රස්තවාදීන් 9 දෙනෙක්ට 359 ක් ජනතාව මරා දාන්න පුලුවන් වුණානම්......, ඇමරිකාව එංගලන්තය ඉතාලිය ඇතුළු ලොව සෞඛ්‍ය සේවය අතිනුත් හමුදාමය අතිනුත් අති ප්‍රබල රටවල් අන්ත අසරණ වී ලෝකයේ 35000 කට වඩා මිය ගොස් ඇති (සහ ඇමරිකාවේ විතරක් මිලියන 2.2 ක් ජනතාව මිය යා හැකි බවට පුරෝකථනය වී ඇති) මේ මොහොතේදී යහපාලන ආණ්ඩුව තිබුණානම් අපේ රටේ තත්ත්වය ගැන සිතා බලන්න.

මීට අවුරුදු 10 කට කළින් හමුදාපති සරත් ෆොන්සේකා මහතා පැවසුවේත් මහින්ද රාජපක්ෂ සහ ගෝඨාභය රාජපක්ෂ මැතිතුමන්ලා නිසා යුද ජයග්‍රණය ලැබීමට හැකි වූ බවයි.





ඒ අනුව ජනාධිපතිතුමා සහ අගමැතිතුමා ගැන හමුදාපති ශ්‍රවේන්ද්‍ර සිල්වා මහතාගේ ප්‍රකාශය දේශපාලන ප්‍රකාශයක් නොව, එතුමන් දෙදෙනා ගැන සදාතනික ප්‍රකාශයක් බව පැහැදිළි වෙනවා.

අන් අයවත් දැනුවත් වීමට Share කරන්න.

Tuesday, February 11, 2020

මහින්ද රාජපක්ෂ අගමැතිඳුන්ගේ වටිනාකම අන්තිමේදී එක්සත් ජාතික පක්ෂයට වැටහී මහ ඉහළින් වර්ණනා කරයි.

එක්සත් ජාතික පක්ෂයේ මන්ත්‍රී පාලිත රංගේ බණ්ඩාර මහතා, අග්‍රාමාතය මහින්ද රාජපක්ෂ මැතිතුමන්ව මහ ඉහළින් වර්ණනා කළේය. ඒ හිරු සලකුණ වැඩසටහනේදීයි. අවසානයේදී මහින්ද රාජපක්ෂ අගමැතිඳුන්ගේ වටිනාකම එජාපයටත් වැටහී ඇති බව සමාජ ජාල පරිශීලකයින් සටහන් කර තිබේ.



"මහින්ද රාජපක්ෂ මහත්තයා රටේ පොරක්. සජිත් ප්‍රේමදාස මහත්තයා එක්සත් ජාතික පක්ෂයේ පොරක් පමණයි. මහින්ද රාජපක්ෂ මහත්තයා මහජනයාගේ නඩු වෙනුවෙන් ගිහිල්ලා උසාවියේ පෙනී හිටියා. ඔහු තිස්සමහාරාමයේ හම්බන්තොට දිස්ත්‍රික්කයේ සේවය කරනකොට ඔහු නීතීඥයෙක් වශයෙන් නඩු වලට නොමිලයේත් පෙනී හිටියා. මිනිස්සුන්ගේ ප්‍රශ්න වෙනුවෙන් පෙනී හිටියා. සියලු කකුලෙන් ඇදීම් වලට මුහුණ දී රටේ ජනාධිපති වෙලා, එදා රටේ තිබුණ බරපතලම ප්‍රශ්නේ වුණ යුද්ධෙදි ජනාධිපතිවරයා ලෙස නායකත්වය දුන්නා. ජනතාවගේ බොක්කටම බැස්සා. ජනතාවගේ ආදරණීය චරිතයක් වුණා."- එජාප මන්ත්‍රී පාලිත රංගේ බණ්ඩාර.

Monday, February 3, 2020

සාම්පූර් බලාගාරය හැදීම එජාපයෙන් අත්හි‍ටුවීමේ ප්‍රතිවිපාකය අද අපි ගෙවමින් සිටිමු.



නොරොච්චෝලේ ගල් අඟුරු බලාගාරයත් හදන්න තිබුණේ ඊට වසර කිහිපයකට කළින්. එනමුත් එජාපයෙන් සහ ජවිපෙන් මෙහෙයවන ඊනියා පරිසර සංවිධාන නිසා නැවත නැවතත් පරිසර වාර්තා හදන්නට වීමෙන් එය ප්‍රමාද වුණා.

2014 වෙන විට සාම්පූර් ගල් අඟුරු බලාගාරය හදන්නට අවශ්‍ය දෑ පටන් අරන් තිබුණේ. නමුත් 2015 දී එජාප ආණ්ඩුව ආව ගමන් ඒ සියල්ල නැවැත්තුවා. මොකද ගල් අඟුරු බලාගාරය හැදුවනම් ඒකෙන් ඔවුන්ගේ පරිසර සංවිධාන වල බොරුව හෙළි වෙන නිසා. අද අපි විඳවන්නේ එජාපයෙන් එදා මහින්ද ජනපතිඳුන්ගේ සැලසුම් ව්‍යර්ථ කිරීමේ ප්‍රතිවිපාකයි.

වත්මන් ආණ්ඩුව විසින් විදුලි අර්බුදයට කෙටි කාලීන පිළියමක් වශයෙන් පෞද්ගලික අංශයෙන් විදුලිය මිලදී ගැනීමට ක්‍රියා කරන අතර, කඩිනමින් තවත් විදුලි බලාගාරයක් ඉදි කිරීමට නියමිතයි. නමුත් කන්ටේනර් පෙට්ටි 6 ක් තබා යාපනය අන්තර්ජාතික ගුවන්තො‍ටුපොළ මාස 3 න් හැදුවා වගේ, විදුලි බලාගාරයක් එහෙම කඩිනමින් හදන්නට නොහැකියි.

පහත දැක්වෙන්නේ ලංකා විදුලිබල ඉංජිනේරු සංගමය 2016 දී එජාප ආණ්ඩුවට කරන ලද අනතුරු ඇඟවීම.

සාම්පූර් බලාගාරය ඕනෑ - නැත්නම් විදුලි අර්බූදයක්
*************************************************
සාම්පූර්හි යෝජිත ගල්අඟුරු බලාගාරය ඉදි නොකළහොත් 2019 වනවිට විදුලි අර්බුදයකට ලක්වන බවත්, යෝජිත බලාගාරය ස්වාභාවික වායු බලාගාරයක් බවට පත් වුවහොත් එමගින් රටට වාර්ෂිකව රුපියල් බිලියන 10කට වැඩි මුදලක් අහිමි වන බවත් ලංකා විදුලි බලමණ්ඩල ඉංජිනේරු සංගමය සඳහන් කරයි.

නොරොච්චෝලේ ගල්අඟුරු බලාගාරය ඉදිකිරීම පමා කිරීම නිසා රටට රුපියල් බිලියන 900 ක මුදලක් අහිමි වූ බවත්, එම මුදල ඉතිරි කරගැනීමට හැකියාව තිබුණා නම් රට තුළ විශාල සංවර්ධන ව්‍යාපෘති සිදුකිරීමට තිබූ බවද එම සංගමයේ සභාපති ඉංජිනේරු අතුල වන්නිආරච්චි මහතා සඳහන් කළේය.

ගෝලීය උෂ්ණත්වය, පරිසර විනාශය ගැන කියම්න් මෙරට සමහර දේශපාලඥයන් පුනර්ජනනීය බලශක්තියක් ගැන කතා කළද, ඔවුන් සෑමවිටම කටයුතු කරන්නේ තම හිතවතුන් නගා සිටුවීමට බවද ඔහු පවසා සිටියේය.

පුනර්ජනනීය බලශක්ති ක්‍රම යටතේ සූර්ය බලය, සුළං බලය හා ස්වභාවික වායු මගින් විදුලි බලය උත්පාදනය කිරීමේ කටයුතුවලට යායුතු බවත්, එවැනි කටයුතුවලට යෑමට නම් මුලින්ම රට සංවර්ධනය කළ යුතු බවත් ඒ මහතා සඳහන් කළේය.

රටේ ආර්ථිකය විදුලි බලය හා බැඳී පවතින බවත්, එම කටයුතු සඳහා අඩු මුදලට විදුලිය ලබාදිය යුතු බවත් සභාපතිවරයා කියා සිටියේය.විදුලි ඒකකයක් අඩු මුදලකට ලබාදීමට නම් ගල්අඟුරු උපයෝගී කරගෙන විදුලිය නිෂ්පාදනය කළ යුතු බවත්, ගල්අඟුරු භාවිත කර විදුලි ඒකකයක් නිෂ්පාදනය කිරීමට වියදම් වන්නේ රුපියල් හතරයි ශත පනහක මුදලක් බවත් ඉංජිනේරුවරයා පවසා සිටියේය.

එහෙත් පුනර්ජනනීය බලශක්තිය යටතේ සුළං විදුලිය ගැන කතා කළද එහි ඒකකයක් රුපියල් 22කට වැඩි මුදලක් වන බවත්, ඉන්ධන භාවිත කර නිෂ්පාදනය කරන විදුලි ඒකකයක්ද රුපියල් 17 ඉක්මවන බවත් සභාපතිවරයා සඳහන් කළේය. විදුලිබල මණ්ඩලය නිෂෟෂ්පාදනය කරන ජල විදුලිය සඳහා ශත 50 - රුපියල් 1.50 අතර මුදලක් වැයවන බවද අතුල වන්නිආරච්චි මහතා සඳහන් කළේය.

මීට අමතරව සූර්යබල විදුලි ඒකකයකට රුපියල් 23කට ආසන්න මුදලක් වැය කර මිලදීගැනීමට සිදුව තිබෙන බවත්, එයට හේතු වී තිබෙන්නේ විදුලිබල මණ්ඩලයට සූර්ය හෝ සුළං බලයෙන් විදුලිය නිෂ්පාදනය කිරීමට මෙතෙක් හැකියාව ලැබි නොමැති හෙයින් පෞද්ගලික අංශයෙන් මෙවැනි දේවල් මිලදී ගැනීමට සිදුව තිබෙන බවත් හෙතෙම පවසා සිටියේය.

ගල්අඟුරු බලාගාරවලින් පරිසර හානියක් සිදුවන බවට හා ගෝලීය උෂ්ණත්වය ඉහළ යන බවටද බිල්ලෙකු මවාපාමින් සිටින බවත්, එහෙත් පොදුවේ අප රට තුළින් විශාල හානියක් සිදු නොවන බවත් සභාපතිවරයා සඳහන් කළේය.

2014 වසරේ ලෝක ලෝක සංඛ්‍යාලේඛනවලට අනුව බලශක්ති උත්පාදනයෙන් 39% ක් ගල්අඟුරු මගින් ලබාගෙන තිබෙන බවත්, එහිදී උපදවාගත් විදුලි ඒකක ප්‍රමාණය (වොට් අවර්ස්) ට්‍රිලියන 22,433 ක් බවත් ඔහු කීය. මෙම ප්‍රමාණයෙන් ශ්‍රී ලංකාව නිෂ්පාදනය කර තිබෙන්නේ විදුලි ඒකක ට්‍රිලියන 3.2 ක් වැනි සුළු ප්‍රමාණයක් බවද ඒ මහතා පවසා සිටියේය.

ලෝකය වසරකට කාබන්ඩයොක්සයිඩ් වායුව මෙට්‍රික් ටොන් මිලියන 32,000 ක් වාතලයට මුදාහරින බවත්, එම ප්‍රමාණයෙන් ලංකාව මුදාහරින්නේ මෙට්‍රික් ටොන් 15 ක් පමණක් බවත් සභාපතිවරයා සඳහන් කළේය.

මේ නිසා අප සියලුම සංවර්ධන කටයුතු නවතා දමා කාබන්ඩයොක්සයිඩ් මුදාහැරීම නතර කළ පමණින් ලෝකය ආරක්ෂා නොවන බවත්, රටේ ආර්ථිකය ශක්තිමත් කරගැනීම සඳහා සාම්පූර් ගල්අඟුරු බලාගාරය ස්ථාපිත කරගැනීම සඳහා අරගල කිරීමට පවා සූදානම් බවත් හෙතෙම තවදුරටත් පවසා සිටියේය. source: http://archive.is/wip/j0nFy

Sunday, January 12, 2020

තිලක් වීරසිංහ මහතාගේ සහ ඩියඩ්‍රි ද ලිවේරා මහත්මියගේ පත්වීම් ගැන මඩට පිළිතුරු.


[1]. ගුවන්තො‍ටුපොළ සහ ගුවන් සේවා සමාගමේ විධායක නොවන අධ්‍යක්ෂකවරුන් (Non-Executive Directors) ලෙසට තිලක් වීරසිංහ මහතා සහ ඩියඩ්‍රි ද ලිවේරා මහත්මිය ව පත් කිරීම පිළිබඳව සමහරුන් විරෝධයක්  දක්වා ඇත්තේ ඔවුන්ගේ ඥාතීත්වය නිසාවෙනි. නමුත් එහි කිසිදු පදනමක් නොමැති බව පහත කරුණු ඇසුරෙන් ඔබට පැහැදිළි වෙනු ඇත.

(i). ඔවුන්ගේ පත්වීම් සම්මුඛ පරීක්ෂණ පවත්වා ඉතාමත් ක්‍රමානුකූලව සිදුකර ඇති අතර මේ දක්වා කිසිවෙක් ඊට එරෙහිව නෛතික වශයෙන් විරෝධයක් දක්වා නොමැත.

(ii).  එලෙස ඔවුන්ගේ පත්වීම් කර ඇත්තේ ජනාධිපතිවරයා හෝ අග්‍රාමාත්‍යවරයා විසින් නොව, ඊට අදාල විධිවිධාන වලට අනුව විශය භාර අමාත්‍ය වරයා විසිනි.

(iii). PED3/2015 රාජ්‍ය ව්‍යවසාය චක්‍රලේඛනය ට අනුව විධායක නොවන අධ්‍යක්ෂකවරුන්ට ලැබෙන්නේ රු 10,000 ක "sitting allowance" එකකි. එය පැමිණීම වෙනුවෙන් ලැබෙන ඉන්ධන දීමනාවක් හා සමාන වේ.

(iv). Executive Director (Working Director) යනු තනි පුද්ගලයෙක් දරන තනතුරකි. එයට දෙදෙනෙක් පත් කිරීමට නොහැකියි.ඒ අනුව ඉහත කී දෙදෙනාව පත් කර ඇත්තේ Non-Executive Directors ලෙසට බව ඔබට පැහැදිළි වෙනු ඇති. පහත දැක්වෙන්නේ එම චක්‍රලේඛනයේ උදෘතයි.



(v). මෙය තවමත් කාට හෝ අවිශ්වාසනම්, රාජ්‍ය ව්‍යවසායක ඉහළ තනතුරක් දරන දන්නා කියන අයෙකුගෙන් Non Executive Director කෙනෙකුගේ වැ‍ටුප කීයක්දැයි අසා බලන්න.

(vi). එසේම මුදල් අමාත්‍යාංශයේ එම 2015 චක්‍රලේඛනය අනුව sitting allowances ලැබෙන්නේ මාසෙකට උපරිම දෙවතාවකටයි. ඒ අනුව ලැබෙන උපරිම වැ‍ටුප වන්නේ රු 20,000 කි. නමුත් සාමාන්‍යයෙන් board meetings පවත්වන්නේ මාසෙකට එක් වතාවකි.


(vii). මෛත්‍රීපාල සිරිසේන ජනාධිපතිතුමා විසින් සිය සොයුරු කුමාරසිංහ සිරිසේන මහතාව SLT සභාපති කිරීමත් මේ ආකාරයැයි සමහරුන් පවසා තිබුණි. එහිදී ඔහුට ලැබුණේ සභාපතිවරයාගේ වැ‍ටුපයි. එය කොතෙක්දැයි පසුගිය දිනවල ජනමාධ්‍ය වාර්තා කර තිබුණි. නමුත් උක්ත තනතුරු දෙක සඳහා ලැබෙන්නේ Sitting Allowances පමණයි.

(vii). මෙලෙස රාජ්‍ය ව්‍යවසායන්ට විධායක නොවන අධ්‍යක්ෂකවරුන්ව පත් කිරීමට අවස්ථාව ලැබෙන්නේ ශ්‍රී ලංකාවේ සිටින දක්ෂ වෘත්තිකයන්ගේ දක්ෂතාවය රාජ්‍ය ව්‍යවසායන් වෙනුවෙන් ලබා ගැනීමටයි.


[2]. තිලක් වීරසිංහ

(i). තිලක් වීරසිංහ මහතා සංචාරක කර්මාන්තයේ ප්‍රවීණයෙකු වන අතර වසර 20 කට වැඩි කාලයක් සංචාරක කර්මාන්තය සමඟ සම්බන්ධ වී සිටී. රටේ විශාලතම සංචාරක වාහන සමූහයක් ඇති ඔහු රටේ බොහෝ සංචාරක හෝටල්වල හිමිකරු වේ. ශ්‍රී ලංකාවේ වාර්ෂික ඉසව්වක් බවට පත්ව ඇති කොළඹ මැරතන් තරඟයේ බලයලත් හිමිකරු ඔහු වේ. ශ්‍රී ලංකාවේ ක්‍රීඩා සංචාරක කර්මාන්තයේ පුරෝගාමියෙක් වන්නේද තිලක් වීරසිංහ මහතායි. ඔහුට අයත් Lanka Sportreizen (LSR) සමාගම යනු ශ්‍රී ලංකාවේ ඇති තුන් වන විශාලතම සංචාරක සමාගම වන අතර, ක්‍රීඩා සංචාරක ක්ශේත්‍රයේ ප්‍රමුඛතම සමාගම වේ. යහපාලන ආණ්ඩුව පැවැති 2015 වසරේදී ශ්‍රී ලංකාවේ විශිෂ්ටතම Leisure Sports Provoider ලෙස ජනාධිපති සම්මානය හිමි වූයේත් ඔහුටයි.

(ii). තිලක් වීරසිංහ මහතා ගැන එජාප පාර්ලිමේන්තු මන්ත්‍රී රුවන් විජයවර්ධන මහතාගේ පවුලට අයත් Financial Times පුවත්පතේ ගිය ලිපියක් පහතින්. මෙම ලිපිය පළ වෙන්නේත් යහපාලන ආණ්ඩුව පැවැති 2016 කාලයේදීයි. http://www.ft.lk/article/545069/LSR-s-Thilak-Weerasinghe--Driving-force-behind-Sri-Lankan-sports-tourism

(iii). 2017 වර්ෂයේදී ශ්‍රි ලංකාවේ සංචාරක ව්‍යාපාරයේ ස්ට්‍රැටජි එක හදන්න එවකට අග්‍රාමාත්‍ය රනිල් වික්‍රමසිංහ මහතා විසින් විශේෂඥ කමිටුවක් පත් කළේය. ඒ කමිටුවේ සිටින්නේ ධම්මික පෙරේරා, හැරී ජයවර්ධන, මෙරිල් ෆනෑන්ඩු,  ආදී සංචාරක ක්ෂේත්‍රයේ පතාක යෝදයෝ සහ ව්‍යවසායකයන්ය. ශ්‍රි ලංකාවේ කීර්තිමත්ම සංචාරක ව්‍යවසායකයෙක් වන තිලක් වීරසිංහ මහතාත් ඒ කමිටුවේ සිටී.  මූලාශ්‍රය: http://www.ft.lk/article/619523/Tourism-taskforce-to-drive-2025-vision

(iv). එදා එජාප ආණ්ඩුවෙන් පවා ලැබුණ තනතුර හා සමාන එකක් වත්මන් ආණ්ඩුවෙනුත් ලැබී ඇත. නමුත් සමහරුන්ට දැන් එය විශාල ගැටලුවකි. මන්ද යත් ඔහුගේ අලුත් ඥාතීත්වය නිසාවෙනි. තිලක් වීරසිංහ වගේ මොළයකගෙන් එජාප ආණ්ඩුව කාලයේදී වැඩ ගත්තට, දැන් ඒ ඥාතීත්වය නිසා ඔහුගේ දැනුමින් වැඩක් ගන්න වත්මන් ආණ්ඩුවට තහනම් යැයි පවසයි. ඒ න්‍යාය අනුව රජයේ ඉහළම නිලයක් දරන රාජ්‍ය නිලධාරියෙකුගේ දරුවෙක්, දේශපාලඥයෙකුගේ දරුවෙක් හා විවාහ වූ විට යට කී නිලධාරියාට සේවයෙන් ඉල්ලා අස් වෙන්නට සිදුවන්නේනම් එය සාධාරණ ද?

(v). පාස්කු දින විදේශීය සංචාරකයින්වද මරණයට පත් කරමින් සිදුවූ බෝම්බ ප්‍රහාරය නිසා ශ්‍රී ලංකාවේ සංචාරක ක්ෂේත්‍රය කඩා වැටී ඇති වකවානුවක, ගුවන් සමාගමත්, සංචාරක අමාත්‍යාංශයත් ඒකාබද්ධ කරමින් සංචාරකයින්ව ආකර්ෂණය කිරීමේ දැවැන්ත adventure tourism ව්‍යාපෘතියකට රජයේ අවධානය යොමු වී තිබේ. ඒ සඳහා උපදෙස් ලබා ගැනීමට adventure tourism ගැන දන්නා විදේශික විශේෂඥයෙක්ව යොදා ගන්නේනම් අති විශාල වැ‍ටුපක් ගෙවීමට සිදුවේ. නමුත් රු 10000 ක් වැනි දීමනාවකට යටත්ව, adventure tourism පිළිබඳව දසක ගණනාවකම අත්දැකීම් ඇති තිලක් වීරසිංහ මහතා මේ සඳහා සිය දැනුම සහ අත්දැකීම් ලබා දෙන්නේ රටට සේවයක් කිරීම උදෙසායි.


[3]. ඩියඩ්‍රි ද ලිවේරා

(i). ඩියඩ්‍රි ද ලිවේරා මහත්මිය ගුවන්තො‍ටුපොළ පරිපාලනය පිළිබඳ දසක ගණනාවක අත්දැකීම් ඇති වෘත්තියවේදිනියකි. ඇය ගුවන් සහ සංචාරක සමාගම් වල කළමණාකරණ සහ අධ්‍යක්ෂක තනතුරු දරා ඇත. 

(ii). The Travel Gallery (Pvt) Ltd සමාගමේ කලමණාකරණ අධ්‍යක්ෂක ලෙස ඇය සේවය කර තිබේ.

(iii). Jetwing Air (Pvt) Ltd සමාගමේ  පරිපාලන සහ කළමණාකරන නිලධාරිනියක් ලෙස ඇය සේවය කර ඇත. එහිදී ඇය Sahara India Airlines, Tap Air Portugal, Malev Hungarian Airlines, Iberia, Lauda Air යන ගුවන් සමාගම් වල Country Manager ලෙස කටයුතු කළාය.

(iv). එසේම Jetwing Travels, Delmege Air Services (Pvt) Ltd - GSA for Japan AirLines, සහ Thai Airways International හි කළමනාකරන සහ විධායක තනතුරු දරා ඇත.



[4]. (i). ඉහත දැක්වෙන විස්තර අනුව ඔවුන් අදාල තනතුරු වලට සුදුසුම පුද්ගලයන් බව පැහැදිළි වේ. නමුත් ඔවුන් ගැන වාර්තා කළ වෙබ් අඩවි විසින් ඉහත තොරතුරු සිතා මතාම වසන් කර ඇත.

(ii). අනෙක් අතට ඔවුන්ට ලැබෙන රු 10000 හේ දීමනාව ඉන්ධන වලටවත් මදි වේ. ඔවුන්ට මේ කිසිදු වරප්‍රසාදයක් නැති නමුත් ස්ට්‍රැටජි ප්ලෑනිං වල කමිටු සාමාජිකත්ව හිමි වෙන්නේ ඔවුන්ට වරප්‍රසාද දෙන්නට නොව ඔවුන්ගේ හැකියාවෙන් සේවයක් ලබා ගැනීමටයි. වරප්‍රසාද දෙනවා නම් දෙන්නේ මේ වගේ ස්ට්‍රැටජි ප්ලෑන් කරන කමිටු නොව ලොතරැයි මණ්ඩලයක සභාපතිධූරයක් වැනි ලක්ෂ ගණනක වැ‍ටුප් ලැබෙන තනතුරකි.


[4]. එනමුත් සමහරුන් තවදුරටත් පවසනු ඇත්තේ ඔවුන් දෙදෙනාම වත්මන් ආණ්ඩුවේ ප්‍රබලයින්ගේ ඥාතීන් වෙන බැවින් ඔවුන්ව පත් කිරීම නුසුදුසු බවයි. මොන තරම් වෘත්තීමය සුදුසුකම් තිබුණත් දේශපාලන ඥාතීත්වයක් තියේනම් එය විශාලතම නුසුදුසු කම බවත්, එවිට ඔවුන්ව ඉවත් කර ඊට සුදුසුකම් අඩු වුවද ඥාතීත්වයක් නැති අයව පත් කළ යුතු බව සමහරුන් කියා තිබුණි.

(i).  ආණ්ඩුවේ මැති ඇමැතිවරුන්ටද අපිට මෙන්ම මේ රටේ ඥාතීන් බොහෝ සිටියි. විශේෂයෙන්ම රජයේ පරිපාලන, කළමණාකරන තනතුරු දරන දහස් ගණනක් උපාධිධාරී රාජ්‍ය නිලධාරීන් ආණ්ඩුවේ හෝ විපක්ෂයේ දේශපාලඥයෙකුට ඥාතීත්වයක් දක්වයි. දේශපාලඥයෙකුට ඥාතීන් වීම රජයේ තනතුරක් දැරීමට නුසුදුසු කමක් නම්, අර කී දහස් ගණන් රාජ්‍ය නිලධාරීන්ව එම තනතුරු වලින් ඉවත් කිරීමට සිදුවෙනු ඇත. එවැන්නක් සාධාරණ ද?

(ii). ඥාතීන් වීම විශාලතම නුසුදුසු කම යැයි සමහරුන් කියන්නේ ඇයි? ඥාතීන් සමග වංචා දූෂණ කළ හැකි යැයි සිතෙන නිසා.

ඥාතීන් සමග වංචා දූෂණ කළ හැකි යැයි සමහරුන් කියන්නේ ඇයි? ඥාතීන් හිතවත් නිසා.

වඩාත් හිතවත් වන්නේ ඥාතීන්ද නැතිනම් දේශපාලන ආධාරකරුවන්ද? දේශපාලන ආධාරකරුවන්.

උදා1: සමහර මැති ඇමතිවරුන්ගේ දුර ඥාතීන් පමණක් නොව පවුලේ සහෝදර සහෝදරියන් පවා විරුද්ධ පක්ෂ වල දේශපාලනය කරයි. ඔවුන් වඩාත් විශ්වාස කරන්නේ තම සහෝදරයාව නොව තමන්ගේ දේශපාලන ආධාරකරුවන්වය.

උදා2: ඥාතීන්ට වඩා භයානක වන්නේ දේශපාලන ආධාරකරුවෙන් වේ. අර්ජුන් මහේන්ද්‍රන් යනු එජාප ආණ්ඩුවේ සිටි මහ හොරුන්ගේ ඥාතියෙක් නොව 2002 එජාප ආණ්ඩුවේ BOI සභාපති වූ දේශපාලන ආධාරකරුවෙකි. [මූලාශ්‍රය]. සහරාන් යනු එජාප ආණ්ඩුවේ කිසිවෙකුගේ ඥාතියෙක් නොව 2015 මැතිවරණයේදී යහපාලන ආණ්ඩුවේ ආධාරකරුවෙක් බව කාත්තන්කුඩි පොලිසියේ හිටපු ස්ථානාධිපතිවරයා පාර්ලිමේන්තු කමි‍ටුවේදී පැවසුවේය. [මූලාශ්‍රය]. සා‍ෆි සහාබ්දීන් යනුත් එජාප ආණ්ඩුවේ කිසිවෙකුගේ නෑයෙක් නොව දේශපාලන ආධාරකරුවෙකි. [මූලාශ්‍රය]. බෝම්බ පුතුන්ට මුදල් වියදම් කළ කෝටිපතියා වූ ගම්බිරිස් මා‍ෆියාව සිදුකළ ඊබ්‍රාහිම් නානා යනු ජවිපෙ කාගෙවත් ඥාතියෙක් නොව ජවිපෙ දේශපාලන ආධාරකරුවෙකි. [මූලාශ්‍රය].


ඒ අනුව ඥාතීන්ට වඩා විශ්වාසව දූෂණ කළ හැකි බැවින්, 150% ක් යහපාලනය ඇති කිරීම සඳහා කිසිදු දේශපාලන ආධාරකරුවෙකුට රජයේ පත්වීමක් හෝ මැතිවරණයේදී නාම යෝජනා නොදෙන ලෙසට ඉල්ලීමක් එනු ඇත. ජනාධිපතිවරණයේදී ගෝඨාභය රාජපක්ෂ මහතාට සහය දැක්වූ වෘත්තීයවේදීන් බුද්ධිමතුන් පවා දේශපාලන ආධාරකරුවන් යන වර්ගීකරණයට අයත් වෙන බැවින් ඔවුන් කිසිවෙකුට හෝ ඊළඟ මැතිවරණයේදී නාම යෝජනා දෙද්දී මේ ගැටලුව මතු වෙනු ඇත. රටට ඔවුන්ගෙන් සේවයක් ලබා ගැනීමේ හැකියාව අහිමි වෙනු ඇත.

එනිසා කළ යුතු වන්නේ 3% නේ වඳුරු හරුප විශ්වාස කරමින් පුද්ගලයන්ව නෑකම මත හෝ දේශපාලන ආධාරකරුවන් වීම මත නුසුදුස්සන් කිරීම නොව, වෘත්තීමය සුදුසුකම් මත තනතුරු ලබා දීමයි.


(iii). 2005 දී එවකට සිටි විශ්‍රාමික ජෙනරාල් වරුන්ට අවස්ථාව ලබා නොදී, ඊට පහල නිලයක් වූ විශ්‍රාමික ලුතිනන් කර්නල් වරයෙකු වූ ගෝඨාභය රාජපක්ෂ මහතාව ආරක්ෂක ලේකම් කිරීම වරදක් කියමින් මංගල සමරවීර ආදීන්ගේ දැඩි දෝශ දර්ශනයට ලක් විය. 


යම් විදිහකින් එදා මංගල සමරවීර ආදීන්ගේ වඳුරු හරුප අසා, තම සහෝදරයා වූ ලුතිනන් කර්නල් ගෝඨාභය රාජපක්ෂ මහතා වෙනුවට, එවකට සිටි විශ්‍රාමික ජෙනරාල් වරයෙක්ව ආරක්ෂක ලේකම් කළානම් මානුෂික මෙහෙයුමේ ප්‍රතිඵලය ඔයිට වෙනස් වෙන්නට ඉඩ තිබුණි.

දේශපාලන පවුලකට ඥාතීත්වය දැරීම එකම නුසුදුසු කම කරගනිමින්, කොතරම් වෙනත් වෘත්තීමය සුදුසුකම් තිබුණත් කාට හෝ ‍සුදුසු තනතුරක රැකියාවක් කිරීම තහනම් කරනවානම් එය අතිශය අසාධාරණයක් බව ගෝඨාභය රාජපක්ෂ ජනාධිපති තුමාම සනාථ කර ඇත.


[5]. යහපාලන ආණ්ඩුව කාලයේදී පත්වීම් ලැබූ අයවලුන් විසින් යාපනය අන්තර්ජාතික ගුවන්තො‍ටුපොළ හැදූ ආකාරය පහත දැක්වේ. කන්ටේනර් පෙට්ටි තුනක් මත හදා ඇති එයට වැසි දිනවල යාම සඳහා බූට්ස් අවශ්‍ය වේ. නමුත් මෙම අටමගල වෙනුවෙන් වැය කර ඇති මුදල රු බිලියන 2.25 ක් හෙවත් 2,250,000,000.00 කි. [source]. ඒ ගැන වත්මන් ආණ්ඩුවෙන් විගණනය කරද්දී එවන් දූෂණ කළ අය කලබල වී තැන් තැන් වල මඩ ගසන්නට පටන් ගෙන ඇත.ගැටලුව ඇත්තේ ඥාතීත්වයක් තිබේද නැද්ද යන්න මත නොව අදාල පුද්ගලයන්ගේ ක්‍රියාකාරීත්වය මත බව බිලියන 2.25 හේ පහත යහපාලන ව්‍යාපෘතිය පැහැදිළි කරයි.



Friday, January 3, 2020

"මහින්ද යනු මැලේසියාවේ මහතීර් මොහොමඩ් වැනි මහා දැවැන්ත ශ්‍රේෂ්ඨ නායකයෙක්" - සුදත්ත හිමි.




"අග්‍රාමාත්‍ය ධූරයට සුදුසුම මහින්ද රාජපක්ෂ මැතිතුමායි. අපි තුනෙන් දෙකේ බලයක් අරගෙන දෙනවා. මහින්ද රාජපක්ෂ මැතිතුමාට බැන්නේ වැරදි තොරතුරු මතයි". - මාගල්කන්දේ සුදත්ත හිමි තම පෙර ප්‍රකාශය නිවැරදි කරගනී.

අග්‍රාමාත්‍ය ධූරය සඳහා සුදුසුම පුද්ගලයා මහින්ද රාජපක්ෂ මැතිතුමා බව මගල්කන්දේ සුදත්ත හිමි ඊයේ (2) කැඳවා තිබූ මාධ්‍ය හමුවකදී සඳහන් කර සිටියා.

මීට ඉහතදී රාජිත සේනාරත්න හිටපු සෞඛ්‍ය අමාත්‍යවරයාට ඇප ලැබීම සම්බන්ධයෙන් තමන් වහන්සේ වැරදි කරුණු මත අග්‍රාමාත්‍ය මහින්ද රාජපක්ෂ මැතිතුමාට විරුද්ධව ප්‍රකාශයක් සිදුකල බවත් සඳහන් කර සිටි සුදත්ත හිමි, එක්සත් ජාතික පක්ෂ නිරගමිකයින් එම ප්‍රකාශ මත යලි බලයට ඒමට සිතනවානම් එයට ඉඩ නොතබන බව ප්‍රකාශ කර සිටියා.

මහතීර් මොහොමඩ් වැනි නායකයෙක් ලෙස මහින්ද රාජපක්ෂ මැතිතුමා හැඳින්විය හැකි බවත් ඉදිරි පාර්ලිමේන්තු මැතිවරණයේදී තුනෙන් දෙකක බලයක් ලබා දීමට තමන් වහන්සේ කැපවී වැඩ කරන බවත් ප්‍රකාශ කර සිටියා.

උන්වහන්සේගේ සම්පූර්ණ ප්‍රකාශය පහතින්.



උන්වහන්සේගේ පෙර ප්‍රකාශය ශෙයා කරමින් මඩ ගැසූ අයට ඇත්ත දැනගන්ට මෙය හැකි තරම් බෙදා හරින්න.

Wednesday, January 1, 2020

එදා රණවිරුවන්ව බිලිබාගෙන මඩ ගැසූ රාජිත සේනාරත්න, දැන් චීවරය යොදාගෙන මඩ ගසන හැටි මෙන්න.



[1].1. අහිංසක ජනතාව 359ක් ව ඝාතනය කළ පාස්කු දින ප්‍රහාරයත් සමග ශ්‍රී ලාංකික ක‍තෝලික ජනතාව සහ ශ්‍රී ලාංකික බෞද්ධ ජනතාව විශාල කම්පාවකට පත් වුණා. ඒ ගැන එවකට එජාප ආණ්ඩුවට එරෙහිව බරපතල චෝදනා එල්ල වුණා. පසුදා මාධ්‍ය හමුවේදී රාජිත සේනාරත්න සිනහ සෙමින් හැසිරුණේ එය විහිළුවක් කරගනිමිනුයි. එසේම ඊට පසු මාධ්‍ය හමු වලදී බුද්ධි අංශ නිලධාරීන්ව හෙළි කරමින් විශාල පාවාදීමකුදු සිදු කළා.


2. පාස්කු ප්‍රහාරයට පසුව කළ කී දෑ සම්බන්ධයෙන් රාජිත සේනාරත්නට එරෙහිව විශාල ජනතා විරෝධයක් එල්ල වෙමින් තිබුණා විතරක් නෙමෙයි, රාජිත ඇතුළු බෞද්ධ විරෝධී එජාප ඇමතිවරුන්ට එරෙහිව සංඝ ආඥාවක් නිකුත් කිරීමටත් මේ රටේ අති පූජනීය මහා සංඝරත්නය අතර කතිකාවක් ඇති වුණා.  


[2]. එය යට ගැසීම සඳහා ජනාධිපතිවරණය ළං වෙද්දී රාජිත සේනාරත්න කළේ, යහපාලනයට ආණ්ඩුවේ අසාධාරණයට ලක්ව සිටි රණවිරු කණ්ඩායමේ සිටි ආබාධිත රණවිරුවන් දෙදෙනෙක්ව මුදල් දී බිලිබාගෙන මාධ්‍ය සාකච්ඡාවක් කර මහින්ද රාජපක්ෂ මැතිතුමාට එරෙහිව චෝදනා එල්ල කරවීමයි. නමුත් පසුව එම ආබාධිත රණවිරුවන් විසින්ම රාජිතගේ ඩීල් හෙළි කරලු ලැබුවා.




[3].1. ශ්‍රී ලාංකික ජනතාව අතර ගෞරවයට පාත්‍ර වූ දෙකොටසක් වන්නේ රණවිරුවන් සහ මහා සංඝරත්නයයි. ජනාධිපතිවරණයට පෙර රණවිරුවන්ව යොදා ගනිමින් මහින්ද රාජපක්ෂ මැතිතුමන්ට මඩ ගැසූ රාජිත අලුත් මඩ ව්‍යාපෘතියක් පටන් අරගෙන. ඒ තමයි උතුම් බුද්ධ චීවරය ඒ සඳහා යොදා ගැනීම.

2. පසුගිය කාලයේ රාජිත සේනාරත්නට එරෙහිව විශාල බෞද්ධ විරෝධයක් එල්ල වෙමින් තිබියදී, මාගල්කන්දේ සුදත්ත හිමි රාජිතගේ දානයකට වැඩමකර රාජිතට මේ රටේ ජනාධිපති වීමට ආරාධනා කළා. පහත දැක්වෙන්නේ එහි වීඩියෝවයි.



3. නැව් මිලදී ගැනීමට හැකිවෙන තරම් අයථා ධනය ඉපයීම්, බාල බෙහෙත් විකිණීම්, චරිත ඝාතන කිරීම් ආදී, එදා මෙදා තුර ශ්‍රී ලංකා දේශපාලනයේ වැඩිම චෝදනා ඇති රාජිත සේනාරත්නට ජනාධිපති වීම සඳහා ආරාධනා කිරීමෙන්ම, මාගල්කන්දේ සුදත්ත හිමි යනු අතිශය රාජිත හිතවාදී හිමිනමක් බව පැහැදිළියි.

4. උන්වහන්සේ ලවා රාජිත සේනාරත්න විසින් මහින්ද රාජපක්ෂ අග්‍රාමාත්‍යතුමන්ට එරෙහිව "ඩීල් චෝදනා" එල්ල කිරීම මේ දින වල සිදුකෙරෙනවා. මෙය රණවිරුවන් යොදාගෙන මඩ ගැසීමේ දෙවනි පියවර හෙවත් බුද්ධ චීවරය යොදාගෙන මඩ ගැසීමයි.

5. එජාප ආණ්ඩුවෙන්ම පත් වූ නීතිපතිවරයාටත්, FCID ප්‍රධානියාටත්, විරුද්ධවාදීන්ව දඩයම් කිරීම සඳහා එජාපයෙන් කරන ලද බලපෑම් පසුව එම නිලධාරීන් විසින්ම හෙළි කළා. වත්මන් නීතිපතිවරයා ඇතුළු ඒ හා සම්බන්ධ ප්‍රබල නිලධාරීන් එජාප ආණ්ඩුව කාලයේදී පත්වීම් ලැබූවන්. තම දේශපාලන විරුද්ධවාදියෙක් වන රාජිත සේනාරත්නව ‍රැක ගැනීම සඳහා එකී නිලධාරීන්ට බලපෑම් කීරීමට තරම් මහින්ද රාජපක්ෂ අගමැතිතුමන් අදේශපාලනික තීරණ නොගන්නා බව ඕනෑම අයෙකුට වැටහෙනවා.

6. අත් අඩංගුවට පත් වූ රාජිත සේනාරත්න මන්ත්‍රීවරයාව පෞද්ගලික රෝහලක තැබීම රටේ නීතිය උල්ලංඝනය වීමක් බව අනාවරණය වී තිබෙනවා. එසේම ඔහුව අත් අඩංගුවට ගෙන ටික දිනකින් ඇප ලැබුණේ ඔහුට එරෙහිව නීතිපතිවරයා විසින් ගොනු කරන ලද චෝදනාවන් ප්‍රමාණවත් නොවීම නිසයි. මෙය අතිශය ගැටලුසහගත බව මහින්ද රාජපක්ෂ අගමැතිතුමන්ගේත් මතයයි. අග්‍රාමාත්‍යවරයා ලෙස එතුමන්ට ගත හැකි පියවර වන්නේ අදාල නිලධාරීන්ව පාර්ලිමේන්තුවට කැඳවා කාරක සභාවක් හරහා ප්‍රශ්න කරවීම සහ ඔවුන් වැරදි බව ඔප්පු වුවහොත් ඔවුන්ට එරෙහිව පාර්ලිමේන්තුවේ යෝජනාවක් සම්මත කර ඔවුන්ව බලයෙන් පහ කිරීමයි. නමුත් ගැටළුව වන්නේ ඒ සඳහා අවශ්‍ය පාර්ලිමේතුවේ බහුතරය වත්මන් ආණ්ඩුවට නැහැ. ඊට පාර්ලිමේන්තුව විසුරුවා හැර මහ මැතිවරණය ජය ගෙන පාර්ලිමේන්තුවේ බහුතරය ලබා ගත යුතු වෙනවා. අවම වශයෙන් තවම පාර්ලිමේන්තුව ‍රැස් වෙලාවත් නැහැ.


[4]. මහින්ද රාජපක්ෂ අගමැතිඳුන්ට එරෙහිව එල්ල කරන ඩීල් චෝදනා සමස්තය අනුව සිතුවහොත් ලැබෙන නිගමන මේ වගේ.

1. මාගල්කන්දේ සුදත්ත හිමි විසින් ලංකාවේ වැඩිම දූෂණ චෝදනාවන්ට ලක් වූ දේශපාලඥයා වන රාජිත සේනාරත්නට රටේ ජනාධිපති වීමට ආරාධනා කිරීම පසුපස කිසිදු ඩීල් එකක් නෑ. නමුත් රාජිත සේනාරත්න සහ ඔහුගේ සමාජ ජාල මඩ මාධ්‍ය විසින් මහින්ද රාජපක්ෂ මැතිතුමාට දිගින් දිගටම මඩ ප්‍රහාර එල්ල කරමින් එතුමන්ගේ චරිතය ඝාතනය කිරීම ඩීල් එකක්.
 
2. 2015 දී මහින්ද රාජපක්ෂ මැතිතුමන්ගේ ආණ්ඩුව වැටීමට ප්‍රධානතම හේතුවක් වුණේ රාජිත සේනාරත්න විසින් වපුරන ලද බොරු කන්දරාවයි. මාගල්කන්දේ සුදත්ත හිමිට අනුව මහින්ද රාජපක්ෂ මැතිතුමන් ස්ව කැමැත්තෙන් 2015 ජනාධිපතිවරණයෙන් පරාජය වීම සඳහා රාජිත සමග ඩීල් එකක් ඇතිකරගෙන තිබෙනවා.
 
3. මේ ආකාරයෙන්ම මහින්ද රාජපක්ෂ ජනාධිපති තුමන් ප්‍රභාකරන් සමගත් ඩීල් එකක් ඇතිකරගෙන තිබූ බව මානුෂික මෙහෙයුම කාලයේදී එජාපය විසින් චෝදනා එල්ල කළා. එහිදී ප්‍රභාකරන් දිගින් දිගටම යුද්ධයෙන් පරාජය වෙමින් අවසානයේදී වෙල්ලමුල්ලිවයික්ක්කාල් වලදී ඔලුවට වෙඩි වැදී මිය යාම ඒ ඩීල් එකයි.

4. පාස්කු ප්‍රහාරය සම්බන්ධයෙනුත් රාජපක්ෂවරුන්ට එරෙහිව රාජිත සේනාරත්නලා විසින් ඩීල් චෝදනා එල්ල කළා. ඔවුන්ට අනුව, ශ්‍රී ලංකාවේ සිටි ධන කුවේරයන් වූ ඊබ්‍රාහිම් වැන්නන්ගේ ධනවත් පුතුන්, රාජපක්ෂවරුන් දුන් මුදලක් අරගෙන තම වටිනා ජීවිතය නැති කර ගන්නවා. ඩීල් චෝදනා කළ අයට අනුව ඊබ්‍රාහිම් පුතුන් මලාට පස්සේ කන්‍යාවියෝ 72 ලබාගන්නට ඉඳලා තියෙන්නේ රාජපක්ෂලගෙන් ගත්තා කියන සල්ලි වලින් විය යුතුයි.