Mahinda Rajapaksa: නුගේගොඩ ජන රැළියට ආපු සෙනග ගැන "ඉල ඇදෙන" තර්ක

Thursday, February 19, 2015

නුගේගොඩ ජන රැළියට ආපු සෙනග ගැන "ඉල ඇදෙන" තර්ක

මහින්ද රාජපක්ෂ මැතිතුමාගේ විරුද්ධවාදීන් ඊයේ (2015-02-18) පැවති ජන රැළිය පයිසෙකට ගනන් ගත්තේ නැත. කිව්වේ "ජාතික ගව සංගනනය" කියාය. 5000ක් ආවොත් දේශපාලනයෙන් සමුගන්නවා යැයි කියූවෙක්ද සිටියේය. නමුත් දැන්... අර වැඩකට නැති, පයිසෙකටවත් ගනන් ගත්තේ නැති රැස්වීම හරිම අවුලක් වෙලාය. සියළු වැඩ නවතා එහි ඡායාරූප ගෙන කොටු අඳිමින් ගණිතමය තර්ක ගෙනමින් ආපු සෙනඟ අවතක්සේරුවට ලක් කරන්න කටයුතු කරන බව පෙනේ. පැය 24කට කලින් පයිසෙකට ගනන් නොගත් රැස්වීමක් වෙනුවෙන් දැන් මෙච්චර වෙහෙසෙන්නේ ඇයි?

නුගේගොඩට ගැලූ මහා ජන ගඟ දැක තවමත් සිහි එලවා ගැනීමට නොහැකි වූ සමහරුන්, එහි සෙනග එතරම් නොසිටි බව කියමින් ගෙනෙන තර්ක මේ සතියටම ජනතාවට විනෝදය සපයාවි. එහෙත් ඔවුන්ගේ කතා යම් සුළු පිරිසක් විසින් විශ්වාස කරන බවක් පෙනී යන හෙයින් ඒවායේ ඇත්ත නැත්ත පෙන්වා දීම mahinda.info වෙබ් අඩවියේ අපගේ යුතුකමක් ලෙස සලකන්නෙමු.

පළමුවෙන්ම කිව යුත්තේ ජනමාධ්‍ය වෙත නිකුත් වී ඇති පින්තූර වල දැක්වෙන්නේ සවස 4 ට පමණ ගත් ඡායාරූපයි. ඉර අව්ව බැස නොගොස් තිබීමෙන්ම ඔබට එය පැහැදිළි වේවි. එහෙත් විමල් වීරවංශ මහතාගේ කතාව යද්දී එනම් හවස 5.30 පමණ වෙන විට කාර්යාල ඇරී පැමිණි මහා ජන ගංගාවෙන් මුළු ප්‍රදේශයම අතුරු සිදුරු නැතිව පිරුණි. එම අවස්ථාවේදී ගුවන් කැමරා ක්‍රියාත්මක කර ඡායාරූප ගත්තානම් අපට සත්‍ය තත්ත්වය අවබෝධ කර ගැනීමට හැකි වෙන්නට තිබුණි. (එය කැමරා ශිල්පීන්ගේ අඩුපාඩුවක් ලෙස දකිමු). එනිසා ජනමාධ්‍ය වෙත නිකුත් වී ඇති ඡායාරූප වලින් රැළියේ සැබෑ ජන සහභාගීත්වය සම්පූර්ණයෙන් නොදැක්වේ. සමහරුන් ජනතාව විශ්ලේශණය කරන ඡායාරූප සියල්ලේම සැබෑ ජන සහභාගීත්වය නොදැක්වෙන බව කිව යුතුයි.

DSC04082

ඉහත දැක්වෙන්නේ විමල් වීරවංශ මහතාගේ කතාව යද්දී ගත් ඡායාරූපයකි. එතන සිට පසුපසට සරසවි පොත් හල දක්වාම එකම හිස් ගොඩකි.

ඊළඟට, රැළියේ ජන සහභාගීත්වය අඩු බව කියන අයගේ තර්ක එකින් එක ගෙන හැර බලමු.

athula

ඉහත අතුල මහතා දක්වා ඇති ආකාරයට එම වර්ග ප්‍රමාණය අනුව පෙන්වමින් සෙනග 500 ක් වත් පැමිණ නැති බවක් නොකියා කියයි. එහෙත් ඈතින් තිතක් තිබ්බොත් එම එක තිතක ජනතාව වැඩි ප්‍රමාණයක් සිටී.

10255675_649355475169401_6253516762791592584_n[1]

Sri Lanka Machan පිටුවේ පළ වු ඉහත පින්තූරයෙන් පවසන ආකාරයට සෑම කොටුවකම සිට ඇත්තේ එකම ගාණකි. එහෙත් ළඟ කොටුවක 15 ක් හිටියා කිව්වත් ඈතට වෙන්න එක කොටුවක 1500 කට වඩා සිටින බව ඔවුන් තේරුම් ගෙන නැත.

88

ඉහත පින්තූරයට අනුව පැමිණ ඇත්තේ 2040 දෙනෙකි. නමුත් එම පින්තූරය ශෙයා කරන පුද්ගලයා විසින් 3356 ක් ලෙස නිවැරදි කර ඇත. ළඟ කොටුවක 60 ක් සිටියදී ඈත කොටුවක 80 ක් බවට නිගමනය කිරීම අපූරු තර්කයකි.

rally

ඉහත පින්තූරයේ දැක්වෙන්නේත් රැළියේ තිබුණ ප්‍රදේශයෙන් ඉතාමත් කුඩා ඉඩකි. ඒ අතර ඈත තිබෙන කොටුවක සෙනග 1000 ට ඉතා වැඩි බව ඔහුට වැටහී නැත.

ඉහත පින්තූර වල ආකාරයේ තර්ක නගන අය අසාද් සාලි ව බෙරා ගැනීමට උත්සාහ දරන බව පෙනේ. ඔවුන් මීටර දෙතුන් සීයකට දුරින් ඇති මගී බස් රථයක් දෙස, තමන්ගේ මහපට ඇඟිල්ල සහ දබර ඇඟිල්ල එකට තියා රවුම් කර එතුළින් බලා, මේ පුංචි ඉඩ අතුළේ සිය ගණන් මගීන් සිටින්නේ කෙසේදැයි අසනු ඇත. මහාචාර්ය නලින් ද සිල්වා මහතා ගොඩ කාලෙකට කළියෙන් විදුසර පුවත්පතට ලියූ ලිපි ටිකක් කියෙව්වානම් ඔවුන්ට Perspective (visual) කතාව තවත් පැහැදිළි වෙවි.

neth

එලෙස වර්ග ප්‍රමාණය ගැන ප්‍රශ්න කරමින් එකා පිට එකා හිටියාද කියා අසා පළ කරන ලද ලිපියේ සාවද්‍ය භාවය ගැන වැටහී නෙත් වෙබ් අඩවියෙන්ද ඉවත් කර ඇත. මෙතනින් බලන්න.

ඔවුන් නැගූ තර්කය නම්, පාප් වහන්සේ බැලීමට පැමිණි ලක්ෂ 5 ක බැතිමතුන් සිටි ගෝල්ෆේස් භූමි ප්‍රමාණය සාපේක්ෂ වශයෙන් අරගෙන නුගේගොඩ රැළිය තිබූ භූමි ප්‍රමාණයේ සෙනග මැණ බැලීමයි. එහෙත් ගෝල්ෆේස් පිටියේ ජනතාව එක පොදියට හිර වී සිටියේ නැත. නුගේගොඩ රැළියේ ජනතාව සිටියේ හැරෙන්නවත් ඉඩක් නොමැතිවයි.

ආපු සෙනග 5000 ට අඩු බව ඊනියා ක්‍රම මගින් පෙන්වා දීමෙන් පසුව, රැළිය තිබූ තැනද විවේචනය වුණි. පිට්ටනියක නොතිබ්බේ ඇයිදැයි අසනු පෙනුනි. එහෙත් පිට්ටනියක තිබූ ඔවුන්ගේ සමහර ජන රැලි වල, පිට්ටනිය තුළ පිහිටියේ වේදිකාව පමණි. පහත පින්තූරය බලන්න.

10906483_752590834796858_8803184394675300590_n[1]

ඊළඟට සුපුරුදු පරිදි ප්‍රයිවෙට් බස් වලින් සෙනග ගෙනැවිත් ඇති බවත් කියා ඇත. පහත පින්තූරයේ දැක්වෙන ප්‍රයිවෙට් බස් කිහිපය එල් බී ෆයිනෑන්ස් එක ගාව ඇති හෝල්ට් එකේ නිතර නවත්වන බස් වල දසුනකි. සෑම විටම පාහේ එතැන බස් හය හතක් නවත්වා තිබීම දක්නට ලැබෙයි.

1512458_649583078479974_648302495958521101_n[1]

සියලුම හර බර කෙස් පැලෙන තර්ක වැරදී ගිය කළ ඔවුන් ෆොටෝශොප් කළ හරක් රංචුවක පින්තූරයක් දමා මොකක්දෝ කියා ඇත. ජනතාවට හරක් යැයි පවසා ඊළඟ මහ මැතිවරණයේදී ඡන්දය ගැනීමට හැදීම ගැන අනුකම්පා කළ යුතුයි.

slmachan

තොරක් නැතිව මඩ අවලාද ගසන මිත්‍රවරුණි, අපට තේරෙනවා ඔබේ හිතේ තිබෙන වේදනාව. ඩීජේ එකක "ආතල් එකේ" නට නටා හිටපු මිනිහෙකුට පොල්ලකින් ඔළුවට ගැහුවා වගේ දැනෙනවා ඇති. නමුත් ඇත්ත එයයි. මහින්ද රාජපක්ෂ මැතිදුන්ට තිබූ ජනතා ප්‍රසාදය දුටු සැමගේ ෆැන්ටසි කුඩුවී බිමට වැටී ඇත. නන්නත්තාර වී ගොස් ඇත. අපි ඔබේ මඩ බලාපොරොත්තුව සිටිමු. ජනතාවද එය බලාපොරොත්තුව සිටිති. නමුත් ජනපතිවරණ කාලයේදී ගහපු මඩ සාධාරණීකරණය කර ගනිමින් නැවත එන්න අළුත් මඩ අරන්. නැත්නම් දැනට ඔබ පත්ව සිටින අපේක්ෂා බංගත්වය යාථාර්තයක්ම වන බව නොඅනුමානයි.

මූලාශ්‍ර: 12

යාළුවන්වත් දැනුවත් වීමට Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.