Mahinda Rajapaksa: බොරු එපා... ඇත්ත මෙන්න... මහින්ද රාජපක්ෂ මහතාගෙන් විශේෂ ප්‍රකාශයක්!

Sunday, February 8, 2015

බොරු එපා... ඇත්ත මෙන්න... මහින්ද රාජපක්ෂ මහතාගෙන් විශේෂ ප්‍රකාශයක්!

mmm

2015 පෙබරවාරි 09
මාධ්‍ය නිවේදනය

වත්මන් ආණ්ඩුවේ සාමාජිකයින් විසින් මා සම්බන්ධයෙන් සාවද්‍ය හා නොමග යවන සුළු ප්‍රකාශ දිගින් දිගටම කරමින් සිටී. ජනතාව නොමග යෑම වලක්වනු පිණිස මා ඒ චෝදනා වලට ප්‍රතිචාර දැක්විය යුතු යැයි සිතමි.

මාගේ රජය විසින් 2015 වසර සදහා ජනාධිපති ලේකම් කාර්යාලයට කෝටි 10,000 ක මුදලක් වෙන් කර තිබුණු බවත් නව රජය එය කෝටි 272 දක්වා අඩුකොට ඉතිරි සියල්ල ජනතාවට සහන ලබා දීම සදහා නිදහස් කල බවත් එක්තරා රූපවාහිනී වැඩසටහනකදී කියැවුණි. ජනාධිපති ලේකම් කාර්යාලය සදහා කෝටි 10,000 ක මුදලක් කිසිදාක වෙන් නොකල බව මම වගකීමෙන් කියමි. 2015 වසර සදහා ජනාධිපති ලේකම් කාර්යාලයට වෙන් කරන ලද මුලු මුදල කෝටි 959 කි. ජාතික වැටුප් කොමිසම, ජාතික සාගර කටයුතු පිළිබද කමිටුව ඇතුලු රජයේ ආයතන 25 ක් ජනාධිපති ලේකම් කාර්යාලය යටතේ ක්‍රියාත්මක විය. හිටපු ජනාධිපතිවරුන් හා ඔවුන්ගේ වැන්දඹුවන්ගේ වියදම් වැටෙන්නේ ද ජනාධිපති ලේකම් කාර්යාලය යටතටය. ජනාධිපති ලේකම් කාර්යාලයේ ආයතනික හා පරිපාලනමය අංශය ඒ සියලු ආයතන වලට සේවා සපයන අතර ආදාල මුදල් වලින් වැඩි කොටස වැය වන්නේ ඒ සදහාය. ජනාධිපති ලේකම් කාර්යාලය සදහා වෙන් කරන මුදල් සියල්ල වැය වන්නේ ජනාධිපතිවරයාගේ නඩත්තුව සදහා නොවේ.

ජනාධිපතිවරයාගේ කාර්යාලය වෙනුවෙන් 2015 සදහා වෙන් කර තිබුණු මුදල රු. කෝටි 375 කි. මෙය ජනාධිපති ලේකම් කාර්යාලය යටතට වැටෙන වියදම් වලින් එක් අංශයක් පමණක් බව සැලකිය යුතුය. මෙකී මුදලින් කෝටි 100 ක්ම වෙන් කොට තිබුණේ දිවයිනේ විවිධ ප්‍රදේශවල ජනාධිපතිවරයාගේ විශේෂ මැදිහත්වීමෙන් ජනාතාවගේ සුබසෙත සදහා ඉදි කෙරෙන විවිධ සුලු ව්‍යාපෘති සදහාය. මෙම කෝටි 100 ඉවත් කල විට ජනාධිපතිවරයාගේ කාර්යාලයේ වියදම කෝටි 275 දක්වා අඩු වේ. වත්මන් ජනාධිපතිවරයාගේ කටයුතු සදහා වෙන් කර ඇති මුදල ලෙස සදහන් වන්නේ එකී මුදල විය යුතුය.

මෑතකදී ආණ්ඩුවේ ඇතැම් අය කී තවත් කතාවක් වුයේ මම මාගේ භාවිතය සදහා ජනාතාවගේ මුදල් වලින් ඇමරිකානු ඩොලර් මිලියන 16 ක් වැය කොට විශේෂ ගුවන් යානයක් ඇණවුම් කොට තිබුණු බවත් එය භාර ගැනීම නව ආණ්ඩුවෙන් ප්‍රතික්ෂේප කර ඒ වෙනුවට ගුවන් යානා අමතර කොටස් ගැනීමට සැලසුම් කර තිබෙන බවත්ය. මාගේ භාවිතය සදහා කිසිදු විශේෂ ගුවන් යානයක් ඇණවුම් කොට නොතිබූ බව මම ප්‍රකාශ කර සිටිමි. ශ්‍රී ලංකන් ගුවන් සමාගම විසින් එයාර් බස් සමාගමෙන් නව ගුවන් යානා මිලදී ගන්නා විට එකී සමාගම විසින් අවශ්‍ය වූ විට ඔවුන්ගේ ගුවන් යානා වල සාමාන්‍ය ආසන කිහිපයක් ඉවත් කොට විශේෂ මගීන් සදහා විවිධ පහසුකම් සහිත විශේෂ කුටියක් ලෙස සැකසිය හැකි පරිවර්තන කට්ටලයක් ගැනුම්කරුට දෙන තිළිණයක් වශයෙන් ඇතුලත් කොට තිබුණි. ඩොලර් මිලියන 15ක් ලෙස එහි දී සදහන් වූයේ එම කට්ටලය සදහා නිෂ්පාදකවරයා සදහන් කරන සංකේතාත්මක වටිනාකම පමණි. එය නොමිලේ ලබා දෙන තිළිණයකි.

රටේ විවධ ස්ථානවල ජනාධිපතිවරයාට තිබෙන නිල නිවාස ගැන සදහන් කරමින් ඒ සියල්ල මාගේ සුඛවිහරණය සදහා මා විසින් ඉදි කරන ලද ඒවා හැටියට හුවා දැක්වීමටද උත්සාහයක් ඇති බව පෙනේ. අරලියගහ මන්දිරය හා කොටුවේ ජනාධිපති මන්දිරය එමෙන්ම නුවරඑළියේත්, මහනුවරත් පිහිටි ජනාධිපති මන්දිරද යටත් විජිත සමයේ සිටම මේ රටේ ආණ්ඩු ප්‍රධානීන් විසින් භාවිතා කරන ලදී. අනුරාධපුර, ඇඹිලිපිටිය, මහියංගනය වැනි ස්ථාන වල පිටිහි නිල නිවාස ජනාධිපති ආර්. ප්‍රේමදාස විසින් ඉදිකරන ලද ඒවාය. මේ එක නිල නිවසක් වත් මාගේ පාලන කාලය තුල ඉදි කල ඒවා නොවන බව කිව යුතුය. අරලියගහ මන්දිරය, කොටුවේ ජනාධිපති මන්දිරය ඇතුලු වෙනත් නිල නිවාස නුදුරු අනාගතයේදීම මහජන ප්‍රදර්ශනයට විවෘත කරන බවට පුවතක් මම දුටුවෙමි. මා අරලියගහ මන්දිරයේ සිටි කාලයේදීද ඉතා ඈත පිටිසර පළාත් වලින් පාසැල් ළමුන් හා වැඩිහිටියන්ද අරලියගහ මන්දිය නැරඹීමට දහස් ගණනින් පැමිණි බව මතක් කර දිය යුතුය. එසේ පැමිණි අය සමග කථා බස් කිරීමට ලැබීමද මට මහත් සතුටක් වූවාසේම රටේ විවිධ පළාත් වල සංවර්ධන අවශ්‍යතාවයන් ද ඔවුන්ගෙන් ඍජුවම අසා දැනගැනීමටත් මට අවස්ථාව ලැබුණි. අරලියගහ මන්දිරයේ මාගේ පොහොය දින වැඩසටහන්වලටද ජනතාව දහස් ගණනින් සහභාගි විය.

ජනාධිපති ලේකම් කාර්යාලයට අයත් ඇතැම් වාහන තවමත් ලැබී නැති බවට පුවතක් පල විය. ඒ අතරතුර ඩිෆෙන්ඩර් ජීප් රථ 22 ක් බොරැල්ලෙන් “සොයාගත්” බවටත් තවත් වාහන 53 ක් පිටකෝට්ටේ ඉඩමක අතහැර දමා තිබියදී හමු වූ බවටත් විවිධ වාර්තා පල විය. මේවා හමු වූ ස්ථාන ජනාධිපති ලේකම් කාර්යාලයේ නිල වාහන අංගනයන්ය. ඒවා හමුවූයේ ඒවා තිබිය යුතු ස්ථානවලින්මය. පිටකෝට්ටේ දී හමු වූ අතහැර දමා ඇති වාහන බොහොමයක් රජයේ සාමාන්‍ය ක්‍රියාපටිපාටිය පරිදි වෙන්දේසි කල නොහැකි, 1980 දශකය සිට පවතින අධි ආරක්‍ෂිත වාහනය. මමත් මාගේ කාර්ය මණ්ඩලයත් භාවිතා කල සියලු වාහන නිසි පරිදි භාර දී ඇත. සෙසු වාහන කුමන නිලධාරීන්ට හා ආයතනවලට දී ඇත්දැයි ජනාධිපති ලේකම් කාර්යාලයේ ආයතනික හා පරිපාලන අංශයේ වාහන ලේඛණයේ සදහන්ව තිබෙනු ඇත.

මහින්ද රාජපක්‍ෂ
හිටපු ජනාධිපති

09th February 2015
PRESS RELEASE

False and misleading statements continue to be made about me by members of the present government. At a recent TV interview, it was said that over Rs. 100,000 million (Koti dahadahak) had been allocated to the Presidential Secretariat for the year 2015 and that it had now been reduced to Rs. 2,720 million (Koti 272).

A sum of 100,000 million was never allocated to the Presidential Secretariat. The actual sum allocated for 2015 was Rs. 9,593 million (Koti 959). No less than 25 state institutions such as the National Salaries and Cadres Commission, the National Ocean Affairs Committee etc, were listed under the vote of the President. Former presidents and their widows are also maintained by the Presidential Secretariat under this vote. The Establishments & Organizations Division of the Presidential Secretariat serves all the above mentioned institutions and absorbs the bulk of the expenditure. This expenditure therefore represents a large number of institutions and not only expenditure allocated to the President.

The actual sum allocated to the Office of the President (which is only one component of the vote that is designated under the President) for 2015 was Rs. 3,754 million (Koti 375). This included Rs. 1,000 million (Koti 100) which was meant to be spent on the construction of various community projects around the country. If this item is removed, the expenditure on the President’s Office is reduced to the Rs. 2,750 million (Koti 275) that is said to be the new allocation for the president.

It was also said that a special plane for my exclusive use was to be bought with taxpayers’ money at a cost of 16 million USD. No plane was ever ordered for my use. When Sri Lankan Airlines ordered new aircraft, Airbus Industries had provided a complimentary VIP conversion kit to install a cubicle with special facilities for special customers on commercial flights which can be installed and dismantled as required. The sum of 15 million USD was only the manufacturer’s indicative value of this kit which is actually provided free.

The various presidential residences are being mentioned in such a manner as to convey the impression that I had built them for my use. Temple Trees, President’s House and the residences in Nuwara Eliya and Kandy have been used by heads of State and government since the colonial era. The presidential residences in Anuradhapura, Embilipitiya, Mahiyangana and Kataragama were built by President Premadasa. None of these properties were built during my tenure. It was reported in one newspaper that Temple Trees and President’s House will be opened for public viewing soon. I welcome that because tens of thousands of schoolchildren from rural and remote areas and adults toured Temple Trees even when I was occupying it. It was indeed a pleasure to meet and interact with them and to find out snags in development in their areas. Crowds flocked to Temple Trees for my Poya day programmes as well.

It was also said that some vehicles of the Presidential Secretariat had not been returned. News reports said that 22 Defender Jeeps had been ‘discovered’ in Borella and another 53 vehicles belonging to the Presidential Secretariat found ‘abandoned’ in Pitakotte. These are official vehicle yards of the Presidential Secretariat and to say that vehicles were ‘discovered’ at such places is absurd. The vehicles found in Pitakotte are mostly high security vehicles dating from the 1980s which were condemned but cannot be auctioned off as per the normal procedure. All vehicles used by me and my staff have been returned. The details of other vehicles that had been issued to various officers and institutions under the Presidential Secretariat should be known to the Establishments & Organizations Division and can easily be traced by perusing the register maintained for the purpose.

Mahinda Rajapaksa
Former President of Sri Lanka

යාළුවන්වත් දැනුවත් වීමට Share කරන්න.

තවත් අයටත් බලන්නට "Share" කරන්න.