Mahinda Rajapaksa: ‘අරලිය මැඳුරේ කුමන්ත්‍රණයක් නෑ‘

Friday, February 6, 2015

‘අරලිය මැඳුරේ කුමන්ත්‍රණයක් නෑ‘

පහත දැක්වෙන්නේ ලංකාදීප පුවත්පතේ පල වූ ලිපියකි.

පසුගිය ජනාධිපතිවරණයේ ප‍්‍රතිපළ නිකුත් කළ ජනවාරි 09 වැනි දින අරලියගහ මැදුරේ කුමන්ත‍්‍රණයක් ගැන මාධ්‍ය වාර්තා කළත් එවැනි සිදුවීමක් තමා නොදුටු බව ප්‍රංශයේ ශ්‍රී ලංකා තානාපති මහාචාර්ය කරුණාත්න හඟවත්ත පැරීසියේ ලබුර්ජේ ජාත්‍යන්තර බෞද්ධ මධ්‍යස්ථානයේදි පැවසීය.

නිදහස සැමරීම සදහා විහාරාධිපති ප‍්‍රංශයේ ප‍්‍රධාන සංඝ නායක පරවාහැර චන්ද්‍රරතත හිමියන්ගේ ප‍්‍රධානත්වයෙන් පැවැති මෙම උත්සවයේ ප‍්‍රධාන අමුත්තා වුයේ මහාචාර්යවරයාය.

‘ඡන්ද ප‍්‍රතිපළ නිවැරදිව ඉක්මනින් දැන ගන්න නම් එක්කෝ සිරිකොතට යන්න ඕනෑ. එහෙම නැත්නම් අරලියගහ මැදුරේදි අහන්න ඕනෑ. තානාපති කෙනෙක් ලෙස මට සිරිකොතට යන්න බැහැනේ. ඒක නිසා අරලියගහ මැදුරට ගියා.‘

එදින අලුයම 01.30 ට පමණ මා සමඟ වෙනත් තානාපතිවරුන් කිහිප දෙනෙක් අරලියගහ මැදුරේ ඡන්ද ප‍්‍රතිපල අසමින් හිටපු ජනාධිපති සමග සිටියා. තවත් අය හිටියා. එතුමා ඒ සියලූ දෙනා සමග කථා කරමින්, සාකච්ඡා කරමින් ඇවිදිමින් ප‍්‍රථිපල ඇහැව්වා. ඒ අතරතුර එතුමා අරලියගහ මැදුරේ පහළට බසිමින් කෝපි කෝප්පයක් බොමින් නැවත අප අතරට ඇවිත් අර ආසනය කොහොමද අර දිස්ත‍්‍රිස්ක්කය කොහොමද යැයි අසමින් ප‍්‍රතිපල ඇසුවා.

අලුයම 02 ට 03 ට විතර ප‍්‍රතිපල අනුව ඔහු පරාදවී ඇති බව දැනගෙන ලේකම්ට ලියුමක් ලියන්න කියලා නැවතත් පහලට බැස්සා. ටික වේලාවකින් අපිත් පහළට බැස කෝපි කෝප්යක් බීලා එතුමා සෙව්වා.

එතැන කාමරයක එතුමා සිටින බව දැනගෙන හමුවීමට යන කොට ආරක්ෂකයන් ශාලාවේ කාමරයට ඇතුළුවීමට අවසර දුන්නේ නැහැ. අපි කිව්වා අපි තානාපතිවරුන් බව එතකොට මා සමග තවත් තානාපතිවරුන් කිහිප දෙනෙක් සිටියා. අපිට ජනාධිපතිතුමා හමුවීමට යන්න ඕනෑ බව කීවා.

ජනාධිපතිතුමා රනිල් වික‍්‍රමසිංහ මහත්තයත් සමග සාකච්ඡාවක් ඒක නිසා යන්න දෙන්න බැහැ කිව්වා. ඊට පසු අපි ආවා.

ඒ වේලාවේ එතැන සිටි ජනාධිපති කාර්ය මණ්ඩලයේ සමහර අය අඬන්න ගත්තා. එතකොට එතැනට පැමිණි එතුමා ‘මමවත් අඬන්නේ නැති එකේ ඔයාලා මොකද අඬන්නේ‘ කියලා ඇහැව්වා. ඊට පසු ඔහුට යන්න කොළඹ ගෙයක් නැහැ කිව්වම බය වෙන්න දෙයක් නැහැ ඔබතුමාට නිවසක් හා ආරක්ෂාව දෙන බව එතැන සිටි එජාප ප‍්‍රබලයෙක් පොරොන්දු වුණා.

ඕක තමයි අපි දැක්ක දේ . එහෙම නැතුව එතැන කුමන්ත‍්‍රණයක් සිදුවුණාද ? නැද්ද? කියා අපි දන්නේ නැහැ. සමහර විට අද මෙහි කරන මගේ අවසාන කථාව වෙන්න පුළුවන්. මම 28 වැනිදා යනවා. මගේ පරණ රැකියාව ඇමෙරිකාවේ විශ්ව විද්‍යාලයයේ රස්සාව කරගෙන ඉන්නවා.



යාළුවන්වත් දැනුවත් වීමට Share කරන්න.

තවත් අයටත් බලන්නට "Share" කරන්න.