Mahinda Rajapaksa: රනිල් අරලියගහ මන්දිරයේ මල් පෝච්චි ඉවත් කීරිමේ හේතුව මේකයි...

Monday, March 2, 2015

රනිල් අරලියගහ මන්දිරයේ මල් පෝච්චි ඉවත් කීරිමේ හේතුව මේකයි...

flower

අරලියගහ මන්දිරයේ තාප්ප සැරසිල්ලක් ලෙස භාවිතා කර තිබූ මල් පෝච්චි සියල්ලම ඉවත් කිරීමට අග්‍රාමාත්‍ය රනිල් වික්‍රමසිංහ මහතා කටයුතු කළා. එම මල් පෝච්චි පසුගිය පොදුරාජ්‍යමණ්ඩල සමුළුව වෙනුවෙන් නගර අලංකරනය සඳහා තැබූවක්.

මෙම මල් පෝච්චි ගම්පහ හෙනරත්ගොඩ උද්භිත උද්‍යානය වෙත යවා තිබෙනවා. මෙලෙස මල් පෝච්චි ඉවත් කිරීමට හේතුව ලෙස දක්වා තිබුණේ මේ මල් පෝච්චි නඩත්තුව සඳහා විශාල මුදලක් වැය වීමලු...

මල් පෝච්චි සියල්ලම පෞද්ගලික අංශයට ලබා දුන්නානම් එවිට නඩත්තුවට යළිත් මුදලක් රජයට වැය වන්නේ නෑ කියල කියන්න පුළුවන්. ඒත් ඒවා යවා තියෙන්නේ ගම්පහ ඇති රජයේ උද්‍යානයටයි. එවිටත් නඩත්තුවට දිගටම කරන්නේ රජය විසිනුයි.

Gampaha Henarathgoda Botanical Garden - Mal Watta 72

මල් නඩත්තුව සඳහා විශාල මුදලක් යන බවක් යහපාලන රජය විසින් පවසා තිබුණද මේවා පහසුවෙන් ඕනෑම ශුෂ්ක දේශගුණයක වැවෙන මල් පැලයි. සමහර ප්‍රදේශ වල මේවා හැදුනාම උදළුගාලවත් වඳ කරගන්න බැරි තරම් පහසුවෙන් බෝ වෙනවා. මේ බව ගෘහණියන් වඩාත් හොඳින් දන්නවා.

vlcsnap-2015-02-28-17h57m21s48[1]

පහත දැක්වෙන්නේ මල් පැල ඉවත් කිරීමෙන් පසුව අරලිය ගහ මන්දිරයේ තාප්පය දිස් වූ අයුරුයි.

2111

මෙම මල් පැල වලින් කොළඹ නගරයට ලැබුණේ ඉමහත් අලංකාරයක්. ඒ දවස් වල විදේශිකයින් පවා මේ මල් තාප්පය අසළ මොහොතක් නැවතී ඡායාරූප අරගත්තා. එමගින් අපේ රටට ජාත්‍යන්තරයේ ලැබුණේ හොඳ ප්‍රසිද්ධියක්. ස්වභාවධර්මයට ආදරය කරන විදේශිකයින් මීට කීවේ "නැචුරල් ෆ්ලවර් වෝල්" කියලයි. පහත පින්තූරයේ දැක්වෙන්නේ ඈත මල් පැල ඉවත් කරද්දී, එවිටත් ඉවත් කර නොතිබූ මල් පැල වල අලංකාරත්වය විඳිමින් යන විදේශිකයින් යුවලක්.

vlcsnap-2015-02-28-17h57m16s245[1]

පසුගිය කාලයේ යුද හමුදාවේ ඉංජිනේරු බලකාය විසින් රජයේ ඉදිකිරීම් කටයුතු කිරීමට එරෙහිව එක්සත් ජාතික පක්ෂයෙන් විශාල හඬක් නැගූ හැටි ඔබට මතක ඇති. ඉංජිනේරු බලකාය යනු ඉදිකිරීම් කටයුතු සඳහාම යොදා ගන්නා, හමුදාවේ සිවිල් අංශයයි. එහෙත් මෙම මල් පැල ඉවත් කිරීමට යොදාගෙන තිබෙන්නේ යුද හමුදාවේ සෙබලුන් බවයි දක්නට ලැබෙන්නේ. පහත පින්තූරයේ ලොරියේ අංකය බලන්න.

247

මෙම මල් පැල ඉවත් කිරීමේ සැබෑ හේතුව ලෙස අපට දැනගන්නට ලබුනේ අපූරු විස්තරයක්. එනම් මල් පැල වල පාට කුරහන් පාට නිසා එමගින් අරලිය ගහ මන්දිරයට එන ජනතාවට මහින්දව මතක් වීම වලක්වා ගත යුතු වීමයි. ඒ අනුව මහින්ද මහතාගේ පාට පවා ඉතිහාසයෙන් මකා දාන එක ඔවුන් සිදුකරනවා. ඒ අනුව ඉදිරියේදී කුරහන් පැහැය සහිත අනෙකුත් මල් පැලත්, කුරහන් පාට ඇති ලීබඩු ආදියත් අරලියගහ මන්දිරයෙන් ඉවත් කිරීමට නියමිතයි.

යාලුවන්වත් දැනුවත් වීමට Share කරන්න.