Mahinda Rajapaksa: මහින්ද හොර පාරෙන් පාර්ලිමේන්තු එන්න හැදුවා කියූ චෝදනාවත් බොරු බව ඔප්පු වෙයි.

Tuesday, March 17, 2015

මහින්ද හොර පාරෙන් පාර්ලිමේන්තු එන්න හැදුවා කියූ චෝදනාවත් බොරු බව ඔප්පු වෙයි.

මහින්ද රාජපක්ෂ මහතා පසුගිය ජනාධිපතිවරණයෙන් පරාජය වූ පසුව ජාතික ලයිස්තු මන්ත්‍රීධූරයක් ලබාගෙන පාර්ලිමේන්තුවට පත් වීමට හැදූ බව පසුගිය කාලයේ ජනමාධ්‍ය විසින් වාර්තා කළා. එය පදනම් කරගනිමින් එජාප මඩ යුනිට් එක විසින් මහින්ද රාජපක්ෂ මහතා බලලෝභියෙක් කියමින් ඉතාමත් පහත් ආකාරයට අපහාස කරනු ලැබුවා.

z_p17-Positive-02[1]එහෙත් වර්තමානයේදී මෛත්‍රීපාල සිරිසේන මහතාගේ නායකත්වය සමග එක්ව සිටින ඩිලාන් පෙරේරා මන්ත්‍රීතුමාගේ ප්‍රකාශයකින් එම චෝදනාව බොරුවක් බව සනාථ වී තිබෙනවා. මෙන්න එම ප්‍රකාශය 2015/03/11 දින දිවයින පුවත්පතේ තිබුණේ මෙලෙසයි.
ජනාධිපතිවරණයෙන් මහින්ද රාජපක්‍ෂ මහතා පරාජයට පත් වීමෙන් පසු ඒ මහතා ජාතික ලැයිස්‌තුව හරහා පාර්ලිමේන්තුවට පත්කර විපක්‍ෂ නායක ධුරය ලබාදීමට ශ්‍රී ලංකා නිදහස්‌ පක්‍ෂය සාකච්ඡා කළද එයටද ඔහු අකමැත්ත ප්‍රකාශ කළ බව මාධ්‍ය ප්‍රකාශකවරයා අනාවරණය කළේය.

එලෙස පවසා ඇත්තේ විමල් වීරවංශ මහතා හෝ උදය ගම්මන්පිල මහතා නොවේ. වර්තමානයේදී මෛත්‍රීපාල සිරිසේන මහතාගේ නායකත්වය සමග සමග එක් වී සිටින ඩිලාන් පෙරේරා මන්ත්‍රීතුමා විසිනි.

ජනමතයට ගරු කළ මහින්ද රාජපක්ෂ මැතිඳුන් ජනමතයකින් තොරව අඩුම තරමින් විපක්ෂනායක බවට පත් වීමටවත් අකමැති වූයේ එලෙසයි. එතුමා සෑම විටම ගරු කරන්නේ ජනමතයටයි. ඉදිරියේදීත් එලෙසයි. එහෙත් හොර පාරෙන් සමහර තානාන්තර ගත්තෝ කවුරුන්දැයි ඔබ සැමට අමුතුවෙන් කීමට ඇවසි නෑ.

එජාප මඩ යුනිට් එක විසින් අන්තර්ජාලයේ පැතිරවූ තවත් මඩක් දැන හෝ නොදැන අවසන් කිරීම සම්බන්ධයෙන් ඩිලාන් පෙරේරා මන්ත්‍රීතුමාට අපි ස්තුතිවන්ත වන්නෙමු.

යාලුවන්ටත් දැනුවත් වීමට Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.