Mahinda Rajapaksa: "වැලි රාජුටත් ආරක්‍ෂාවක් දුන්නානම් ඝාතනය වෙන්නේ නෑ" - බුද්ධිකට පිළිතුරු

Monday, March 30, 2015

"වැලි රාජුටත් ආරක්‍ෂාවක් දුන්නානම් ඝාතනය වෙන්නේ නෑ" - බුද්ධිකට පිළිතුරු

"මේ ජනාධිපතිවරණයටත් ජනාධිපතිවරයාට හා නොදෙවෙනි ආරක්ෂක නිලධාරීන් තමුන්ගේ මල්ලිලාට පුත්තුන්ට සහෝදරයන්ට දීලා තිබුණානම් මේ වගේ සිද්ධියක් වෙන්නේ නෑ" ලෙස ප්‍රියන්ත සිරිසේන මහතාගේ මරණය සම්බන්ධයෙන් බුද්ධික පතිරණ මහතා අදහස් දැක්වීය.



ඒ අනුව ඔහුගේ කතාවෙන් ගම්‍යමාන වන්නේ පහුගිය ජනාධිපතිවරයාගේ සහෝදර සහෝදරියන්ට ආරක්ෂාව දී තිබීම ගැන චෝදනාවකුයි. එසේම තවත් බරපතල කතා බොහෝමයක් වත්මන් ආණ්ඩුවට සහාය දෙන මඩ වෙබ් අඩවි ගණනාවක පළ වූ නිසා මේ ගැන කරුණු කිහිපයක් ඔබ හමුවේ තබන්නෙමු.

1. ප්‍රියන්ත සිරිසේන මහතා හෙවත් වැලි රාජුගේ කැරැට්ටුව කෙසේ වුවද ඔහු තවත් මනුෂ්‍යයෙක් නිසා, යහපාලනයක් තිබෙනවා යැයි ආණ්ඩුවෙන්ම කියා ගන්නා කාලයක රටේ ජනාධිපතිවරයාගේ සොයුරාට මෙලෙස අකාලයේ මිය යන්නට සිදුවීම ගැන මනුෂ්‍යත්වයේ නාමයෙන් අප කණගාටු වන්නෙමු. රටේ විධායක ජනාධිපතිවරයාගේ සහෝදරයාටත් ජීවිත ආරක්ෂාවක් නොමැති වකවානුවක සාමාන්‍ය මිනිස්සුන්ගේ ජීවිත ආරක්ෂාව ගැන ඇති වන්නේ භීතියකි.

2. ආණ්ඩුවට කඩේ යන සමහර වෙබ් අඩවි වලින්ම කියන පරිදි වැලි රාජු නීති විරෝධී වැඩ කර තිබුණිනම් කළ යුතුව තිබුණේ අඩුම තරමින් පසුගිය මාස 3 තුළදී ඔහුට එරෙහිව නීතිය ක්‍රියාත්මක කිරීමයි. එසේ නැතිව දැන් සිරිසේනගේ මල්ලි ගැන කියමින් රාජපක්ෂවරුන්ගේ කාලෙදි නීතිය ක්‍රියාත්මක වුණේ නෑ ආදී ලෙස මඩ ගැසීමේ තේරුමක් නැත.

3. මහින්ද රාජපක්ෂ මහතා යනු ලෝකයේ දරුණුතම ත්‍රස්තවාදී සංවිධානය යුධමය වශයෙන් පරාජය කිරීමට නායකත්වය දුන් ජනාධිපතිවරයායි. එතුමාගේ සොයුරා වන ගෝඨාභය රාජපක්ෂ මහතා ඒ සඳහා ත්‍රිවිධ හමුදාපතිවරුන්ව මෙන්ම රණවිරුවන්වත් පෙළගස්වමින් නායකත්වය ලබා දුනි. කොටි ත්‍රස්තවාදීන් පරාජය වුවද විසිරී සිටිය හැකි ත්‍රස්තයන්ගෙන් තිබෙන අනතුරු නිසා රාජපක්ෂවරුන්ට සාමාන්‍යයෙන් වෙනත් අයට වඩා ආරක්ෂාවක් ලබා දීමට සිදුවුණි. ගෝඨාභය රාජපක්ෂ මහතා සමග වැලි රාජුව ව්‍යංගයෙන් සැසඳීමට හදන බුද්ධික පතිරණ මහතා ගැන කණගාටු සිතේ.

4. ප්‍රියන්ත සිරිසේන මහතාට එම අනතුර සිදුවී තිබෙන්නේ සමීපතම මිතුරෙක්ගෙනි. එසේනම් උදාහරණ ලෙස එකල ගෝඨාභය රාජපක්ෂ මහතාට දී තිබුණ ආකාරයේ ආරක්ෂාවක් ප්‍රියන්ත සිරිසේන මහතාට දී තිබුණත් එම මිතුරාගෙන් සිදුවන අනතුර මග හැරීම දුෂ්කරය. එනම් ළඟම හිතවතෙක්ගෙන් එකට කෑම කන මොහොතේ වුවද අනතුරක් වීමට හැකි නිසයි.

5. ජනාධිපති මෛත්‍රීපාල සිරිසේන මහතාගේ පුත් දහම් සිරිසේන මහතා කාන්තා හුටපටයක් නිසා නියෝජ්‍ය පොලිස්පති වරයෙක්ගේ පුතෙකුට පහර දී තිබුණි., මූලාශ්‍රය. මෛත්‍රීපාල සිරිසේනගේ සොයුරු ඩඩ්ලි සිරිසේන කැසිනෝ ගැසූ බව ජාතික පුවත්පත් වල වාර්තා විය. මූලාශ්‍රය. මෛත්‍රීපාල සිරිසේන මහතාට පවා පසුගිය කාලයේ අමුතු චෝදනාවක් එල්ල වුණි. මූලාශ්‍රය.

6. නමුත් මහින්ද රාජපක්ෂ මහතාගේ පවුලේ කිසිවෙක් විශමාචාර වලට වරදකරු වී නොමැත. පසුගිය කාලයේ යහපාලන මඩ බලකාය විසින් ෆොටෝශොප් කර තිබෙන මඩ සත්‍යනම් ඒවා ඔප්පු කිරීමට පසුගිය මාස 3 හොඳටම ප්‍රමාණවත්ව තිබුණි.

7. වැලි රාජුට පහර දී ඝාතනය කළේ ව්‍යාපාරික හේතුවක් නිසා බව සමහර මාධ්‍ය වාර්තා කර තිබුණි. නමුත් ප්‍රශ්නය වන්නේ "ව්‍යාපාරික හේතුවක් මත විධායක ජනාධිපතිවරයෙක්ගේ සහෝදරයෙක්ව ඝාතනය කිරීමට තරම් කවුරුන් හෝ ආවේගශීලී වෙනවාද?"

තීරණය ඔබ සතුයි.

වැලි රාජුගේ මරණය සම්බන්ධයෙනුත් තැන් තැන් වල හැංගී සිටින යහපාලනකරුවන් සිදුකරන්නේ රාජපක්ෂවරුන්ට මඩ ගැසීම නිසා ඉහත පිළිතුරු ඔවුන්ට ලැබුණි.

යාලුවන්ටත් දැනගන්නට Share කරන්න.