Mahinda Rajapaksa: මහින්දෝදයටත් යහපාලනය සිදුවෙයි. අවනීතියෙන් මහින්දගේ නම ගලවයි.

Thursday, April 23, 2015

මහින්දෝදයටත් යහපාලනය සිදුවෙයි. අවනීතියෙන් මහින්දගේ නම ගලවයි.

[1]. දින 100 තුළ අලුතෙන් සිදුවුණ සංවර්ධනයක් නොමැති වුවත්, එදා මහින්ද රාජපක්ෂ මහතා ආරම්භ කළ මහින්දෝදය තාක්ෂණික විද්‍යාගාර පසුගිය දිනෙකත් ප්‍රසන්න රනතුංග මහතා විසින් විවෘත කළ හැටි mahinda.info වෙතින් ඔබ වෙත ගෙන ආවෙමු.

[2]. එහිදී මහින්දෝදය නැමැති නම වෙනස් කර අධ්‍යාපන අමාත්‍ය අකිල විරාජ් කාරියවසම් මහතාගේ නම ඇතුළත් කරන ලෙස ඉල්ලුවද බස්නාහිර පළාත් මහ ඇමති වරයා එය ප්‍රතික්ෂේප කළේය.

[3]. අධ්‍යාපන ඇමති තනතුර ලබා ගත් වහාම අකිල විරාජ් කාරියවසම් මහතා පැවසූයේ "මින් ඉදිරියට පුද්ගල නාමයන් පාසල් වල නම් සඳහා භාවිතා නොකරන බව" යි. එසේම දේශපාලඥයින්ගේ නම් පාසල් වලින් ඉවත් කරන බවත් ඔහු පැවසුවේය. මූලාශ්‍රය. ඒ අනුව ශ්‍රී ලංකාවේ බොහෝ කීර්තිමත් පාසල් වල නම් වෙනස් වීමට නියමිතව තිබුණි.

[4]. සමහර විදුහල් පළාත් සභාව යටතේ පවතින බැවින්, 13 වන ආණ්ඩුක්‍රම ව්‍යවස්ථාවේ නියමයන්ට අනුව මධ්‍යම ආණ්ඩුවට ඕන විදිහට ඒවායේ නම ඉවත් කිරීමට නොහැකි නිසා, නීතියට පිටින් ගොස් නම ඉවත් කළ ආකාරයකුයි පහත දැක්වෙන්නේ. සීදූව දිවිසමර විදුහලේ සහ ශ්‍රී පඤ්ඤාණන්ද ජාතික පාසලේ මහින්දෝදය විද්‍යාගාර වල පුවරු වලට මෙලෙස යහපාලනය උදා විය.

1 copy

2 copy

3 copy

4 copy

[5]. ඒ අතර දයාසිරි ජයසේකර මහතා දීගල්ල රේවත මධ්‍ය මහා විද්‍යාලයේ මහින්දෝදය තාක්ෂණික විද්‍යාගාරය විවෘත කිරීමට යාමේදී එහි සමරු ඵලකය පවා ගලවා ඉවත් කර තිබුණි.



[6]. නිදහස් අධ්‍යාපනයේ පියා සී ඩබ්ලිව් ඩබ්ලිව් කන්නංගර මහතා බව ආණ්ඩු මාරු වීමෙන් පසුව වෙනස් වුණේ නැත. මහපොළ ශිෂ්‍යාධාර ක්‍රමයේ ගෞරවය ලලිත් ඇතුලත්මුදලි මහතාට ලැබීම ආණ්ඩු මාරු වීමෙන් පසුව වෙනස් වුණේ නැත. එහෙත් දැන් මහින්ද රාජපක්ෂ මහතාගේ නම ඉතිහාසයෙන් මකා දමා එතුමා කළ සියලුම දේවල් වල ගෞරවය හොඳින් හෝ නරකින් සමහරුන්ට අවශ්‍ය වී තිබේ. එසේ ගත්තාටද කමක් නැත, නමුත් මෙහිදී පාසල් දරුවන් සම්බන්ධයෙන් ලබා දී ඇත්තේ ඉතාමත් නරක ආදර්ශයකි.

Share කර යාලුවන්ටත් පෙන්වන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.