Mahinda Rajapaksa: මහින්දව අල්ලස් කොමිසම්ට කැඳවනවානම් රනිල්වත් කැඳවන්න - රජීව

Wednesday, April 29, 2015

මහින්දව අල්ලස් කොමිසම්ට කැඳවනවානම් රනිල්වත් කැඳවන්න - රජීව

TH10_RANIL__G71_TH_2274393e[1]පසුගිය දා මහින්ද රාජපක්ෂ මහතාව අල්ලස් කොමිසමට ගෙන යාමට යහපාලන ආණ්ඩුවෙන් උත්සාහ ගත්තේ, ජනාධිපතිවරණ කාලය තුළ පුරප්පාඩු වී තිබූ සෞඛ්‍ය ඇමති කම තිස්ස අත්තනායක මහතාට දුන්නා කියමිනි. එහෙත් හිස් වූ ඇමති ධූරයක් පිරවීම ජනාධිපතිවරයෙකුට ව්‍යවස්ථාවෙන් ලැබී ඇති අයිතියක් වන අතර, එම ජනාධිපති බලතලය ජනාධිපතිවරණ කාල සීමාව තුළදීවත් අහෝසි නොවන බව ව්‍යවස්ථා විශේෂඥයින් විසින් පෙන්වා දී තිබුණි. වැඩි විස්තර මෙම ලිපියෙන්.

නමුත් ඊට වඩා අති බරපතල චෝදනා අග්‍රාමාත්‍ය රනිල් වික්‍රමසිංහ මහතාට එරෙහිව ඇති බව වාර්තා විය. අප මෙය පළ කරන්නේ පසුගිය දිනවල මහින්ද රාජපක්ෂ මහතාට එරෙහිව එල්ල වූ එම ඇමතිකම ලබා දීම ගැන චෝදනාවට තවත් පිළිතුරක් වශයෙනි.

අගමැති රනිල් වික‍්‍රමසිංහ මහතාට එරෙහිව අල්ලස් හෝ දුෂණ විමර්ෂන කොමිෂව් සභාවට පැමිණිලි කළ යුතු යයි පවසමින් පාර්ලිමේන්තු මන්ත්‍රී මහාචාර්ය රජීව විජේසිංහ මහතා විසින් එම කොමිසමේ සභාපතිවරයාට ලිපියක් යවා ඇත.

එමගින් ඔහු පෙන්වා දෙන්නේ තිස්ස අත්තනායක මහතාට අල්ලසක් දීම පිළිබඳව මහින්ද රාජපක්ෂ මහතාට එරෙහිව විමර්ශනයක් කරන්නේ නම් රනිල් වික්‍රමසිංහ මහතාට එරෙහිව ද එවැනි චෝදනා මත විමර්ශනයක් කළ හැකි බවයි.

[1]. අමාත්‍ය රවුෆ් හකීම් මහතා වත්මන් ජනාධිපතිවරයාගේ ඡන්ද ව්‍යාපාරයට සහායදීම සඳහා "මුදලක් ඉල්ලූ බව" අගමැතිවරයා තමන්ට පවසා ඇති බවත්

[2]. රිශාඩ් බදියුද්දීන්ට ඇමති ධුරයක් ලබා දුන්නේ ඔහු වත්මන් ජනාධිපතිවරයාගේ ඡන්ද ව්‍යාපාරයට සහය පළ කිරීමේ කොන්දේසියක්මත බව අගමැතිවරයා පැවසූ බවද

එම ලිපියේ දැක්වේ.

rajiw

රනිල් වික්‍රමසිංහ මහතාට එරෙහිව ඉහත චෝදනාව නගන්නේ මෛත්‍රීපාල සිරිසේන මහතාට එරෙහි මන්ත්‍රීවරයෙක් නම් ජනතාව එය නොසලකා හරිනු ඇත. එහෙත් ඉහත චෝදනාව නගන පාර්ලිමේන්තු මන්ත්‍රී මහාචාර්ය රජීව විජේසිංහ මහතා පසුගිය කාලයේ මෛත්‍රීපාල සිරිසේන මහතාට සහාය දුන් අයෙකි. ඒ අනුව යහපාලනයට සහාය දුන් අයම යහපාලනයේ කෙරුවාව ජනතාවට හෙළිකරමින් සිටී.

යාලුවන්ටත් බලන්නට Share කරන්න.