Mahinda Rajapaksa: රන්ජන් පවසන බිලියන ගාණක පුටු වංචාවේ ඇත්ත මෙන්න

Tuesday, April 7, 2015

රන්ජන් පවසන බිලියන ගාණක පුටු වංචාවේ ඇත්ත මෙන්න

ඉඹුල්ගොඩ භාවනා මධ්‍යස්ථානය වැටලීමෙන් බොදු ජනතාවගේ විරෝධයට ලක් වී ටික දිනක් නිහඬව සිටි පශු සම්පත් නියෝජ්‍ය අමාත්‍ය රන්ජන් රාමනායක මහතා නැවතත් යහපාලන වැටලීම් ආරම්භ කර තිබේ.

පශු සම්පත් නියෝජ්‍ය අමාත්‍යතුමාගේ අලුත්ම වැටලීම වන්නේ, මත්තල ගුවන් තොටුපොළට කටුනායක ගුවන්තොටුපොළෙන් පුටු වගයක් ගෙන ඒමයි.

ගුවන් තොටුපල නිලධාරියෙකු හා සාකච්ඡා කරමින් ඔහු පවසන්නේ මෙමගින් බිලියන ගණනාවක පාඩුවක් සිදුව ඇති බවයි. රාමනායක මහතා පුටු පෙන්වමින් කීවේ මෙතැන බිලියන ගාණක නාස්තියක් සිදුව ඇති බවකි.



(1). එතන සිටි නිලධාරියා පවසන්නේ ඒවා මත්තල ඇති Backup පුටු බවයි. ඒ කියන්නේ හදිසි අවශ්‍යතාවයකදී පාවිච්චිය සඳහා වැඩිපුර තියාගෙන ඉන්න පුටු. ඉතින් මත්තල වැඩිපුර තියෙන පුටු කටුනායක හයි කලාම වරද මොකක්ද? ඔබතුමා කියන්නෙ කටුනායකට අලුත් පුටු ගන්න කියලද?

(2). පොඩ්ඩක් හොයලා බලන්න, කටුනායක backup airport එක Chennai තිබ්බ කාලෙ මාසෙකට මිලියන කීයක් ගෙව්වද කියලා.

(3). යහපාලන ආණ්ඩුවේ භාණ්ඩාගාර බැඳුම්කර නිකුතුවෙන් පසුගිය සති 4 ට පමණක් රටට සිදුවූ පාඩුව රුපියල් බිලියන 41 ක් (Rs.41,000,000,000.00) බව ආර්ථික විශේෂඥයෙක් වන බන්දුල ගුණවර්ධන මහතා පවසනවා. මේවා රන්ජන් වගේ ආවට ගියාට කියන ඉලක්කම් නොවෙයි. බොහොම වගකීමකිනුයි එතුමා පවසන්නේ.

මත්තල ගුවන්තොටුපොළ හදන්න වැය වුණේ ඩොලර් මිලියන 210 ක් හෙවත් රුපියල් 26,250,000,000 (එකල $/SLR විනියම අනුපාතය රු. 125 ක් ලෙස සලකා).

ඒ අනුව රන්ජන් රාමනායක මහතාගේ ආණ්ඩුවෙන් පහුගිය මාසය තුළ රටට කරපු පාඩුව ඉතිරි කරගත්තානම් මත්තල ගුවන් තොටුපොළ වගේ තවත් එකක් ඕන්නම් හදලා, ඉතිරි සල්ලි වලින් තව අධිවේගී මාර්ගයක් හදන්නත් තිබුණා.

(4). එහි එක පේළියක පුටු 20 ක් තිබෙන අතර පුටු පේළි 4 ත්, පැත්තකින් ඇති පුටු ටිකත් එක්ක වැඩිම වුවහොත් පුටු 100 ක් තිබේවි. රන්ජන් රාමනායක මහතාට දෙගුණයකම වාසියක් දෙමින් එහි පුටු 200 ක් ඇතැයි සිතමු.

රන්ජන් පවසන පරිදි බිලියන ගාණක පාඩුවක් කීවද අපි පාඩුව රු. බිලියනයක් යැයි කියමු.

ඒ අනුව පුටුවක මිල බලමු. රුපියල් 1,000,000,000.00 / පුටු 200 = පුටුවක මිල රුපියල් 5,000,000.00

ඈ රන්ජන් මහත්තයෝ, ඔතන එක පුටුවක් රුපියල් ලක්ෂ 50 ක් නම් ඒවා රිදීයෙන් හදලා රත්තරං පේන්ට් කරල ඇති නේද? හත්දෙයියනේ බොරු කියනවා කියලා ඇමතිවරයෙකුට මෙහෙමත් බොරු කියන්න පුළුවන්ද?

(5) ජනාධිපතිවරණය කාලෙදි රන්ජන් රාමනායක ඇතුළු යහපාලන නඩය රූපවාහිනී සජීවී සංවාද වලට ගිහින් දිගින් දිගටම අතිගරු මහින්ද රාජපක්ෂ ජනාධිපති තුමාට චෝදනා කළේ "හොරා හොරා හොරා" කියලයි. ඒවා අහපු පාවෙන ඡන්ද දායකය ඒවා විශ්වාස කරලා රටක් බේරා ගත් ඒ අසහාය නායකයාව ගෙදර යැව්වා. මාස 3ක් ගිහිල්ලත් ඔප්පු කරපු මහින්ද මැතිඳුන්ගේ එකම හොරකමක්වත් නෑ. ඉදිරි මහ මැතිවරණය ඉලක්ක කරමින් දැනුත් මේ වගේ අතේ පැලවෙන බොරු කියමින් මඩ ගහන එකයි රන්ජන් රාමනායක වැන්නවුන් සිදුකරන්නේ.

පශු සම්පත් නියෝජ්‍ය අමාත්‍ය රන්ජන් රාමනායක මහතාගේ යහපාලනයේ හැටි නොදන්න අයට දැන්වත් දැක බලාගන්න Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.