Mahinda Rajapaksa: SLFP මහ ලේකම් මහින්ද ගාවට ආවාම වුණ දේ... (( VIDEO ))

Saturday, April 11, 2015

SLFP මහ ලේකම් මහින්ද ගාවට ආවාම වුණ දේ... (( VIDEO ))

ගම්පහදී චන්ද්‍රිකා කුමාරතුංග මිය ශ්‍රී ලංකා නිදහස් පක්ෂ ක්‍රියාකාරී පිරිසක් හමුවේ පැවසූවේ "මහින්දටත් ඕන්නම් පක්ෂයට ඇවිල්ලා සම්බන්ධ වෙලා ඔළුව නමාගෙන වැඩ කරන්න පුළුවන්" ලෙසටයි.



ඉන් අනතුරුව මෛත්‍රීපාල සිරිසේන මහතාගේ ප්‍රධානත්වයෙන් කුරුණෑගලදී පැවැති ශ්‍රී ලංකා නිදහස් පක්ෂ ක්‍රියාකාරීන්ගේ රැස්වීමට චන්ද්‍රිකා කුමාරතුංග මිය පැමිණි අතර එහිදී සභාවෙන් එල්ල වූයේ හූ හඬ සහිතව දැඩි විරෝධයක්.

විධායක ජනාධිපතිවරයෙක්ගේ ප්‍රධානත්වයෙන් පැවැත්වෙන රැළියකට එහි සිටින තමන්ගේම පාක්ෂිකයින්ගෙන් හූ හඬ එල්ල වීම අසාමාන්‍ය තත්ත්වයක් බවයි මැදහත් විචාරකයින් පවසා තිබුණේ.


චන්ද්‍රිකා කුමාරතුංග මියට ජනතාවගෙන් එලෙස ප්‍රතිචාර ලැබෙද්දී, මෑතකදී අහුගම්මන විහාරයේදී පැවැති උත්සවයකදී මහින්ද රාජපක්ෂ මහතාට ජනතාවගෙන් ලැබුණේ මෙවන් ප්‍රතිචාරයකුයි.



මහින්ද රාජපක්ෂ මහතා නොමැතිව මැයි දිනය පැවැත්වීමට මුලදී සැලසුම් කළ බව අපට ආරංචි වුණා, ඒ සඳහා හයිඩ් පිටිය තෝරා ගත්තත් ඊට පැමිණීමට නියමිතව තිබුණේ ඉතාම සුළු පිරිසක්. හේතුව තමයි මෛත්‍රීපාල සිරිසේන මහතාට ඡන්දය දුන් අය එදාට එජාප සහ ජවිපෙ මැයි දින සැමරීමට යාම.

"මහින්දගෙන් තොර ශ්‍රී ලංකා නිදහස් පක්ෂයක්" වෙනුවෙන් සමහරුන් සිහින දැක්කත් එය මේ මහ පොළොවේ සිදුවන යතාර්ථයක් නෙමෙයි.

ඒ බව ඔප්පු කරමින් ශ්‍රී ලංකා නිදහහස් පක්ෂයේ මහ ලේකම් අනුර ප්‍රියදර්ශන යාපා මහතා, මහින්ද රාජපක්ෂ මහතාව මුණ ගැසීමට පැමිණියේ දකුණු පළාතේ මන්ත්‍රීවරුන් අභයාරාමයේදී මුණ ගැසෙද්දීයි. පහත දැක්වෙන්නේ ඔහු මහින්ද රාජපක්ෂ මහතාව මුණ ගැසීමට අවස්ථාවක් ලැබෙන තුරු කල් මරමින් බලා සිටින අයුරුයි.

2

එළඹෙන මැයි 1 වනිදා පවත්වන ශ්‍රී ලංකා නිදහස් පක්ෂ මැයි දින රැළියට පැමිණෙන ලෙස අනුර ප්‍රියදර්ශන යාපා මහතා මහින්ද රාජපක්ෂ මහතාට ආරාධනා පත්‍රය ගෞරවයෙන් යුතුව පිළිගන්වනු ලැබුවා. එහි සිටි මන්ත්‍රීතුමන්ලාගෙන් ලැබුණ ප්‍රතිචාරය මෙලෙසයි.


1

ඒ අනුව චන්ද්‍රිකා කුමාරතුංග මියගේ උද්ධච්ච ප්‍රකාශයට ස්වභාවිකවම පිළිතුරු ලැබුණා.

යාලුවන්ටත් බලන්නට Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.