Mahinda Rajapaksa: මොහොමඩ් තජුඩීන් මියයාම සහ යහපාලනයේ රාජපක්ෂ දඩයම

Friday, May 15, 2015

මොහොමඩ් තජුඩීන් මියයාම සහ යහපාලනයේ රාජපක්ෂ දඩයම

[1]. සිදුවීම.

(i). 2012 වර්ෂයේ මැයි මස 17 වැනිදා රාත්‍රියේ නාරාහේන්පිට ශාලිකා ක්‍රීඩාංගනය අසල තාප්පයක සිය මෝටර් රථය ගැටීමෙන් මොහොමඩ් වසීම් තජුඩීන් නමැති ජනප්‍රිය රගර් ක්‍රීඩකයා සිය මෝටර් රථය තුළදීම අවාසනාවන්ත ලෙස පිළිස්සී මිය ගියා.

(ii). පරීක්ෂණ වලින් අනතුරුව පොලීසියත් තීරණය කළේ වසීම් තජුඩීන් පදවාගෙන ආ වාහනය පාලනය කරගත නොහැකි වී තාප්පයක ගැටීමෙන් පසුව එක විටම ගිණි ගත් බවත් එමගින් ඔහුගේ ජීවිතක්ෂය සිදුවූ බවයි. පහත දැක්වෙන්නේ සිරස ටීවී එකේ ඒ ගැන වාර්තාවයි.


 

[2]. වෙබ් අඩවි මඩ.

(i). ඉන් අනතුරුව ටික කලක් යත්ම එය හදිසි අනතුරක් නොව ඝාතනයක් බව කියමින් පුවත් මැව්වේ lankaleaks.com නැමැති වෙබ් අඩවිය විසිනුයි. මඩ ගැසීම සඳහාම ආරම්භ කළ එකක් බව ඔප්පු කරමින් මේ වන විට එම වෙබ් අඩවිය අන්තර්ජාලයේ ඇත්තේත් නෑ.

(ii). එහිදී එම වෙබ් අඩවියෙන් කියා සිටියේ තජුඩීන්ගේ මරණය පසුපස යෝෂිත රාජපක්ෂ මහතා සිටින බවත්, ඊට හේතු වූයේ යෝෂිතගේත් පෙම්වතිය තජුඩීන් සමග සම්බන්ධතාවයක් පවත්වා ගැනීම නිසා යෝෂිත කළ පළි ගැනීමක් කියලයි.

(iii). එම මඩ මූලාශ්‍ර කරගනිමින් ඉතාමත් සංවිධානාත්මක ලෙස එජාපයට සම්බන්ධ අනෙකුත් මාධ්‍ය හරහාත් එම මඩ ප්‍රචාරණය සිදුවුණා.

 

[3]. මඩ අතේ පැලවෙයි.

(i). තජුඩීන්ගේ මිය යාමට යෝෂිත රාජපක්ෂ මහතාව සම්බන්ධ කිරීමට මඩකරුවන් යොදාගත් එකම මූලාශ්‍රය වුයේ යසාරා අබේනායක මෙනෙවිය ඒ ගැන යෝෂිතට එරෙහිව චෝදනා කළ බව කීමයි.

(ii). නමුත් යසාරා අබේනායක මෙනෙවිය, මොහොමඩ් වසීම් තජුඩීන් නැමැත්තෙක්ව කිසිදා දැන නොසිටි බවටත්, එවැන්නෙක් සමග කිසිදු සම්බන්ධතාවයක් නොතිබුණ බවටත් ප්‍රකාශ කර තිබුණා. පහත දැක්වෙන්නේ එක්සත් ජාතික පක්ෂයටම සම්බන්ධ asianmirror.lk වෙබ් අඩවියේ පළ වූ එම පුවතයි. (එජාප වෙබ් අඩවියකින්ම පළ කරන්නේ එජාප පාක්ෂිකයින්ට මධ්‍යස්ථ වෙබ් අඩවි වන්නේ එජාප වෙබ ඩවි පමණක් නිසයි)
Yasara Speaks Up: "I Had No Connection With Wasim Thajudeen"
Thursday, 15 January 2015 19:22

Yasara Abeynayake, who was dubbed in certain media reports as the ex-girlfriend of Yoshitha Rajapaksa, told Asian Mirror that she did not even know nor did she have any connection with Wasim Thajudeen, the Rugby player who was killed in a road accident in 2012.

Abeynayake, who was formerly the Channel head of CSN, is now attached to a Sri Lankan diplomatic mission in Australia. She made these remarks responding to reports that the Rugby player’s sudden death was linked to an alleged “affair” she had with him.

“Why can’t they let the innocent departed rest in peace? Why are they tarnishing his memory and my reputation by coupling me with a person I have never met in my life?” she asked while asserting that she was not even aware as to how her name had been connected to the death of the Rugby player.

Abeynayake also urged news websites to refrain from publishing “unsubstantiated and baseless” reports involving her name.

Meanwhile, Asfan Thajudeen, the brother of Wasim Thajudeen, said on his Facebook profile a few days ago that his family did not believe there was any “foul play” in connection with the tragic accident which led to the Rugby player’s death. “So far not a single proof of evidence has come up to proof otherwise,” he also added.

Wasim Thajudeen, a Sri Lankan ruggerite and former Havelock SC captain, was killed in a road accident in Colombo, in May 2012. According to Police, Thajudeen had been driving to the airport when he had lost control of the car and crashed into the wall of Shalika grounds on park road. The car had exploded within seconds of the crash burning the whole car.

(iii). එම ලිපියේ සඳහන් පරිදි වසීම් තජුඩීන්ගේ සහෝදරයා වන අස්ෆාන් තජුඩීන් මහතාත් ප්‍රකාශ කර ඇත්තේ එකී අවාසනාවන්ත මරණය පසුපස අපරාධයක් සිදුවී ඇති බව ඔහුගේ පවුලේ අයවත් විශ්වාස නොකරන බවයි.

(iv). එම පුවත සනාථ කරමින් යසාරා අබේනායක මෙනෙවිය තම ෆේස්බුක් ගිණුමේත් එය පළ කළා.

yasara

(v). ඊට අමතරව යසාරා අබේනායක මෙනෙවියගේ ෆේස්බුක් ගිණුමේ පළ වූ ස්ටේටස් එකක ස්ක්‍රීන් ශොට් එකක් ලෙස සඳහන් එකක් ෆේස්බුක් පිටුවක තිබී අපට හමු වුණා.
10924750_1392678747700381_5293969308468405952_n[1]

(vi). යසාරා අබේනායක මෙනෙවියගේ සහ අස්ෆාන් තජුඩීන් මහතාගේ එම ප්‍රකාශ සමගම, යෝෂිත රාජපක්ෂ මහතාට එරෙහිව එජාප මඩකරුවන්ට තිබූ එකම චෝදනාවත් පුස්සක් බවට පත් වුණා.

 

[4]. රාජපක්ෂ දඩයම.

(i). අවාසනාවන්ත ලෙස මිය ගිය මොහොමඩ් වසීම් තජුඩීන් මහතාගේ පවුලේ අයවත් නොකරන චෝදනාවක් යොදා ගනිමින් යෝෂිත රාජපක්ෂ මහතාව අත් අඩංගුවට ගැනීමට යහපාලන ආණ්ඩුව කටයුතු කරනවා. සමහර විට මෙය ඔබ කියවද්දී යෝෂිත රාජපක්ෂ මහතා අත් අඩංගුවට පත් වී සිටිනවාත් විය හැකියි.

(ii). කොටි ඩයස්පෝරාව විසින් බටහිර රටකින් කරන ලද ඉල්ලීමකට අනුව, පළමුව මහින්ද රාජපක්ෂ මහතාට සහාය දෙන උදවියවත්, දෙවනුව එතුමාගේ පවුලේ අයවත්, අවසානයේදී මහින්ද රාජපක්ෂ මහතාවත් අත් අඩංගුවට ගැනීමේ මෙහෙයුම දැන් ක්‍රියාත්මක වෙමින් පවතිනවා. එම බටහිර න්‍යායපත්‍රය සනාථ කරමින් බ්‍රිතාන්‍යයේ ඩේවිඩ් කැමරන්ගේ කොන්සවේටිව් පක්ෂයේ මැතිවරණ ප්‍රකාශයේම ශ්‍රී ලංකාවේ ඊනියා යුධ අපරාධ ගැන සඳහන් වීම මගින්, ඔවුන් ශ්‍රී ලංකාව කෙරෙහි දක්වන උනන්දුව කෙතරම් දැයි වටහාගත හැකියි.
"the Conservative Party manifesto has expressed its commitment to the UN investigation into Sri Lankan atrocities and pledged to work towards a political settlement for Tamils in Sri Lanka.
The Conservative Party manifesto, mentioning Cameron's visit to Jaffna where he had visited a camp for the Internally Displaced Persons at Chunnakam, pointed out that the party was committed to ensuring that the Sri Lankan Government cooperated with the UN investigation into war crimes." Source: ceylontoday.lk

(iii). ලිබියාවේ ගඩාෆිට කළ ආකාරයේ ඉරණමක්ම මහින්ද රාජපක්ෂ මහතාට අත් කර දී එමගින් ප්‍රභාකරන් මිය යාමේ පළිය ගෙන, ඩයස්පෝරා සහාය ලබා ගැනීමයි ඔවුන්ගේ අරමුණ වී ඇත්තේ. පහත දැක්වෙන්නේ ඔවුන්ගේ අරමුණ සනාථ කරමින් ෆොටෝශොප් මගින් වෙනස් කර එක්සත් ජාතික පක්ෂයේ නිල ෆේස්බුක් පිටුවේ පළ කර තිබූ පින්තුරයකුයි. (සත්‍ය පින්තූරය මෙතනින්.)

gadafi

(iv). දෙමළ ඩයස්පෝරාවේ ඡන්ද ලබා ගැනීමට මැතිවරණ ප්‍රකාශයේම ශ්‍රී ලංකාවේ ඊනියා යුධ අපරාධ ගැන සඳහන් කළානම්, ප්‍රභාකරන්ව අවසන් කිරීමේ මෙහෙයුමට දේශපාලන නායකත්වය දුන් මහින්ද රාජපක්ෂ මහතාවත්, යුද මෙහෙයුම් සිදුකළ රණවිරුවන්වත් දඩයම් කිරීමෙන් බටහිරයන්ට ලැබෙන ඡන්ද ප්‍රමාණය සුළු පටු නොවන බව ඔබට පැහැදිළියි නේද?

 

Share කර යාලුවන්වත් දැනුවත් කරන්න.