Mahinda Rajapaksa: මහින්ද UN තරගයෙන් තමන්ව පැරැද්දුවාද? - ජයන්ත ධනපාල හෙළි කරයි.

Thursday, May 7, 2015

මහින්ද UN තරගයෙන් තමන්ව පැරැද්දුවාද? - ජයන්ත ධනපාල හෙළි කරයි.

[1]. චෝදනාව

(i). 2006 වසරේදී ශ්‍රී ලංකාවේ ජයන්ත ධනපාල අභිබවා දකුණු කොරියාවේ බෑන් කී මූන් ජගත් සංවිධාන මහලේකම් ධුරයට පත් කිරීම සඳහා හිටපු ජනාධිපති මහින්ද රාජපක්ෂ මහතා සහාය දුන් බවට කොරියා ටයිම්ස් නැමැති වෙබ් අඩවියෙන් 2015/04/17 දින චෝදනා කර තිබෙනවා.

kt

(ii). ඒ සඳහා කොරියා ටයිම්ස් වෙබ් අඩවිය මූලාශ්‍ර කරගෙන තිබෙන්නේ දකුණු කොරියානු ව්‍යාපාරිකයෙක් වන කියන්න්නෑම් ව්‍යාපාරයේ හිටපු සභාපති සුන් වොන් ජොං පැවසූ දෙයක් කියලයි.

 

[2]. චෝදනාවේ හාස්‍යජනක භාවය

(i). කියන්න්නෑම් ව්‍යාපාරයේ හිටපු සභාපති සුන් වොන් ජොං අදාල පුවත පළවූ දිනට සතියකට පමණ පෙර එනම් 2015/04/09 දින මිය ගොස් තිබෙනවා. ඒ බව කොරියන් ටයිම්ස් පුවත්පතේම සඳහන්. මූලාශ්‍රය

kt1

(ii). ඉතින් එහිදී සිදුවී තිබෙන්නේ මැරිච්ච මනුස්සයෙක් කියපු දෙයක් කියලා වාර්තා කිරීමයි. ඒ ප්‍රවෘත්තියේ ඇත්ත නැත්ත දැනගන්නනම් අදාල පුද්ගලයාව වළෙන් නැගිට්ටවන්න වේවි. අදාල ව්‍යාපාරිකයා කිව්වා කියලා ඕනෑම පචයක් පැවසීමට මේ අනුව ඔවුන්ට පුලුවන්.

(iii). එසේම පුද්ගලයෙක් අරබයා, විශේෂයෙන්ම හිටපු ජනාධිපතිවරයෙක් අරබයා චෝදනාවක් එල්ල කිරීමේදී සියලුම පාර්ශවයේ අදහස් විමසා බැලිය යුතුයි. නමුත් කොරියා ටයිම්ස් වෙබ් අඩවියෙන් ජයන්ත ධනපාල මහතාගේ අදහස් විමසා නෑ.

(iv). ඒ අනුව පැහැදිළිවම පෙනී යනවා කොරියා ටයිම්ස් වෙබ් අඩවිය මහින්ද රාජපක්ෂ මහතාට විරුද්ධ පාර්ශවයක වුවමනාවට මෙම ප්‍රවෘත්තිය පළ කළ බව. "ජාත්‍යන්තරය දිනා ගත්තා" කියලා සමහරු පවසන්නේත් ඔය වගේ දේවල් වෙන්න ඕන.

 

[3]. මඩ ගැසීම.

(i). මඩ ගැසීමේ පළමු අදියර වූයේ චෝදනාවක් ජාත්‍යන්තර ජනමාධ්‍යයක පළ කර ගැනීමයි. අපේ රටේ සමහර ජනමාධ්‍යවේදීන් වගේම ජාත්‍යන්තර ජනමාධ්‍යවේදීනුත් ලොකු මුදල් වලට විකිණෙන බව සමාජගත වී නොතිබීම එජාපයට වාසියක් වුණා.

(ii). මඩ ගැසීමේ දෙවන අදියර වූයේ එම ප්‍රවෘත්තියේ අන්තර්ගතය සම්පූර්ණයෙන් විස්තර නොකර එහි තමන්ට අවශ්‍ය කොටස් පමණක් කපා අරගනිමින් දැන් එජාපයේ අදිසි හස්තයකින් මෙහෙයවෙන හිරු ටීවී සහ එජාපයේ පුවත්පතක් වී ඇති දිණමින විසින් සිංහල භාෂාවෙන් පළ කිරීමයි. (මූලාශ්‍රය එජාපයට අවශ්‍ය ලෙසට සකසා ගැනීම). ඔවුන් පැවසූයේ "එජා මහලේකම් තරගයෙන් ඉවත්වීමට ජයන්ත ධනපාල පෙළඹවූයේ මහින්ද - කොරියන් ටයිම්ස් වාර්තා කරයි" ලෙසටයි. අදාල චෝදනාව කරනවා කියන පුද්ගලයා ඊට සතියකට කළින් මිය ගිය අයෙක් බව ඔවුන් පවසා තිබුණේ නෑ.

(iii). මඩ මෙහෙයුමේ තුන් වන අදියර ෆේස්බුක් එකේ පළ වුණා. එනම් මහින්ද රාජපක්ෂ මහතා දේශද්‍රෝහියෙක් ලෙස සමාජගත කිරීමයි ඔවුන්ට අවශ්‍ය වුණේ. පහත දැක්වෙන්නේ ලංකාඊනිවුස් ට නොදෙවෙනි වැසිකිළියක් ලෙස සැලකෙන "Ape Rata" නැමැති පිටුවෙන් කරන ලද පළ කිරීමක්.

ape-rata

(iv). මඩ ගැසීමේ හතර වන අදියර තමයි එජාපයේ වැටුපට වැඩ කරන ෆේස්බුක් ක්‍රියාකාරීන් 20 ක් විතර යොදාගෙන ප්‍රොෆයිල් සිය ගාණක් මගින් එය දිගට හරහට ෆේස්බුක් ගෲප් වල ශෙයා කරවීම.

(v). ඉහත මඩ ගැසීමට දින කිහිපයකට පසුව මහින්ද රාජපක්ෂ මහතාව අල්ලස් කොමිසමට ගෙන අවුත් අත් අඩංගුවට ගැනීමේ කුමන්ත්‍රණයක් දියත් වුණා. ඒ සඳහා මග පාදාගැනීමට මහින්ද රාජපක්ෂ මහතාගේ කීර්තිනාමය විනාශ කිරීමේ උත්සාහයකුයි එලෙස සංවිධානාත්මකව දියත් වුණේ.

 

[4]. ජයන්ත ධනපාල මහතාගේ පිළිතුර.

(i). ජයන්ත ධනපාල මහතා මහලේකම් තරගයෙන් පැරදුනේ ඇයි කියල හොඳටම දන්නේ කොහෙවත් ඉන්න ව්‍යාපාරිකයෙක් හෝ, මැරිච්ච මිනිස්සු කියපු දේවල් ගොතන ජනමාධ්‍ය හෝ, හිටපු ජනාධිපති තුමා හෝ, ෆේස්බුක් එකේ මඩ ගසන උදවිය නොව, අදාල තරගයට සහභාගී වුණ ජයන්ත ධනපාල මහතාමයි.

(ii). පහත දැක්වෙන්නේ ජයන්ත ධනපාල මහතා නෙත්FM වෙත කරනු ලැබූ ප්‍රකාශය. ජයන්ත ධනපාල මහතා එම චෝදනාව පැහැදිළිවම ප්‍රතික්ෂේප කරනවා. එතනින් එහාට කිසිදු චෝදනාවක් අදාල වෙන්නේ නෑ. මූලාශ්‍රය.

jayantha-dhanapala-mahinda-rajapaksa

 

[5]. ඒ අනුව තවත් යහපාලන මඩක් එලෙස අවසන් වුණා.

(i). මඩක් ගහන එක හරිම ලේසියි. නමුත් ඒවා බොරුයි කියලා සාක්ෂි සාධක සහිතව ඔප්පු කිරීම ලෙහෙසි නෑ. (අපි නිකම්ම කටින් කිව්වට ඔබ පිළිගන්නේ නෑ, ඉහත ආකරයට සාක්ෂි ඔබ වෙත ලබා දිය යුතුයි).

(ii). එනිසා කිසියම් චෝදනාවක් දුටු පමණින් සෑම පාර්ශවයකින්ම විග්‍රහ කර නොගෙන ඒවා විශ්වාස නොකරන ලෙස මැදහත් ජනතාවගෙන් අප ඉල්ලා සිටිනවා.

(iii). මේ ආකාරයෙන් දිගින් දිගටම හිටපු ජනාධිපතිවරයාට එරෙහිව සංවිධානාත්මකව මඩ ගසන උදවිය ගැන මැදහත් ජනතාව තීරණය කරනු ඇතැයිද අප බලාපොරොත්තු වෙනවා. (mahinda.info වෙබ් අඩවිය පිරී තියෙන්නේ එජාපයෙන් ගසන ලද මඩ වල ඇත්ත පැහැදිළි කරපු ලිපි සිය ගාණකින්.)

 

ඒ ගැන නොදන්න අයව දැනුවත් වීමට Share කරන්න.

 

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.