Mahinda Rajapaksa: මහින්ද ඝාතනයට කොටි සාමාජිකයින් 3 ක් කුරුණෑගලට ඇවිත් - මූලාශ්‍ර සියල්ලම මෙන්න...

Monday, July 20, 2015

මහින්ද ඝාතනයට කොටි සාමාජිකයින් 3 ක් කුරුණෑගලට ඇවිත් - මූලාශ්‍ර සියල්ලම මෙන්න...

මහින්ද රාජපක්ෂ මහතාට ලබා දී තිබෙන හිටපු ජනාධිපතිවරයෙකුට හිමි ආරක්ෂාව ඉවත් කරන ලෙසට මේ දින වල දිගින් දිගටම යහපාලන ආණ්ඩුව සහ ඔවුන්ට සහාය දෙන උදවිය පැමිණිළි කරයි.

කුරුණෑගල දිස්ත්‍රික්කයේ එජාප කණ්ඩායම් නායක අකිල විරාජ් කාරියවසම් විසින් මෙලෙස මැතිවරණ කොමසාරිස්වරයාට පැමිණිළි කර ඇත.  මූලාශ්‍රය

මීට අමතරව වික්‍රමබාහු කරුණාරත්නගේ (ඔහුගේ අරමුණ කුමක්දැයි ඔබට අමුතුවෙන් කීමට ඇවසි නොවේ) නව සමසමාජ පක්ෂයෙනුත් මහින්ද රාජපක්ෂ මහතාගේ ආරක්ෂාව අඩු කරන ලෙස ඉල්ලමින් පැමිණිළි කර ඇත. මූලාශ්‍රය. මොවුන් මේ සැරසෙන්නේ කුමකටද?

[1]. මේ ගැන අපට මුල්ම සාක්ෂිය ලැබෙන්නේ රනිල් වික්‍රමසිංහ මහතාගේ මාමා වන රංජිත් විජයවර්ධන හා මස්සිනා වන රුවන් විජයවර්ධන යන මහත්වරුන්ට අයත් ‘ලංකාදීප’ පුවත්පතේ 2015/07/18 දිනැති ලිපියකිනි. මූලාශ්‍රය: lankadeepa.lk
mahinda-ltte

(i). එය මහින්ද රාජපක්ෂ මහතාගේ පුවත්පතක් වුණිනම් එය බැරෑරුම් ලෙස ගන්නා මෙන් අපි ඔබෙන් නොඉල්ලමු. එහෙත් එක්සත් ජාතික පක්ෂයටම සම්බන්ධ එවන් පුවත්පතකින්ම පුනරුත්ථාපනය නොවුණ කොටි කුරුණෑගලට ඇවිත් යැයි බුද්ධි අංශ වාර්තාවක් පළ කර තිබෙද්දී එය ලෙහෙසියෙන් නොසලකා හැරිය හැකිද?

(ii). අනෙක් අතට වැල්වැටිතුරෙයි යනු වේලුපිල්ලේ ප්‍රභාකරන්ගේ උපන් බිමයි. - wikipedia.org කුරුණෑගල යනු කොටි සංවිධානය පරාජය කළ රණවිරුවන් වැඩිම බහුතරය සිටින ප්‍රදේශයයි.

(iii). සිවාජිලිංගම් යනු ප්‍රභාකරන්ගේ මස්සිනා ය. - mawbima.lk එම 'මව්බිම' පුවත්පත් ලිපියේම දැක්වෙන පරිදි ඔහු දිවුරුම් දුන්නේත් ප්‍රභාකරන් අවසන් ගමන් ගිය වෙල්ලමුල්ලිවෛක්කාල් වලදීය. ඔහු කලකට පෙර LTTE සංවිධානය සමග සබඳතා පවත්වන බවට චෝදනා පවා එල්ල වී තිබුණි. එසේම ඔහු දෙමළ සංධානයේ හිටපු මන්ත්‍රීවරයෙකි. මහින්ද රාජපක්ෂ මහතා තරග වදින කුරුණෑගලින් සිවාජිලිංගම් තරග වදින්නේ තමන් අනිවාර්යයෙන්ම පරාජය වෙන බව දැන දැනමයි. ඔහුට උතුරෙන් ඉල්ලා දිනීමට හැකියාව තිබියදීත් ඔහු ස්වෙච්ඡාවෙන්ම මෙලෙස පරාජයට පත් වීම සඳහා කුරුණෑගලට පැමිණෙන්නේ ඇයි?

 

[2]. පුනරුත්ථාපනය නොවූ කොටි නිදැල්ලේ සිටින්නේ කෙසේදැයි ඔබටත් සිතෙනවා ඇති. ඒ ගැන සොයමින් යද්දී පහත දැක්වෙන ප්‍රවෘත්ති අපට හමු විය.

ආරක්ෂාව ඉවත් කළේ කුමකටද? දිවයින පුවත්පත 2015/04/02ltte


මේ හමුව කුමකටද? දිවයින පුවත්පත 2015/06/02ltte


[3]. රාජිත සේනාරත්න අමාත්‍යවරයාද පසුගිය දිනෙක ප්‍රවෘත්ති සාකච්ඡාවකදී , මහින්ද රාජපක්ෂ මහතා පන්සල් ගානේ රැස්වීම් තිය තියා යාම ළඟදීම නතරවෙනු ඇති බවට ප්‍රකාශ කළේය.



[4]. මහින්ද රාජපක්ෂ මැතිතුමාට සපයා තිබූ නිල වාහන ගණනාවක් ඉවත් කර මේ වන විට ඇත්තේ වාහන 6 ක් පමණි. එතුමාගේ ආරක්ෂකයින්ට යන්න එන්න වාහන ලබා දී නැත. - rivira.lk එනිසා එතුමා යන වාහනය දැනගැනීමට සතුරන්ට හැකියාව ලැබී තිබේ.

[5]. පෙරේදා දිනයේදී අලූත්ගම බස්නැවතුම්පොළ අසල තිබියදී දුරස්ථ පාලකයකින් පුපුරුවා හැරිය හැකි බෝම්බයක් හමුවී තිබේ. මෙම බෝම්බය අලූත්ගම බස් නැවතුම්පොළ අසල කණුවක් පාමුල දමා ගොස් තිබියදි ත්‍රී රෝද රථ රියදුරෙකු කල දැනුම්දීමක් අනුව අලුත්ගම පොලිසිය සහ බොම්බ නිශ්ක්‍රීය අංශ පැමිණ එය නිශ්ක්‍රීය කර තිබේ. මහින්ද රාජපක්ෂ මහතාද ඊයේ දිනයේ ගාල්ලේ රැස්වීමකට යාම සඳහා මෙම ගමන් ප‍්‍රදේශ හරහා ගමන් කළ අතර මෙය ඔහු ඉලක්ක කර තැබූවක්දැයි සැක පල වෙමින් තිබේ. මෙම සිද්ධිය ස්වාධීන රූපවාහිනිය විසින් විකාශණය කල අයුරු..



එය බෝම්බයක් බවටම ස්වාධීන රූපවාහිනියෙන් පැහැදිළිවම වාර්තා කර තිබියදී, පසුව චීන පටස් එකක් බවට ප්‍රචාරය කෙරෙමින් පවතී. එය සැඟවීමට ඇවසිව ඇත්තේ කුමක් නිසාද?

[6]. හදිසි තත්ත්වයක් ඇතිවුවහොත් ප්‍රතිකාර කිරීම සඳහා මහින්ද රාජපක්ෂ මහතාට ලබා දී තිබූ වෛද්‍යවරයා සහ සාත්තු සේවිකාවත් 2015/06/19 වන විට ඉවත් කර ඇත. - divaina.com

ජනතා මාධ්‍ය මධ්‍යස්ථානයේ ජාතික සංවිධායක නිමල් වීරතුංග මහතා, මහින්ද රාජපක්ෂ මහතාට ඇති ජීවිත අවදානම සම්බන්ධයෙන් 2015 ජූනි 09 වන දින පොලිස්පතිවරයාට පැමිණිලි කර ඇත. මූලාශ්‍රය

එම පොලිස් පැමිණිල්ලෙන් ප්‍රමාණවත් ප්‍රතිඵලයක් නොලැබීම ත්, මහින්ද මහතාගේ ඉතිරි ආරක්ෂාවත් ඉවත් කරන ලෙස එජාපය සහ ජවිපෙ මැතිවරණ කොමසාරිස්වරයාට දිගින් දිගටම පැමිණිළි කිරීමත් නිසා ජනිපෙ මොහොමඩ් මුසම්මිල් මහතා අද දින ශ්‍රී ලංකා මානව හිමිකම් කොමිසමටත් මේ ගැන පැමිණිළි කළේය. මූලාශ්‍රය

මහින්ද රාජපක්‍ෂ මැතිතුමාට ආරක්‍ෂාව සපයා ඇත්තේ දේශපාලන හේතු මත නොව, එතුමාට එල්ල වී තිබෙන ජීවිත තර්ජන පිළිබඳව ශ්‍රී ලංකා රාජ්‍ය බුද්ධි අංශ මගින් වාර්තා ඇති නිසයි. ඉහත දක්වා ඇති ලංකාදීප ලිපිය ඊට කදිම සාක්ෂියකි.

ෆීල්ඞ් මාර්ෂල් සරත් ෆොන්සේකා මහතාටත් අනෙකුත් අපේක්ෂකයින්ට වඩා විශේෂ ආරක්‍ෂාව ලබා දී තිබේ. ඔහු කැබිනට් අමාත්‍යවරයකුට හිමි වරප‍්‍රසාද භුක්ති විඳිමින් ඇතැම් අවස්ථාවල නිල ඇඳුම පවා ඇඳගෙන අපේක්‍ෂකයකු ලෙස පෙනී සිටී. එතුමාට ආරක්ෂාව සපයා තිබීම ගැන අපගේ කිසිදු විරුද්ධත්වයක් ද නැත. නමුත් මහින්ද රාජපක්ෂ මහතාගේ ආරක්ෂාව තවත් අඩු කරන්න කියන අය කිසිම අවස්ථාවක ෆොන්සේකා මහතාගේ ආරක්‍ෂාව අඩු කරන්න කියලා ඉල්ලන්නේ නැත.

2015_May_10_7[1]

පුද්ගලයෙක් ජනප්‍රියව සිටියදී ඔහුගේ ජීවිතය අහිමි කළහොත් එවිට ඔහුගේ මතවාදය අමරණීය වෙයි. බෙදුම්වාදී බලවේග වලට එවැන්නක් අනවශ්‍ය නිසා ඔවුන් කාලයක සිට සිදුකරන්නේ මහින්ද රාජපක්ෂ මහතාගේ චරිතය ඝාතනය කිරීමට උත්සාහ දැරීමයි.  මහින්ද රාජපක්ෂ මැතිතුමාට එරෙහිව බිහිසුණු සයිබර් ප්‍රහාරයක් එල්ල වෙමින් පවතින්නේ ඒ අනුවයි.

ගෙවුනු දසක දෙක ඇතුළත මෙරට ජනප්‍රිය දේශපාලන නායකයන් ඝාතනය සඳහා නිර්මාණය වූ සමාජ හා දේශපාලන වටපිටාව හිටපු ජනාධිපති මහින්ද රාජපක්‌ෂ මහතා වටා අද වන විට ප්‍රතිනිර්මාණය වෙමින් පවතී.

Share කර යාලුවන්වත් දැනුවත් කරන්න.