Mahinda Rajapaksa: භාර දුන් රාජකාරිය අකුරටම ඉටු කළා, සමස්ත ආසියාවෙන්ම මහින්ද පිදුම් ලබයි.

Saturday, July 18, 2015

භාර දුන් රාජකාරිය අකුරටම ඉටු කළා, සමස්ත ආසියාවෙන්ම මහින්ද පිදුම් ලබයි.

තමන් භාර ගත් රාජකාරිය නිසි අයුරින් ඉටු කළ ලෝක නායකයින් අතුරෙන් ජනාධිපති මහින්ද රාජපක්ෂ මහතා සමස්ත ආසියාවේම අංක 3 ට තේරී පත් වී තිබේ. එසේම එතුමා දකුණු ආසියාවේම රාජ්‍ය නායකයින්ගෙන් පළමු තැන ලබා ගෙන ඇත.

මෙම අනාවරණය කර ඇත්තේ එක්සත් ජනපදයේ ලෝකප්‍රකට සමීක්ෂණ ආයතනයක් වන Gallup වෙබ් අඩවියෙනි. පහත දැක්වෙන්නේ තම රාජකාරිය නිසි අයුරින් ඉටු කළ ආසියානු නායකයින් අනුපිළිවෙළිනි.

mahinda-rajapaksa-asia

Gullup වෙබ් අඩවියේ පහත කරුණු වැඩිදුරටත් සඳහන් වෙයි.

[1]. ලාඕසයේ, කාම්බෝජයේ, සහ ශ්‍රී ලංකාවේ ජනතාවගෙන් සෑම 10 දෙනෙකුගෙන් 9 දෙනෙකුම තම රාජ්‍ය නායකයා එදා භාරගත් රාජකාරිය නිසි අයුරින් ඉටු කළ බව සලකයි.

[2]. ආර්ථික ස්ථායිතාවය සහ සාමය ලාඕසයේ, කාම්බෝජයේ සහ ශ්‍රී ලංකාවේ රාජ්‍ය නායකයින් අදාල සමීක්ෂණයෙන් වැඩි මනාප හිමි කරගැනීමට හේතු විය.

[3]. අවුරුදු 26 ක් තිස්සේ පැවැති යුද්ධය අවසන් කළ රාජ්‍ය නායකයා වශයෙන් මහින්ද රාජපක්ෂ මහතා තවමත් ශ්‍රී ලාංකික පුරවැසියන්ගෙන් පිදුම් ලබයි.

Gallup සමාගමේ පර්යේෂණ යනු ශ්‍රී ලංකාවේ වත්මන් යහපාලන ආණ්ඩුවේ සමහර ඇමතිවරු සහ නියෝජ්‍ය ඇමතිවරු හිතුමතේට හෙළි කරන ඊනියා බුද්ධි අංශ වාර්තා මෙන් නොවේ. එක්සත් ජනපදයේ "ජෝර්ජ් ගලප්" විසින් 1935 දී ආරම්භ කරන ලද ගලප් සමාගම වසර 70ක ට පසුව මේ වන විට ලෝකයේ බොහෝ රටවල් වලින් ජනතා මතය නිල වශයෙන් දැනගැනීමට භාවිතා කරන සමීක්ෂණ ආයතනයකි. රටවල් 20 ක් පුරා කාර්යාල 30 කට වැඩි සංඛ්‍යාවක් Gallup ආයතනයට විසිරී පවතින අතර 2000 කට අධික අන්තර්ජාතික කාර්යමණ්ඩලයක් ඒවායේ සේවය කරයි. සම්පූර්ණ විස්තරය en.wikipedia.org/wiki/Gallup_(company)

[caption id="attachment_4977" align="aligncenter" width="400"]796586167[1] China's President Hu Jintao shows the way to Sri Lanka's President Mahinda Rajapaksa (L) during a welcome ceremony in Beijing. [Reuters][/caption]ලෝක ජනමාධ්‍යයන් හි අතිශය ජනප්‍රිය රාජ්‍ය නායකයින් වන, නවසීලන්තයේ ජෝන් කී 9 වන තැනටත්, ඉන්දියාවේ මන්මෝහන් සිං 11 වන තැනටත්, ඕස්ට්‍රේලියාවේ ජූලියා ගිලාඩ් 14 වන තැනටත්, ජපානයේ යොෂිහිකෝ නොඩා 15 වන තැනටත්, දකුණු කොරියාවේ ලී මයුංග් බැක් 17 වන තැනටත් පත් වෙද්දී, ඒ සියලුම ලෝක බලවත් රාජ්‍ය අභිබවා යමින් අපේ පුංචි ශ්‍රී ලංකාවේ හිටපු රාජ්‍ය නායක අතිගරු මහින්ද රාජපක්ෂ ජනාධිපති තුමා 91% ක අනුමත වීමක් ලබමින් සමස්ත ආසියාවෙන්ම 3 වන තැනට පත් වී දකුණු ආසියාවටම අභිමානයක් එක් කර තිබේ.

යාලුවන්ටත් දැනගන්නට Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.