Mahinda Rajapaksa: සංධාන මැතිවරණ මෙහෙයුම් නායකත්වය මහින්ද රාජපක්ෂ මහතාට!

Wednesday, July 15, 2015

සංධාන මැතිවරණ මෙහෙයුම් නායකත්වය මහින්ද රාජපක්ෂ මහතාට!



mahinda-upfa

ඉදිරි මැතිවරණය වෙනුවෙන් එක්සත් ජනතා නිදහස් සන්ධානයේ මෙහෙයුම් නායකයා හිටපු ජනාධිපති මහින්ද රාජපක්ෂ මහතා පත් කල බව හිටපු මන්ත්‍රී දිනේෂ් ගුණවර්ධන මහතා පවසයි.

අද පැවති සන්ධාන මෙහෙයුම් කමුටුවේදී ඔහු එම තනතුර භාරගත් බවත් නායකයා කවුදැයි ජනතාව තීන්දු කරනු ඇති බවත් ඔහු කියා සිටියේය.

එහිදී අදහස් පල කල කුමාර වෙල්ගම මහතා කියා සිටියේ ජනාධිපති මෛත්‍රිපාල සිරිසේන සන්ධානයට දේවාශිර්වාදයක් වී ඇති බවත් ඔහුගේ ප‍්‍රකාශය නිසා ශ්‍රීලනිපයේ බෙදී සිටි අය එකතු වූ බවත්ය.

සන්ධාන පක්ෂ නායකයින් රැසක් එහි පැමිණ අතර මින් මද වේලාවකට පෙර රැස්වීම ඇරඹිණි. ඩිව් ගුණසේකර, වාසුදේව නානායක්කාර, විමල් වීරවංශ, ප්‍රභා ගනේෂන්, තිස්ස විතාරණ, තිස්ස අත්තනායක ඇතුළු සන්ධානයට සහාය දක්වන කණ්ඩායම් රැසක නියෝජිතයෝ එහි පැමිණියහ.

ශ්‍රීලනිපයේ සභාපති මෙන්ම එක්සත් ජනතා නිදහස් සන්ධානයේ සභාපති ජනාධිපති මෛත්‍රීපාල සිරිසේන මහතා මෙවර මැතිවරණයේදී පක්ෂග්‍රාහිත්වයකින් තොරව කටයුතු කරන බව ඊයේ දිනයේ නිවේදනය කළේය. එම නිවේදනයත් සමගින් සන්ධානයේ මැතිවරණ ව්‍යාපාරය දියත් කළ යුතු ආකාරය පිළිබඳ වැදගත් තීන්දු තීරණ හදිසියේ ගැනීමට සන්ධාන නායකයින්ට සිදුවිය.

එසේම ජනාධිපති සිරිසේනගේ විශේෂ ප්‍රකාශයේ ඇතැම් කරුණු නිසා ඔහු ශ්‍රී ලංකා නිදහස් පක්ෂයටත්, එක්සත් ජනතා නිදහස් සංධානයටත් ද්‍රෝහී වී ඇති බවට සංධාන මන්ත්‍රීවරුන් අතර මතයක් නිර්මාණය වී ඇත. එසේම ඔහු සමග මෙතෙක් සිටි මධ්‍යම කාරක සභිකයින්ද තමන්ව පාවා දුන් බව කියමින් කළකිරීමට පත් වී සිටී. ශ්‍රීලනිප මධ්‍යම කාරක සභාවෙන් ඔහුගේ බලය නුදුරේදීම ගිලිහෙනු ඇතැයි මාධ්‍ය වාර්තා කර තිබේ. (මූලාශ්‍ර: දෙරන, ලංකාදීප සහ mahinda.info වාර්තාකරු)

37c4121c5563ffb1ed1a10b42f2044ae4b707b2eb9133697472362bbc830e849[1]

යාලුවන්ටත් දැනුවත් වීමට Share කරන්න.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.