Mahinda Rajapaksa: මහින්ද රු 350 ට දුන්න පොහොර මිටිය දැන් රු 500 යි. ගොවීන්ට අපමණ අගයක්!

Tuesday, September 15, 2015

මහින්ද රු 350 ට දුන්න පොහොර මිටිය දැන් රු 500 යි. ගොවීන්ට අපමණ අගයක්!

මහින්ද චින්තන ප්‍රතිපත්තිය යටතේ එදා පොහොර මිටිය නිකුත් කළේ රු 350 ක ටයි. "රු 350 ට නිකුත් කරන පොහොර මිටියට රු 150 ක ඉන්ෂුවරන්ස් එකක් සමග මේ වන විට රු 500 ක් අය කරන බව" ගොවීහු පවසති. පහත වීඩියෝව බලන්න.



යම් ලෙසකින් රු 150 ක රක්ෂණයෙන් ප්‍රතිඵලයක් අත් වූවානම් තව කමක් නැත. ගොවීන් පවසන පරිදි අස්වැන්නට හානි වී තිබියදීත් එම රක්ෂණයෙන් වන්දි මුදලක් ලැබී නොමැත. ඒ අනුව එය රක්ෂණයක් නොව යහාපාලන ආන්ඩුවෙන් කළ තවත් අය කිරීමක් බව පැහැදිළි වෙයි. රටේ සමස්ත රක්ෂණ ක්ෂේත්‍රයේ කීර්ති නාමයටම සිදු කර ඇති අපහාසය නිසා රක්ෂණ සේවයෙන් යැපෙන වෘත්තිකයින්ටත් සිදුවී ඇත්තේ විශාල හානියකි.

යහපාලනය ආ පසුව රු 60 ට වී මිලදී ගන්නවා යැයි පොරොන්දු වුවද වී කිලෝව රු 25 ට පහත බැස ඇත. වී විකුණාගන්න බැරිව බලා සිටින කාලය අතරතුරදීත් ලොරියකට දවසකට රු 3000 ක් ගෙවිය යුතු අතර දවස් 3 ක් යද්දී වී වලින් ලැබෙන ලාභය ලොරි වලටම ගෙවා අවසන් වෙයි... පහත වීඩියෝවේ දැක්වෙන පරිදි, යහපාලන ආණ්ඩුවට වී මිලදී ගැනීමට නොහැකිව ඇත්තේ ගබඩා නොමැති නිසා නොව, ප්‍රමාණවත් නිලධාරීන් නොමැති නිසා බව වී අලෙවි මණ්ඩලයේ සභාපති වරයා ප්‍රකාශ කරයි. සම්පූර්ණ ලිපිය



ගොවියන් වෙනුවන් රට කරවීමට සහ රටම අස්වැද්දීම ගැන කියමින් එදා මහින්ද රාජපක්ෂ මහතාට එරෙහිව තරග කළ එක්සත් ජාතික පක්ෂය ප්‍රමුඛ පොදු විපක්ෂයේ අපේක්ෂකයාගේ දැන්වීම් මෙලෙසයි.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.