Mahinda Rajapaksa: මහින්දගෙ ඇමති මණ්ඩලය ලොකු වැඩියි කියපු අය දැන් "ජම්බෝ කැබිනට්" හදන හැටි...

Saturday, September 12, 2015

මහින්දගෙ ඇමති මණ්ඩලය ලොකු වැඩියි කියපු අය දැන් "ජම්බෝ කැබිනට්" හදන හැටි...

මහින්ද රාජපක්ෂ මහතාගේ ඇමති මණ්ඩලය ලොකු වැඩියි කියපු අය බලයට ආ පසුව "යහපාලන ඇමති මණ්ඩලයක්" හදපු ආකාරය විමල් වීරවංශ මහතා පැහැදිළි කළේය. ඇමති මණ්ඩලයේ සාමාජිකයින් 93 සහ දිස්ත්‍රික් සංවර්ධනය කමිටු සභාපතිවරුන් 22 එක්ව ගත්විට සිටින 115 දෙනා නඩත්තු කිරීමට අවම වශයෙන් මාසකට රුපියල් කෝටි 20ක් වැය වෙයි. (අවුරුද්දකට කෝටි 240 ක්). ඔවුන් සඳහා වාහන 711 ක් අවශ්‍ය වෙන අතර අනෙකුත් වියදම් එකතු කළ විට වැය වෙන මුදල සිතාගත නොහැකි ගණනකි.

පහුගිය කාලේ එජාපෙන් එතනෝල් කාරයො කුඩු කාරයො කියපු අය ඔක්කොම ඇමතිකම් දරයි. එසේනම් නරක මිනිහා මහින්ද රාජපක්ෂ මහතා විතරදැයි ද ඒ මහතා ප්‍රශ්න කළේය.

ජනාධිපති මහින්ද රාජපක්ෂ මැතිතුමාගේ පාලන කාලයේදී වී අස්වැන්නෙන් අවම වශයෙන් මෙට්‍රික් ටොන් 250,000 ක් රජය මගින් මිලට ගැනුණි. නමුත් යහපාලන ආණ්ඩුවෙන් මිලට ගත්තේ වී මෙට්‍රික් ටොන් 120,000 ක් පමණක් බවත් පෙන්වා දුන්නේය.

මහින්ද රාජපක්ෂ ජනාධිපති තුමාගේ කාලයේදීත් සීපා ගිවිසුම අත්සන් කිරීමට ඉන්දීය අග්‍රාමාත්‍යවරයා ශ්‍රී ලංකාවට පැමිණි හැටිත්, එහි අවදාම වටහා ගත් සැනින් මහින්ද රාජපක්ෂ මහතා ඉන්දීය අග්‍රාමාත්‍යවරයාට ගිවිසුම අත්සන් නොකරන බව මූණටම කියමින් ආපසු හරවා යැවූ එඩිතර භාවය ගැනත්, එහි ප්‍රතිඵලයක් ලෙස මහින්ද රාජපක්ෂ මහතාට එල්ල වූ පීඩනය ගැනත් විමල් වීරවංශ මහත පැහැදිළි කළේය.  එසේම සීපා ගිවිසුමේ අවදානම ගැනත් ඒ මහතා විස්තර කළේය.

අනෙකුත් කරුණුත් සහිතව සම්පූර්ණ පැහැදිළි කිරීම පහතින්.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.