Mahinda Rajapaksa: ගෝඨාභය මහතාගේ වටිනාකම මාදුලුවාවේ හිමිට වැටහෙයි. හකීම්ගේ මූණටම කියයි.

Tuesday, September 8, 2015

ගෝඨාභය මහතාගේ වටිනාකම මාදුලුවාවේ හිමිට වැටහෙයි. හකීම්ගේ මූණටම කියයි.

ජනාධිපති මහින්ද රාජපක්ෂ මැතිතුමාගේ පාලන කාලයේ ආරක්ෂක සහ නාගරික සංවර්ධන අමාත්‍යාංශයේ ලේකම් ලෙස කටයුතු කළ ඒ මහතාගේ සොයුරු ගෝඨාභය රාජපක්ෂ මහතාගෙන් ඉටු වූ සේවය ගැන මාදුලුවාවේ සෝබිත හිමිට හිටිගමන් සිහිපත් වී තිබේ.

උන්වහන්සේ ඒ බව සිහිපත් කළේ නාගරික සංවර්ධන සහ ජල සම්පාදන අමාත්‍ය රවුෆ් හකීම් මහතා ඇතුළු පිරිසක් 07 දා සවස නාග විහාරයට ගොස් මාදුලුවාවේ සෝබිත හිමි මුණගැසුණ අවස්ථාවේදී ය.
"ගෝඨාභය රාජපක්ෂ පේන්න වැඩ කොටසක් කළා. ඒ වැඩ දැන් ක්‍රම ක්‍රමයෙන් දුර්වල වෙලා යනවා. බෙල්ලන්විල ගත්තොත් ගස් හිටෙව්වා, මල් හිටෙව්වා. දැන් වතුර දාන්නැති නිසා ගස් මැරිලා යනවා.

මිනිස්සු කියනවා ගොඨාභය මහත්තයා ඉන්න කාලෙ කොච්චර හොඳට තිබුණාද කියලා. දැන් ගොඩක් තැන්වල බල්බ් පිච්චිලා, කුණු ගොඩවල් ගැහිලා. පිටකොටුවෙ පේමන්ට් එකේ කඩ දාගෙන යනවා.

ගෝඨාභය මහත්තයා කරපු දෙවල් පවත්වාගෙන යන්න මේ අයට බෑ කියලා ජනතාව කියනවා. ලස්සනට හදපු උයන් ටික මැරිලා යන්න දෙන්න එපා. පේමන්ට් එකේ තියන් තැඹිලි කපද්දි, මැරිලා තියෙන ගහක් දැක්කම ගෝඨාභය මහත්තයා මතක් වෙනවා. අඩුගාණෙ ඒ මට්ටමවත් පවත්වාගෙන යන්න ඕන"

- මාදුලුවාවේ සෝබිත හිමි

මූලාශ්‍ර:
1. 2015/09/09 මව්බිම පුවත්පත mawbima.lk
2. 2015/09/08 "අද පුවත්පත" ada.lk



පුද්ගලයෙකුගේ හෝ තනතුරක වටිනාකම වැටහෙන්නේ ඔහු හෝ ඔහුගේ තනතුර අහිමිව ඇති විටයි. යහපාලනය නිසා කොළඹ නගරයට සිදුව ඇති විනාසය ගැන මාදුලුවාවේ සෝබිත හිමිට මේ වන විට වැටහී තිබෙන බව පෙනෙයි. එසේම යහපාලනය නිසා රටේ ජාතික ආරක්ෂාවට සිදුවූ හානිය ගැනත් ඉදිරියේදී තැටිය තව තවත් රත් වෙද්දී හොඳින් වැටහේවි.

කිසියම් පුද්ගලයෙකුට එරෙහිව මඩ අවලාද නගා චරිත ඝාතනය කිරීමට වඩා , රටක් සංවර්ධනය කිරීම කොතරම් භාරදූර කර්තව්‍යයක් දැයි එදා යහපාලනය වෙනුවෙන් කටයුතු කළ අනිත් උදවියටත් යහපාලනයේ සනීපය දැනෙද්දී ටික ටික වැටහෙනු ඇත.



මාදුලුවාවේ සෝබිත හිමි සහ රවුෆ් හකීම් මහතා අතර සාකච්ඡාව සිරස ටීවී වාර්තා කර තිබූ නමුත්, ගෝඨාභය රාජපක්ෂ මහතා ගැන සඳහන් කොටස එහි විකාශය කර නොමැත.