Mahinda Rajapaksa: යුද්දෙ ඉවර කළේ ඇයි කියලා උසාවියේ සාක්ෂි දෙන්න වේවි - ගෝඨාභය ((Video))

Friday, September 18, 2015

යුද්දෙ ඉවර කළේ ඇයි කියලා උසාවියේ සාක්ෂි දෙන්න වේවි - ගෝඨාභය ((Video))

ජිනීවා මානව හිමිකම් වාර්තාවේ දැක්වෙන පරිදි යම් හමුදා නිලධාරීන් පිරිසක් සම්පූර්ණයෙන්ම සේවයෙන් ඉවත් කරන ලෙස සහ, හමුදාවට මානව හිමිකම් උගන්වන ලෙස නිර්දේශය කර ඇති බවත් ගෝඨාභය රාජපක්ෂ මහතා පෙන්වා දෙයි. එසේම එතුමා පැවසූයේ යුද්ධය අවසන් කිරීම නිසා මෙලෙස හිරිහැරයට ලක්වෙන බවයි.

ගෝඨාභය රාජපක්ෂ මහතාට එරෙහිව සමහර මාධ්‍ය මගින් මවන වැරදි ප්‍රතිරූපය ගැනත් මෙහිදී එතුමා අදහස් පළ කළේය. මහා දූෂණයක් සිදුව ඇති බව මාධ්‍ය මගින් හුවා දැක්වුවද ඇත්තටම සිදුව ඇත්තේ සුළු පරිපාලනමය ගැටලු කිහිපයක් පමණක් බව ඒ මහතා පෙන්වා දුන්නේය.

එසේම රක්නා ලංකා සමාගම සම්බන්ධයෙන් ගෝඨාභය රාජපක්ෂ මහතාගෙන් ප්‍රශ්න කිරීමක් සිදුවන්නේ නැති බවත් ප්‍රශ්න කිරීම සිදුවන්නේ වෙනත් නිලධාරීන් වෙතින් බවත් පැවසුවේය.

රක්නා ලංකා ආරක්ෂක සමාගම මහින්ද රාජපක්ෂ මහතාගේ සංකල්පයක් අනුව මිලියන 5 කින් ආරම්භ කළ බවත්, මේ වන විට එය අධික ලාභ ලබන බිලියණ ගණනක් වටින සමාගමක් බවට පත් වී ඇති බවත් එතුමා පැවසුවේය.

එතුමා මේ අදහස් පළ කළේ ජනාධිපති කොමිසමට පැමිණි අවස්ථාවේදී ය.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.