Mahinda Rajapaksa: 2018

Sunday, December 30, 2018

දක්ෂිණ අධිවේගය ගැන එජාප කුලී ලියන්නන් ෆේස්බුක් එකේ දමා අතේ පැලවුණ බොරුව මෙන්න.



[1]."පසුගිය සිකුරා දින පමණක් දක්ෂිණ අධිවේගී මාර්ගයෙන් චීනය උපයාගත් ආදායම 30,080,000යි." යනුවෙන්, UPFA නම භාවිතා කරමින් එක්සත් ජාතික පක්ෂය විසින් මෙහෙයවන ෆේස්බුක් පි‍ටුවක පළ කර තිබේ. [මූලාශ්‍රය] පහත දැක්වෙන්නේ එයයි. මෙහි ඇත්ත නැත්ත පිළිගත හැකි මූලාශ්‍ර ඇසුරෙන් විමසා බලමු.



[2].දක්ෂිණ අධිවේගී මාර්ගය අයත් වන්නේ චීනයට හෝ චීන සමාගමකට නොවේ. එය මාර්ග සංවර්ධන අධිකාරිය යතේ පවතින්නකි. පහත දැක්වෙන මාර්ග සංවර්ධන අධිකාරියේ වෙබ් අඩවියෙන් ඒ බව පැහැදිළි වෙයි. [මූලාශ්‍රය]ඒ අනුව දක්ෂිණ අධිවේගී මාර්ගයෙන් චීනය ආදායම් උපයනවා කීම අමු බොරුවකි.



[3]. චීනයට අයිති නැති වුණාට ඒක හැදුවේ චීනයේ ණයෙන් නෙමෙයි ද යනුවෙන් දැන් කවුරුන් හෝ අසනු ඇත. නමුත් දක්ෂිණ අධිවේගී මාර්ගය හැදුවේ චීන ණය හෝ ආධාර වලින් නොව, ජපානයේ සහ ආසියානු සංවර්ධන බැංකුවේ ණය මුදලකිනි. [මූලාශ්‍රය]. ඒ අනුව චීනයේ නම ගෑවිලාවත් නැහැ.



[4]. ඊගාවට, එදින උපයා ගත් ආදායම 30,080,000 ක් යනුත් බොරුවකි. එදිනට ඉපයූ ආදායම රුපියල් මිලියන 32 ක් හෙවත් රු 32,000,000 ක් පමණ වන බවට එක්සත් ජාතික පක්ෂයේ පුවත් වෙබ් අඩවි පවා වාර්තා කර තිබේ. [මූලාශ්‍රය]



[5]. ඒ අනුව ඉහත පෝස්ට් එක වචනයේ පරිසමාප්ත අර්ථයෙන් ගල් පැලෙන බොරුවක් බවට ඔබට පැහැදිළි ඇති. මොවුන්ගේ අනෙකුත් කතාත් එලෙසයි.

කිසිම රටක් නිකරුනේ තවත් රටක් වෙනුවෙන් තම ජනතා බදු මුදල් බිලියන ගණන් නාස්ති කරන්නේ නැත. අධිවේගී මාර්ගයේ ණය මුදල එමගින් ලැබෙන අදායමෙන් ක්‍රමිකව ගෙවීම සිදු වෙයි.

අධිවේගී මාර්ගය නිසා දිනකට ඉතිරි වෙන මිනිස් පැය ගණන සහ ඉන්ධණ ප්‍රමාණය කොපමණදැයි බැලුවොත්, එමගින් අප දකින ඉලක්කමට වඩා විශාල වාසියක් රටට අත් වූ බවට පැහැදිළි වෙනු ඇත.

පහත දැක්වෙන්නේ ගුවන් පාලම් ගැන රනිල් වික්‍රමසිංහ මහතාගේ අදහසයි.

Friday, December 28, 2018

හෙල්පින් හම්බන්තොට නඩු තීන්දුව නැවතත් එළියට. මහින්ද ට වන්දි ගෙවන්න සිදුවෙයි.


[1]. පසුගිය දෙසැම්බර් 26 සුනාමි දිනය දා එක්සත් ජාතික පක්ෂයේ සහ ජනතා විමුක්ති පෙරමුණේ සමාජ මාධ්‍ය කුලීකරුවන් නගන ලද චෝදනාවක් වූයේ "හෙල්පින් හම්බන්තොට" නැමැති බංකු ගිණුමකින් ගරු මහින්ද රාජපක්ෂ මැතිතුමන් වංචාවක් කර ඇති බවකි. ඔවුන් කරන චෝදනාව සම්බන්ධයෙන් එක්සත් ජාතික පක්ෂයේ කබීර් හෂීම් මන්ත්‍රීවරයා නීතිමය ක්‍රියාමාර්ග ගන්නා ලද්දේ මීට වසර 13 කට පමණ පෙරදී ය.


[2]. 2005 වසරේදී ශ්‍රේෂ්ඨාධිකරණය විසින් නඩු විභාගයක් සිදුකළ අතර, එහිදී ලැබුණු තීන්දුව ගැන ශ්‍රී ලංකාවේ ජාතික පුවත්පතක් වන The Island හි 2006/03/28 දින පළ වූ පුවත පහත දැක්වේ. [මූලාශ්‍රය]


පරිවර්තනය: හම්බන්තොට සුනාමි අරමුදල් ඇතුළත්ව තිබූ හෙල්පින් හම්බන්තොට ගිණුමේ අක්‍රමිකතා ඇති බවට චෝදනා කරමින් කබීර් හෂීම් විසින් පැමිණිල්ලක් කර තිබුණි. එය හේතු කොටගෙන මහින්ද රාජපක්ෂ නැමැති පෙත්සම් කරුව අත්තනෝමතික පරීක්ෂණයක් සඳහා භාජනය කෙරුණි. එනිසා එක්සත් ජාතික පක්ෂ පාර්ලිමේන්තු මන්ත්‍රී කබීර් හෂීම්, පොලිස්පති චන්ද්‍රා ෆනෑන්ඩු, නියෝජ්‍ය පොලිස්පති ලයනල් ගුණතිලක, පොලිස් පරීක්ෂක පී අම්පාවිල නැමැති වග උත්තරකරුවන් විසින්, මහින්ද රාජපක්ෂ මහතාගේ මූලික අයිතිවාසිකම් උල්ලංඝණය කර ඇති බවට ශ්‍රේෂ්ඨාධිකරණය විසින් පසුගිය දා තීරණය කර ඇත. 
පොලිස් පරීක්ෂණයේ නීතිමය ක්‍රියාවලිය අවභාවිතා කර ඇති බවට උසාවි තීන්දුවෙන් විස්තර කර ඇත.
පෙත්සම්කරුට (ගරු මහින්ද රාජපක්ෂ මැතිතුමන් වෙත) රු ලක්ෂය බැගින් පුද්ගලිකව වන්දි ගෙවන ලෙසට පළමු වග උත්තරකරු වන පොලිස්පතිවරයාට, දෙවන වග උත්තරකරු වන නියෝජ්‍ය පොලිස්පතිවරයාට සහ හතර වන වග උත්තරකරු වන කබීර් හෂීම්ට නියෝග කර ඇත.

සරළ බසින් කිවහොත්, සිදුවී ඇත්තේ හෙල්පින් හම්බන්තොට නඩුවෙන් පැරදී එම මඩ චෝදනාව නැගූ කබීර් හෂීම් සහ පොලිසිය විසින්, ගරු මහින්ද රාජපක්ෂ මැතිතුමන් වෙත වන්දි ගෙවීමට සිදුවීම යි.


මෙය ඉතාමත් විද්‍යානුකූල පදනමකින් සියලුම සාක්ෂි සලකා බලමින් දුන් තීන්දුවක් වන අතර, සම්පූර්ණ නඩු තින්දුව dailynews වෙබ් අඩවියෙන් ඔබට කියවීමට පුලුවන්.


[3]. හිටපු අගවිනිසුරු සරත් එන් සිල්වා මහතා පසුගිය ජනාධිපතිවරණ වේදිකාවේදී හෙල්පින් හම්බන්තොට තීන්දුව සම්බන්ධයෙන් සමාව ඉල්ලන බවත් එජාප ජවිපෙ මඩකරුවන් විසින් පවසා තිබේ.

නමුත් ඔවුන් නොකියන දේනම්, ඔහු එසේ සමාව ඉල්ලන්නේ තමන්ගේ තීන්දුව වැරදි බවට නොවේ. වැරදි තීන්දුවක් හෝ දීලා ඒ වෙලාවේදී ගරු මහින්ද රාජපක්ෂ මැතිතුමන්ව සිරගත නොකිරීම සම්බන්ධයෙනි. පහත දැක්වෙන්නේ ඒ වීඩියෝව.



"එදා වරදක් හෝ කරලා මම ඒ මනුස්සයා හිරේ දැම්මනම්"

ඒ අනුව ඔබට පැහැදිළි විය යුතුයි, ඔහු මේ සමාව ඉල්ලන්නේ "තීන්දුව වැරදියට නොලිවීම සම්බන්ධයෙනි".

අනික් අතට මෙය සරත් එන් සිල්වා මහතාගේ පුද්ගලික තීන්දුවක් නොව, ශිරානි තිලකවර්ධන සහ එන් ඊ දිසානායක යන ශ්‍රේෂ්ඨාධිකරණ විනිසුරුවරුන් දෙදෙනාගේත් මතය යි.

එසේම එම තීන්දුවේ වරදක් ඇති බවට එජාපය හෝ ජවිපෙ විශ්වාස කළානම්, පසුගිය අවුරුදු තුන හමාර තුළ එම නඩුව ගැන නැවතත් විනිසුරුවරුන් 5 දෙනෙකුගේ ප්‍රධානත්වයෙන් ඇහුවේ නැත්තේ ඇයිදැයි ජනතාව ප්‍රශ්න කරයි.


[4]. ශ්‍රේෂ්ඨාධිකරණ නඩු තීන්දුවක් සාධාරණ පදනමින් විවේචනය කිරීමේ වරදක් නැත. එහෙත් නඩු තීන්දුවකට එරෙහිව කටයුතු කිරීම අධිකරණයට අපහාස කිරීමකි. ශ්‍රේෂ්ඨාධිකරණය විසින් හෙල්පින් හම්බන්තොට ගිණුමේ වංචාවක් සිදුවී නැති බවට පැහැදිළි නියෝගයක් දී තිබියදී, එසේම මඩ කරුවන්ට අපහාස චෝදනාව යටතේ වන්දි ගෙවීමටත් නියෝග දී තිබියදී, එය නොතකා හරිමින් කවුරුන් හෝ අන්තර්ජාලයේ හෝ ඉන් පිටතදී ගරු මහින්ද රාජපක්ෂ මැතිතුමන්ට හෙල්පින් හම්බන්තොට සම්බන්ධයෙන් චෝදනා කරයිනම්, ඔවුන් කරන්නේ ශ්‍රේෂ්ඨාධිකරණ නියෝගයට එරෙහිව කටයුතු කිරීමකි. ඔවුන් ශ්‍රේෂ්ඨාධිකරණයට අපහාස කිරීම යන වරදට යටත් වෙන බවද සිහිපත් කරමු.

Tuesday, December 25, 2018

ගංවතුර ආපදා තත්ත්වය පිළිබඳව මහින්ද රාජපක්ෂ මැතිතුමන්ගෙන් මාධ්‍ය නිවේදනයක්.

උතුරු පළාත හා දිවයිනේ තවත් ප්‍රදේශ ගණනාවක ඇති වී තිබෙන ගංවතුර ආපදා තත්ත්වය පිළිබඳව විපක්ෂ නායක ගරු මහින්ද රාජපක්ෂ මැතිතුමන් නිකුත් කරන ලද මාධ්‍ය නිවේදනය පහතින්.

Sunday, December 23, 2018

අමා දම් සිසිළ පොහෝ දින ධර්ම දේශනා වැඩසටහන.

උඳුවප් පුන් පොහෝ දිනයේදී අමා දම් සිසිළ ධර්ම දේශනා වැඩසටහන ගරු මහින්ද රාජපක්ෂ මැතිතුමන් සහ සිය පවුලේ සාමාජිකයන්ගේ සහභාගීත්වයෙන් කාල්ටන් නිවසේදී පැවැත්වුණි.




Friday, December 21, 2018

පාර්ලිමේන්තුව විසිරුවා හැරීම නතර කළ ශ්‍රේෂ්ඨාධිකරණ තීන්දුවේ බරපතල වැරදි 3 ක්. (තීන්දුවේ PDF සහිතයි)

"නඩු තීන්දුවක් සාධාරණව විවේචනය කිරීම අපරාධයක් නොවේ" යනුවෙන් අගවිනිසුරු නලින් පෙරේරා මහතා පවසා තිබෙනවා. [මූලාශ්‍රය] "ඕනම නඩු තීන්දුවක් විවේචනය කිරීමට පුරවැසියෙකුට සම්පූර්ණ අයිතිය තියෙනවා." යනුවෙන් ජනාධිපති නීතීඥ ජයම්පති වික්‍රමරත්න මහතා පවසා තිබෙනවා. [මූලාශ්‍රය] ඒ අනුව මෙම ලිපියෙන් අප බලාපොරොත්තු වෙන්නේ පාර්ලිමේන්තුව විසිරුවා හැරීමේ ගැසට් නිවේදන අවලංගු කළ ශ්‍රේෂ්ඨාධිකරණ තීන්දුවේ වැරදි 3 ක්, උදය ගම්මන්පිල මන්ත්‍රීතුමා ප්‍රකාශ කළ පරිදි සාධාරණව විචාරය කිරීමටයි. එසේ වුවද උක්ත තීන්දුවට අපි ගරු කරන අතර ඒ අනුව කටයුතු කිරීමට බැඳී සිටිනවා.


[1]. පාර්ලිමේන්තුව විසිරුවා හැරීමට එරෙහිව දමා තිබූ නඩුවේදී, නඩුවේ විත්තිය වෙනුවෙන් ඉදිරිපත් කළ සාතිශය වැදගත්ම තර්කය වූයේ, අතරමැදි පෙත්සම්කරුවකු වන ජගත් වැල්ලවත්ත යන මහත්වරු වෙනුවෙන් පෙනී සිටි ජනාධිපති නීතිඥ අලි සබ්‍රි මහතා ඉදිරිපත් කළ "අමතරව" නැමති වචනයට අදාල තර්කයයි. එනම්,

33.2.ඇ වගන්තියට අනුව, 70.1 හි සඳහන් බලතල වලට අමතරව, ජනාධිපතිවරයාට පාර්ලිමේන්තුව විසිරුවා හැරීමට බලය ඇත්තේ ය.

පාර්ලිමේන්තුව විසිරුවා හැරීමේ ගැසට් නිවේදනයේ පදනම් තර්කය (Core Argument) වූයේත් එයයි. විත්තිය වෙනුවෙන් කතා කළ නීතීඥවරුන් ලිඛිතවත් වාචිකවත් පුන පුනා පැවසූ තර්කය වූයේත් එයයි. එම තර්කය පහත රූපසටහනින් වඩාත් පැහැදිළිව දැක්වෙනවා.


පි‍ටු 88 කින් යුත් ශ්‍රේෂ්ඨාධිකරණ නඩු තීන්දුවේ උක්ත තර්කය ගැන එහි 75 වන පි‍ටුවේ අවසාන ඡේදයේ ඇත්තේ පහත පරිදි යි.


ඒ අනුව "අමතරව" තර්කය ගැන ශ්‍රේෂ්ඨාධිකරණයේ පිළිතුර වූයේ "cannot be accepted due to the reasoning set out earlier".  (මීට පෙර දැක්වූ හේතු නිසා පිළිගැනීමට නොහැකියි).

පි‍ටු 88 ක නඩු තීන්දුවේ, විත්තියේ ප්‍රධානතම තර්කයට පිළිතුර වචන 10 කින් දක්වා තිබෙනවා. මීට පෙර දැක්වූ හේතු මොනවාදැයි නිශ්චිතව පැහැදිළි කරලා නැහැ. මෙය නඩු තීන්දුවේ බරපතල වරදක් නෙමෙයි ද?

පහත දැක්වෙන්නේ ශ්‍රේෂ්ඨාධිකරණයේ නඩු තීන්දුවයි.





[2]. උදය ගම්මන්පිල මන්ත්‍රීතුමාගේ නීතීඥවරයා වූ ජනාධිපති නීතීඥ මනෝහාර ද සිල්වා මහතා ඉදිරිපත් කළ වැදගත්ම තර්කය මෙලෙසයි.

19 වන සංශෝධනයට පෙර 1978 ආණ්ඩුක්‍රම ව්‍යවස්ථාවහි 33 අනු ව්‍යවස්ථාවෙහි ජනාධිපතිවරයාට ඇති පාර්ලිමේන්තුව විසුරුවා හැරීමේ බලතල දක්වා නැහැ.


ජනාධිපතිවරයාට ඇති පාර්ලිමේන්තුව විසිරුවා හැරීමේ බලතල ගැන 19 වන සංශෝධනයට පෙර සඳහන් වුණේ 70.1 හි පමණයි.


ඒ අනුව 19 වන සංශෝධනය මගින් 70.1 සහ 33.2.ඇ යන වගන්ති දෙකම ඇතුළත් කරලා තිබෙනවා. එසේ නැතිව 33.2.ඇ යනු මීට කළින් තිබුණ වගන්තියක් නෙමෙයි.

එසේ කළේ, යම් හෙයකින් පාර්ලිමේන්තුව තුළ කිසිවෙකුට බහුතරය නොමැතිව, පාර්ලිමේන්තුව අක්‍රීය තත්ත්වයක් ඇතිවුවහොත්, ජනාධිපතිවරයාට ස්ව අභිමතය පරිදි පාර්ලිමේන්තුව විසිරුවා හැර නව පාර්ලිමේන්තුවක් බිහි කර ගැනීමට ඉඩ ලබා දීමටයි. උදාහරණ ලෙස අයවැයක් සම්මත කිරීමට කිසිවෙකුට බහුතරය නොමැති වීමත්, පාර්ලිමේන්තුව විසුරුවා හැරීමට 2/3 ක් නොමැති වීමත් යන තත්ත්වයක් ඇති වුවහොත් මුළු රටම අක්‍රීය වෙයි.

උක්ත තර්කයට නඩු තීන්දුවෙන් උත්තර දෙන්නේ මෙලෙසයි.


මුල් ඡේදයේ දැක්වෙන්නේ විත්තියේ තර්කය වන අතර, ශ්‍රේෂ්ඨාධිකරණයේ තීන්දුව දැක්වෙන අවසාන ඡේදයේ දැක්වෙන්නේ "මෙය මන:කල්පිත දෙයක් නිසා පිළිගත නොහැකිය" යනුවෙනුයි.

ශ්‍රී ලංකාවේ දැනට පවත්නා සමානුපාතික ක්‍රමයට අනුව, 1989 දී දිනන පක්ෂය ආසන 125 ක් ගන්නා අතර 2010 දී දිනන පක්ෂය ආසන 144 ක් ගත් අතර, අනෙක් සෑම මැතිවරණයකදීම දිනන පක්ෂයට පැහැදිළි බහුතරය තිබී නැහැ. ඒ අනුව උක්ත තර්කය මන:කල්පිතයක් නෙමෙයි.



[3]. උක්ත නඩුවේ තවත් වැදගත්ම තර්කයක් වූයේ මහාචාර්ය ජීඑල් පීරිස් මහතා වෙනුවෙන් පෙනී සිටි ජනාධිපති නීතීඥ සංජීව ජයවර්ධන මහතා ඉදිරිපත් කළ තර්කයයි. එනම්,

2002 දීත් ජනාධිපතිගේ පාර්ලිමේන්තුව විසිරුවා හැරීමේ බලතල ඉවත් කරන 19 වන සංශෝධනය ගෙන ආවා. එහිදී ශ්‍රේෂ්ඨාධිකරණ විනිසුරුවරුන් 7 දෙනෙකු තීන්දුවක් ලබා දුන්නා, ජනාධිපතිව පත් කරන්නේ සෘජුවම ජනතාව විසින් නිසා ජනාධිපතිගේ පාර්ලිමේන්තුව විසිරුවා හැරීමේ බලතල අන් සතු කිරීම (alienate) උදෙසා, පැවරීමට (transfer), අතහැරීමට (relinquish) හෝ ඉවත් කිරීමට (remove) පාර්ලිමේන්තුවේ 2/3 කින් පමණක් නොහැකි බවත් ඒ සඳහා ජනමත විචාරණයකුත් අවශ්‍ය බවට. පහත දැක්වෙන්නේ එම තීන්දුව. [මූලාශ්‍රය]


ශ්‍රේෂ්ඨාධිකරණයම දුන් ඉහත නඩු තීන්දුවට අනුව, 19 වන සංශෝධනයට පසු 70.1 වගන්තියෙන් පාර්ලිමේන්තුව විසිරුවා හැරීමට ජනාධිපතිවරයාට ඇති බලතල සීමා වෙනවා නම්, එය කිරීමට ජනමත විචාරණයක් තිබිය යුතු වුණා.

33.2.ඇ අනුව ජනාධිපතිවරයාට පාර්ලිමේන්තුව විසිරුවා හැරීමට නොහැකි බව ශ්‍රේෂ්ඨාධිකරණය කියනවානම්, 19 වන සංශෝධනය ජනමත විචාරණයකින් තොරව සම්මත වීම 2002 නඩු තීන්දුවට අනුව නීති විරෝධී වෙනවා. එහෙම නැතිනම් පාර්ලිමේන්තුව විසින් ශ්‍රේෂ්ඨාධිකරණයේ නඩු තීන්ඩුවක් ගණන් නොගෙන ඉවත් ලෑ බවක් සැලකීමට සිදුවෙනවා.

එසේ ජනමත විචාරණයක් නොමැතිව 19 වන සංශෝධනය සම්මත කිරීම, ශ්‍රේෂ්ඨාධිකරණයේම තීන්දු දෙකක් එකිනෙක ඝට්ඨනය කර නොගනිමින් සාධාරණීකරනය කිරීමට හැකි වන්නේ ජනාධිපතිවරයාගේ බලතල වලට අයත් 33.2.ඇ මගින්, පාර්ලිමේන්තුව විසිරුවා හැරීමේ බලතල ජනාධිපතිවරයාට පරණ විදිහටම ඇති බව ශ්‍රේෂ්ඨාධිකරණයෙන් පිළිගැනීමෙන් පමණයි.

දැන් මේ ගැන නඩු තීන්දුවේ කියන්නේ කුමක්ද? කණගා‍ටුව නම්, ඉහත තර්කය ගැන කිසිදු සඳහනක් නඩු තීන්දුවේ නෑ. එයත් තීන්දුවේ බරපතල වරදක් නොවේද?


- Mahinda.info Editor -

Thursday, December 20, 2018

යහපාලනය නිසා නෙළුම් කුළුණට වුණ දේ මෙන්න...


[1]. 2012 ජනවාරි 20 දින ඉදි කිරීම් ආරම්භ කළ නෙළුම් කුළුණ යනු කොළඹ නගරයට අනන්‍යතාවයක් එක් කරන ප්‍රධානතම සංකේතයක් බවට මේ වන විට පක්ෂ බේධයකින් තොරව සියලුම දෙනා පිළිගන්නවා. මෙය ශ්‍රී ලංකාවේ මෙන්ම දකුණු ආසියාවේත් උසම ඉදි කිරීම (350m) වන අතර, ලෝකයේ උසම ඉදි කිරීම් අතරින් 19 වන ස්ථානය හොබවනවා. [මූලාශ්‍රය]


[2]. නෙළුම් කුළුණ ආරම්භ කළ මහින්ද රාජපක්ෂ ජනාධිපති තුමන්ගේ වකවානුවේදී අන්තර්ජාලය තුළ ඊට එරෙහිව සාහසික මඩ අවලාද ප්‍රහාරයක් දියත් වූණා. එහිදී ඔවුන් දේශීයව ප්‍රචාරය කළේ නෙළුම් කුළුණ ඉදි කර ඇත්තේ උඩට නැග මූද බැලීමට විතරක් බවත් එනිසා එය ජාතික ධනය අපතේ යැවීමක් බවයි. විකීපීඩියා වෙබ් අඩවියේත් දැක්වෙන ආකාරයට එහි ප්‍රධාන කර්තව්‍යය වන්නේ රූපවාහිනී සහ අන්තර්ජාල සන්නිවේදනය සඳහා අවශ්‍ය පහසුකම ලබා දීමයි.
It will function as a radio and television broadcasting antenna ISDB-T and proposed DVB-T2 support structure for 50 television services, 35 FM Radio Stations and 20 telecommunication service providers source: https://en.wikipedia.org/wiki/Colombo_Lotus_Tower
ඒ අනුව එය "උඩට නැගලා බලන්න හදාපු ටවර් එකක්" නැමැති කතාව හුදු මඩක් බව පැහැදිළි වෙනවා.

එසේම කුලුනු මස්‌තකයේ දරා සිටින ටොන් 180 ක්‌ බරැති ලෝහමය සම්ප්‍රේෂණ ඇන්ටනා පද්ධතියෙන් රේඩියෝ, ගුවන්විදුලි, වීඩියෝ සම්ප්‍රේෂණය උපරිම කිලෝමීටර් 60 ක්‌ දක්‌වා දුරට විහිදෙන අතර, එම සීමාවේ නිවැසියන්ට තවදුරටත් තම නිවසේ රූපවාහිනිය සඳහා ඇන්ටනා හරඹයක නිරතවීමට අවශ්‍ය වෙන්නේ නැහැ.

nelum kuluna


[3]. නෙළුම් කුළුණ හුදෙක් සම්ප්‍රේශණාගාරයක් පමණක් නෙමෙයි. මහල් 6 ක් සහිත එහි, බිම් මහලෙහි විදුලිසංදේශ කෞතුකාගාරයක් සහ ආපන ශාලාවක් ද, පළමු මහලෙහි කෞතුකාගාරයක් සහ ප්‍රදර්ශන සහලා 2 ක් ද, දෙවන මහලෙහි 500 කට අධික පිරිසකට අසුන් ගත හැකි සම්මන්ත්‍රණ ශාලා කිහිපයක් ද, තුන් වන මහලෙහි භෝජනාගාර සහ සුපිරි වෙළඳ සැල් සංකීර්ණ ද, හතර වන මහලෙහි ආසන 1000 ක් සහිත සම්මන්ත්‍රණ ශාලාවක් ද, පස් වෙන මහලෙහි සුඛෝපභෝගී හෝටල් කාමර සහ විශාල උත්සව ශාලාවක් ද, හය වන මහලෙහි නිරීක්ෂණ ශාලාවක් ද ඉදි වෙනවා. [මූලාශ්‍රය] සිය කක්ෂය වටා භ්‍රමණය වන බිමක් සහිත අාපන ශාලාවක් මීටර 234.2ක (අඩි 768ක) උසකින් ඉදි කෙරෙනවා.


[4]. අනෙක් අතට මහින්ද රාජපක්ෂ ජනාධිපති තුමන්ගේ වකවානුවේදී එවකට විපක්ෂ විසින් ජාත්‍යන්තර මාධ්‍ය යොදාගෙන ප්‍රචාරය කළේ, චීනයට ශ්‍රී ලංකාවේ සිට ඉන්දියාවේ ඔත්තු බැලීමට මෙය ඉදි කළ බවයි. එම මඩ කොතරම් දරුණු වූවාද කිවහොත් ඉන්දියාවේ ආරක්ෂක විශ්ලේෂකයෙක් වන භෂ්කර් රෝයි මහතා මේ ගැන ඉන්දීය රජයට අනතුරු අඟවනවා. [මූලාශ්‍රය] එහි ප්‍රතිඵලය වන්නේ, යහපාලන ආණ්ඩුව ආපු සැනින් නෙළුම් කුළුණේ ඉදිකිරීම් ආණ්ඩුවේම ඉඩමක අනවසරයෙන් ඉදි කළා කියමින් අතරමග නවතා දැමීමයි. [මූලාශ්‍රය]

2017 ඔක්තෝබර් මාසයේදී ඉදි කිරීම් නිමා කිරීමට නියමිතව තිබූ නෙළුම් කුළුණ 2018 සැප්තැම්බර් දක්වා කල් ගිය අතර, 2018 දෙසැම්බර් වන තුරු එය විවෘත කර නැහැ. [මූලාශ්‍රය]

චීනයට ඉන්දියාවේ ඔත්තු බැලීමට අවශ්‍යනම් ශ්‍රී ලංකාවේ උස කණුවක් ඉදි කර, මීට සියවස් ගණනාවකට පෙර යුරෝපයේ භාවිතා කළ "Watch Tower" නැමති ප්‍රාථමික ඔත්තු බලන ක්‍රමය යොදා ගන්නට අවශ්‍ය නැහැ. මුළු ලෝකයම ආවරණය වන පරිදි සන්නිවේදන චන්ද්‍රිකා පද්ධතියක් චීනය සතුයි. පහත දැක්වෙන චීනයේ සන්නිවේදන චන්ද්‍රිකා ස්ථානගත කිරීම පිළිබඳ විස්තරය බැලීමෙන්, නෙළුම් කුළුණ යොදාගෙන ඉන්දියාවේ ඔත්තු බලනවා කීම කොතරම් ප්‍රාථමික මඩක් දැයි ඔබට පැහැදිළි වේවි.




[5]. නෙළුම්
කුළුණ ආසන්නයෙන් MonoRail ප්‍රවාහන ක්‍රමයක් ස්ථාපිත කරමින් එය කොළඹ නගරයේ Transport Hub එකක් බවට පත් කිරීමට නියමිතව තිබූ අතර, යහපාලන ආණ්ඩුව විසින් එයද නතර කළා. [මූලාශ්‍රය]



[6]. නෙළුම් කුළුන ශ‍්‍රී ලංකා පොදුජන පක්‍ෂයේ මැතිවරණ ලාංඡනය වන පොහොට්ටුව ලෙස දිස්වන්නේ යයි එය ගලවා දමන සැලැස්මක් පිළිබඳව හිටපු ඇමති බැසිල් රාජපක්‍ෂ මහතා අනාවරණය කළා.



එම අනාවරණය නිසා ඇතිවූ ජනතා විරෝධය නොවන්නට, නෙළුම් කුළුණ මේ වන විට ටොයි ලොජික් හේතුවක් (උදා: නෙළුම් කුළුණ නිසා මුළු කොළඹ නගරයේම ගෙවල් වලට හෙණ ගහනවා) ඉදිරිපත් කර ගලවා දැමීමට ඉඩ තිබුණා. එවැනි ටොයි ලොජික් එකක් සාධාරණීකරනය කිරීමටත් එජාපයේම සිවල් සංවිධාන සහ ඇදුරන් එමටත් සිටිනවා.


[7]. එය ගැලවීමට නොහැකි වූ තැන, නෙළුම් මලේ පෙති වලට එක්සත් ජාතික පක්ෂයේ පාට වන කොළ පාටින් වර්ණවත් කර පළාත් පාලන මැතිවරණය කාලයේදී දේශපාලන වාසියක් ලබා ගැනීමට උත්සාහ කළා.




මෙම ලිපියේ මුලින්ම ඇති ඡායාරූපය නැවතත් බැලුවොත් ඔබට පෙනේවි එහි බඳ කොළ පාටයි. එසේ කළේ නෙළුම් මලේ න‍ටුව ස්වභාවිකවම කොළ පාට නිසයි. මහින්ද රාජපක්ෂ මැතිතුමන්ට එයට නිල් පාට යෙදීමට හැකියාව තිබුණත් එසේ නොකළේ, එතුමන්ට ප‍ටු දේශපාලන කෝන්තර නොතිබූ නිසා.



[8]. එජාපය එසේ කියද්දී, ජවිපෙ පවසන්නේ "ඔය නෙළුම් කුලුන හොඳයි අපිට පැනලා මැරෙන්න." යනුවෙන්. ජවිපෙ විසින් කරන ලංකා ටෘත් වෙබ් අඩවියේ මෙසේ දැක්වෙනවා.


ටිල්වින් සිල්වා මහතාගේ ඉහත චෝදනාවට පිළිතුරක් පහත ඡායාරූපය ලබා දෙනවා. ඡායාරූපයේ මූලාශ්‍රය

Tuesday, December 18, 2018

මහින්ද රාජපක්ෂ මැතිතුමන්ව විපක්ෂ නායක ලෙස පත් කෙරේ.



විපක්ෂයේ වැඩිම මන්ත්‍රී ආසන හිමි පක්ෂය වන එක්සත් ජනතා නිදහස් සන්ධානයේ හිටපු ජනාධිපති මහින්ද රාජපක්ෂ මැතිතුමන්ව විපක්ෂ නායකවරයා ලෙස පත් කෙරුණි.

ඒ සමගම මෙතෙක් කාලයක් එජාපය විසින් "සෙටප් කර" තිබූ තමන්ට සහය දෙන දෙමළ සංධානයට විපක්ෂ නායක ධූරය අහිමි විය.

ශ්‍රී ලංකා නිදහස් පක්ෂය නියෝජනය කරන මන්ත්‍රීවරුන් 3 දෙනෙකු අද ආණ්ඩු පක්ෂයේ පෙළ අසුනක අසුන් ගත්තෝය. පාර්ලිමේන්තුව රැස්වූ අවස්ථාවේදී සභා ගර්භය හරහා ගොස් මෙලෙස ආණ්ඩු පක්ෂයේ අසුන් ගනු ලැබුවේ පාර්ලිමේන්තු මන්ත්‍රීවරුන් වන විජිත් විජයමුණි සොයිසා, ඉන්දික බණ්ඩාරනායක සහ ලක්ෂ්මන් සෙනෙවිරත්න යන මන්ත්‍රීවරුන් ය.

කථානායක කරු ජයසූරිය මහතාගේ ප්‍රධානත්වයෙන් පස්වරු 1ට පාර්ලිමේන්තුව රැස්වූ අතර, සභානායකවරයා ලෙස පාර්ලිමේන්තු මන්ත්‍රී ලක්ෂ්මන් කිරිඇල්ල, ආණ්ඩු පක්ෂයේ ප්‍රධාන සංවිධායක පාර්ලිමේන්තු මන්ත්‍රී ගයන්ත කරුණාතිලක  සහ විපක්ෂයේ ප්‍රධාන සංවිධායක ලෙස මහින්ද අමරවීර යන මන්ත්‍රීවරුන්ව  පිළිගන්නා බව කථානායකවරයා නිවේදනය කළේය.

Update 1: අද පාර්ලිමේන්තුවේදී දෙමළ ජාතික සන්ධානය විපක්‍ෂයේ අසුන් ගෙන සිටී. ඒ අනුව එක්සත් ජාතික පක්‍ෂය සුළුතර ආණ්ඩුවක් බවට පත්වන අතර ඔවුනට හිමිව ඇත්තේ පාර්ලිමේන්තුවේ ආසන 105ක් පමණි. සෙසු සියලු පක්‍ෂ පාර්ලිමේන්තුවේ විපක්‍ෂය නියෝජනය කරමින් සිටී. කෙසේ වෙතත් තම ඉල්ලීම් සදහා සහාය දෙන තුරු එක්සත් ජාතික පක්‍ෂයට බහුතර බලය පවත්වාගෙන යාම සදහා පාර්ලිමේන්තුවේදී සහාය දෙන බවට දෙමළ ජාතික සන්ධානය විසින් ලිඛිතව දන්වා ඇත. දෙමළ ජාතික සංධානයට රනිල් වික්‍රමසිංහ මහතා පොරොන්දු වී ඇති භයානක ඉල්ලීම් මොනවාදැයි පැහැදිළි වෙන ප්‍රකාශයක් පහත වීඩියෝවෙන් ධර්මලිංගම් සිද්ධාර්තන් මහතා පවසයි.

Monday, December 17, 2018

ආණ්ඩු පෙරලිය නිසා සංචාරක පැමිණීම අඩු වුණා කීම අලි බොරුවක් බව සනාථ වෙයි.

[1]. පසුගිය ඔක්තෝබර් 26 වන දින ශ්‍රී ලංකාවේ ඇති වූ දේශපාලන බලපෙරළිය මෙරට සංචාරක කර්මාන්තයට අහිතරක අන්දමින් බලපෑ බවට එජාපය ප්‍රමුඛ විජාතික හවුල විසින් චෝදනා කළා. පහත දැක්වෙන්නේ අසාන් අමීන් මහතා සේවය කරන BBC ආයතනය පළ කළ පුවතක්.



[2]. ශ්‍රී ලංකාවට සංචාරකයන් පැමිණීම සම්බන්ධයෙන් ඇති පිළිගත් වාර්තාව වන්නේ "Sri Lanka Tourism Development Authority" හි වාර්තාවයි. එහි "Monthly Tourist Arrivals Report" හි දැක්වෙන පරිදි [මූලාශ්‍රය] 2018 නොවැම්බර් මාසයේ උදෘතය පහත දැක්වෙනවා.



[3]. එයට අනුව රනිල් වික්‍රමසිංහ මහතා රට පාලනය කළ 2017 නොවැම්බර් මාසයේදී ශ්‍රී ලංකාවට සංචාරකයින් 167,511 ක් පැමිණි අතර, මහින්ද රාජපක්ෂ මැතිතුමන් රට පාලනය කළ 2018 නොවැම්බර් මාසයේදී සංචාරකයන් 195,582 ක් පැමිණ තිබෙනවා. ඒ අනුව 16.8% වර්ධනයක්.  එසේම රනිල් වික්‍රමසිංහ මහතා රට පාලන කළ 2018 ඔක්තෝබර් මාසයේදී සංචාරකයන් 153,123 ක් පැමිණ තිබූ හෙයින් එම මාසයට සාපේක්ෂව 27.7% ක වර්ධනයක්.


[4]. විශේෂත්වය වන්නේ එතරම් සංචාරක වැඩි වීමක් සිදුව ඇත්තේ, එජාපයේ ඉල්ලීම් පරිදි සමහර යුරෝපීය රටවල් වලින් ශ්‍රී ලංකාවට එරෙහිව සංචාරක අනතුරු ඇඟවීම් කළ පසුබිමක මෙලෙස සංචාරකයන් පැමිණීම  වර්ධනය වීමයි.


[5]. මේ කියන දේවල් එක්සත් ජාතික පාක්ෂිකයන්ට දිරවාගැනීමට අපහසු හෙයින් එක්සත් ජාතික පක්ෂයේ පාර්ලිමේන්තු මන්ත්‍රී රුවන් විජයවර්ධන මහතාගේ විජයවර්ධන පවුලට හිමිකම් කියන ලංකාදීප පුවත්පත් වෙබ් අඩවියේ මූලාශ්‍රයත් පහතින්...

ගෝල්ෆේස් එකේ මහින්ද සුළඟට පිළිතුරු දෙන්නට එජාපයෙන් කළ රනිල් සුළඟ අන්ත අසාර්ථකයි.

2017 මැයි 1 දින ගාලු මුවදොර පිටියේදී මහින්ද රාජපක්ෂ මැතිතුමන්ගේ ප්‍රධානත්වයෙන් පැවැති ජන ‍රැළිය එතෙක් මෙතෙක් තුර ශ්‍රී ලංකාවේ පැවැති අති විශාලතම ජන ‍රැළිය ලෙසට ඉතිහාස පොතට එක් විය.

එක්සත් ජාතික පක්ෂ නායකයන් පැවසුවේ එය මහ ලොකු සෙනගක් නොවන බවත්, ඊටත් වඩා ගාලු මුවදොර පිටිය පිරවීමට ඔවුන්ට හැකියාවක් ඇති බවයි. නමුත් ඔවුන් එහි ජන ‍රැළියක් පැවැත්වීම දිගින් දිගටම කල් දමන ලදී.

රනිල් වික්‍රමසිංහ මහතා නැවතත් අග්‍රාමාත්‍ය වීමේ ප්‍රීතිය නිමිත්තෙන් එක්සත් ජාතික පක්ෂය විසින් අද දින ගාලු මුවදොර පිටියේදී ජන ‍රැළියක් පැවත්වූ අතර, එහි වීඩියෝ සහ ඡායාරූප පහත දැක්වේ.






 එක්සත් ජාතික පක්ෂය විසින් ජනමාධ්‍ය වෙත පවසා ඇත්තේ, ඉතා ඉහළින් ගන්නා ලද මෙවැනි ඩ්‍රෝන් ඡායාරූප සහ වීඩියෝ විකාශය නොකරන ලෙසටත්, සෑම විටම වේදිකාවේ මට්ටමෙන් ගන්නා ලද රූපරාමු විකාශය කරන ලෙසටත් ය.

පහත දැක්වෙන්නේ මහින්ද රාජපක්ෂ මැතිතුමන්ගේ ප්‍රධානත්වයෙන් ගාලු මුවදොර පිටියේදී පැවැත්වූ ජන ‍රැළියේ වීඩියෝ සහ පින්තූරයි.




පාර්ලිමේන්තුවේ ඊනියා බහුතරයක් ඇති එක්සත් ජාතික පක්ෂය මහ මැතිවරණයකට මෙතරම් බය ඇයිදැයි මින් පැහදිළි වේ.





Sunday, December 16, 2018

මහින්ද රාජපක්ෂ - මෛත්‍රීපාල සිරිසේන සුසංයෝගය ඉදිරියටම යන ලකුණු...


ඊයේ දින ජනාධිපති මෛත්‍රීපාල සිරිසේන මහතා විසින් අභිනව අග්‍රාමාත්‍ය රනිල් වික්‍රමසිංහ මහතා සහ අග්‍රාමාත්‍ය ආර්යාව ප්‍රමුඛ එක්සත් ජාතික පක්ෂයේ කැබිනට් මණ්ඩලය ඉදිරිපිටදී ම, ඔවුන්ගේ බැඳුම්කර හොරකම, යහපාලන ආණ්ඩුවේ වැරදි ප්‍රතිපත්ති, ජනපති ඝාතන කුමන්ත්‍රණය ඇතුළු පෙර වැරදි දැඩි ලෙස විවේචනය කරමින් පැවැත්වූ කථාව ගැන රටේ ප්‍රගතිශීලී ජනතාවගේ ප්‍රනාමය හිමි විය.



එම කතාව ඇසීමෙන් අපිට වැටහෙන්නේ, රනිල් වික්‍රමසිංහ මහතා ඇතුළු එක්සත් ජාතික පක්ෂයේ ජනතා විරෝධී පාලනය ගැන ජනාධිපතිවරයා දැඩි අප්‍රසාදයකින් පළ වෙන බවයි. මන්ද යත්, අප දන්නා ශ්‍රී ලාංකීය දේශපාලන ඉතිහාසයේ එතෙක් මෙතෙක් තුරාවට දේශපාලන නායකයෙක් විසින් වෙනත් පක්ෂයක දේශපාලඥයින් පිරිසක් එකම මේසයේ තියාගෙන, සජීවීව ජනතාව ඉදිරියේ දෝශාරෝපණය කළ පළමු අවස්ථාව මෙය වීමයි.

අවුරුදු තුන හමාරක් තිස්සේ රනිල් ප්‍රමුඛ එජාපයේ ජනතාවිරෝධී වැඩපිළිවෙළ කෙරෙහි ප්‍රසිද්ධියේ විරෝධය පළ නොකළ ජනාධිපතිවරයා මේ වෙද්දී ඔවුන්ගේ මූණටම ජනතාව ඉදිරියේදී දෝශාරෝපණය කිරීමට හැකි වූයේ, එක්සත් ජාතික පක්ෂයෙන් දෝශාභියෝගයක් ගෙනාවොත්, එය පරාජය කිරීමට එකාබද්ධ විපක්ෂය කටයුතු කරන බවට ඔහුට සහතික වී ඇති නිසාවෙනි. එහිදී මහින්ද රාජපක්ෂ මැතිතුමන්ගේ ශක්තිය ඔහුට විශාල පිටිවහලක් විය.

මහින්ද රාජපක්ෂ මැතිතුමන්ට අග්‍රාමාත්‍ය ධූරයෙන් ඉවත් නොවන ලෙස ජනාධිපති මෛත්‍රීපාල සිරිසේන මහතා පවසා තිබුණි. එනමුදු මහින්ද රාජපක්ෂ මැතිතුමන් අග්‍රාමාත්‍ය ධූරය භාර ගත්තේ පාර්ලිමේන්තුව විසිරුවා හැර මහ මැතිවරණයක් පවත්වා නව ආණ්ඩුවක් පිහිටවන තුරු රටේ පාලනය ගෙන යාමට නිසාත්, ශ්‍රේෂ්ඨාධිකරණ තීන්දුවෙන් පාර්ලිමේන්තුව විසිරුවා හැරීම තාවකාලිකව නතර වී ඇති නිසාත් එතුමන් සිය ධූරයෙන් ඉල්ලා අස් විය. එනමුදු මහ මැතිවරණයක් ලබා ගැනීම උදෙසා මහ පොළොවේ අරගලය දිගටම පවතිනු ඇත. එහි ආරම්භයක් ලෙසට මහින්ද රාජපක්ෂ මැතිතුමන්ට පාර්ලිමේන්තුව විපක්ෂ නායකත්වය ලබා දීමට මෛත්‍රීපාල සිරිසේන මහතා එකඟ වී ඇති බව වාර්තා වේ.

පසුගිය මාස එක හමාරක පමණ කාලය තුලදී ඇතිවූ දේශපාලන පෙරළියෙන් රටට ඉමහත් ප්‍රතිලාභ ලැබුණි. ප්‍රධානතම ප්‍රතිලාභය වූයේ එජාපයට තිබූ ඊනියා 2/3 ක පාර්ලිමේන්තු බලය නැති වීම නිසා, ෆෙඩරල් ව්‍යවස්ථාව ගෙන ඒමේ හැකියාව තවදුරටත් නැති වීමයි. එසේම පාර්ලිමේන්තුවේ ප්‍රජාතන්ත්‍රවාදය බල්ලට දමා, ආණ්ඩුවට සහය දක්වන දෙමළ ජාතික සංධානයට විපක්ෂ නායකත්වය දී තිබූ අතර, පසුගිය පෙරළියෙන් දෙමළ ජාතික සංධානයේ සැබෑ තැන කුමක්දැයි ජනතාවට පැහැදිළි විය. අනෙක් අතට ඉන්ධන මිල අඩු කිරීම, කොටින්ට වන්දි ගෙවීම නතර කිරීම, සිංගප්පූරු ගිවිසුම අත් හිටවීම, පොහොර සහනාධාරය නැවත ලබා දීම, පාසල් නිල ඇඳුම් යළි ස්ථාපිත කිරීම, අත්‍යවශ්‍ය ආහාර කිහිපයක මිල අඩු කිරීම, කෘෂිකර්ම ක්ෂේත්‍රයේ ආදායම් බද්ද අහෝසි කිරීම, පොලිස් පරීක්ෂක නියෝමාල් රංගජීව මහතා ඇතුළු වැඩ තහනමට ලක් කළ පොලිස් බුද්ධි නිලධාරීන්ව නැවතත් ස්ථාපිත කර මහා පරිමාණ කුඩු ජාවාරම් ඇල්ලීම ඇතුළු රටට විශාල ප්‍රතිලාභ ප්‍රමාණයක් ලබා දීමට හැකි වූ අතර, මහින්ද රාජපක්ෂ මැතිතුමන්ගේ අග්‍රාමාත්‍ය බලතල අධිකරණයෙන් අත් නොහිටවන්නට ජනාධිපතිවරයා හා සාකච්ඡා කර මරණ දඬුවම හිමිව තිබූ රණවිරුවන්ව නිදහස් කිරීම ඇතුළු තව බොහෝ දේ කිරීමට හැකියාව තිබුණි. ජනතාව ලද විශාලතම ජයග්‍රහණය වූයේ එක්සත් ජාතික පක්ෂය විසින් අත් පත් කරගෙන තිබූ විධායකයේ බලය නැවතත් ජනතාව වෙනුවෙන් නැඹුරු වීමයි. ඒ අනුව මහින්ද - මෛත්‍රී සුසංයෝගය ශක්තිමත්ව ඉදිරියට යන බවට දිස් වේ.

මඟුල් පෝරුවේදීම මනාල මනාලී දෙපළ අතර දබරයක් ඇතිවුවහොත්, දෙපළ යහතින් පවුල් කන්නේ නැති බව අත් දු‍ටුයි, ප්‍රත්‍යක්ෂයි. අන්න ඒ අකාරයෙන්ම, මේ ආණ්ඩුව වැඩි කල් නොපවතින බවත්, දැන් එජාපයට ආණ්ඩුවත් ඇති බැවින්, පාර්ලිමේන්තුවේ 2/3 ක් හරහා පාර්ලිමේන්තුව විසිරවා ජනමතය බැලීමට සියලුම මන්ත්‍රීවරුන් එකඟ වෙනු ඇතැයි හුදී ජනයා බලාපොරොත්තු වේ.

තංගල්ල නිවසට ගිය මහින්ද රාජපක්ෂ මැතිඳුන්ව හමු වීමට මහ සෙනගක් පැමිණෙයි.

අද දින තංගල්ල කාල්ටන් නිවසට ගිය ගරු මහින්ද රාජපක්ෂ මැතිතුමන්ව හමු වීමට මහා සංඝයා වහන්සේ ප්‍රමුඛ ජනකායක් පැමිණිය හ.