Mahinda Rajapaksa: මහින්දගෙ කාලෙදි රනිල් ශ්‍රී ලංකාවට ආධාර දෙන්න එපා කියමින් දේශද්‍රෝහී වුණ හැටි සිරසෙන් හෙළි කරයි.

Saturday, January 20, 2018

මහින්දගෙ කාලෙදි රනිල් ශ්‍රී ලංකාවට ආධාර දෙන්න එපා කියමින් දේශද්‍රෝහී වුණ හැටි සිරසෙන් හෙළි කරයි.

[1]. මහින්ද රාජපක්ෂ ජනාධිපතිතුමාගේ රජය පැවැති 2007 කාලයේදී ශ්‍රී ලංකාවට දෙන ආර්ථික ආධාර නවත්වන්නයැයි එවකට විපක්ෂ නායක සහ එක්සත් ජාතික පක්ෂයේ නායක රනිල් වික්‍රමසිංහ මහතා ජපාන තානාපති යසුෂි අකාශි මහතාගෙන් ඉල්ලා ඇති බවට අනාවරණය වී තිබේ. විකීලීක්ස් කළ අනාවරණය හෙළි කරන්නේ එජාප පාක්ෂිකයන් අතිශය විශ්වාස කරන, එමෙන්ම යහපාලනය ගෙන ඒමට කැප වූ සිරස ටීවී නිවුස්ෆස්ට් වෙබ් අඩවියෙනි. [ආකයිව් කළ මූලාශ්‍රය]  සම්පූර්ණ වාර්තාව පහතින්.

 

[2]. ජනාධිපති මහින්ද රාජපක්ෂ මැතිතුමාගේ රජය පවතිද්දී හමුදාවෙන් තොප්පිගල නිදහස් කර ගනිද්දී "තොප්පිගල යනු කැළෑවක්" කියමින් අපහාස කරනවාට අමතරව එක්සත් ජාතික පක්ෂයේ නායක රනිල් වික්‍රමසිංහ මහතා ශ්‍රී ලංකාවට ලබා දෙන විදේශ ආධාර නතර කිරීමට උත්සාහ කළේ කොටි සංවිධානය පරාජය වීම වැළැක්වීමට බවට සාධාරණ සැකයක් ඇති වේ.

 

[3]. එය එක්සත් ජාතික පක්ෂයේ නායක රනිල් වික්‍රමසිංහ මහතා ශ්‍රී ලංකාවට එරෙහිව කළ දේවල් වලින් අංශු මාත්‍රයක් පමණි. තවත් උදාහරණයක් වන්නේ එවකට GSP+ සහනය කපා හැරීමට යුරෝපා හවුලෙන් ඉල්ලා සිටියේත් එක්සත් ජාතික පක්ෂයේ නායක රනිල් වික්‍රමසිංහ මහතා වීමයි. පාර්ලිමේන්තුවේදී දිනේෂ් ගුණවර්ධන මහතා සිදුකළ ප්‍රශ්නකිරීමකදි ඒ බව රනිල්ගේ කටින්ම හෙළි විය. එම වීඩියෝව පහතින්.

 

[4]. එදා එක්සත් ජාතික පක්ෂයේ නායක රනිල් වික්‍රමසිංහ මහතා ශ්‍රී ලංකාවට එරෙහිව සිදුකළ ද්‍රෝහී ක්‍රියා පිළිබඳව 2014 සහ ඊට පෙර වකවානුවේ ITN විමසුමෙන් හෙළි කරද්දී, එජාප පාක්ෂිකයන් විසින් ජේෂ්ඨ මාධ්‍යවේදී මහින්ද අබේසුන්දර මහතාට ඉතාමත් පහත් අයුරින් බැන වදිනු අපි දු‍ටුවෙමු. දැන් එක්සත් ජාතික පක්ෂයේ නායක රනිල් වික්‍රමසිංහ මහතා ශ්‍රී ලංකාවට සිදුකළ ද්‍රෝහී ක්‍රියා පිළිබඳව එජාප පාක්ෂිකයන් අතිශය විශ්වාස කරන මාධ්‍යයක් වන සිරස මාධය ජාලයෙන්ම හෙළි කරද්දීවත් ඔවුන් සත්‍යය වටහා ගනු ඇතැයි අපි සිතමු.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.