මෛත්‍රීපාලයි, එජාපෙයි, ජවිපෙයි එකට ඉල්ලුවානම් මහින්ද පරාදයි කියන කතාවට පිළිතුරු.

Photo Credit: economynext.com

එජාප මැතිවරණ පරාජයේ පශ්චාත් මරණ පරීක්ෂණය පවත්වන එජාප මරණ පරීක්ෂකවරුන් විසින් අපූරු සොයාගැනීමක් කරගෙන තිබේ. ඔවුන් පවසන්නේ මහින්ද රාජපක්ෂ මැතිතුමන්ගේ ඡන්ද ප්‍රතිශතය 2015 ජනාධිපතිවරණයට සාපේක්ෂව අඩු වී ඇති බවත්, මෛත්‍රීපාල+එජාප+ජවිපෙ එකතු ව ඉල්ලුවානම් එය එදා 2015 ජනාධිපතිවරණයේ ප්‍රතිශතයට වඩා වැඩි බවත් ය. නමුත් මෙම තර්කය පදනම් විරහිත පට්ට පල් කෙප්පයකි. ඊට හේතු පහතින්.

 

[1]. 2015 ජනාධිපතිවරණයේදී හංස සධානය ඡන්දය ඉල්ලුවේ එකම ප්‍රතිපත්තියක් ජනතාව වෙත ඉදිරිපත් කරමිනි. ඔවුන් එකිනෙකා විවේචනය කර ගත්තේ නැත. ඒ අනුව ඔවුන් එකම දේශපාලන ප්‍රවාහයක් ලෙස සලකා ජනතාව ඡන්දය දෙන ලදී.

එනමුත් මෙවර එජාපෙත්, මෛත්‍රීපාලත්, ජවිපෙත් වෙන වෙනම ඡන්දය ඉල්ලන ලදී. ඔවුන් එකිනෙකා බරපතල ලෙස විවේචනය කර ගත් බව ඔවුන්ගේ මැතිවරණ කතා දෙස බැලීමෙන් ඔබට පැහැදිළි වේ. මේ සියලුම දෙනා පොහොට්‍ටුව විවේචනය කරන අතරේ, මෛත්‍රීපාල පැවසූයේ එජාපය හොරු බවයි. එජාප හොරුන්ට පාඩමක් ඉගැන්වීමට තම පක්ෂයට ඡන්දය දෙන ලෙස ඉල්ලුවෝ ය. එජාපය පැවසූයේ මෛත්‍රීපාල ගාව සිටින්නේ හොරු බවයි. තනි එජාප ආණ්ඩුවක් පිහිටවීමට එජාපය ඡන්දය ඉල්ලුවෝ ය. ජවිපෙ කිව්වේ ඒ දෙගොල්ලොම හොරු බවයි.

ඒ අනුව එජාපෙ කෙරෙහි කළ කිරුණ එජාප පාක්ෂිකයන් මෛත්‍රීපාලට හෝ ජවිපෙට ඡන්දය දෙන්නට ඇත. නමුත් ඔවුන් එකතුව ආවානම් ඒ කාටවත් ඔවුන් ඡන්දය නොදී ගෙදර සිටිනු ඇත. එලෙස වෙන් වෙන්ව පොරොන්දු සහ සටන් පාථ කියමින් තරග වැදුණ පක්ෂ වල ඡන්දය එකතු කර පෙන්වීම තරම් මෝඩ වැඩක් ලොවෙත් නැත.

මෙය උදාහරණයකින් කිවහොත්, ශ්‍රී ලංකාව, එංගලන්තය සහ අයර්ලන්තය සහ ඕස්ට්‍රේලියාව ක්‍රිකට් තරගාවලියක් පවත්වා ශ්‍රී ලංකාව ජයග්‍රහණය කළා යැයි සිතමු. එවිට “ශ්‍රී ලංකාව දින්නට වැඩක් නෑ. සුදු ජාතිකයන්ගේ රටවල් වන අපේ රටවල් වල ලකුණු එකතු කළොත් ශ්‍රී ලංකාව උඩින්ම පරාදයි” කියා ඒ රටවල් කිවහොත්,,, අන්න ඒ වගේම මෝඩ කතාවකි මේ එජාපේ සමහරුන් කියන්නේ. අතනදී ඒ රටවල් එකම ටීම් එකකින් ආ යුතුයි වගේම, මෙතනදීත් හංස සංධානය තනි පක්ෂයකින් ආවොත් මිස වෙන් වෙන්ව ඉල්ලා අපි වැඩියි කීම ජාත්‍යන්තර විහිලුවකි.

ෆේස්බුක් එකේ පළ වූ තවත් කදිම උදාහරණයක් මෙන්න.

 

[2]. එජාපයේ ඡන්ද පදනමට වූ දේ එජාප පශ්චාත් මරණ පරීක්ෂකවරුන්ට හසු නොවීමත් පුදුමයකි.

2015 පාර්ලිමේන්තු මැතිවරණයේදී එජාපය තනිව තරග වැදුන අතර එහිදී එජාපය ලබා ගත්තේ ඡන්ද 5,098,916 [මූලාශ්‍රය]

නමුත් 2018 පළාත් පාලන මැතිවරණයේදී එජාපය ලබා ගත්තේ ඡන්ද 3,625,510 කි. [මූලාශ්‍රය] කොහොමද වෙනස?

එදා සිටි එජාප පාක්ෂිකයන් මේ වන විට මිලියන 1.5 ක් පමණ සිය පක්ෂය ප්‍රතික්ෂේප කර ඇත.

 

[3]. ඒ අතර මහින්ද රාජපක්ෂ මැතිතුමන් තනියම ඇවිත් 2015 පාර්ලිමේන්තු මැතිවරණයට වඩා ඡන්ද ලබාගෙන ඇත.

2015 පාර්ලිමේන්තු මැතිවරණයේදී  මහින්ද+මෛත්‍රීපාල එකතුව ලබා ගත් ඡන්ද ප්‍රමාණය 4,732,664 [මූලාශ්‍රය]

නමුත් 2018 පළාත් පාලන මැතිවරණයේදී මහින්ද රාජපක්ෂ මැතිතුමන්ගේ පක්ෂය තනියම ලබා ගත් ඡන්ද ප්‍රමාණය 4,968,762 දක්වා වැඩි විය. [මූලාශ්‍රය]

 

[4]. අප ජනපතිවරණ සටනක සිටියේ නැත. පක්‍ෂයක මැතිවරණ උපක්‍රම හා ප්‍රචාරයන් ඉලක්කගත වන්නේ ඉන් අපේක්‍ෂිත අවසන් ප්‍රතිඵවලට සාපේක්‍ෂව ය. පොහොට්ටුවට අවශ්‍ය වූයේ හැකි තරම් ආයතන දිනා ගැනීම මිස ඡන්ද ප්‍රතිශතය සියයට 50 ඉක්මවා යෑමට නොවේ. ප්‍රතිශත මෙහි දී අදාළ නොවන්නකි.

 

[5]. 71% ක ඉක්මවා ගිය පළාත් පාලන ආයතනය ප්‍රමාණයක් (340න් 239ක්) ලැබීම සිතා ගැනුමට පවා නොහැකි ප්‍රතිශතයකි. පොහොට්ටුව තනිව පළාත් පාලන ආයතන 239 සමග සභිකයින් 3,369ක් (44.65%) සහ ස්වාධීන කණ්ඩායම් 3 ක්, තිරප්පනේ නයා, මහරගම බයිසිකලය, මහියංගන රයිනෝ ද ජයගෙන ඇත. ඒවා ඉහත ගොන්නට එකතු වී නැත. එජාපය (රනිල් + මනෝ ගනේශන් + රිෂාඩ් බදියුදීක් + රාවුෆ් හකීම්) යන සියල්ල ද සමග ලබාගෙන ඇත්තේ 32.63% කි. සභික ප්‍රමාණය 2385කි. කෙසේ වෙතත්, තනි එජාපය 1970+ පමණකි. එජාපය සිටින්නේ එවන් පහළ අඩියක ය.

 

[6]. අලුත බිහි වූ පක්ෂයක් සහ ඊට නායකත්වය දුන් පාර්ලිමේන්තු මන්ත්‍රීවරයෙක් විසින් (එජාපෙට අනුවනම් නායකයට මන්ත්‍රීකමක්වත් නෑ , ජී එල් පීරිස් මහත්තයාගේ පක්ෂෙනේ), රටේ විධායක ජනාධිපතිවරයාගේ පක්ෂයත් අගමැතිවරයාගේ පක්ෂයත් කිසිදු දේශපාලන හෝ ජනමාධ්‍ය බලයක් නැතිව පරාජය කරන ලද මැතිවරණයකි මේ. මහින්ද රාජපක්ෂ මැතිතුමන් ඒ ජයග්‍රහණය ලැබුවේ ජනතාව කෙරෙහි විශ්වාසය තබා ඔවුන්ගේ ඉල්ලීම් වලට හිස නැවූ බැවිනි (ප්‍රධානතම ඉල්ලීම: මෛත්‍රීපාල සමග කිසි සේත්ම මැතිවරණයේදී එකතු නොවන්න)

එජාපය විසිනුත් මේ රටේ ජනතාව ලබා දුන් අන්න ඒ ඓතිහාසික ජනතා තීන්දුවට හිස නමා තම වැරදි නිවැරදි කරගන්නවා වෙනුවට, එකිනෙකට විරුද්ධ පක්ෂ වල ඡන්ද එකතු කර ජනතාවට කොකා පෙන්වීම හරහා ජනතාව විසින් එජාපය තව තවත් ප්‍රතික්ෂේප කරන තත්ත්වයට ඇද දමා ඇත.

තවත් අයටත් බලන්නට SHARE කරන්න.
  • 737
  •  
  •  
  •  
  •  
    737
    Shares

3 comments to මෛත්‍රීපාලයි, එජාපෙයි, ජවිපෙයි එකට ඉල්ලුවානම් මහින්ද පරාදයි කියන කතාවට පිළිතුරු.

  • Hitan

    මැතිවරණ ප්‍රථිපලයේ කුජිතම පරාජ 10
    ==========================

    1.ශ්‍රීලනිප නායක, ජනාධිපති මෛත්‍රිපාල සිරිසේන තමන් නියෝජනය කරන පොළොන්නරුව දිස්ත්‍රික්කය පාරජයට පත්වීම සහ පොහොට්ටුව පොළොන්නරුව දිස්ත්‍රික්කය දිනා ගැනීම.

    2.එජාප නියෝජ්‍ය නායක සජිත් ප්‍රේමදාස තමන් නායකත්වය දුන් හම්බන්තොට දිස්ත්‍රික්කයත් සමග තමන්ගේ ආසනය වූ තිස්සමහාරාම ආසනයත් පරාජයට පත්වීම. පොහොට්ටුව හම්බන්තොට දිස්ත්‍රික්කය දිනා ගැනීම.

    3.ශ්‍රීලනිප අනුශාසක, හිටපු ජනාධිපතිනි, අත්තනගල්ල ආසන සංවිධායිකා චන්ද්‍රික කුමාරතුංගව අත්තනගල්ල ආසනයේ ශ්‍රීලනිපය තුන්වන තැනට ඇද දමමින් පරාජයට පත්වීම.

    4.ශ්‍රීලනිප මහා ලේකම් දුමින්ද දිසානායකට තමන් නායකත්වය දුන් අනුරාධපුර කළාවැව ආසනයවත් ජයග්‍රහණය කිරීමටවත් නොහැකි වීම.පොහොට්ටුව අනුරාධපුර දිස්ත්‍රික්කය දිනා ගැනීම.

    5.එජනිස මහාලේකම් මහින්ද අමරවිරට තමන් නායකත්වය දුන් තංගල්ල ආසනයවත් ජයග්‍රහණය කිරීමට නොහැකි වීම. එජනිස තංගල්ලේ තුන්වෙනි තැනට ඇද වැටීම.පොහොට්ටුව හම්බන්තොට දිස්ත්‍රික්කය දිනා ගැනීම.

    6.බස්නාහිර පළාත් මහා ඇමති මහරගමදී සියලු කොට්ඨාස සමගින් ස්වාධීන කණ්ඩායමකට පරාජය වීම. පොහොට්ටුවේ ස්වාධීන කණ්ඩායම මහරගම සියලු කොට්ඨාස සමගින් ජයග්‍රහණය කිරීම.

    7.බේරුවල කිසි දිනක දිනන්නට ඉඩ දෙන්නේ නැහැ කියූ රාජිත සේනාරත්නව බේරුවලදී පොහොට්ටුවේ ස්වාධීන කණ්ඩායමක් විසින් වසර ගණනාවකට පසු පරාජයට පත් කිරීම.

    8.බණ්ඩාරගම ආසනය කිසි දිනක දිනන්නට ඉඩ දෙන්නේ නැහැ කියූ අජිත් පී පෙරේරා බණ්ඩාරගමදී කුජිතම කොට තිබීම.

    9.උමා ඔය ව්‍යාපෘතියට විරුද්ධව ජනතාව උසි ගන්වමින් බණ්ඩාරවෙල බලය ලබා ගැනීමට උත්සහා කළ ජනතා විමුක්ති පෙරමුණේ ”උමා ඔය සුරැකීමේ ස්වාධීන කණ්ඩායම” පරදවා පොහොට්ටුවේ ස්වාධීන කණ්ඩායම බණ්ඩාරවෙල බලය ලබා ගැනීම.

    10.කඩුවෙල ආසනයේ ශ්‍රීලනිප ප්‍රධාන සංවිධායක සුසිල් ප්‍රේමජයන්ත, සම සංවිධායක හිටපු නගරාධිපති ජි එච බුද්ධදාස, කඩුවෙල එජාප සංවිධායක සුජීව සේනසිංහ කුජිත කරමින් කොට්ඨාස 28න් 26කම ජය පොහොට්ටුව ලබා ගැනීම, හිටපු නගරාධිපති බුද්ධාස තමන් නියෝජනය කළ බත්තරමුල්ල කොට්ඨාසය පොහොට්ටුවේ විමල්ගේ අපේක්ෂකයාට පරාජයට පත්ව සදාකල් විශ්‍රම සුව විදීමට ඉඩ සලසා දීම.

    ආතල් නම් තව බෝමයි…

  • Srimal

    මම නම් මහින්දගෙ දකින වැරදි රාසියක් අතරෙන් දකින එක සිහි බුද්දිය ඇති වැඩක් සතා අඳුරගෙන අගමැති කං අරව මේව නොදී ඉඳීම…

  • NAK

    Now what is mostly needed is the revision of the electoral process for parliament which President Sirisena promised when he got the JO to vote for the 19A.
    Since then everyone seemed to have forgotten the issue and with the present election results I doubt anyone in the UNP will be interested in changing the system to FPP system but but there is no necessity to what UNP pleases.
    JO must take the issue with the president and force him to keep his promise.

Leave a Reply