Mahinda Rajapaksa: කරු ජයසූරිය කථානායකවරයාගේ විශ්වාසභංග කෙරුවාව මෙන්න.

Saturday, November 17, 2018

කරු ජයසූරිය කථානායකවරයාගේ විශ්වාසභංග කෙරුවාව මෙන්න.


මේ දක්වා කථානායක කරු ජයසූරිය මහතාගේ ධූර කාලය තුළ විශ්වාස භංගයන් 6 ක් පාර්ලිමේන්තුවට ගෙන එනු ලැබුණි. ඒවාට අදාල පහත දැක්වෙන දින වකවානු ඉතාමත් පරික්ශාකාරීව බලන්න. අප කියන නිසාම ඔබ නොපිළිගත යුතු හෙයින් archive කරන ලද ප්‍රසිද්ධ වෙබ් අඩවි මූලාශ්‍රයන්ද දක්වා ඇත.

විශ්වාස භංගය එල්ල වූ පුද්ගලයා: මුදල් ඇමති රවි කරුණානායක මහතා
විශ්වාස භංගය භාර දුන් දිනය: 2016 මාර්තු 24 [මූලාශ්‍රය]
විශ්වාස භංගය විවාදයට ගත් දිනය: 2016 ජූනි 9 [මූලාශ්‍රය]
ගත වූ කාලය: මාස 2 හමාරකට පසුව

විශ්වාස භංගය එල්ල වූ පුද්ගලයා: සෞඛ්‍ය ඇමති රාජිත සේනාරත්න මහතා
විශ්වාස භංගය භාර දුන් දිනය: 2017 අගෝස්තු 24 [මූලාශ්‍රය]
විශ්වාස භංගය විවාදයට ගත් දිනය: මේ වන තෙක් විවාදයට ගෙන නැත
ගත වූ කාලය: -

විශ්වාස භංගය එල්ල වූ පුද්ගලයා: විදේශ අමාත්‍ය රවි කරුණානායක මහතා
විශ්වාස භංගය භාර දුන් දිනය: 2017 අගෝස්තු 3 [මූලාශ්‍රය]
විශ්වාස භංගය විවාදයට ගත් දිනය: රවි ඉල්ලා අස් වෙන තුරු විවාදයට නොගත්තේය. [මූලාශ්‍රය]
ගත වූ කාලය: -

විශ්වාස භංගය එල්ල වූ පුද්ගලයා: අග්‍රාමාත්‍ය රනිල් වික්‍රමසිංහ මහතා
විශ්වාස භංගය භාර දුන් දිනය: 2018 මාර්තු 21 [මූලාශ්‍රය]
විශ්වාස භංගය විවාදයට ගත් දිනය: 2018 අප්‍රියෙල් 4 [මූලාශ්‍රය]
ගත වූ කාලය: සති 2ක ට පසුව

විශ්වාස භංගය එල්ල වූ පුද්ගලයා: අග්‍රාමාත්‍ය මහින්ද රාජපක්ෂ මහතා
විශ්වාස භංගය භාර දුන් දිනය: 2018 නොවැම්බර් 14 [මූලාශ්‍රය]
විශ්වාස භංගය විවාදයට ගත් දිනය: විවාදයට නොගෙන ක්ෂණිකව ඡන්ද විමසයි [මූලාශ්‍රය]
ගත වූ කාලය: විනාඩි 10

විශ්වාස භංගය එල්ල වූ පුද්ගලයා: අග්‍රාමාත්‍ය මහින්ද රාජපක්ෂ මහතා
විශ්වාස භංගය භාර දුන් දිනය: 2018 නොවැම්බර් 16 [මූලාශ්‍රය]
විශ්වාස භංගය විවාදයට ගත් දිනය: විවාදයට නොගෙන ක්ෂණිකව ඡන්ද විමසයි [මූලාශ්‍රය]
ගත වූ කාලය: විනාඩි 10

පාර්ලිමේන්තුවේ විශ්වාස භංගයක් ගෙන ඒමේදී ඒ සඳහා විවාද කිරීමට කාලයක් ලබා දීම ඇතුළු ක්‍රියාපටිපාටිය ස්ථාවර නියෝග වල දැක්වේ. එම ක්‍රමවේදය මෙතනින්.

එක්සත් ජාතික පක්ෂයේ මන්ත්‍රීවරුන්ට එරෙහිව විශ්වාසභංගයන් ගෙන ආ විට හැකි තරම් කල් මැරූ කරු ජයසූරිය කථානායකවරයා, අග්‍රාමාත්‍ය මහින්ද රාජපක්ෂ මහතාට එරෙහිව ගෙන ආ විශ්වාස භංගයේදී පාර්ලිමේන්තුවේ ස්ථාවර නියෝග පවා නොතකමින් ඊට අදාලව විවාද කිරීමට පවා කාලයක් නොදී විනාඩි 10 න් යෝජනාව සම්මත කළ අයුරු ඔබ දු‍ටුවා ද?

එකී විශ්වාස භංගය දෙවන වරටත් ඔවුන්ට ගෙන ඒමට සිදුවූයේ ඔවුන්ගේ පළමුවර විශ්වාස භංගය නීත්‍යානුකූල නොවන බවට ඔවුන්ම වටහාගත් බැවිනි. කෙසේ වුවද ස්ථාවර නියෝගය නොපිළිපැදි හෙයින් දෙවන විශ්වාස භංගයද නීත්‍යානුකූල නොවීය.

මේ අනුව කරු ජයසූරිය කථානායකවරයාගේ එක්සත් ජාතික පක්ෂග්‍රාහී අත්තනෝමතික හැසිරීම ගැන ආණ්ඩුවේ මන්ත්‍රීවරුන්ගෙන් දැඩි විරෝධයක් එල්ල වීම පුදුමයට කාරණයක් නොවේ.