Mahinda Rajapaksa: තවත් මඩක් මාට්‍ටු. බොදු බල සේනාව යොදා ගනිමින් මහින්ද රාජපක්ෂ මැතිතුමන්ට මඩ ගැසීම.

Monday, November 19, 2018

තවත් මඩක් මාට්‍ටු. බොදු බල සේනාව යොදා ගනිමින් මහින්ද රාජපක්ෂ මැතිතුමන්ට මඩ ගැසීම.

අද දින බොදු බල සේනාවේ පිරිසක් ජනාධිපති කාර්යාලය ඉදිරිපිට උද්ඝෝෂණය කිරීම සහ ඉන් අනතුරුව පොලිසිය හා ගැ‍ටුමක් ඇති කර ගත්තා.

පහත දැක්වෙන්නේ එක්සත් ජාතික පක්ෂයට සම්බන්ධ ෆේස්බුක් පි‍ටු මගින් අද දින ප්‍රචාරය කරන මඩ පෝස්ට් එකක්. මේ ආකාරයටම හදාපු තවත් පෝස්ට් ගණනාවක් ඔවුන් ෆේස්බුක් එකේ ඔවුන්ගේ විවිධ පි‍ටු මගින් පළ කර තිබෙනවා.



මේක මඩක් වෙන්නේ ඇයි?

1. මේ පින්තූරය අද දින සිදුවූ සිදුවීමක් නෙමෙයි. මෙය පළමුවරට අන්තර්ජාලයේ පළ වී ඇත්තේ 2015 දී. ඒ කියන්නේ එක්සත් ජාතික පක්ෂයේ යහපාලන ආණ්ඩුව තිබුණ කාලයේදී. මෙන්න මූලාශ්‍රය, මෙහි දිනය හොඳින් බලන්න. http://buddhistinternational.org/2015/04/monks-sue-myanmar-minister-why-cannot-in-sri-lanka/



2.පොලිසිය භාර අමාත්‍යවරයා වන්නේ අග්‍රාමාත්‍ය මහින්ද රාජපක්ෂ මැතිතුමන් හෝ පොහොට්‍ටුවේ කිසිදු මන්ත්‍රීවරයෙක් නෙමෙයි. පොලිසිය භාර මෛත්‍රීපාල සිරිසේන ජනාධිපතිවරයාට. එනිසා අද දින සිදුවූ සිදුවීම ගැන මහින්ද රාජපක්ෂ අග්‍රාමාත්‍යතුමාට මඩ ගැසීම කොතරම් අසාධාරණද...



3. ඊළඟ සිත් ගන්නා සුළු කාරණාව වන්නේ 2018 ජූනි 14 දින සිර දඬුවම්  නියම වූ ඥාණසාර හිමි වෙනුවෙන් වැඩි සද්දයක් නොදාපු බොදු බල සේනාව, මාසර 4 ක් තිස්සේම බලන් සිට එජාප ආණ්ඩුව ගෙදර ගිය පසුව වහාම උද්ඝෝෂණයක් කිරීමයි.


4. ඒ සඳහා යොදා ගත්තේත් එජාපයට පාර්ලිමේන්තුවේ බහුතරය නැති නිසා නම් වශයෙන් ඡන්ද විමසීමක් නොකළ දිනයක් වීම විශේෂයි. අද රටේ ප්‍රධාන ප්‍රවෘත්තිය වන්නේ එතකොට එජාපයට පාර්ලිමේන්තුවේ බහුතරය නැති වීම නෙමෙයි.


5. ඥාණසාර හිමිට ජනාධිපති සමාව ගැනීමටනම් කළ යුත්තේ ත්‍රෙනිකායික මහා නාහිමිවරුන් ලවා ජනාධිපතිවරයාට දැනුම් දීමක් සිදුකිරීමයි. එසේ නැතිව පොඩි හාමුදුරුවරුන්ව ප්‍රකෝප කර ජනාධිපති මන්දිරය ඉදිරියේ කෑ ගැස්සවීමෙන් ජනාධිපති සමාව ගැනීමේ ක්‍රමයක් නොවන බව ඔවුන් නොදන්නවා නෙමෙයි. කෙසේ නමුත් මෙය ජනාධිපතිවරයාට අදාල කටයුත්තක් බැවින් අපට වැඩි දෙයක් පැවසීමට නොහැකියි, ඒ ක්‍රියාවලිය ගැන පිළිතුරු දිය යුත්තේ ජනාධිපතිවරයාගේ මාධ්‍ය අංශය මගින්.


6.  අවසාන වශයෙන්, උදේ හවා සිංහල බෞද්ධයන්ට ගරහන එජාප පි‍ටු, හිටි ගමන්ම පැරණි පින්තූරයක් පෙන්වමින් කිඹුල් කඳුළු සෙළීම ගැන කාටත් පැහැදිළි වෙන්න ඕන.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.