Mahinda Rajapaksa: මන්ත්‍රී ඝාතන සිදු කිරීමට පාර්ලිමේන්තුවට පිහියක් ‍රැගෙන ඒමේ රූපරාමු මෙන්න. ප්‍රජාතන්ත්‍රවාදය ගැන ආණ්ඩුවට කරන චෝදනාවට පිළිතුරු (PHOTOS)

Thursday, November 15, 2018

මන්ත්‍රී ඝාතන සිදු කිරීමට පාර්ලිමේන්තුවට පිහියක් ‍රැගෙන ඒමේ රූපරාමු මෙන්න. ප්‍රජාතන්ත්‍රවාදය ගැන ආණ්ඩුවට කරන චෝදනාවට පිළිතුරු (PHOTOS)

ආණ්ඩු පක්ෂයට චෝදනා කරමින් ප්‍රජාතන්ත්‍රවාදය තහවුරු කරන ලෙස ඉල්ලමින් කලු පටි පැළඳගෙන එක්සත් ජාතික පක්ෂ මන්ත්‍රීවරුන් පාර්ලිමේන්තුවට පැමිණි සිටි අයුරු අපි දු‍ටුවෙමු. ඔවුන් අතරින් අයෙක් වන පාලිත තෙවරප්පෙරුම සිය ප්‍රජාතන්ත්‍රවාදය පෙන්වීමට පිහියක් ‍රැගෙන පාර්ලිමේන්තුවර පැමිණ ආණ්ඩුවේ මන්ත්‍රීවරුන් කිහිප දෙනෙකුට පිහියෙන් ඇනීමට තැත් කරන දර්ශනයි මේ. (ඡායාරූප: සජීව චින්තක මහතා විසිනි)





මෙය පිහියක් නොව මයික් එකක් බවට එජාපයේ ෆේස්බුක් බලකාය පවසා තිබුණි. එසේනම් විශාල අනතුරක් වැළැක්වීම සඳහා මයික් එකක් උදුර ගැනීමට එජාපයේ සෙසු මන්ත්‍රීවරුන් මෙතරම් වලි කන්නේ කුමටද යන්න සිතා බැලීම ඔබට බාරයි.



පාලිත තෙවරප්පෙරුමගේ පිහි ඇනීමෙන් තුවාල වී දිලුම් අමුණුගම මන්ත්‍රීවරයා රෝහල් ගත කෙරුණි. එහි දර්ශන පහත දැක්වේ.



දයාසිරි ජයසේකර මන්ත්‍රීවරයා පවසන පරිදි එක්සත් ජාතික පක්ෂ මන්ත්‍රීවරුන් අතර පිහි දෙකක් ඇති බව කථානායක කරු ජයසූරිය මහතාට දැනුම් දීමෙන් පසුව කථානායකවරයා පවසා ඇත්තේ කමක් නැහැ පිහි නෙමෙයි කඩු පොලු හරි අරගෙන එන ලෙසටය.

රන්ජන් රාමනායක හා පාලිත තෙවරප්පෙරුම යන එජාප මන්ත‍්‍රිවරුන් පාර්ලිමේකන්තු සභා ගැබට පිහි රැගෙන ආ බවට පාර්ලිමේන්තු මන්ත‍්‍රී ඉන්දික අනුරුද්ද විසින් පැමිණිලි කර තිබේ.

මන්ත‍්‍රී ජොන්ස්ටන් ප‍්‍රනාන්දු නිසා මන්ත‍්‍රී ඝාතන තැතත් වැලකී ගිය බවද ආණ්ඩුවේ මන්ත‍්‍රිවරුන් කියති.


පසුගිය දා ජනාධිපතිවරයා පැවසූයේ පාර්ලිමේන්තුව නුදුරේදීම යළි ‍රැස් කළහොත් මන්ත්‍රීවරුන් ඝාතනය කිරීමක් පවා සිදුවිය හැකි බවයි. ඒ බවට ආරක්ෂක අංශ වලින් බුද්ධි වාර්තා ලැබී තිබුණි. ඒ අනුව පාලිත තෙවරප්පෙරුම මන්ත්‍රීවරයාගේ මෙම පිහි ගෙන ඒම කළින් සැලසුම් සහගත ක්‍රියාවක් බව පෙනී යයි.