Mahinda Rajapaksa: 2019

Wednesday, March 20, 2019

අමා දම් සිසිල ධර්ම දේශනා මාලාවේ 186 වන ධර්ම දේශනය

මහින්ද රාජපක්ෂ මැතිතුමන්ගේ මූලිකත්වයෙන් වසර 16 ක පමණ කාලයක් සෑම පොහොයකදීම නොකඩවා පැවැත්වෙන අමා දම් සිසිළ ධර්ම දේශනා මාලාවේ 186 වන ධර්ම දේශනය තංගල්ල කාල්ටන් නිවසේ දී පැවැත්වුණු අතර, මෙවර ධර්ම දේශනය පවත්වනු ලැබුවේ පුජ්‍ය ගිනිමැල්ලගහ ධම්මබෝධි ස්වාමින්වහන්සේ විසිනි.







මහින්ද රාජපක්ෂ මැතිතුමන් රහල බටහිර ශ්‍රී බෝධිරුක්ඛාරාම විහාරයේ කොත නිරාවරනය කිරීම උත්සවයට

හිටපු ජනාධිපති සහ වත්මන් විපක්ෂ නායක ගරු මහින්ද රාජපක්ෂ මැතිතුමන් අරණායක රහල බටහිර ශ්‍රී බෝධිරුක්ඛාරාම විහාරයේ කොත නිරාවරනය කිරීම උත්සවයට සහභාගි විය.






ඉන්දියාවේ හිටපු ආරක්ෂක උපදේශකවරයා මහින්ද මැතිඳුන්ව හමු වෙයි.

ඉන්දියාවේ හිටපු ජාතික ආරක්ෂක උපදේශක, ශිවශංකර් මෙනන් මහතා හා ගරු විපක්ෂ නායක මහින්ද රාජපක්ෂ මැතිතුමා අතර විශේෂ හමුවක් ඊයේ පෙරවරුවේ, විජේරාම නිල නිවසේදී පැවැත්වුනි. දෙරටේ දේශපාලන වටපිටාව සහ ඉදිරි බලාපොරොත්තු පිළිබඳව මෙහිදී අදහස් හුවමාරු විය.

Tuesday, March 5, 2019

ගරු මහින්ද රාජපක්‍ෂ මැතිතුමා සහ ඕස්ට්‍රේලියාවේ විශ්වවිද්‍යාල පීඨාධිපතිවරයෙක් අතර හමුවක්.

අද (මාර්තු 04) දින පෙරවරුවේ ඔස්ට්‍රේලියාවේ මෙල්බර්න් නුවර ස්වින්බන් තාක්‍ෂණ විශ්වවිද්‍යාලයේ (SWINBURNE University of Technology) පීඨාධිපති ආචාර්ය බිල් ඩම්ච් (Dr. Bill Damachis) මහතා විපක්‍ෂ නායක ගරු මහින්ද රාජපක්‍ෂ මැතිතුමා හමුවිය.

උසස් අධ්‍යාපන අවස්ථා සහ පහසුකම් වර්ධනය කර ගැනීම සඳහා ගතහැකි ක්‍රියාමාර්ග ගැන එහිදී ඔවුන් සාකච්ඡා කළහ. තවද, අප රටේ විශ්ව විද්‍යාල තුළ නව තාක්‍ෂණ විෂයධාරා පුළුල් කිරීම සම්බන්ධයෙන් අවශ්‍ය සහයෝගය ලබාදීමට හැකියාව ඇති බව ආචාර්ය බිල් ඩම්ච් මහතා විපක්‍ෂ නායකතුමා වෙත දන්වා සිටියේය.

තම පාලන කාලය තුළ පාසල්වල තාක්‍ෂණ විද්‍යාගාර ඇති කර පාසල් අධ්‍යාපනයට තාක්‍ෂණ විෂය ධාරා හඳුන්වා දීමට ගරු මහින්ද රාජපක්‍ෂ මැතිතුමා දියත් කර ඇති වැඩ පිළිවෙල ආචාර්ය බිල් ඩම්ච් මහතාගේ අගය කිරීමට සහ ප්‍රශංසාවට ලක්විය.


Leader of the Opposition met with Dr. Bill Damachis, Dean, transnational education at Swinburne University of Technology this morning.

They discussed the possibilities of the expansion of the higher education sector in Sri Lanka. Dr. Damachis stated that they were willing to provide assistance in Introducing new areas of technology and improving and expanding the existing areas of technical study within the Sri Lankan university system.

Further Dr. Damachis expressed his appreciation for the establishment of computer labs and introduction of technology into the school curriculum during H. E. Mahinda Rajapaksa’s tenure as President.

Sunday, March 3, 2019

මහින්ද රාජපක්‍ෂ මැතිතුමාගේ මහා ශිව රාත්‍රී දින පණිවිඩය.

මහා ශිව රාත්‍රී දිනය වෙනුවෙන් හිටපු ජනාධිපති සහ වත්මන් විපක්ෂ නායක අතිගරු මහින්ද රාජපක්ෂ මැතිතුමන් විසින් නිකුත් කරන ලද පණිවිඩය.

Friday, March 1, 2019

බටලන්ද යුගය සිහි කරමින් දේශපාලන පළිගැනිමටකට තංගල්ල පොලිසියේ වධකාගාරයකදී අංහිසකයෙක්ට දස වද දෙයි.


කට්ටඩිගේ තිළිණ කසුන් යනු තංගල්ල ප්‍රදේශයේ ජීවත් වෙන තමන්ගේ පාඩුවේ ‍රැකියාව කරගත් ධීවරයෙකි. පසුගිය 2018 දෙසැම්බර් මාසයේදී තංගල්ල පොලිසියෙන් නීති විරෝධී ලෙස අත් අඩංගුවට ගෙන දින 9 ක් තිස්සේ කෲර ලෙස පහර දෙමින් ආහාරවත් හරි හැටියට නොදී රඳවා තබාගෙන ඇත.

ඉන් අනතුරුව තංගල්ල වරාය තුළ වෙඩි තැබීමක් සම්බන්ධයෙන් මිය ගිය 4 දෙනෙකුගේ සිද්ධියට අදාලව තමන් මහ මොළකරු ලෙස පිළිගන්නා ලෙසටත්, එය සිදු කළේ දකුණු පළාත්සභා අමාත්‍ය ඩීවී උපුල් මහතාගේ උවමනාවට යැයි ප්‍රකාශ කරන ලෙසටත් බල කරමින් තංගල්ල පොලීසියෙන් මෙසේ තිළිණ කසුන්ට පොලිස් වධකාගාරය තුළදී දිගින් දිගටම පහර දෙමින් මරණ තර්ජන කර ඇත.

පොලිසියෙන් අත් අඩංගුවට ගන්නා පුද්ගලයෙක්ව පැය 24 ක් තුළ මහේස්ත්‍රාත්වරයෙකුට ඉදිරිපත් කළ යුතු වුවද, තිළිණ කසුන්ව එසේ ඉදිරිපත් කරනවා තබා ඔහු ගැන පොලිස් සටහනක් හෝ තබා නැත.

වාසනාවකට මෙන් 2019 ජනවාරි 18 වන දිනදී තංගල්ල පොලිසියේ වධකාගාරයෙන් ගැලවී යාමට ඔහුට හැකියාව ලැබෙන අතර, ඔහු විසින් SCREF77-2019 නැමැති මූලික අයිතිවාසිකම් නඩුව ශ්‍රේෂ්ඨාධිකරණයේ ගොනු කර ඇත. යම් ලෙසකින් ඔහුට පොලිස් අත් අඩංගුවෙන් බේරී යාමට නොහැකි වන්නට ඔහු මේ වන විට මරණයට පත් වී තිබෙනු ඇත. ආයුධ පෙන්වීමට ගෙන ගියා කියන්නේ මෙවන් සිදුවීම් වලටය.

තිළිණ කසුන්ගේ මව සේවය කරන්නේ ස්විස්ටර්ලන්තයේ වන අතර, තිළිණ කසුන්ව සොයා දෙන මෙන් පොලිසිය විසින් ඇයට අමතා ඇත. එහිදී පොලිසිය විසින් සිදු කරන ලද අපරාධ පිළිබඳව තහවුරු වෙන හඬ පට මෙම ලිපිය සමග දක්වා තිබේ.

එසේම මේ සමග දක්වා ඇති එක් හඬ පටයකින් පොලිස් පරීක්ෂක විජේතුංග විසින් පාපොච්චාරණය කරන්නේ ඔහු හොරණ බල ප්‍රදේශයේ සේවය කරද්දී ඉහළ පොලිස් නිලධාරියෙකුගේ බලපෑම මත අහිංසක පුද්ගලෙකුට බෝම්බයක් දැම්ම බවත් ඒ වෙලේවේ එකී පුද්ගලයා මහ හයියෙන් ඇඬූ බවත් ය. මෙලෙස හඬ පට මගින් සාක්ෂි තිබියදී, අදාල පොලිස් පරීක්ෂකවරයාට ලැබන දඬුවම වන්නේ හුදු ස්ථාන මාරුවක් පමණක් නම්, පොලිසිය යනු ආණ්ඩුවේ ලයිසන් සහිත පාතාල කණ්ඩායමක් යැයි ජනතාවට වැටහෙනු ඇත.

පොලිසිය විසින් මෑත කාලයේදී කරන ලද අපරාධ ‍රැල්ල අතුරින් මෙය එකක් පමණි. මීට පෙරද ඩීවී චානක මන්ත්‍රීතුමන්ගේ වාහනයට කිසියම් දෙයක් දැමීමට දේශපාලන බලපෑමක් මත පොලිසියෙන් කුමන්ත්‍රණය කර තිබී හසුවූ අතර ඒ සම්බන්ධයෙන් නඩු පවරා ඇත. එතුමන්ගේ පියා වන දකුණු පළාත්සභා අමාත්‍ය ඩීවී උපුල් මහතාව හසු කිරීම සඳහා මෙලෙස පුද්ගලයෙකුව පොලිස් වධකාගාරයක රඳවාගෙන මරණ තර්ජනය කරමින් පහර දීම පසුපසත් කිසියම් දේශපාලන බලපෑමක් ඇති බවට පෙනී යයි.

එක්සත් ජාතික පක්ෂ ආණ්ඩුවක් පැවැති 1988/1989 කාලයේදී බටලන්ද යුගය ආරම්භ වූයේත් මේ අයුරින් වන අතර, දිගින් දිගටම පොලිසිය යොදා ගනිමින් දේශපාලන පලිගැනීම් සිදුකිරීම මගින් ඉදීරියේදී සිදුවන්නට යන අන්තරාය ගැන ජනතාවගේ අවධානය යොමු විය යුතුය.

තංගල්ල පොලිසියේ මෙම අපරාධය සම්බන්ධයෙන් නීතීඥවරුන් කළ පැහැදිළි කිරීම සහ අදාල සාක්ෂි හඬ පට පහතින්.













Monday, February 25, 2019

සජිත් ප්‍රේමදාසගේ ලේකම්වරයෙකු, DV චානක මන්ත්‍රීතුමාගේ වාහනයට "පොඩි දෙයක්" දම්මවන්න ගොස් මාට්‍ටු වෙයි.

තංගල්ල පොලිස් අධිකාරිවරයා යොදා ගෙන අමාත්‍ය සජිත් ප්‍රේමදාස මහතාගේ සම්බන්ධීකරණ ලේකම්වරයෙකු D V චානක පාර්ලිමේන්තු මන්ත්‍රීවරයාගේ නිල වාහනයට කිසියම් දෙයක් දැමීමට අජිත් ලක්මාල් නැමැති තරුණයෙකුව යොදවාගැනීමට කටයුතු කර තිබුණි.

ඒ සඳහා එම තරුණයාට නිවසක්, සජිත් ප්‍රේමදාස මහතාගේ පුද්ගලික ආරක්ෂක අංශයේ රැකියාවක්, ඔහුගේ පෙම්වතියට රැකියාවක් අල්ලස් ලෙස ලබාදීම ද ඇලසුම්කර තිබුණි.

නමුත් නිරපරාදේ අහිංසක මන්ත්‍රීවරයෙකුගේ චරිත ඝාතනය කර ඔහුව සිරේ විලංගුවේ දැමීමට සහ ඊට ගතමනාව ලෙස එකී අල්ලස් ලබා ගැනීමට අකමැති වූ එම තරුණයා මේ සම්බන්ධයෙන් විරෝධය පළ කර ඇත. ඉන් අනතුරුව ඔහුගේ ජීවිතයට එල්ල වූ තර්ජන හේතුවෙන් ඔහු නීතිය හමුවට පැමිණ තිබේ.

පහත දැක්වෙන්නේ අජිත් ලක්මාල් තරුණයා විසින් සිද්ධිය නීතීඥ ප්‍රේමනාත් සී දොලවත්ත මහහාට විස්තර කරන අවස්ථාවහි අප වෙත ලැබී ඇති දර්ශනයකි.



මේ සිදුවීම පිලිබඳව එකී තරුණයා නීතීඥ ප්‍රේම්නාත් සී. දොලවත්ත මහතා සමග ජාතික පොලිස් කොමිසමට අද පැමිණිල්ලක් කළේය. පහත දැක්වෙන්නේ එහිදී ඔවුන් මාධ්‍ය වෙත දැක්වූ අදහස් ය.



ඩීවී චානක මන්ත්‍රීතුමා හම්බන්තොට දිස්ත්‍රික්කයේ නැගී එන තරුණ පාර්ලිමේන්තු මන්ත්‍රීවරයෙකු වන අතර, සජිත් ප්‍රේමදාස මහතා ද එම හම්බන්තොට දිස්ත්‍රික්කයේම පාර්ලිමේන්තු මන්ත්‍රීවරයෙකි.

එසේම ඩීවී චානක මන්ත්‍රීවරයා, නාමල් රාජපක්ෂ මන්ත්‍රීතුමාගේ සමීප හිතවතෙක් වන අතර, මෙලෙස ඩීවී චානක මන්ත්‍රීවරයාට අභූත චෝදනා නගා එමගින් නාමල් රාජපක්ෂ මන්ත්‍රීතුමාට සහ සියලුම රාජපක්ෂවරුන්ට සහ සමස්ත ඒකාබද්ධ විපක්ෂයටම අපහාස කිරීමටද සැලසුමක් පෙනෙන්නට තිබේ.

එක්සත් ජාතික පක්ෂයේම මන්ත්‍රීවරයෙක් වන රන්ජන් රාමනායක මහතා, පසුගිය පෙබරවාරි 11 වන දින පැවසූයේ කොකේන් ගහන කැබිනට් ඇමතිවරුන් සිටින බවයි. කැබිනට් ඇමතිවරුන් යනු හිටපු කැබිනට් ඇමතිවරුන් නොව වර්තමානයේ සිටින කැබිනට් ඇමතිවරුන් ය.



ඒ අනුව රන්ජන් රාමනායකගේ ප්‍රකාශයෙන් එක්සත් ජාතික පක්ෂය යනු කුඩු ජාවාරම්කරුවන්ගේ පක්ෂය ලෙස ජනතාවගේ පිළිකුලට භාජනය වූ අතර, එහි අවධානය වෙනස් කිරීමට විරුද්ධ පක්ෂයේ නායකයෙකුගේ චරිතය ඝාතනය කිරීමේ උත්සාහයක් බව පැහැදිළි වෙයි. එසේම මෙලෙස අන් අයගේ වාහන වලට ඒවා දැම්මවීමට හැක්කේ ඒවා සන්තකයේ තබාගෙන සිටින සහ රංජන් රාමනායකම පැවසූ පරිදි ඒවා භාවිතා කරන අයට පමණි.

Friday, February 15, 2019

යුරෝපයේ ශ්‍රී ලාංකිකයන්ගෙන් UNHRC ඉදිරියේ කොටින්ගේ යුද අපරාධ ඡායාරූප පෙන්වා උද්ඝෝෂණයක්.


මෙවර එක්සත් ජාතීන්ගේ මානව හිමිකම් කවුන්සිලයේ 40 වන සැසිවාරයේදී, කොටි ඩයස්පෝරාවේ අනුග්‍රහයෙන් ශ්‍රී ලංකාවට හා රණවිරුවන්ට එරෙහිව විශේෂ යෝජනා කිහිපයක් ගෙන ඒමට සැලසුම් කර තිබේ.

ඊට එරෙහිව යුරෝපයේ වෙසෙන ශ්‍රී ලාංකිකයන් විසින් උද්ඝෝෂණයක් සහ කොටි ත්‍රස්තවාදීන් විසින් සිදුකරන ලද යුද අපරාධ ඡායාරූප ප්‍රදර්ශනයක් සැලසුම් කර ඇත.

මෙකී උද්ඝෝෂණය 2019 මාර්තු 17 වන දින ජිනීවා වේලාවෙන් සවස 2 සිට 5 දක්වා, සිවිස්ටර්ලන්තයේ ජිනීවා මානව හිමිකම් කාර්යාලය ඉදිරියේදී පැවැත්වේ.

මේ සඳහා, එක්සත් රාජධානිය, ඉතාලිය, ප්‍රංශය, පෝලන්තය, ස්විස්ටර්ලන්තය, ස්වීඩනය ඇතුළු බොහෝ යුරෝපා රටවල සිටින ශ්‍රී ලාංකිකයන් පැමිණෙන බවට වාර්තා වී ඇත. ග්ලෝබල් ශ්‍රී ලංකන් ෆෝරුම්, ලන්ඩන් ශ්‍රී ලාංකීය බලය, යුක්තියට හඬක් ඇතුළු සංවිධාන ගණනාවකගේ දායකත්වය මීට හිමි වී ඇත.

ශ්‍රී ලංකාවේ ස්වෛරීත්වය සහ රණවිරුවන්ගේ ජීවිත වලට තීරණාත්මක මෙම අවස්ථාවේදී, යුරෝපයේ වෙසෙන සියලුම දේශප්‍රේමී ශ්‍රී ලාංකිකයන්ට සහ දේශහිතශී සවිධාන වලට මෙම උද්ඝෝෂණය සඳහා ආරාධනා කර සිටී. වැඩි විස්තර සඳහා අමතන්න: ජයරාජ් පළිහවඩන +447515727933 සහ චතුර අවන්ත +447581171693

එම ශ්‍රී ලාංකික සංවිධාන එකමුතුව විසින් මීට පෙර අවස්ථා ගණනාවකදීද ශ්‍රී ලංකාව වෙනුවෙන් එතෙරදී උද්ඝෝෂණය කර ඇත.

ශ්‍රී ලංකාවේ බ්‍රිතාන්‍ය තානාපති කාර්යාලයේ ආරක්ෂාව භාරව සිටින බ්‍රිගේඩියර් ප්‍රියංකර ප්‍රනාන්දු මහතාටව අත් අඩංගුවට ගැනීමට කොටි හිතවාදීන් උත්සාහ දරද්දී එතුමන් වෙනුවෙන් පෙනී සිටියේ ලන්ඩන් ශ්‍රී ලාංකීය බලය ඇතුළු එම ශ්‍රී ලාංකික සංවිධාන එකමුතුව යි.

ශ්‍රී ලංකාවේ මැතිවරණ පැවැත්වීම දිගින් දිගටම කල් දමමින් ප්‍රජාතන්ත්‍රවාදයේ මූලිකාංගය පවා නැතිවෙද්දී, අපේ රට වෙනුවෙන් උද්ඝෝෂණය කළේද එම සංවිධාන එකමුතුව විසිනි. ප්‍රජාතන්ත්‍රවාදය අගයන සියලුම දේශප්‍රේමී ශ්‍රී ලාංකිකයන්ගේ ස්තුතිය ඔවුන් වෙත හිමි වේ.



Wednesday, January 23, 2019

අලූත් ව්‍යවස්ථාවෙන් ශ්‍රී ලංකාව විනාශ වෙන හැටි මහින්ද රාජපක්ෂ මැතිතුමන් පෙන්වා දෙයි.

මහින්ද රාජපක්ෂ මැතිතුමන් විසින් නිකුත් කරන ලද මාධ්‍ය නිවේදනය.


ශ්‍රී ලංකාව විනාශ කිරීමට ඉදිරිපත් කර ඇති ව්‍යවස්ථා කෙටුම්පත.
පසුගියදා පාර්ලිමේන්තුවේ ව්‍යවස්ථා සම්පාදක සභාව ඉදිරියේ ව්‍යවස්ථාවක කෙටුම්පතක් හැටියට සකස් කර තිබූ පිටු 187ක වර්තාවක් අගමැතිවරයා සභාගත කළේය. ඉන් පසු ‘ව්‍යවස්ථාවකුත් නෑ ව්‍යවස්ථා කෙටුම්පතකුත් නෑ’ කියමින් ඔහු රට වටේ යන ආකාරය අපි දුටුවෙමු. එවැන්නක් කියන අතරම අලුත් ව්‍යවස්ථාවක් යටතේ ලංකාව බෙදිය නොහැකි එක්සත් රටක් හැටියට පවතින බවත්, බුදු දහමට තිබුණු තැන වෙනස් නොවන බවත්, අගමැතිවරයාත්, එක්සත් ජාතික පක්‍ෂයේ වෙනත් ඇමතිවරුත් කියයි. රටේ පවතින කෘෂිකාර්මික පලිබෝධ උවදුරත්, ණය උගුල ඇතුලු අනේකවිධ අර්බුද මධ්‍යයේ නව ව්‍යවස්ථාවක් සම්බන්ධයෙන් කෙරෙන මේ හොරගල් ඇහිලීම ගැන අපි කවුරුත් අවධානයෙන් සිටිය යුතුය.

වර්තමාන පාලකයන් 2015 බලයට පැමිණෙන විට ජනතාවට දුන් ව්‍යවස්ථාමය පොරොන්දු දෙක වූයේ විධායක ජනාධිපති ක්‍රමය අහෝසි කිරීමත්, ස්ථාවර පාර්ලිමේන්තු ආණ්ඩු පිහිටුවීමට හැකිවෙන ආකාරයට මැතිවරණ ක්‍රමය සංශෝධනය කිරීමත් පමණි. විධායක ජනාධිපති ක්‍රමය අහෝසි කිරීමට මේ කෙටුම්තේ විධිවිධාන තිබේ. අපි එයට විරුද්ධ නොවෙමු. නමුත් මෙහි යෝජනා කර තිබෙන නව මැතිවරණ ක්‍රමය 2017 දී පළාත් පාලන ආයතන හා පළාත්සභා වලට හඳුන්වාදුන් ආකාරයේ ‘පූර්ණ සමානුපාතික’ මැතිවරණ ක්‍රමයකි. ඒ මැතිවරණ ක්‍රමය ගෙන ඒමට 2017 කටයුතු කළ අයම දැන් එය ප්‍රතික්‍ෂේප කර ඇත. ස්ථාවර ආණ්ඩු ඇතිවෙන ආකාරයට මැතිවරණ ක්‍රමය වෙනස් කිරීමට නම් හඳුන්වා දිය යුත්තේ දිනේෂ් ගුණවර්ධන මහතාගේ නායකත්වයෙන් පිහිටවනු ලැබූ පාර්ලිමේන්තු තේරීම් කාරක සභාවෙන් යෝජනා කළ 70% ක් කේවල ආසන හා 30% ක් සමානුපාතික ක්‍රමයට මන්ත්‍රීවරුන් තෝරා පත් කෙරෙන ‘දෙමුහුන්’ ඡන්ද ක්‍රමයයි. එම පාර්ලිමේන්තු තේරීම් කාරක සභාව ඒ දෙමුහුන් මැතිවරණ ක්‍රමය යෝජනා කළේ, 2002 සිට 2007 දක්වා එජාප සහ එජනිස ආණ්ඩු දෙකක් යටතේ අවුරුදු ගණනාවක් මුළුල්ලේ කරනු ලැබූ අධ්‍යනයකින් පසුවය.

පාර්ලිමේන්තුව දරුණු ලෙස දුර්වල කර පළාත් ව්‍යවස්ථාදායකයන් විශාල වශයෙන් බලවත් කිරීමට අලුත් ව්‍යවස්ථා කෙටුම්පතේ යෝජනා ඇත. පළාත් සභා වලට අයිති විශයන් ගැන පාර්ලිමේන්තුවෙන් නීති සෑදීමට නම් හැම පළාත් සභාවක්ම එයට එකඟ විය යුතු වේ. එක පළාත් සභාවක් හෝ එම නීතියට විරුද්ධ වුවහොත් එය සම්මත කිරීමට පාර්ලිමේන්තුවේ තුනෙන් දෙකේ බලය මෙන්ම ජනමතවිචාරණයක්ද අවශ්‍ය වේ. නමුත් ඒ ආකාරයට සම්මත කරනු ලැබූ නීතියක් වුවද ඕනෑම පළාත් සභාවකට ඕනෑම වෙලාවක සරල බහුතරයකින් සම්මත කරන පනතකින් අහෝසි කර දැමිය හැක (කෙටුම්පතේ 132 ඡේදය). පාර්ලිමේන්තුවේ බලය ඒ ආකාරයට සීමා කළ විට ඒකීය රාජ්‍ය ෆෙඩරල් රාජ්‍යයක් බවට පරිවර්තනය වේ. අපි එයට සම්පූර්ණයෙන්ම විරුද්ධ වෙමු.

සමගාමී ලැයිස්තුවට අයිති විෂයන් ගැන පාර්ලිමේන්තුව නීති සෑදීමට නම් සියලුම පළාත් සභාවල එකඟත්වය ලබාගත යුතු වේ (134 ඡන්දය). එවන් එකඟතාවයක් ලබාගන්නවාද නැද්ද යන්න ගැන තීරණය කිරීමට වත්මන් ව්‍යවස්ථාව යටතේ පාර්ලිමේන්තුවට හිමි බලය එයින් අහෝසි වෙනු ඇත. පාර්ලිමේන්තුව විසින් නීතියක් සම්මත කළ පසුත් අලුත් ව්‍යවස්ථාවෙන් පිහිටු වීමට යෝජනා කර තිබෙන ව්‍යවස්ථාමය උසාවියට ඒ නීතිය අවලංගු කළ හැක. එයින් පාර්ලිමේන්තුවේ බලය තවත් හීන වේ (182-ඇ සහ 185 ඡේද). මේ ඉදිරිපත් කර තිබෙන ව්‍යවස්ථා කෙටුම්පතේ පළාත් සභා බලතල ලැයිස්තුවක් ගැනත් සමගාමී බලතල ලැයිස්තුවක් ගැනත් මධ්‍යම ආණ්ඩුවේ බලතල ලැයිතුවක් ගැනත් සඳහන් වුවද ඒ ලැයිස්තු අපේ වර්තමාන ව්‍යවස්ථාවේ තිබෙන ලැයිස්තුද නැත්නම් වෙනස් ඒවාද යන්න සඳහන් කර නැත.

මේ අලුත් ව්‍යවස්ථා කෙටුම්පතත් සමඟ කිසිඳු ප්‍රයෝජනයක් නැති තොරතුරු අඩංගු ලියවිලි මිටි ගණන් සභාගත කෙරුවද වැදගත්ම කාරණයක් වන මේ බලතල ලැයිස්තු ඉදිරිපත් කර නැත. අලුත් ව්‍යවස්ථා යෝජනා වලට අනුව, මධ්‍යම ආණ්ඩුවේ නියෝජිතයා වන ආණ්ඩුකාරවරයාට පළාතේ මහ ඇමති යටතේ කටයුතු කිරීමට සිදුවේ. වත්මන් ව්‍යවස්ථාවේ විධිවිධාන වලට හාත්පසින්ම වෙනස්ව පළාතේ විධායක බලය ඇත්තේ මහ ඇමතිවරයාට මිස ආණ්ඩුකාරවරයාට නොවන බවට සඳහන්ව තිබීමෙන්ද මේ යෝජනාවල ෆෙඩරල්වාදී නැඹුරුව තවත් පැහැදිලි වේ (242 ඡේදය).

පොලිස් සේවය ජාතික පොලිස් සේවයක් සහ පළාත්බද පොලිස් සේවාවන් 09 කට කඩා ඒ හැම එකටම වෙන වෙනම පොලිස් කොමිසම් ඇති කිරීමටත් මෙහි විධි විධාන ඇත. ජාතික පොලිස් සේවයට අයිති වන්නේ රාජ්‍ය විරෝධී කටයුතු, මැතිවරණ සම්බන්ධ වැරදි, හොර මුදල් අච්චු ගැසීම වැනි නම්කරනු ලැබු කාරණා කිහිපයක් පමණි. අනෙක් සියලුම එදිනෙදා පොලිස් කටයුතු, එනම් අපරාධ, වංචා, මත්ද්‍රව්‍ය, රථ වාහන, මහජන සාමය වැනි කරුණු අයිති වන්නේ පළාත්බද පොලීසි වලටය. (254, 259, හා 284 වෙනි ඡේද) මේ ආකාරයට පොලීසිය කොටස් කිහිපයකට කැඩීමෙන්පමණක් මේ රට ඉවර කර දැමිය හැක. 13 වෙනි සංශෝධනයේ කුමක් තිබුණත් අවුරුදු 30ක් මුළුල්ලේ කිසිම ආණ්ඩුවක් පොලීසිය කෑලි දහයකට වෙන් නොකළේ ඒ නිසාය.

අලුත් යෝජනා යටතේ, වර්තමානයේ මධ්‍යම ආණ්ඩුවට අයත් විෂයන් සඳහා භාවිතා වෙන ඉඩම් හැරුණු විට සෙසු සියලුම රජයේ ඉඩම් අයත් වන්නේ පළාත් සභාවලටය. මධ්‍යම ආණ්ඩුවට එවන් රජයේ ඉඩමක් අවශ්‍ය වුවහොත්, එය අදාළ පළාත් සභාවෙන් ඉල්ලා සිටිය හැක. පළාත් සභාව ඒ ඉඩම නොදී සිටියහොත් එම දුක් ගැනවිල්ල ත්‍රිපුද්ගල බේරුම් කරන කමිටුවකට යොමු වේ. එම කමිටුවේ තීන්දුව ගැන සෑහීමකට පත්නොවන්නේ නම් මධ්‍යම ආණ්ඩුවට ව්‍යවස්ථාමය උසාවියට ඒ ඉඩම ඉල්ලා පෙත්සමක් ඉදිරිපත් කළ හැක. ජාතික ආරක්‍ෂාවට සම්බන්ධ කාරණයකට මධ්‍යම ආණ්ඩුව රජයේ ඉඩමක් පවරාගත්තත් අදාළ පළාත් සභාවට ව්‍යවස්ථාමය අධිකරණය වෙත ඒ පවරා ගැනීමට විරුද්ධව පෙත්සමක් ඉදිරිපත් කළ හැක (302, 307 සහ 308 ඡේද).



අලුත් ව්‍යවස්ථා යෝජනා වලට අනුව මධ්‍යම ආණ්ඩුවෙන් හදිසි නීතිය ප්‍රකාශ කළත් එයට විරුද්ධව අධිකරණයට පෙත්සම් ඉදිරිපත් කර වාරණයක් ලබාගත හැක. මාස තුනකට වැඩි කාලයකට නැත්නම් දින 180 ක කාලයක් ඇතුළත දින 90 කට වඩා හදිසි නීති තත්වයක් පවත්වාගෙන යෑමට නම් පාර්ලිමේන්තුවේ තුනෙන් දෙකේ බලයක් අවශ්‍ය වේ (290-5, 291- ඈ, 292 ඡේද). එයින් ප්‍රායෝගිකව සිද්ධවන්නේ හදිසි තත්වයකටවත් මධ්‍යම ආණ්ඩුවට සුදුසු ආකාරයට ප්‍රතිචාර දැක්වීමට නොහැකි වීමයි. හදිසි නීතිය ප්‍රකාශ කිරීමක් යනු විධායකයේ ක්‍රියාවකි. එවන් කාරණා සම්බන්ධයෙන් අධිකරණයට කටයුතු කිරීමට නොහැක. හදිසි නීතිය ප්‍රකාශ කිරීමට එරෙහිව වාරණයක් ලබාගත හැකිනම්, හදිසි නීතිය ප්‍රකාශ කිරීමෙන්ද පලක් නැත.

උතුරු නැගෙනහිර පළාත් ඒකාබද්ධ කිරීමට හඳුන්වා දී ඇති විධිවිධාන (237-3 ඡේදය), වර්තමානයේ ශ්‍රේෂ්ඨාධිකරණයට හිමි ව්‍යවස්ථාව සම්බන්ධ අධිකරණ බලය වෙනම ව්‍යවස්ථාමය අධිකරණයකට පැවරීම (181 සිට 191 දක්වා ඡේද) ඇතුළු තවත් ගැටලු ගණනාවක්ම ඇත. 1983 හයවන සංශෝධනයෙන් වත්මන් ව්‍යවස්ථාවේ 7 වෙනි උපලේඛනය හැටියට ඇතුළත් කරන ලද බෙඳුම්වාදයට එරෙහි විශේෂ ප්‍රතිඥාව අලුත් ව්‍යවස්ථා කෙටුම්පතේ පෙනෙන්නට නැත. මෙහිදී අප සඳහන් කර ඇත්තේ අලුත් ව්‍යවස්ථා කෙටුම්පතේ අපට එකඟ විය නොහැකි විධිවිධාන කිහිපයක් පමණක් බව සැලකිය යුතුය.

මේ ව්‍යවස්ථා කෙටුම්පතේ පැහැදිලි රටාවක් පෙනෙන්ට තිබේ. එමඟින් පාර්ලිමේන්තුවත් මධ්‍යම ආණ්ඩුවත් හැකි තරම් දුර්වල කරනු ලැබේ. පළාත් සභා හැකි තරම් බල සම්පන්න කරනු ලැබේ. ආණ්ඩුකාරවරුන් මහ ඇමතිවරුන්ට යටත්කරනු ලැබේ. සෑම පළාත් සභාවකටම වෙන වෙනම සන්නද්ධ පොලිස් සේවාවන් ඇති කරනු ලැබේ. පළාත් සභා වලට අයත් බලතල මොනවාද, මධ්‍යම ආණ්ඩුවට අයත් බලතල මොනවාද යන්න දැන්මම ප්‍රකාශයට පත් නොකර, පසුව නියම කර ගැනීමට ඉඩ ඉතුරු කරනු ලැබේ. අවශ්‍ය අවස්ථාවල හදිසි නීතියවත් ප්‍රකාශ කිරීමට බැරි තත්වයක් ඇති කරනු ලැබේ. මේ සියල්ලම කුමන අරමුණකින් කරනවාද යන්න කාටත් පැහැදිලි විය යුතුය.

අද රට පාලනය කරන එක්සත් ජාතික පක්‍ෂය, ජනතා විමුක්ති පෙරමුණ හා දෙමළ ජාතික සන්ධානය ඇතුළු හවුල නීති සම්පාදනය කිරීමේදී දක්වා ඇති වංචා සහගත ප්‍රවේශය නිසා ආණ්ඩුව කෙරෙහි ජනතා විශ්වාසය බරපතල ලෙස පලුදු වී ඇත. ඔවුන් ජනතාවත් ශ්‍රේෂ්ඨාධිකරණයත් නොමඟ හැරීම සඳහාම 19 වන සංශෝධනය තුළින් හිස් වගන්ති ව්‍යවස්ථාවට ඇතුළත් කළ ආකාරය කවුරුත් දනී. සම්පූර්ණයෙන්ම වෙනත් කාරණා සඳහා ඉදිරිපත් කර තිබුණු පනත් කෙටුම්පත් දෙකකට පාර්ලිමේන්තුවේ කාරක සභා අවස්ථාවේදී ගෙන එනු ලැබූ සංශෝධන වලින් පළාත් පාලන මැතිවරණ ක්‍රමයත් පළාත් සභා මැතිවරණ ක්‍රමයත් පස්සා දොරින් වෙනස් කළ ආකාරය කවුරුත් දනී. 2016 අගෝස්තු මාසයේදී විවාදයක්වත්, හරිහමන් ඡන්දයක්වත් නොපවත්වා පාර්ලිමේන්තුවේ ගාලගෝට්ටියක් මැද මේ ආණ්ඩුව අතුරුදහන් වූවන්ගේ කාර්යාල පනත සම්මත කරගත්හැටි කවුරුත් දනී.

මේ ආණ්ඩුවේ කපටිකම් වලට සීමාවක් නැත. ව්‍යවස්ථා කෙටුම්පත ඉදිරිපත් කළ පසු ඔවුන් කතා කරන්නේ බුද්ධාගමට හිමි තැන ගැනත් ‘ඒකීය’ යන වචනය ගැනත් පමණය. අපට ලබා දී ඇති කෙටුම්පතේ මේ කාරණා දෙකම සම්බන්ධයෙන් විකල්ප වගන්ති යෝජනා කර ඇත. අප මෙතනදී පරීක්‍ෂාකාරී විය යුතුය. බෙදුම්වාදීන්ටයි ෆෙඩරල්වාදීන්ටයි වැදගත් වන්නේ නමවත්, වචනයවත් නොවේ. ඔවුනට අවශ්‍ය දේ ලැබෙනවා නම්, නම කුමක් වුවත් ඔවුනට ප්‍රශ්නයක් නැත. මේ පිරිස සැබවින්ම ඉලක්ක කරගෙන සිටින්නේ ඒකීය කියන වචනයවත් බුදු දහමවත් නොවේය. රටේ ඒකීය භාවය ගැනත් බුදු දහම ගැනත් ඉදිරිපත් කර තිබෙන විකල්ප වගන්ති කේවල් කිරීමේ උපක්‍රමයක් ලෙස ඔවුන් විසින්ම ඉල්ලා අස් කරගෙන බොරු නම්‍යශීලී බවක් පෙන්වා මේ ව්‍යවස්ථා කෙටුම්පතේ හරය වෙන ෆෙඩරල් පාලන ක්‍රමය දිනා ගැනීමට ඔවුන් උත්සාහ කිරීමට ඉඩ ඇත.

විශේෂයෙන්ම මහා සංඝරත්නය මේ උප්පරවැට්ටි ගැන අවබෝධයෙන් සිටිය යුතු යැයි මම ගෞරවයෙන් ඉල්ලා සිටිමි. වර්තමාන ව්‍යවස්ථාවේ බුද්ධාගමට මුල් තැන දී තිබියදීත්, මේ ආණ්ඩුව භික්‍ෂූන් වහන්සේලාව මර්දනය කළ ආකාරය අපි දුටුවෙමු. මේ නිසා ඒකීය ලේබලය එලෙසම තිබියදී ඔවුන්ට රට ෆෙඩරල් කළ හැක. මේ රටේ දමිළ ජනතාවගෙන් බහුතරය ජීවත් වන්නේ උතුරු නැගෙනහිර පළාත් වලින් පිටය. මුස්ලිම් ජනතාවගෙන් අති බහුතරය ජීවත් වන්නේ නැගෙනහිර පළාතෙන් පිටය. මේ වගේ රටකට අලුත් ව්‍යවස්ථාවක් සෑදිය යුත්තේ ඒ යථාර්ථයත් හිතේ තබාගෙනය.

වර්තමාන ආණ්ඩුව ගෙනවිත් තිබෙන මේ ව්‍යවස්ථා කෙටුම්පතට විරුද්ධ වීම යනු සියලුම ව්‍යවස්ථා සංශෝධන වලට විරුද්ධ වීම නොවන බවද අපි පැහැදිලිව කිව යුතුය. වර්තමාන ව්‍යවස්ථාවේ පුළුල් වෙනස්කම් සිඳු විය යුතු බව අපි පිළිගනිමු. 19 වෙනි සංශෝධනය නිසා පමණක් මොන තරම් අවුලක් ඇති වී තිබෙනවාද? ඇතැම් දේශපාලන පක්‍ෂවලට තිබෙන බෙදුම්වාදී නැත්නම් ෆෙඩරල්වාදී අදහස් අපි ප්‍රතික්‍ෂේප කරන අතරම ඒ ඒ ප්‍රාදේශීය ජන සමාජයන් වලට යම් කිසි ජාතික රාමුවක් තුළ තමන්ගේ කටයුතු සම්බන්ධයෙන් ක්‍රියා කිරීමට හැකියාවක් තිබිය යුතු බවත් අපි පිළිගනිමු. ඊළඟ ජාතික ඡන්දයේදී ව්‍යවස්ථා සංශෝධන සම්බන්ධයෙන් අපේම යෝජනා ඉදිරිපත් කර ඒ වෙනුවෙන් ජනතාවගෙන් වරමක් ලබාගැනීමට අපි බලාපොරොත්තු වෙමු. අපගේ එම උත්සාහයට සහයෝගය දෙන මෙන් මම ජනතාවගෙන් මෙන්ම සියලුම දේශපාලන පක්‍ෂ වලින්ද මේ අවස්ථාවේදී ඉල්ලා සිටිමි.

මහින්ද රාජපක්‍ෂ
විපක්‍ෂ නායක

Tuesday, January 22, 2019

‘Facebook’ හි ආසියානු අධ්‍යක්ෂකවරියක් මහින්ද රාජපක්ෂ මැතිතුමන්ව හමුවෙයි.


‘Facebook’ සමාගමහි දකුණු සහ මධ්‍යම ආසියානු ප්‍රතිපත්ති පිළිබඳ අධ්‍යක්ෂවරිය වන අන්කි දාස් මහත්මිය ඇතුළු නිලධාරීන් කන්ඩායමක් අද දින විපක්ෂ නායකතුමන් එතුමන්ගේ විජේරාම මාවතෙහි පිහිටි නිල නිවසේදී මුණගැසිණි. මෙහිදී සයිබර් ආරක්ෂාව, සුළු හා මධ්‍ය පරිමාණ ව්‍යාපාර සදහා ප්‍රවේශ විය හැකි වෙළෙඳපොළ අවකාශයන්, සහ ඉහළ යන ව්‍යාජ ප්‍රවෘත්ති සංසරණය අදීවූ ගැටළු රාශියක් පිළිබඳව සාකච්ඡා විය.

අන්කි දාස් මහත්මිය ඇතුළු නිළධාරින් පිරිස ශ්‍රී ලංකාවේහි සංචාරය කිරීම ගාලු සාහිත්‍ය උළෙලට සමගාමීව සිදුවු අතර මෙවර එම උළෙල 'Facebook’ ආයතනයේ හවුල්කාරිත්වයෙන් පැවැත්විය. මෙම උත්සවය අතරතුර පැමිණ සිටි දෙස් විදෙස් සියලු⁣ දෙනාට කැන්වස් මත සිතුවම් කිරීමට අවස්ථාව සලසාදී තිබූ අතර එලෙස වර්ණවත් කළ සිතුවමක් විපක්ෂ නායකතුමන්ට පිළිගැන්වීමද අන්කි දාස් මහත්මියගේ අතින් මෙහිදී සිදුවිය.

සාකච්ඡාවට බඳුන්වූ ගැටළු නිරාකරණය කරගත හැකි ක්‍රමෝපායන් පිලිබඳව අදහස් හුවමාරු කරගනිමින් හමුව අවසන් විය.




Sunday, January 20, 2019

184 වෙනි අමාදමි සිසිල ධර්ම දේශනය

184 වෙනි අමාදම් සිසිළ ධර්ම දේශනය පස්වන විධායක ජනාධිපති, වර්තමාන විපක්ෂ නායක මහින්ද රාජපක්ෂ මැතිතුමන්ගේ ප්‍රධානත්වයෙන් තංගල්ල කාල්ටන් නිවසේදී දුරුතු පෝය යෙදී ඇති අද දින පැවැත්විනි.

Thursday, January 17, 2019

මහින්ද රාජපක්ෂ මැතිතුමන් විපක්ෂ නායක කාර්යාලයේ වැඩ අරඹයි. (VIDEO)





විපක්ෂ නායක මහින්ද රාජපක්ෂ මහතා විපක්‍ෂ නයක කාර්යාලයේ වැඩ බාර ගැනීම අද පෙරවරුවේ සිදු විය.

කොළඹ ශ‍්‍රීමත් මාකස් ප‍්‍රනාන්දු මාවතේ පිහිටා ඇති එම කාර්යාලයේදී විපක්‍ෂ නායකවරයා වැඩ ආරම්භ කලේය.

ධුරයේ රාජකාරි ආරම්භයෙන් පසු සන්ධානයේ නායකයින්ගේ රැස්වීමක් පවත්වන අතර ඉන් පසු මාධ්‍ය හමුවක් ද පැවැත්වින.

මේ අතර හිටපු විපක්‍ෂ නායක ආර්. සම්බන්ධයන් මහතා විපක්‍ෂ නායක කාර්යාලයෙන් බඩු බාහිරාදිය ඉවත් කර ගෙන පිටත්ව ගොස් ඇත.

කෙසේ වෙතත් මේ දක්වා විපක්‍ෂ නායක ලේකම්වරයෙකු පත් කිරීමට රජය කටයුතු කර නැති නිසා තව දුරටත් නිල කටයුතුවලට බාධා එල්ල වෙමින් පවතී.

Thursday, January 3, 2019

මහින්ද මැතිඳුන්ව එලවාගෙන කර ගත්ත වින්නැහිය බංග්ලාදේශිකයන් තේරුම් ගනී. මෙන්න ප්‍රතිඵලය.

[1]. බංග්ලාදේශයට යහපාලනය

(i). පසුගිය දා පැවැති බංග්ලාදේශ පාර්ලිමේන්තු මැතිවරණයේදී, අග්‍රාමාත්‍ය ශේක් හසීනා මැතිණියට එරෙහිව තරග වැදුණ කමල් හොසේන් මහතාගේ ප්‍රධාන සටන් පාථයක් වූයේ "යහපාලනය™" යි. ශ්‍රී ලංකාවේ යහපාලන සටන් පාථය ජයග්‍රහණය කිරීමත් ඊට හේතුවක් වෙන්නට ඇති. පහත දැක්වෙන්නේ ඒ මහතා යහපාලනය වෙනුවෙන් හඬ නගපු අයුරුයි.



(ii). එතුමන්ගේ ඊළඟ සටන් පාථය වූයේ "වෙනසක්™" යන්නයි. ඊට හේතුව අග්‍රාමාත්‍ය ශේක් හසීනා මැතිණිය මීට පෙර දෙවතාවක් ම බංග්ලාදේශයේ අග්‍රාමාත්‍යවරිය ලෙස සිටීමයි. ශ්‍රී ලංකාවේදී "වෙනසක්" යන්නට අන්තර්ජාලයේ ලොකු තැනක් හිමිවුණා. ශ්‍රී ලංකාවේදී මෙන්ම අල් ජසීරා ආදියෙන් ඒ සඳහා ලැබුණේ ලොකු ප්‍රචාරයක්.



(iii). ඡන්දය දින වෙද්දීත් කමල් හොසේන් මහතාගේ බංග්ලාදේශ ජාතික පක්ෂය ජයග්‍රහණය ගැන සක් සුදක් සේ විශ්වාස තියන් හිටියේ. බංග්ලාදේශ ජනතාව අපේ රටේ ජනතාව මෙන් සාක්ෂරතාවයෙන් දියුණු නෑ. නමුත් ඔවුන් මේ දේවල් ඉතාමත් හොඳින් බලන් හිටියා. ඡන්දය දිනෙන් පසුව බංග්ලාදේශ ජනතාවගේ තීරණය වුණේ මෙලෙසයි. 76.88% ක බහුතර ජනතාවක් "යහපාලනය" සහ "වෙනස" ප්‍රතික්ෂේප කර, තුන් වන වතාවටත් ශේක් හසීනා මැතිණියව ජයග්‍රහණය කරවනවා.



(iv). ශේක් හසීනා මැතිණියගේ පාලනය යටතේ ඇති ආර්ථික වර්ධනයත් සමග 2030 වෙද්දී ඇමරිකානු ඩොලර් ට්‍රිලියන 1 ක ආර්ථිකයක් ලැබීමට නියමිතයි. පහත දැක්වෙන්නේ බංග්ලාදේශයේ ආර්ථික වර්ධනය. [මූලාශ්‍රය]




(v). යහපාලනය  සහ වෙනස යන ෆැන්ටසි සටන් පාථ වලට වඩා, ඇස් දෙකට පේන ආර්ථික වර්ධනයට එරට ජනතාව ප්‍රමුඛත්වය දුන්නා. මන්ද යත් යහපාලනය ඇති වන්නේත් ආර්ථික වර්ධනයේ ප්‍රතිඵලයක් ලෙසටයි. ශ්‍රී ලංකාවේ ජනතාව විසින් සුරංගනා කතා වෙනුවෙන් ඡන්දය දී 2015 න් පසුව ශ්‍රී ලංකාවේ වුණ දේ සමහර විට එරට ජනතාව දකින්නට ඇති.



[2]. ශ්‍රී ලංකාවේ යහපාලනය.

(i). එජාපය ප්‍රමුඛ අශුද්ධ සංධානය විසින් ශ්‍රී ලංකාව සඳහා "යහපාලනයක්" ඉල්ලමින් 2015 දී ජනාධිපතිවරණයට සහ මහ මැතිවරණයට තරග වැදුණ අතර ශ්‍රී ලාංකිකයන්ගෙන් බහුතරය යහපාලනය වෙනුවෙන් ඡන්දය භාවිතා කරමින්, මහින්ද රාජපක්ෂ මැතිතුමන්ව පරාජය කළා. ඉන් අනතුරුව ලක්ෂ 62 ක ජනතාවක් බලාපොරොත්තු වූ යහපාලනය තබා, ආර්ථිකය ‍රැක ගැනීමවත් ආණ්ඩුවෙන් සිදුවී නැති හැටි පහත ප්‍රස්ථාරයෙන් පැහැදිළි වෙනවා. [මූලාශ්‍රය]

(ii). ඉහත ප්‍රස්ථාරයේ 2014 ට පසුව ආර්ථික වර්ධනය මන්ධගාමී වී ඇති අයුරු ඔබට පෙනේවි. මහින්ද රාජපක්ෂ ජනාධිපති තුමන්ව පරාජය නොකරන්නට 2017 දී ලැබී ඇති ඇඩො බිලියන 87.17 ක GDP අගය ලැබීමට තිබුණේ 2015 දී. යහපාලනය නිසා ශ්‍රී ලංකාව ආපස්සට ගියා කියන්නේ ඒ නිසයි.


(iii). යහපාලනය ආ සැනින්, එවකට ඉදි වෙමින් පැවති වරාය නගරය, නෙලුම් කුළුණ, අධිවේගී මාර්ග ආදිය නතර කිරීම, වර්ධනය වෙමින් පැවැති හම්බන්තොට වරාය විකිණීමට දැමීම, මත්තලට වී පටවා එහි ගුවන් ගමන් නැවැත්වීම, ශ්‍රී ලංකාවට මිලදී ගැනීමට තිබූ ගුවන් යාහා 4 ක් නැවැත්වීම, එෆ් සී අයි ඩී හරහා සියලුම රජයේ සේවකයන්ව භීතියට පත් කර ඔවුන් අකුරට වැඩ කිරීමේ තැනට ඇද දැමීම, මහින්ද යුගයේ අත්සන් කළ ජාත්‍යන්තර ගිවිසුම් අත් හිටවීම, දේශීය සමාගම් වලට අධික ලෙස බදු ගැසීම, මහ බැංකුව කොල්ල කෑම සහ බැඳුම්කර හොරකම නිසා ආයෝජකයින් රට හැර යාම, පොහොර සහනාධාරය නැවැත්වීම හරහා කෘෂිකර්මාන්තය අඩාල කිරීම ආදී යහපාලන ක්‍රියාකාරම් එම ආර්ථ්ක පරිහානියට හේතු වුණා. ඒ සියල්ලටම වඩා හේතු වුණේ එජාපයට රටේ ආර්ථිකය වෙනුවෙන් කිසිදු සැලැස්මක් නොතිබීමයි.


(iv). මෙහි භයානකත්වය නම් 2020 වන විට ශ්‍රී ලංකාව සෘණ ආර්ථික වර්ධනයක් ලබා ගන්නා බවට දැනටමත් පුරෝකථනය කර තිබීමයි. ඉහත ප්‍රස්ථාරයේ අපේක්ෂිත අගයන් දැක්වෙන කඩ ඉරි බලන්න. බංග්ලාදේශ ආර්ථිකය අධිවේගයෙන් වර්ධනය වෙද්දී, අපේ රට ආයිත් ගල් යුගයට.


(v). මේ වන විට එජාපයේ කෙරුවාව අවබෝධ කරගෙන සිටින මෛත්‍රීපාල සිරිසේන ජනාධිපති තුමා, පසුගිය ඔක්තෝබර් මාසයේදී මහින්ද රාජපක්ෂ මැතිතුමන්ට අග්‍රාමාත්‍ය ධූරයට අමතරව මුදල් අමාත්‍ය ධූරයත් ලබා දුන්නේ කඩා වැටෙන අපේ රටේ ආර්ථිකය ගොඩ ගැනීමට හැක්කේ එතුමන්ට පමණක් නිසයි.

.

Wednesday, January 2, 2019

ශ්‍රී ලංකන් එයාර්ලයින් එජාප ආණ්ඩුවට ලබා නොදීමට හේතු ඇතුළු ඒ සම්බන්ධ චෝදනා වලට පිළිතුරු.

[1]. ශ්‍රී ලංකන් සමාගම රජයට පවරා ගැනීමට හේතුව.

(i). යහපාලන ආණ්ඩුවේ දැන් සිටින චන්ද්‍රිකා කුමාරතුංග මැතිණිය ජනාධිපතිව සිටි 1998 වසරේදී එයාර් ලංකා ආයතනය වසර 10 කට එමිරේට්ස් වෙත පෞද්ගලීකරණය කරනු ලැබුණා. ඒ අනුව 2008 දී  එය නැවතත් ශ්‍රී ලංකා රජයට අත් වුණා.



(ii). එසේ ශ්‍රී ලංකන් එයාර්ලයින් නැවත පවරා ගත්තේ ජනාධිපතිවරයාට ආසන ලබා නොදීම යනුවෙන් අලි කෙප්පයක් එජාපයෙන් කියමින් සිටියි. නමුත් සිදුවී ඇත්තේ 2008 දී චන්ද්‍රිකා කුමාරතුංග ජනාධිපතිනිය අත්සන් කළ අවුරුදු 10 ක ගිවිසුම නැවතත් 2008 දී අලුත් නොකිරීමෙන්, එය ඉබේම ශ්‍රී ලංකා රජයට අයත් වීමයි.
Emirates ended a 10-year management agreement with SriLankan in 2008 when it valued its stake at $150 million. [source]

(iii). ගිවිසුම නැවත අලුත් නොකිරීමට හේතු මෙලෙසයි. එයාර් ලංකා ආයතනය එමිරේට්ස් වෙත විකිණීමෙන් පසුව එහි වෙනස්කම් ගණනාවක් සිදුකළා. “එයාර් ලංකා” ලෙස තිබූ එහි නම “ශ්‍රී ලංකන්” ලෙස වෙනස් කරමින් ගුවන් නාම ලේඛනයේ අකාරදී පිළිවෙළේ පහළටම දැමීමේ සිට, එයාර් ලංකා වෙත අයත්ව තිබූ එමිරේස් වෙත පිවිසීමට නොහැකිව තිබූ ගුවන් ගමන් වාර ලබා ගැනීම දක්වා සියල්ලම මගින් සිදුවූයේ එදා එයාර් ලංකාවෙත තිබූ කීර්තිනාමය ක්‍රමිකව එමිරේට්ස් වෙත ලබා ගැනීමයි. අවසානයේදී එමිරේට්ස් මගින් නැවත ලබා ගත්තත් එදා එයාර් ලංකා වෙත තිබූ හැකියාව නැවතත් මතු කිරීම ලෙහෙසි වන්නේ නැහැ. පෞද්ගලීකරණය කිරීමේ එක් භයානකත්වයක් එයයි.
එසේම ශ්‍රීලන්කන් ගුවන් සේවය ලාභ ලැබූ යුරෝපය ඇතුළු ගුවන් ගමන් ගණනාවක්‌ නතර කර ඒවා සඳහා එමිරේට්‌ස්‌ ගුවන් සේවා යොදවන ලදී. එසේම ශ්‍රීලන්කන් ගුවන් සේවයට රටක නිල ගුවන් සේවය ලෙස ගුවන් තොටුපළවල ලැබෙන ගොඩබෑම් අවස්‌ථා හෙවත් ලෑන්ඩින් රයිට්‌ස්‌ එමිරේට්‌ස්‌ ගුවන් සේවාව විසින් හිමිකරගන්නා ලදී. [මූලාශ්‍රය: දිවයින 2016/04/10]


[2]. මහින්ද රාජපක්ෂ මැතිතුමන් නිසා Sri Lankan ගුවන් සේවය පාඩු ලැබුවා කියන එජාපයේ මඩට පිළිතුරු

(i). ශ්‍රී ලංකන් ගුවන් සමාගම එමිරේට්ස් වෙතින් නැවතත් රජයට පවරා ගන්නා විට ලෝකය විශාල ආර්ථික කුණාටුවකට හසුවෙමින් තිබුණා. ඒත් සමගම ලංකාවේ සංචාරක ක්‍ෂේත්‍රයට පමණක් නෙමෙයි, ලෝකයේ ම සංචාරක කර්මාන්තය විශාල ලෙස හැකිලීමට පටන්ගත්තා. ගුවන් සමාගමක් සිය ආදායම් පවත්වා ගෙන යන්නේ මගීන් ප්‍රවාහනයෙන්. ආර්ථික අර්බුදය හමුවේ සංචාරකයින් අඩුවීමත් සමග සිදු වූයේ අපේක්‍ෂිත ආදායම් ඉලක්කවලට යාමට හැකි ඉල්ලුමක් සමාගමට නැතිවීමයි.



ලෝක ආර්ථික අර්බුදය හමුවේ එමිරේට්ස් සමාගමේත් ලාභය අඩු වුණ අයුරු.


At Air India about 15000 employees were asked to take leave without pay for between 3-5 years. Recruitment freeze, voluntary redundancy, non-renewal of temporary contracts, and unpaid holiday leave were the most common cost cutting measures adopted by the airlines al through the world. [source: academia.edu]

(ii). ලෝකයේ සමාගම් සාමාන්‍යයෙන් මෙවැනි අර්බුදවලින් ගොඩ එන්නේ විශාල ලෙස රැකියා කප්පාදු කරමින්. එවිට පිරිවැය අඩුවී ලාභය ඉහල යයි. ලෝකයේ දරුණු ආර්ථික අර්බුදයක් පැවැතියද මහින්ද රාජපක්ෂ මැතිතුමාගේ පාලනය තුළදී කිසිදු රැකියා කප්පාදුවක් සිදු කළේ නෑ. සිදු වූයේ රජයේ මුදල් යොදා රැකියා ද සුරක්‍ෂිත කරන අතරතුර සමාගම කඩාවැටීමට ඉඩ නොදීමයි. එසේ රජයෙන් ගන්නා මුදල් සමාගමේ ණය ලෙස එකතුවෙනවා.



(iii). ශ්‍රී ලංකන් සමාගම ගෝලීය ආර්ථික කුණාටුවට හසු ව ඉල්ලුම අඩු වී ආදායම් පහත වැටෙන විට තවත් පැත්තකින් පහර වැදෙමින් තිබුණා. ඒ නම් ආර්ථික අර්බුදය අවසන් වෙනවාත් සමගම ලෝක තෙල් මිළ අධික ලෙස ඉහළ යෑම. එක් අවස්ථාවට බොර තෙල් බැරලයක් ඩොලර් 150 සීමාවට යනවා.


ගමන් වාර නඩත්තු කිරීමට නම් කීයක් දී හෝ තෙල් ගැසිය යුතුයි. එහෙත් ප්‍රශ්නය වන්නේ එක් අතකින් ආර්ථික අර්බුදය නිසා අඩු වූ මගින් සංඛ්‍යාවක් ද සහහිත ව සිටි සමාගමට ගුවන් ග‍ාස්තු වැඩීකිරීමට අවස්ථාවක් නොලැබීමයි.

ගෝලීය සමාගම් සමග තරඟයේ දී ගාස්තු වැඩි කිරීම යනු සිටින පාරිභෝගිකයින් ද සමාගමෙන් ගිලිහීමයි. ඒ අනුව, එම බර ද රජයට දැරීමට සිදුවීම ස්වභාවිකයි.

තෙල් මිල අඩුවැඩි වීම මගින් සමාගමට කළ බලපෑම කොතරම් ද කිවහොත් 2013/2014 වසරේ දී සමාගමේ පාඩුව ලෙස වත්මන් රජය පෙන්වා දෙන්නේ රුපියල් බිලියන 32ක්. එහෙත් 2014/2015 වසරේ දී එහි පාඩුව බිලියන 16යි. එනම් තෙල් මිල සීඝ්‍ර ලෙස පහත යෑම සමාගමේ පාඩුව අඩකින් එනම් බිලියන 16කින් අඩු කිරීමට සමත් ව තිබෙනවා.



(iv). “දැන් මේ ඔක්කොම වුණේ ශ්‍රී ලංකන් ගුවන් සේවයේ විතරද, ලෝකේ අනිත් ගුවන් සේවා වල සංචාරකයො අඩු වුණෙ නැද්ද? තෙල් මිලෙන් පාඩු වුණේ නැද්ද?” ආදී ලෙස කැපුවත් අහවල් පාට බුද්ධිමතුන් අසා තිබුණා. ඔවුන්ට වෙන අමුතු උදාහරණ අවශ්‍ය නෑ, යහපාලනවාදීන් ආදර්ශ ලබා ගන්නා ඉන්දියාවේ ඉන්දියන් ජාතික ගුවන් සේවාවේ අලාභයයි පහත දැක්වෙන්නේ. [මූලාශ්‍රය: scroll.in]



ඉන්දියන් ගුවන් සේවයේ 2014 වර්ෂයේ පමණක් අලාභය රු බිලියන 141.73 කි. (5389*10,000,000*2.63) = SLR 141,730,700,000.00
Public-sector carrier Air India recorded a net loss of Rs 5,389 crore during FY 2014 and Rs 5,490 crore during FY 2013. [source: scroll.in]

Air India has a debt of about Rs 40,000 crore for aircraft purchase and working capital. Its accumulated losses are close to Rs 30,000 crore. The airline lost Rs 5,389 crore and Rs 5,490 crore in the fiscal 2013-14 and 2012-13, respectively. [source: indiatimes.com 2015/11/06]
ශ්‍රී ලංකන් ගුවන් සමාගමේ සම්පූර්ණ ණය මුදල රු ට්‍රිලියන 0.460 කි. එහෙත් එයාර් ඉන්දියා ආයතනයේ සම්පූර්ණ ණය මුදල රු ට්‍රිලියන 1.052 කි. (40000*10,000,000*2.63) = SLR 1,052,000,000,000.00

එතරම් පාඩු ලබමින් වුවද රාජ්‍ය අංශයෙන් ගුවන් සේවයක් ඉන්දියාවෙ පවත්වාගෙන යන්නේ රජය සතුව ගුවන් සේවය පැවතීමෙන් රටට ලැබෙන වාසි ප්‍රයෝජන නිසයි.



[3]. එජාපය විසින් ශ්‍රී ලංකන් නැවතත් පෞද්ගලීකරණය කිරීමට උත්සාහ දැරීම.


(i). ශ්‍රීලන්කන් ගුවන් සේවය විදෙස්‌ කළමනාකරණයක්‌ තුළ ලාභ ලැබිය හැකි බවට මිථ්‍යා මතයක්‌ මේ වන විට රට තුළ ඇතිකර තිබෙනවා.
ශ්‍රීලන්කන් ගුවන් සේවය එමිරේට්‌ස්‌ කළමනාකරණය යටතේ ලාභ ලැබූ බවට ශ්‍රී ලාංකිකයන් තුළ ඇතිකර ඇති මිථ්‍යාව ඊට හොඳම උදාහරණයයි. එමිරේට්‌ස්‌ පාලනය තුළ ශ්‍රීලන්කන් ලාභ ලැබුවේ වසර දෙකකි. ඒ හා පසුබිම් කතාවද අපුරුය. එල්ටී.ටී.ඊ සංවිධානය කටුනායක ගුවන්තොටුපල වෙත එල්ලකළ ප්‍රහාරයෙන් විනාශ කළ ගුවන් යානා සඳහා වන්දි ලැබීම, ශ්‍රීලන්කන් ගුවන් සේවය සතුව තිබු ගුවන් යානා විකුණා දමා එම ගුවන් යානා නැවත කුලියට ගැනීම තුළින් අදාළ ගුවන් යානා විකිණීමෙන් ලබාගත් මුදල ශේෂ පත්‍රයේ ලාභය ලෙස පෙන්වීම තුළින් අදාල ලාභය පෙන්වීමට කටයුතු කරන ලදී.

එසේම ශ්‍රීලන්කන් ගුවන් සේවය සතුව තිබු ගුවන් සේවා සැපයුම් සමාගමක කොටස්‌ විකුණා ලබාගත් ලාභය ද මේ වසර දෙකක ලාභ ලැබීමට හේතුවිය.

අනිත් අතට ශ්‍රීලන්කන් ගුවන් සේවය හා ගිවිසුමට අනුව එමිරේට්‌ස්‌ කළමනාකාරිත්වය වසර දහයකට පමණක්‌ ඔවුන්ට හිමිවූ අතර ඔවුන් අවසන් වසරවල ලාභය පෙන්වුයේ ගිවිසුම දීර්ඝ කර ගැනීම සඳහාය. අදාළ ගිවිසුමේ අවසන් කාලයේ ලන්ඩන් සිට පැමිණෙන ගුවන් ආසන වෙන් කිරීමේ ප්‍රශ්නයක්‌ ඇති වුවද ඒ වන විට ගිවිසුම දීර්ඝ නොකරන්නට තීරණය කර තිබිණි. [මූලාශ්‍රය: දිවයින 2016/04/10]





(ii). වෙනත් ගුවන් සමාගමක් විසින් නැවතත් ශ්‍රී ලංකන් ගුවන් සමාගම මිලදී ගතහොත් එසේ කරන්නේ ශ්‍රී ලංකන් ගුවන් සමාගම ගොඩ නැගීමට නොව, එහි තිබෙන සාරයද උරා ගනිමින් තම සමාගම ශක්තිමත් කරගැනීමටයි. රාජ්‍ය ආයතනයක් එහි තරගකරුවෙකුට විකුණා දැමීමෙන් ඊට වඩා බලාපොරොත්තු විය හැක්කේ කුමක්ද? පහත දැක්වෙන්නේ ඊට අදාල පැහැදිළි කිරීමක්.
ශ්‍රීලන්කන් ගුවන් සේවය මිලදී ගැනීම සඳහා දැඩි වෙහෙසක්‌ ගනු ලබන්නේ කටාර් ගුවන් සේවයයි. වත්මන් රජය බලයට පත්ව දින ගණනාවකින් කටාර් පාලකයා හදිසියේ ශ්‍රී ලංකාවට පැමිණි අතර ඒ අවස්‌ථාවේද ඔවුන් මේ සඳහා ඇති කැමැත්ත මෙරට පාලකයන් වෙත දැනුම්දී තිබේ.

කටාර් ගුවන් සේවය විසින් අපේ රටේ ජාතික ගුවන් සේවය මිලදී ගතහොත් ශ්‍රීලන්කන් ගුවන් සේවය ජාතික ගුවන් සේවාවක්‌ ලෙස ලොවපුරා සෑම රටකම ගුවන් තොටුපළවල හිමිකරගන්නා ගමන් අවස්‌ථා හිමිකරගන්නට කටාර් ගුවන් සේවයට හැකියාව ලැබේ. රටක ජාතික ගුවන් සේවාවක්‌ නොවන ආයතනයක්‌ ඒ සඳහා ඉල්ලුම් කරන විට ගෙවන්නට වන ඇති විශාල මුදල ඔවුන්ට ඉතිරි වනු ඇත. එසේම ඔවුන් දැනට බොහෝ රටවලට පවත්වා ගෙන යනු ලබන ගුවන් සේවාවන් වඩාත් පුළුල් කරන්නටද ඔවුන්ට මෙයින් අවස්‌ථාව හිමිවේ.

මේ වන විට ශ්‍රීලන්කන් ගුවන් සේවයේ මගීන් අතර දැඩි ඉල්ලුමක්‌ තිබූ යුරෝපා ගමනාන්ත නවතා දමන්න්නට ශ්‍රීලන්කන් ගුවන් සේවය කටයුතු කරමින් සිටී. දැනටමත් රෝමය බලා ගමන් කරන සේවාවන් අත්හිටුවන බව ප්‍රකාශයට පත්කර ඇති අතර පැරිසිය (ප්‍රංශය) හා ෆ්‍රෑන්ක්ෆෘට් (ජර්මනිය) සේවාවන් ඉදිරියේදී නවතා දමන්නට නියමිතය.

මේ සියලු ගමනාන්ත කටාර් ගුවන් සේවය ගුවන් ගමන් වාර පවත්වන ඒවා වන අතර එවිට ශ්‍රීලන්කන් ගුවන් සේවය නවත්වන ගමන් වාර සියල්ලේම වාසිය හිමිවන්නේ කටාර් ගුවන් සේවයටය. [මූලාශ්‍රය: දිවයින 2016/04/10]


රජයේ ලියාපදිංචි පුවත්පතක් වන “රිවිර” පුවත්පත 2016/04/27
(iii). පෞද්ගලික ආයෝජකයෙකු සමග හවුල් ව්‍යාපාරයක් කිරීම යනුත් පෞද්ගලීකරණය කිරීමක්. එජාපයේ මෙම සැලැස්ම ක්‍රියාත්මක වුවහොත් වැටුප්/දීමනා කප්පාදුව, රැකියා කප්පාදුව ආදී පෞද්ගලීකරණය කිරීමෙන් අත් වන ඉරණම ඉදිරියේදී ශ්‍රී ලංකන් ගුවන් කාර්ය මණ්ඩලයට අත් විඳින්නට සිදුවේවි.

(iv). එජාපයෙන් පවසන්නේ මහින්ද යුගයේ වැරදි නිසා ණය සහ අලාභ වැඩි වීමෙන් එය විකිණීමට සිදුවූ බවයි. නමුත් ඉහත අප පැහැදිළි කළ තොරතුරු මගින් ඔවුන් පවසන්නේ කන්න ඕන වුණාම කබරයාව තලගොයා කර ගැනීම වැනි බොරුවක් බව ඔබට පැහැදිළි ඇති.

(v). මහින්ද රාජපක්ෂ මැතිතුමාගේ කාලය තුළදී සතොස, හම්බන්තොට වරාය, ආදිය ලාභ ලබන ආයතන බවට පත් වී තිබුණා. එනමුත් වත්මන් ආණ්ඩුවට රාජ්‍ය ආයතන පෞද්ගලීකරණය කිරීමට සිදුවන්නේ ඔවුන් මෙරට සාර්ව ආර්ථික තත්වයන් කළමනාකරණය නොකර රට බංකොලොත් කළ නිසයි.

(vi). චීනයට දිගට හරහට බනිමින් චීන ආයෝජකයන්ව එලවා ගැනීම, එමගින් කොටස් වෙළඳපොළ කඩා වැටීම, ආයෝජන නොමැති වීම නිසා රටේ ඉදිකිරීම් ක්ෂේත්‍රය කඩා වැටීම, ඒ සමගම රටට එන ආයෝජන නැති වීමෙන් රුපියල බාල්දු වීම, රුපියල රැක ගැනීමට කියමින් විදේශ සංචිත විකුණා දැමීම, දිගින් දිගටම බැඳුම්කර නිකුත් කර පොලී මට්ටම ඉහල දැමීම, එසේම අති දැවැන්ත බැඳුම්කර මගඩිය මගින් රට ණය උගුලක හිර කිරීම ආදිය මගින් ශ්‍රී ලංකාවේ ආර්ථිකය දැවැන්ත ප්‍රපාතයක ඇද දැමූ එජාපයට දැන් ඉතිරිව ඇත්තේ රාජ්‍ය දේපල කුණු කොල්ලයට විකුණා දැමීම පමණයි.



[4].  වසර 4 ක එක්සත් ජාතික පක්ෂ ආණ්ඩුව තුළදී ශ්‍රී ලංකන් ගුවන් සේවයේ සිදුවූ දූෂණ එකින් එක හෙළි වීම.

ශ්‍රී ලංකන් එයාර්ලයින් සහ මිහින් ලංකා ආයතන වල දූෂණ සෙවීමට පත් කළ ජනාධිපති කොමිසමේ කටයුතු සිදුවෙද්දී, පසුගිය වසර 4 ක එක්සත් ජාතික පක්ෂ කාලය තුළ සිදුවූ කවුරුත් නොසිතූ අන්ත දූෂිත ක්‍රියා හෙළි වෙමින් පවතිනවා.  ඒවායින් කිහිපයක් මූලාශ්‍ර සහිතව පහතින්.




(i). ශ්‍රී ලංකන් ගුවන් සමාගම විසින් කුලියට ගත් A 320 ගුවන් යානයක් එම යානය අයත් සමාගමට නියමිත කාලයේදී භාරදීමට අපොහොසත් වීම නිසා ඉකුත් 2017 දී ශ්‍රී ලංකන් ගුවන් සමාගමට රු. මිලියන 539.7 ක පමණ පාඩුවක් සිදුවූ බව එම සමාගමේ තාක්ෂණ සේවා ඉංජිනේරු අසිත ප්‍රනාන්දු මහතා 2018/12/18 දා ජනාධිපති විමර්ෂණ කොමිසමේ සාක්ෂි දෙමින් හෙළිදරව් කළේ ය. 2018 ජනවාරි මාසයේ එක්‌ ගුවන් යානයක්‌ පරීක්‌ෂාවක්‌ සඳහා අබුඩාබියට යෑවූ බවත් ඒ සඳහා ඇමෙරිකානු ඩොලර් 376798 ක වියදමක්‌ දැරීමට සිදුවූ බවද සාක්‌ෂිකරු කීවේය. එසේම 2017 මාර්තු මාසයේදී තවත් ගුවන් යානයක්‌ වසර හයකට පසු පරීක්‌ෂාවක්‌ සඳහා විදේශීය ආයතනයක්‌ වෙත යෑවූ බවත් ඒ සඳහා ඇමෙරිකානු ඩොලර් 63336 ක්‌ වැයවූ බවත් සාක්‌ෂිකරු තවදුරටත් කොමිසමට කීවේය. මෙම සියලුම දූෂිත ගණුදෙනු පසුපස එවකට එක්සත් ජාතික පක්ෂ ආණ්ඩුව සිටින බවට අනාවරණය වෙමින් පවතී. [මූලාශ්‍රය]

(ii). එජාප ආණ්ඩුව කාලයේදී ශ්‍රී ලංකන් ගුවන් සේවයේ ප්‍රධාන විධායක නිලධාරීගේ මූලික වැටුප රුපියල් ලක්ෂ 32 ක් බවත්, ඊට අමතරව වාහන දීමනා සහ තෙල් දීමනා ආදී වෙනත් දීමනාද ඔහුට හිමි බවත් තොරතුරු දැන ගැනීමේ අයිතිවාසිකම සඳහා වන කොමිෂන් සභාවේ පැවැති අභියාචන විභාගයක දී අනාවරණය විය. මෙම ආයතනයේ ප්‍රධාන විධායක නිලධාරියා ලෙස කටයුතු කළ සුරේන් රත්වත්ත මහතා ඒ 320 ජෙට් කන්වර්ෂන් ගුවන් යානයේ පෞද්ගලික පියාසර පුහුණුව සඳහා ඇමෙරිකානු ඩොලර් 23568ක් හෙවත් ආසන්න වශයෙන් ශ්‍රී ලංකා රුපියල් ලක්ෂ 37ක් වැය වී ඇතැයි ද එහිදී අනාවරණය විය. [මූලාශ්‍රය]

(iii). A 350 - 900 පුළුල් බඳ ගුවන් යානා 8 ක් මිලදී ගැනීම සඳහා මහින්ද රාජපක්ෂ ජනාධිපති තුමන්ගේ ආණ්ඩුව විසින් 2013 වසරේ ගිවිසුම් අත්සන් කර තිබුණ අතර, එම යානා මේ වන විට මිලදී ගත්තානම් මිලට ගැනෙන්නේ 2013 දී පැවැති අඩු මිල ගණන් වලට ය. ඉන් ගුවන් යානා 4 ක් මිලදී ගැනීම එක්සත් ජාතික පක්ෂ ආණ්ඩුව විසින් අත්තනෝමතිකව අවලංගු කළේ ය. ගිවිසුම කැඩීම ගැන ඇමරිකානු ඩොලර් මිලියන 90 කට ආසන්න මුදලක් වන්දි වශයෙන් ගෙවීමට ශ්‍රී ලංකා රජයට සිදුවිය. [මූලාශ්‍රය]




[5]. තනතුරු දෙනකොටම දෙහි කැපීමෙන් ඇරඹූ ආණ්ඩුවට එරෙහිව ජනාධිපතිවරයා මඩු වලිගය අතට ගනී.

(i). වසර 4 ක යහපාලන ආණ්ඩුව කාලයේදී ජනාධිපතිවරයාට මෙකී දූෂණ දැක දැකම නිහඬව සිටීමට සිදුවූයේ ඔහුට එරෙහිව එජාපයෙන් දෝශාභියෝගයක් ගෙන අවුත්, අනතුරුව ජනාධිපති ධූරය (තාවකාලිකව හෝ) රනිල් වික්‍රමසිංහ විසින් ලබා ගැනීමේ අවදානමක් තිබූ බැවිනි. ජනාධිපතිවරයාට මෙවන් නිර්භීත තීන්දු ගැනීමට වර්තමානයේදී හැකියාව ලැබී තිබෙන්නේ, ජනාධිපතිවරයා නැවතත් හරි පාරට පැමිණීමත්, එනිසාම එතුමන්ට මහින්ද රාජපක්ෂ මැතිතුමන්ගේ ආශීර්වාදය හිමිව තිබීමත් නිසයි.

(ii). ජනාධිපති මෛත්‍රීපාල සිරිසේන මහතා විසින් 2018/12/28 දින නිකුත් කරන ලද අමාත්‍යාංශ විෂය පථ සඳහන් අංක 2103/33 දරණ අති විශේෂ ගැසට් පත්‍රය අනුව, ශ්‍රී ලංකන් එයාර් ලයින්ස් සමාගම කිසිදු අමාත්‍යාංශයක් යටතට පවරා නැහැ. ඒ අනුව එම ආයතනය ජනාධිපතිවරයා යටතේ පාලනය සිදුවෙනවා.


(iii). ශ්‍රී ලංකන් එයාර් ලයින් ජනාධිපතිවරයා යටතට පවරා ගැනීමේ මෙම තීරණයට ප්‍රධාන වශයෙන්ම හේතු වී ඇත්තේ, මේ වන විට ශ්‍රී ලංකන් එයාර්ලයින් ආයතනය ජනාධිපති කොමිෂන් සභාවකින් විමර්ෂණයට ලක් වෙන නිසාවෙන්, එය නැවතත් එක්සත් ජාතික පක්ෂ ආණ්ඩුවකට භාර දීමෙන් ආදාල කොමිසමේ විමර්ෂණ කටයුතු වලට බරපතල ලෙස බාධා විය හැකි නිසයි. එජාපයට සම්බන්ධ බලධාරීන් විසින් රැකියා අහිමි කිරීම ගැන බිය වැද්දීම නිසාවෙන් ජනාධිපති කොමිසම ඉදිරියට පැමිණීමට දූෂණයට එරෙහි නිලධාරීන් බියක් දක්වනවා. එසේම ජනාධිපති විමර්ෂණ කොමිසමේ කටයුතු අවසන් වීමෙන් අනතුරුව වුවද නැවතත් ශ්‍රී ලංකන් ආයතනය එජාප ආණ්ඩුවේ ඇමතිවරයෙකුට භාර දුනහොත්, කොමිසම ඉදිරියට ආ නිලධාරීන්ට එරෙහිව පළි ගැනීම සිදුවේවි. එනිසා වඩාත් සුදුසු වන්නේ එය ජනාධිපතිවරයා යටතේ තබා ගැනීමයි.



[6].  මහින්ද යුගයේදී ශ්‍රී ලංකන් එයාර්ලයින්.

(i). මෙම ලිපියේ පෙර දැක්වූ විදිහටම ජනාධිපති මහින්ද රාජපක්ෂ මැතිතුමන්ගේ පාලන කාලයේදී ඇතිවූ ලෝක ආර්ථික අර්බුදයත්, තෙල් මිල සීග්‍ර ලෙස ඉහළ යාමත් නිසා ශ්‍රී ලංකන් එයාර්ලයින් පාඩු ලැබූ බව සත්‍යයක්. එසේම ඉහත තවදුරටත් පෙන්වා දුන් පරිදි ඉන්දියානු ගුවන් සේවය ඇතුළු ලෝකයේ බොහෝ ගුවන් සේවා පාඩු ලබා තිබෙනවා. එසේ වුවද ශ්‍රී ලංකන් එයාර්ලයින් ලාභ ලබන ආයතනයක් බවට පත් කිරීමට බොහෝ ක්‍රියාමාර්ග ගෙන තිබුණා.

(ii). ශ්‍රී ලංකන් එයාර්ලයින් හි දැනට ඇති බොහෝ ගුවන් යානා වසර 15 කට වඩා භාවිතයේ යොදා තිබූ නිසා, මගීන්ට වඩාත් පහසුදායී ආකාරයට ගමනාන්තයට ලඟා වීමටත්, නව ගුවන් මාර්ග උදෙසාත් ඒ 350 වර්ගයේ ගුවන් යානා 8 ක් පිරිවැයේ මිලට ප්‍රංශයෙන් මිලට ගැනීමට සැලසුම් කළා. ඒවා යොදා ගැනීමට නියමිතව තිබුණේ අන්තර් මහාද්වීපික ගුවන් ගමන් සඳහා යි. යහපාලන ආණ්ඩුව බලයට ආ පසු එම ගිවිසුම අවලංගු කළ අතර, එසේ නොවන්නට එම ගුවන් යානා වලින් ලබන ආදායමත් සමගින් ශ්‍රී ලංකන් ලාභදායී සමාගමක් බවට පත් වෙනවා.

(iii). ශ්‍රී ලංකන් එයාර්ලයින් හි හිටපු සභාපති නිශාන්ත වික්‍රමසිංහ මහතාගේ අනුදැනුම යටතේ ශ්‍රී ලංකන් නැමැති සන්නාමය ලෝකයේ ජනප්‍රිය කිරීමට විශාල ප්‍රචාරයක් ගෙන ගියා. ශ්‍රී ලංකාව යුරෝපයේ සංචාරකයන් අතර ජනප්‍රිය කරවීම සඳහා සංචාරක මණ්ඩලය විසින් සිදුකළ ප්‍රචාරණයට ශ්‍රී ලංකන් එයාර්ලයින් විසින් අනුග්‍රහය දැක්වුවා. බොහෝ සංචාරකයින් ශ්‍රී ලංකාවට පැමිණීමේදී ශ්‍රී ලංකන් ගුවන් යානා භාවිතා කර ඇත්තේ එහි ඇති අඩු ටිකට් මිල නිසා පමණක් නොව, එහි සන්නාමය ලෝකයේ ජනප්‍රිය වීම නිසයි.