Mahinda Rajapaksa: April 2019

Sunday, April 28, 2019

ත්‍රස්ත ප්‍රහාරයෙන් ජීවිතක්ෂයට පත්වූවන් සිහිකරමින් පිං අනුමෝදන් කිරීම

පසුගිය පාස්කු ඉරුදින සිදුවූ ම්ලේච්ඡ ත්‍රස්ත ප්‍රහාරයෙන් ජීවිතක්ෂයට පත්වූවන් සිහිකරමින් කොළඹ කිංග්ස්බරි හෝටල් පරිශ්‍රයේදී මහා සංඝරත්නය විසින් පිං අනුමෝදන් කිරීමේ අවස්ථාවට විපක්ෂ නායක අතිගරු මහින්ද රාජපක්ෂ මැතිතුමන් සහභාගී විය.

Saturday, April 20, 2019

මහින්ද රාජපක්ෂ ජනපතිතුමන්ගේ කාලයේදී ලීනියර් ඇක්සලරේටර් යන්ත්‍ර 4 ක් ම ලබාදෙයි. තවමත් සවිකර නෑ.



ඔබ නොදන්නා එක් අවාසනාවන්ත කතාවක් තිබේ. ශ්‍රී ලංකාව ඔබ සිතනා පරිදි ලීනියර් ඇක්සලරේටර් යන්ත්‍රයක් හෝ නොමැති රටක් නොවේ. පසුගිය 2014 වසරේ නොවැම්බරයේදී අතිගරු මහින්ද රාජපක්ෂ ජනාධිපති තුමන් මුල් වී රුපියල් බිලියනයකට අධික මුදලක් වැය කරමින් ලිනීයර් ස්කෑන් යන්ත්‍ර හතරක් මෙරටට ගෙන ආවේය. ඒ මහරගම අපේක්ෂා රෝහලටත්, කරාපිටිය, යාපනය හා මඩකලපුව රෝහල් වලටය. එනම් ශ්‍රී ලංකාවේ උතුර, දකුණ, නැගෙනහිර භේදයකින් තොරව සෑම පලාතක්ම ආවරණය වන පරිදි රාජපක්ෂ රජය ලීනියර් ඇක්සලරේටර් යන්ත්‍ර මෙරටට ගෙන ආවේය. ඒ වන විට කරාපිටිය රෝහලේ යන්ත්‍රය සවි කිරීම සදහා තවත් රු. කෝටි 15 කට වැඩි මුදලක් වැය කොට අංග සම්පූර්ණ රෝහල් පරිශ්‍රයක් සදා නිමකර තිබුණේ ඉතාමත් කෙටි කාලයකිනි. ඉතිරිව තිබුණේ රෝහල් පරිශ්‍රයට විදුලිය ලබා දී ලීනියර් ඇක්සලරේටර් යන්ත්‍ර 4 සවි කිරීම වන අතර, යහපාලන® වෙනස™ ලැබී වසර 4 ක් ගත වෙද්දීත් ඒ දේ කර නැත. මේ දේ කියන්නේ mahinda.info නොව, යහපාලන පෙරගමන්කරුවන් වූ රංජිත් කීර්ති තෙන්නකෝන් මහතා [මූලාශ්‍ර 1 , 2] සහ සිරස ටීවී ආයතනයයි.  [මූලාශ්‍ර 1 , 2]




[1]. වර්තමානයේදී ජනතාවගෙන් මුදල් එකතු කරමින් එයින්ද ආණ්ඩුවේ දේශපාලඥයින් ලකුණු දා ගන්නට හැදුවද, මහින්ද රාජපක්ෂ ජනාධිපතිතුමන්ගේ කාලයේදී මෙම යන්ත්‍ර 4 ක්ම ගෙනල්ලත් ඒ ගැන කිසිදු ප්‍රචාරයක් කළේ නෑ.

[2]. ඉතුරු වෙලා තිබ්බෙ ලයිට් අරන් දෙන්න විතරයි. එතකොට ප්‍රී වයිපයි, භාෂණයේ නිදහස, යහපාලනය නැතුව කන්න ගත්ත බත් පත උගුරෙන් පහලට නොයන ගානටම අසාධ්‍ය වෙලා හිටපු නිසා යහපාලනය ගෙන එන ආවා. අවුරුදු හතරක් තිස්සෙ තිබ්බ අමාරුම වැඩේ උන ලයිට් ලබා දෙන එක කරගන්න ඒගොල්ලො සෑහෙන්න මහන්සි වෙලා ඒත් තාම කරගන්න බැරි වෙලා, ශුවර් එකට මහින්ද රාජපක්ෂ මැතිතුමන් කකුලෙන් ඇදපු නිසා වෙන්න ඕන.

[3]. පසුගිය රජය ගෙන්වූ ලීනියර් ඇක්සලේටර් යන්ත්‍ර 4 හංගගෙන, වත්මන් රජය අලුතෙන් ඒවා ගෙන්වීමට මිනිස්සුන්ගෙන් මුදල් එකතුකරන්නේ ඇයි කියලත් හිතල බලන්න.

Friday, April 19, 2019

නුවරඑළිය හාවාඑලිය ශ්‍රී මුත්තුමාරි අම්මන් කෝවිලේ තේරු උත්සවය

හිටපු ජනාධිපති සහ වත්මන් විපක්ෂ නායක අතිගරු මහින්ද රාජපක්ෂ මැතිතුමන්,  නුවරඑළිය හාවාඑලිය ශ්‍රී මුත්තුමාරි අම්මන් කෝවිලේ තේරු උත්සවයට අද උදෑසන සහභාගි වූ අවස්ථාව.

Friday, April 12, 2019

ලසන්ත වික‍්‍රමතුංග ඝාතනය ගෝඨාභය මහතාට පැටවීමේ එජාප කුමන්ත්‍රණය කණපිට ගැහෙයි. එජාපයෙන් කී දේ මෙන්න.



[1]. මාධ්‍යවේදී ලසන්ත වික්‍රමතුංග මහතාව ඝාතනය කිරීම සම්බන්ධයෙන් අද එක්සත් ජාතික පක්ෂයෙන් කුමක් කීවද, එදා එක්සත් ජාතික පක්ෂය විසින් සෘජුවම සරත් ෆොන්සේකාට චෝදනා කළ අයුරු සාක්ෂි සාධක සහිතව පහත දැක්වේ. එජාපයේ මාළු එජාපයේම පිටේ තබා කැපෙන්නේ මෙලෙසයි.


[2]. ලසන්ත වික්‍රමතුංග යනු මාධ්‍යවේදියෙකු බැවින් ඔහුගේ ඝාතනය සම්බන්ධයෙන් අන් කිසිදු මාධ්‍යයකට වඩා සැලකීමට භාජනය විය යුත්තේ ඔහුගේ පුවත්පත පවසන දෙයයි. පහත දැක්වෙන්නේ ලසන්ත වික්‍රමතුංග මහතාගේ පුවත්පත වන සන්ඩේ ලීඩර් පුවත්පතේ අන්තර්ජාල වෙබ් අඩවියේ 2012/01/08 දින පළ වූ පුවතකි. [මූලාශ්‍රය]


එහි දැක්වෙන්නේ "සරත් ෆොන්සේකා යනු කවුදැයි හැමෝටම අමතක වෙලාද? ලසන්ත වික්‍රමතුංගගේ ඝාතනයට රනිල් වික්‍රමසිංහ විසින් චෝදනා කළා" යනුවෙනි.

ඒ අනුව එවකට විපක්ෂ නායකවරයා වූ රනිල් වික්‍රමසිංහ විසින් එකී ඝාතනය සම්බන්ධයෙන් සරත් ෆොන්සේකාට චෝදනා කිරීමත්, එය ලසන්ත වික්‍රමතුංගගේම පුවත්පතෙන් හෙළිදරව් කිරීමත් ප්‍රබල සාක්ෂියකි.


[3]. බීබීසී යනු ශ්‍රී ලංකාවේ කුමන දේශපාලන පක්ෂයකට සහය දෙන ජනමාධ්‍යයක් දැයි ඔබට අමුතුවෙන් කිව යුතු නැත. එක්සත් ජාතික පක්ෂය උපුටා දක්වමින් අන්තර්ජාතික බීබීසී වෙබ් අඩවියේ (news.bbc.co.uk) මෙසේ සඳහන් වේ. [මූලාශ්‍රය]



බීබීසී වෙබ් අඩවියේ දැක්වෙන පරිදි "එජාප මන්ත්‍රී ජෝෂෆ් මයිකල් පෙරේරා මහතා පාර්ලිමේන්තුවේදී ප්‍රකාශ කර ඇත්තේ ප්‍රහාරය සිදුකළේ සරත් ෆොන්සේකා විසින් පාලනය කරන ලද විශේෂ කණ්ඩායමක් මගින්" බවයි.


[4]. එජාප මන්ත්‍රී ජෝෂෆ් මයිකල් පෙරේරා මහතාගේ ප්‍රකාශයෙන් පසුව, එවකට විපක්ෂ නායක රනිල් වික්‍රමසිංහ මහතා පාර්ලිමේන්තුවේදී මෙසේ පවසා ඇත. පහත දැක්වෙන්නේ ලසන්ත වික්‍රමතුංග මහතාව ඝාතනය කිරීමෙන් පසු දින එනම් 2009/01/09 පාර්ලිමේන්තු හැන්සාඩ් වාර්තාවේ උදෘතයකි.


රනිල් වික්‍රමසිංහ මහතා පවසන "කොට්ඨාශය" යනු ජෝෂෆ් මයිකල් පෙරේරා මහතා පැවසූ විශේෂ කණ්ඩායම බව පැහැදිළි වේ. ආරක්ෂක ලේකම් යනු ආණ්ඩු වෙනස් වීම් අනුව වෙනස් වෙන ආණ්ඩුවේම දේශපාලනික තනතුරකි. නමුත් හමුදාපති යනු ආණ්ඩු මාරුව අනුව වෙනස් වෙන තනතුරක් නොවේ. ඒ අනුව ආණ්ඩුවේ පාලනය යටතේ නැති යනුවෙන් පැවසීමෙන් පෙනෙන්නේ ආරක්ෂක ලේකම් වරයාගේද පාලනයෙන් තොරව සිටි කොට්ඨාශයක් බව පැහැදිළි වේ.


[5]. බීබීසී සිංහල වෙබ් අඩවියේ දැක්වෙන පරිදි, බ්‍රිතාන්‍ය මහ කොමසාරිස් කාර්යාලයේ ආරක්ෂක ප්‍රධානියා විසින් ලසන්ත වික්‍රමතුංග මහතාගේ ඝාතනයට සරත් ෆොන්සේකා වග කිව යුතු බවට ශ්‍රී ලංකා රජයට දන්වා ඇත. [මූලාශ්‍රය]



මෙය බොරුවක් නම් බ්‍රිතාන්‍ය බලධාරීන් ප්‍රතික්ෂේප කිරීම අනිවාර්යයෙන් සිදුවන්නකි. නමුත් බීබීසී වාර්තා කරන පරිදි බ්‍රිතාන්‍යයෙන් එය ප්‍රතික්ෂේප කර නැත. ඒ අනුව මෙයද ප්‍රබල සාක්ෂියක් වේ.


[6]. මීට මාස කිහිපයකට පෙරදී එජාපයේ පාලිත තෙවරප්පෙරුම මන්ත්‍රීවරයා සහ සරත් ෆොන්සේකා මහතා අතර ඇති වූ ගැ‍ටුමේදී , තෙවරප්පෙරුමගේ කටින් පැන්න කතාවද සැලකිය යුතුය. "මේකගෙ කතාවෙ හටියට තේරෙනවනෙ, ලසන්ත වික්‍රමතුංගට මොනවද වුණේ කියලා" යනුවෙන් ඔහු පැවසුවේය. එය එජාපයේ මන්ත්‍රීවරයෙක් විසින් තම පක්ෂයේම ඇමතිවරයෙකුට එරෙහිව කරන ලද බරපතල චෝදනාවකි.

https://youtu.be/4ck4A6yWAtM?t=41





[7]. සරත් ෆොන්සේකාගේ පක්ෂයේ මාධ්‍ය ලේකම්වරයා වන සංජීව සමරසිංහ මෙසේ පවසයි. "ලාල් වික්‍රමතුංග මහත්තයා, ලසන්ත වික්‍රමතුංගගේ අයියා, ඔහු අවස්ථා දෙකකදී ප්‍රකාශ කර තිබුණා, ලසන්ත වික්‍රමතුංගේ ඝාතනයට සරත් ෆොන්සේකා මහතා වග කියන්න ඕනෑ කියන එක."
https://www.youtube.com/watch?v=WCWR6HjGpSI




[8]. ලසන්ත වික්‍රමතුංග මහතා සහ රාජපක්ෂවරුන් අතර බද්ධ වෛරයක් තිබූ බවට එජාපය සහ ඔවුන්ගේ මාධ්‍ය මගින් බොරු වැපුරුවද, අන්තර්ජාලයේ ඇති දුරකථන සංවාදයකින් ඒ සියල්ල සුන් වේ. ලසන්ත වික්‍රමතුංග මහතා විසින්ම කරන ලද පහත දුරකථන පටිගත කිරීමෙන් දැක්වෙන්නේ අතිගරු මහින්ද රාජපක්ෂ ජනාධිපති තුමන් සහ මාධ්‍යවේදී ලසන්ත වික්‍රමතුංග මහතා, එතුමන්ගේ ඝාතනය වීමට ටික දිනෙකට පෙර සුහද පිළිසඳරක යෙදී සිටි අයුරුයි. https://www.youtube.com/watch?v=B95CdeAmA4g




Friday, April 5, 2019

පාතාල ණය ක‍්‍රමයක් රට පුරා.. පොලිය 30% සිට 100% දක්වා.. මහින්ද මැතිඳුන් පාර්ලිමේන්තුවේදී හෙළිකරයි.

විපක්‍ෂ නායක ගරු මහින්ද රාජපක්‍ෂ මැතිතුමන් විසින් පාර්ලිමේන්තුවේදී සිදු කරන ලද විශේෂ ප‍්‍රකාශය මෙහි දැක්වෙයි.



එදා අපේ ගම්වල අහිංසක ජනතාව කුඩා කණ්ඩායම් ලෙස එක්ව හදිසි අවශ්‍යතාවයකදී ප්‍රයෝජනයට ගැනීමට මුදලක් ඉතිරි කිරීමටත්, තම දෛනික අවශ්‍යතා සපුරා ගැනීමටත් අවිධිමත් ණය ක්‍රමයක් තම කණ්ඩායම තුළ ක්‍රියාත්මක කිරීමටත් පුරුදුව සිටියහ. නිවසේ අවශ්‍යතා මෙන්ම කුඩා ව්‍යාපාර සඳහා අවශ්‍ය ප්‍රාග්ධනය සපුරා ගැනීමට ගම තුළ සීට්ටු ක්‍රමයක් ද එදා ක්‍රියාත්මක වුනි.

පසුගිය දශක පහකට ආසන්න කාලයක් තුළ බොහෝ සංවිධාන විසින් ‍මෙම කණ්ඩායම් ක්‍රමය කෘතීමව යොදාගනිමින් ගමේ තිබු සාමුහිකත්වය ලාභ ඉපයීමේ ක්‍රමවේදයකට පෙරලා ගත්හ. මේ තුලින් ක්‍ෂුද්‍ර මුල්‍ය සංකල්පයේ පදනම වු දුප්පතා මත විශ්වාසය තැනීමේ මූලික හරය ගමෙන් ඉවත් කළහ.

ණයක් ලබා ගැනීමට විශ්වාසය පමණක් ප්‍රමාණවත් නොවුනි. අහිංසක ගැමියාට ඒ සඳහා කුමක් හෝ දේපලක් උකසට තැබීමට සිදුවුණි. ධීවරයාට ධීවර ආම්පන්නත්, ගෘහණිය සතුව තිබු මහන මැෂිමත්, පාපැදිය, යතුරු පැදිය, මෙන්ම ගොවියාගේ වතුර මෝටරය ඇතුළු කෘෂි උපකරණත් ඇපකර වශයෙන් තැබීමට සිදුවී ඇත. තම ගොවි නිෂ්පාදන සඳහා සාධාරණ මිලක් නොලැබීම, නියගය නිසා අපේක්ෂිත අස්වැන්න නොලැබීම වැනි හේතු, ලබාගත් ණය ආපසු ගෙවිය නොහැකි තත්ත්වයකට ගැමියා ඇද දමා ඇත. ආණ්ඩුව අයවැය යෝජනා මගින් ජනතාව ලබා ගත් ක්‍ෂුද්‍ර මුල්‍ය ණය කපා හරින බව දිගින් දිගටම පැවසුවද, ණය ලබා දුන් ආයතන මොනවාදැයි හඳුනා ගැනීමට නොහැකි බව පවසා මෙතෙක් ණය කපාහැරීමක් සිදු කර නොමැත.

වර්තමානයේ උද්ගතව ඇති තත්ත්වය ඊටත් වඩා දරුණුය. ලියාපදිංචි ක්‍ෂුද්‍ර මුල්‍ය සමාගම්වලට වඩා පුද්ගලික ණය මුදල් සපයන්නන් රටපුරා ව්‍යාප්තව ඇත. ණය සඳහා ඔවුන් අය කරන පොලිය වසරකට 30% සිට 100% දක්වා වු පරාසයක පවතී. ණය ලබාගත් දින සිටම ණය ආපසු ගෙවීම ආරම්භ වේ. ණය වාරික අයකර ගැනීමට ණය ලබා දෙන අයගේ නියෝජිතයා ණයකරුගේ නිවසටම පැමිණේ. ණය ගෙවීම ප්‍රමාද වීම්, බැනවැදීම්, තර්ජණය කිරීම් පමණක් නොව විවිධ ආකාරයේ අල්ලස් ලබා ගැනීම් දක්වා ව්‍යාප්තව ඇති බව වාර්තා වේ. ඇතැම් විට පාතාලය හා සම්බන්ධවී ගෙන යන මෙම ණය ජාවාරම ග්‍රාමීය ආර්ථිකය විකෘති කිරීමටත්, සාමාන්‍ය ජන ජීවිතය අවුල් කිරීමටත්, අහිංසක පවුල් ජීවිත විනාශ කිරීමටත් ප්‍රබල හේතුවක් බවට පත් වී ඇත.

ණය මුදල ලබා ගැනීමට බැංකු ඉල්ලන සුදුසුකම් කිසිවක් අහිංසක ජනතාව සතුව නැත. උකසට තැබු කණකර ආභරණ බැංකුවට සින්න වී ඇත. ගොවිතැන් කිරීම සඳහා අවශ්‍ය මුලික ප්‍රාග්ධනය හෝ ඔවුන් සතුව නැත. මේ වනවිට ග්‍රාමීය ආර්ථිකය දරුණු ප්‍රපාතයකට ඇද වැටී හමාරය.

මෙවන් තත්වයක් හමුවේ පාතාලය හා බැඳුනු නීති විරෝධි ණය ක්‍රම සමාජයෙන් ඉවත් කිරීමටත්, අවිධිමත් ක්‍ෂුද්‍ර මුල්‍ය ආයතන හරහා ලබාගත්, ගෙවීමට නොහැකි ණය වහා කපා හැරීමටත්, ආණ්ඩුව කටයුතු කළයුතු බව මෙම ගරු සභාවට යොජනා කර සිටින අතර ග්‍රාමීය ආර්ථිකය ශක්තිමත් කරන ක්‍ෂුද්‍ර මුල්‍ය සේවාවක් බිම් මට්ටමේ ස්ථාපිත කළ යුතු බවත් යෝජනා කරමු.

මේ සම්බන්ධව ආණ්ඩුව ගන්නා ක්‍රියාමාර්ග මෙම ගරු සභාවට පැහැදිලි කරන ලෙස ද ඉල්ලා සිටිමු

මහින්ද රාජපක්‍ෂ
විපක්ෂ නායක

Wednesday, April 3, 2019

The UN resident coordinator meets HE Hon Mahinda Rajapaksa




Ms. Singer, the UN resident coordinator in Sri Lanka paid a courtesy call to HE Hon Mahinda Rajapaksa at his residence this evening.

Ms. Singer stated that she is a strong believer of south- south cooperation and said that Sri Lanka would be a great role model as she has set a great example in achieving the SDGs set out by the UN.

The current political environment of Sri Lanka was also discussed about. Hon Rajapaksa pointed out the postponement of the provincial council elections for over a year and the government did not seem to have any intention of holding the long overdue elections either.

Ms. Singer asked him about his vision for the future of Sri Lanka. Two key issues that would require immediate attention would be the economy and reconciliation. Hon Rajapaksa of the view that with discipline and leadership a suitable solution could be found for both issues.