Mahinda Rajapaksa: විජයග්‍රහණයේ 10 වෙනි සැමරුම වෙනුවෙන් රණවිරුවන්ට උපහාර පිදීම අමතක නොකරමු.

Thursday, May 16, 2019

විජයග්‍රහණයේ 10 වෙනි සැමරුම වෙනුවෙන් රණවිරුවන්ට උපහාර පිදීම අමතක නොකරමු.



30 වසරක සාපලත් යුද්ධය නිමා කිරීමට දායක වූ සහ ඇස් අත් පා ජීවිත පූජා කළ ආදරණීය රණවිරුවන්ට උපහාර පිදීම වෙනුවෙන් අභිමානවත් 10 වන රණවිරු සැමරුම... 2019 මැයි මස 18 වන දින සවස 2.00 ට මහනුවර මයිලපිටිය රණවිරු ස්මාරකය අභියසදී පැවැත්වේ.

ඊට විපක්ෂ නායක සහ හිටපු ජනපති අතිගරු මහින්ද රාජපක්ෂ මැතිතුමන් සහ හිටපු ආරක්ෂක ලේකම් ගරු ගෝඨාභය රාජපක්ෂ මැතිතුමන් ප්‍රමුඛ හිටපු ආරක්ෂක ප්‍රධානීන් සහභාගී වෙනු ඇත.

සංහැඳියාවට බාධාවක් කියමීන් 2015 සිට වත්මන් ආණ්ඩුව විජයග්‍රහණයේ සැමරුම අකුලා ගනිමින් සිටියේය. පාස්කු ප්‍රහාරය සහ ඉන් ජනතාව කුපිත නොවූ කළ ඊට සති 3 කට පසු ආණ්ඩුවෙන්ම ඇති කළ භීෂණය හේතු කොටගනිමින් රණවිරු සැමරුම සම්පූර්ණයෙන්ම නතර කරන්නට යන බව පෙනෙයි.

එසේ වුවද යුද ජයග්‍රහණයට නායකත්වය දුන් ජන නායකයින් සහ ඔවුන්ට ශක්තියක් වුණ මහජනතාව කිසිදා වීරෝදාර රණවිරුවන්ව අමතක නොකරයි.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.