Mahinda Rajapaksa: July 2019

Saturday, July 27, 2019

මහින්ද රාජපක්ෂ මැතිතුමා හම්බන්තොට රෝහල් සංකීර්ණයේ

මහින්ද රාජපක්ෂ මැතිතුමාගේ ධූරකාලය තුළ වැඩ ආරම්භ කළ හම්බන්තොට රෝහල් සංකීර්ණයේ වැඩ අවසන් කිරීමෙන් පසු රෝහල් කාර්ය මණ්ඩලය විසින් සංවිධානය කරනු ලැබූ සර්ව රාත්‍රික පර්ත්‍රාණ දේශනය සඳහා මහින්ද රාජපක්ෂ මැතිතුමන් සහභාගී විය.

මෙම අවස්ථාවට හම්බන්තොට දිස්ත්‍රික් පාර්ලිමේන්තු මන්ත්‍රී චමල් රාජපක්ෂ මැතිතුමා ඇතුලු ප්‍රාදේශීය දේශපාලඥයින් සහභාගී විය.

මහින්ද මැතිඳුන්ට ගැසූ තවත් මඩක් මාට්‍ටු. අලවි මව්ලානාගේ පුතාව සා‍ෆි පවුලට දමා හසු වෙයි.


අද උදෑසනම එජාපය සහ ජවිපෙ අය කුලප්පු වී ඇති හැඩය. ඊයේ මහින්ද රාජපක්ෂ මැතිතුමන් ගැන ලසිත් මාලිංගගේ ප්‍රකාශයෙනුත්, මහින්ද මැතිඳුන්ගේ නම කියද්දී ක්‍රීඩාලෝලීන්ගෙන් නොනවත්වා ඇසුණ ඔල්වසරන් නාදය නිසාත් ඇතිවූ ප්‍රතිරූපය අද කෙසේ හෝ මඩ හා සුපුරුදු බොරු වලින් අවසන් කළ යුතුව ඇත.

සුපුරුදු ලෙසම එයට අදත් පෙරමුණ ගත්තේ මඩ ජෙප්පන්, එජාප මඩ කරියන් හා ජනාධිපති මාධ්‍ය ඒකකයේ ගැත්තන්ය.




මේ මහින්ද රාජපක්ෂ මැතිතුමන් හමුවන්නෙ ශාෆියෙක් හෝ ඔහුගේ පවුලේ කවුරුත් නොවේය. දැන් රට තුළ ඇති ඔහුට එරෙහිව නැගෙන මහා හඩත්, විරෝධයත් මැද මහින්ද රාජපක්ෂ මැතිතුමන්ට ඔවුන් සමග ගනුදෙනුවක් කිරීමට අවශ්‍යතාවයක් නැත.

මහින්ද රාජපක්ෂ මැතිතුමන් මේ හමුවන්නෙ ඔහුගෙ කල්‍යාණ මිත්‍රයෙක් වූ වසර කිහිපයක් බස්නාහිර පළාත් ආණ්ඩුකාරධූරය දැරූ පසුව අප අතරින් සමු ගත් අලෙවි මවුලානා මහතාගෙ පුතුණුවන් වන අකිල් මවුලානා ඇතුළු පවුලේ පිරිසය.

පහත පින්තූරයේ අලෙවි මව්ලානා මහතාගේ මළගෙදර ගිය මෛත්‍රීපාල සිරිසේන ජනාධිපතිවරයාට එහායින් සිටින්නේ එම අකිල් මව්ලානා මහතා ය.


ඔහුගේ මුහුණත්, අර මඩ පින්තූර වල සිටින කෙනාගේ මුහුණ හොඳින් බලන්න.


මුස්ලිම් ජාතිකයෙකු වුවත්, කවදත් රට වෙනු වෙන් වැඩ කර ඔහු ගැන මතක ඇතැයි සිතමි. ඒ ලෙසම මහින්ද රාජපක්ෂ මැතිතුමන්ගෙ අතිජාත මිත්‍රයකු හා සමීපම, විශ්වාසවන්ත මිතුරකු ගේ පවුලේ උදවිය සමග ඉදිරි යම් කරුණක් ගැන කතා කිරීම වරදක් නොවන අතර ඒ කාරණය සමාජයට ලබා නොදී, ඉතා පහත්, කුහක හා අන්තවාදී ලෙස මෙම ඡායාරූපයට විකෘති අදහසක් එක් කර පළකිරීම තුළ මඩ ජෙප්පන්, එජාප මඩ කරියන් හා ජනාධිපති මාධ්‍ය ඒකකයේ ගැත්තන් කොතරම් බංකොලොත් වී දැයි තේරුම් ගත හැක.

මේවා අවබෝධයෙන් යුතුව තේරුම්ගත යුත්තේ අප නොව 2015 පෙර බොරුවට හා මඩවලට රැවටී යහපාලනය නැමැති අමන දේශපාලනයක් රට වෙත ලබා දී මේ රට සුන්නද්දූලි කළ උදවියයි. ඔවුන්ට මෙය කරුණාකර පෙන්වා දෙන්න.

Friday, July 26, 2019

ලසිත් මාලිංග විසින් මහින්ද මැතිඳුන්ගේ නම කියද්දී ක්‍රීඩාලෝලීන්ගෙන් දැවැන්ත ඔල්වරසන් නදක්



ජනප්‍රිය ක්‍රිකට් ක්‍රීඩක ලසිත් මාලිංග මහතා එක්දින ක්‍රිකට් පිටියෙන් සමුගන්නා තරගය නැරඹීම සඳහා ක්‍රීඩා ලෝලීන් සමග එක් වූ විපක්ෂ නායක මහින්ද රාජපක්ෂ මැතිතුමන් ලසිත් මාලිංග මහතා මෙරට ක්‍රිකට් ක්‍රීඩාව වෙනුවෙන් සිදුකල සේවය අගය කරමින් ඔහුට සුභ පැතුම් එක් කළේය.

එහිදී ලසිත් මාලිංග මහතා පැමිණ සිටි ක්‍රීඩා ලෝලීන්ව අමතද්දී මහින්ද රාජපක්ෂ මැතිතුමන්ගේ නම සඳහන් කළ අවස්ථාවේදී ක්‍රීඩාලෝලීන් දැවැන්ත ඔල්වරසන් නාදයක් ලබා දුනි.

පැමිණ සිටි අති විශාල ප්‍රේක්ෂක පිරිසක් අමතමින් ඔහු කියා සිටියේ 2008 වසරේදී තම පාදයේ ආබාධයක් පැමිණ තිබූ බවත් කිසිවෙකු තමන් දෙස නොබැලූ අවස්ථාවක මහින්ද රාජපක්ෂ හිටපු ජනාධිපතිතුමා තමන්ට වෛද්‍යවරයෙක් හදුන්වා දී තමන් සුවපත් කල බවයි. අදත, හෙටත්, හැමදාටමත් තමන් මහින්ද රාජපක්‍ෂ හිටපු ජනාධිපතිතුමාට පින් දෙන බව සදහන් කලේ පේක්‍ෂක ඔල්වරසන් මැද්දේය.

මහින්ද රාජපක්‍ෂ මැතිතුමන්ද මාලිංගගේ අවසන් තරගය නැරඹීම සදහා එක්ව සිටියේය.

බංගලාදේශ සමග පැවති තරගය ශ්‍රී ලංකාව විසින් ලකුණු 91 කින් ජයගත් අතර මාලිංග එහිදි යවන ලද අවසන් පන්දුවේදීද කඩුල්ලක් දවා ගැනීමට සමත් විය. තරයේදී කඩුලූ තුනක් ඔහු ලබා ගත්තේය.

Tuesday, July 23, 2019

ශ්‍රී ලංකාව අරාබියෙන් වතුර ආනයනය කරයි. (විහිළුවක් නොවේ, මෙන්න පින්තූර)

ශ්‍රී ලංකක් ගුවන් සමාගම යනු මහින්ද රාජපක්ෂ මැතිතුමන්ගේ කාලයේදී ශ්‍රී ලංකා අනන්‍යතාවය ලෝකයට පෙන්වීම මගින් අප රටට සංචාරක ආකර්ෂණය දිනා ගන්නා ප්‍රධාන කේන්ද්‍රයක්. නමුත් මේ වන විට එය අරාබිකරයෙන් වතුර ආනයනය කරන තැනට පත් වෙලා.


වතුරත් ආනයනය කරමු
================

ශ්‍රී ලංකාවේ අභිමානය ලෝකෙට අරං යන ශ්‍රී ලංකන් ගුවන් සමාගම පහු ගිය කාලේ කජු ප්‍රශ්නයකට මැදිහත් උණා.

කජු වලටම සංස්ථාවකුත් තියෙන රටේ, පාර අයිනේ තියං මිනිස්සු කජු විකුණන රටේ ගුවන් යානාවල සංග්‍රහ කරලා තියෙන්නේ ඩුබායි රටෙන් ආනයනය කරපු කජු. අපේ ජනාධිපති උන්නැහේ උරණ වෙච්චි හින්දා යන්තම් ඒක නැවතුණා.

ඒ වගේ ඇහැ නොගැසුන ප්‍රශ්න තව කොච්චර ඇත් ද?

මේ තියෙන්නේ ඒ වගේ එකක්.

දිය සාර රටක ඉඳගෙන අපි බොන්න වතුර කාන්තාරයකින් ගෙන්වනවා කිව්වොත් මොන තරම් විහිළුවක් ද ඒ.

ඔව් මේ තියෙන්නේ දැන් අනාදිමත් කාලෙක ඉඳන් ශ්‍රී ලංකන් ගුවන් සමාගම උඩු ගුවනේදී මගීන්ට බොන්න දෙන වතුර කෝප්පය. සීල් කරපු යෝගට් කෝප්පයක් වගේ නිර්මාණය කරලා තියෙන වතුර පැකට් එක.

නිෂ්පාදනය ඩුබායි වල. (UAE)

මේවා මෙහෙම වෙන්නේ කාරණා කීපයක් නිසා.

1. වෙළෙඳ ප්‍රතිපත්තියක් නොමැති කම.
ආනයන අධෛර්යමත් කරන, දේශීය නිෂ්පාදන නියමිත ගුණාත්මක භාවයෙන් නිපදවන යාන්ත්‍රණයක් නොමැති කම

2. දේශීයව නිෂ්පාදනය කර ගත හැකිව තිබිය දී ඒ සඳහා මාර්ගය සලසන වැඩ පිළිවෙළක් නොමැති කම.
වතුර තිබ්බ පලියට පැකට් කරලා විකුණන්න බෑ. ඒ සඳහා නිෂ්පාදකයන් උත්තේජනය කර යොමු කර විය යුතුයි. වෙළෙඳ පොළ ඔවුනට ලබා දීමට පොළඹවන සුළු fiscal policy, supply side policies තිබිය යුතුයි. ඒවා රජයක රාජකාරී

3. මේ ඕඩරේ ශ්‍රී ලංකන් එකට දාන එකා අත යට ගනුදෙනු ගොඩක් කරනවා ඇති. එවායින් මේ සැපයුම් කරු, ගැනුම්කරු අතර සිදුවන අත යට ගනුදෙනු ගොඩක් බලපාන රටක, ආයතනයක වැඩක් මේ. ඒවා ගැන අමුතුවෙන් පැහැදිලි කරන්න ඕනේ නෑනේ.

මේවගේ පොඩි පොඩි දේවල් වලින් අපි කොච්චර වල් වැදිච්ච ජාතියක් ද කියලා මැන ගන්න පුළුවන්. නිදහස් වෙළඳාමට , ධනවාදයට බැනලා කට ඇරං බලන් හිටියට වැඩක් නෑ. වැරැද්ද තියෙන්නේ ඒවායේ නෙවෙයි. ඒවා හරියට හසුරුවා ගන්න නොදන්නා අපේ.

එතකොට රට පුරා උතුරන්න වතුර තිබ්බත්, උඩු ගුවනේ ආඩම්බරයෙන් අරාබියේ වතුර පොවලා හූල්ල හූල්ල ඉන්න ජාතියක් විදිහට තොළොන්චි වෙලා ගියෑකි.

Sunday, July 14, 2019

යුරෝපා සංගමයේ ත්‍රස්ත මර්දන සම්බන්ධීකාරක මහින්ද රාජපක්ෂ මැතිතුමන්ව හමු වෙයි.

යුරෝපා සංගමයේ ත්‍රස්ත මර්දන සම්බන්ධීකාරක ජයිල්ස් ද කර්කොව් මහතා ඊයේ (12) සවස මා හමුවිය.

තම සංචාරයේ අරමුණ වූයේ ශ්‍රී ලංකාවේ ආරක්ෂාක තත්ත්වය වඩා සූක්ෂම කිරීම සඳහා අවශ්‍ය උපකාර ලබා දීමත්, ආරක්ෂාව තහවුරු කිරීමට අවශ්‍ය අදහස් හා අත්දැකීම් හුවමාරු කර ගැනීම සඳහා ශ්‍රී ලංකාව දරන උත්සාහයට සහාය වීමත් බව කර්කොව් මහතා කියා සිටියේය.

මේ සම්බන්ධයෙන් මා ඔහුට කියා සිටියේ ජනාධිපති ධුරය දැරූ කාලය තුළ සෑම විටම ජාතික ආරක්ෂාව පිළිබඳ කාරණා සඳහා ඉහළම ප්‍රමුඛතාවය ලබා දී ඇති බවත්, වර්තමාන සන්දර්භය තුළ පවා ඒකාබද්ධ විපක්ෂයේ සාමාජිකයන් ජාතික ආරක්ෂාව සම්බන්ධයෙන් රජයට පූර්ණ සහයෝගය ලබා දී ඇති බවත්ය.

Wednesday, July 10, 2019

ඩීව් ගුණසේකර මැතිතුමන්ගේ දේශපාලන දිවියට 60 වසක්

කෘතහස්ත දේශපාලන නායකයෙක් ලෙස ජනතාව වෙනුවෙන් සේවය කළ ඩීව් ගුණසේකර මැතිතුමන්ගේ දේශපාලන දිවියට 60 වසක් පිරීම නිමිත්තෙන් කොළඹ බණ්ඩාරනායක සම්මන්ත්‍රන ශාලාවේ පැවති උත්සවය සදහා මහින්ද රාජපක්ෂ මැතිතුමන් එක් විය.

Tuesday, July 9, 2019

යහපාලනය ආ පසුව ආර්ථික ප්‍රශ්න නිසා සියදිවිනසාගැනීම් ඉතා ඉහළට - පොලිස් වාර්තාවේ මූලාශ්‍ර මෙන්න.



[1]. ආර්ථික අපහසුතා නිසා පමණක් නෙමෙයි, අපේ රටේ කිසිදා සිදු නොවුන ආකාරයට කුසට ආහාරයක් ලබා ගන්න බැරි කම නිසා පවා පසුගිය කාලයේ ජනතාව සිය දිවි නසා ගත් ආකාරය ජනමාධ්‍ය වලින් අප දු‍ටුවා.




[2]. ඒ පිළිබඳව විග්‍රහ කරමින් එජාප දේශපාලඥයින් පැවසූයේ ඒවා හුදකලා සිද්ධීන් කිහිපයක් පමණක් බවත්, ආණ්ඩු විරෝධී ජනමාධ්‍ය ඒවා උත්කර්ෂයට ලක් කරමින් ප්‍රචාරය කරන බවයි.


[3]. නමුත් පසුගිය දා ඉකොනොමිනෙක්ස්ට් නැමති ස්වාධීන ආර්ථික පර්යේෂණ වෙබ් අඩවිය විසින් ශ්‍රී ලංකාවේ ආර්ථික අපහසුතා නිසා සියදිවි නසා ගැනීම් ඉහළ ගොස් ඇති ආකාරය රටට හෙළි කලා. [මූලාශ්‍රය]



[4]. ඒ අනුව, ආර්ථික අපහසුතාවයන් නිසා 2016 දී 156 ක් සියදිවි නසා ගැනීම්, 2017 දී 195 ක් ලෙසත්, 2018 දී 238 ක් ලෙසත් වර්ධනය වී තිබීම අතිශය කණගා‍ටු දායකයි.


[5]. ශ්‍රී ලංකාව ඉහළ මැදි ආදායම් ලබන රටක් බවට පත් වී තිබුනද, දුප්පත් කම නිසා සිය දිවි නසා ගැනීම් වර්ධනය වීමට හේතු වී ඇත්තේ ආදායම් බෙදී යාමේ දැඩි විෂමතාවයක් ඇති නිසයි. එනම් දුප්පත් ජනතාව දුප්පත් කමේ අන්තයටම ගොස් ඇති අතර, රටේ ජාතික ආදායමෙන් වැඩි ප්‍රමාණයක් භුක්ති විඳින්නේ පෝසතුන් සුළු පිරිසකුයි.


[6]. දුප්පත් ජනතාව අතර දුප්පත් කම දිගින් දිගටම ඉහළ යාමට "දුගී බවේ විෂම චක්‍රය" නැමැති ආර්ථික විද්‍යාත්මක සිදුවීම හේතු වෙනවා. වත්මන් ආණ්ඩුවට ඉන් මිදීමට ක්‍රමවේදයක් පෙනෙන්නේ නෑ.



[7]. හොඳම උදාහරණයක් තමයි එදා මහින්ද රාජපක්ෂ ජනාධිපති තුමා මිහිඳුසෙන්පුර, සයුරුපුර, රන්දිය උයන, ලක්සඳ සෙවණ, සිරිසර උයන, මෙත්සර උයන, ලක්මුතු සෙවණ, සිරිමුතු උයන, ජන සෙවණ ආදී සියල්ලම ඉදි කළේ කොළඹ ඇතුළු තදාසන්න අග නගර වල මහල් නිවාස විදිහටයි. ඒ අනුව ඒවායේ ජනතාවට පහසුවෙන් ජනාකීර්ණ කොළඹින් ‍රැකියාවක නිරත වීමට අවස්ථාව ලැබෙනවා. උඩ දැක්වෙන දුගී බවේ විෂම චක්‍රය කැඩීමේ එක් විදිහක් තමයි ඒ.



[8]. නමුත් වත්මන් ආණ්ඩුවේ නිවාස ඇමතිවරයා නිවාස ඉදි කරන්නේ ඈත පිටිසර ගම්මාන වල, එක පවුලකට පර්චස් 5 ක් බැගින් එන විදිහටයි. අක්කරයේ ගානෙවත් දීල නිවාස හැදුවනම් ඔන්න ගොවිතැන් බත් කරගතෑකි. එහෙම නැතිව ඈත පිටිසර හුණ්ඩු නිවාස වල සිටින ජනතාවට සිදුවන්නේ දුප්පත් කමීන් තව තවත් අන්තයටම යාමයි. පේනව නේද යුග දෙකේ ප්‍රතිපත්ති සැලසුම් වල වෙනස?


[9]. මහින්ද රාජපක්ෂ ජනාධිපති තුමන්ගේ කාලයේදී රට පුරා සිදු කළ දැවැන්ත සංවර්ධන ව්‍යාපෘතීන් නිසා කම්කරුවන්, තාක්ෂණ ශිල්පීන්, යන්ත්‍ර ක්‍රියාකරුවන්, රියදුරන්, සැපයුම් කරුවන්, සහ ඒ සියල්ලන්ටම ආහාරපාන නවාතැන් ඇතුළු පහසුකම් ලබා දෙන ජනතාව ඇතුළු මිලියන 5 ක් පමණ ජනතාවට සෘජුවම ආදායම ගලා ගියා. අනික් අතට රු 350 ට දුන් පොහොර සහනාධාරය නිසා පහසුවෙන් කුඹුරු කිරීමට ජනතාවට හැකියාව තිබුණා. 1500 ට දුන් පොල්, රබර් සහ තේ පොහොර නිසා අක්කර බාගයක් වගේ ඉඩමක් ඇති අයෙකුට වුණද ප්‍රමාණවත් ආදායමක් ලබා ගන්නට හැකියාව තිබුණා. ඒ අකාරයට තවත් මිලියන 5 ක් පමණ වන කෘෂිකර්මයෙන් යැපුණ ජනතාවට ආර්ථික ශක්තියක් ලැබුණා. රටේ ජනතාවට ආදායක ලැබීමත් සමගම වෙළඳාම් සහ අනෙකුත් නිශ්පාදන කරන ජනතාවගේ ආදායමද ඉහළ ගියා. ඒ ඉතිරි මිලියන 5 ක විතර ජනතාව. ඒ අනුව එදා අප රට "දුගී බවේ විෂම චක්‍රයෙන්" මිදෙමින් පැවතුණා.


[10]. අද වෙන විට ඒ මහා සංවර්ධන ව්‍යාපෘතීන් නවත්වලා, පොහොර සහනාධාර නවත්වලා. නිවාස දෙන්නෙත් කිසිදු ආදායමක් ලබා ගන්න නොහැකි තැන් වලයි. ඒ විතරක් නෙමෙයි සංචාරක ක්ෂේත්‍රයෙන් යැපෙන ලක්ෂ 5 ක් විතර ජනතාව අද වෙද්දී අනාථයි. ඉතින් අද වෙන විට සිදු වී තිබෙන්නේ ආණ්ඩුව විසින් සිය නොදැනුවත් කමේ ප්‍රතිඵලයක් ලෙස ජනතාව දුගී බව දෙසට තව තවත් තල්ලු වීමයි. ආර්ථික අපහසුතා නිසා ජනතාව සිය දිවි නසා ගැනීම වැඩි වෙන එක ඉතින් පුදුමයක් ද?

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.