Mahinda Rajapaksa: August 2019

Sunday, August 25, 2019

EXCLUSIVE! වැලිකඩ බන්ධනාගාරයේ ගැ‍ටුම සම්බන්ධයෙන් ගෝඨාභය රාජපක්ෂ මහතා ගැන විශේෂ හෙළිදරව්ව !

2012 වසරේදී වැලිකඩ බන්ධනාගාරයේදී ඇති වූ ගැ‍ටුම සම්බන්ධයෙන් වත්මන් ආණ්ඩුව සහ ඊට සහය දෙන පාර්ශව මගින් ගෝඨාභය රාජපක්ෂ මහතාට කරන චෝදනා සම්බන්ධ විශේෂ හෙළිදරව්වකුයි මේ.


පළමුවෙන්ම වැලිකඩ ගැ‍ටුම සම්බන්ධයෙන් සොයා බැලීමට වත්මන් ආණ්ඩුවෙන් 2015 දී පත් කළ ත්‍රිපුද්ගල කමි‍ටු වාර්තාව අනුව සිරස ටීවී ආයතනයේ වෙබ් අඩවියේ පළ වූ ලිපියේ ඇති චෝදනා එකින් එක බලමු.


[චෝදනාව 1]: වැලිකඩ බන්ධනාගාරයට STF යැවීමට උපදෙස් දී ඇත්තේ ගෝඨාභය රාජපක්ෂ මහතා ය.

ශ්‍රී ලංකාවේ ජාතික ආරක්ෂාව සම්බන්ධයෙන් වගකියන ආයතනය වන්නේ ආරක්ෂක අමාත්‍යාංශයයි. ආරක්ෂක අමාත්‍යාංශයේ නිල වෙබ් අඩවියේ එහි කාර්යභාරය දැක්වේ. සමහරුන් සිතාගෙන සිටින පරිදි ජාතික ආරක්ෂාව තීරණය කිරීම සහ හමුදා මෙහෙයුම් තීරණය කිරීම හමුදාපතිවරයාගේ කාර්යභාර්යක් කියා වුවද එය වැරදි අදහසකි. හමුදාපතිවරයා යනු පරිපාලනමය වශයෙන් ආරක්ෂක අමාත්‍යාංශය යටතේ ඇති දෙපාර්තමේන්තුවක ප්‍රධානියෙක්ගේ තත්ත්වයේ ලා සැලකේ.

ශ්‍රී ලංකාවේ ජාතික ආරක්ෂාව සම්බන්ධයෙන් අවසන් තීරකයා වන්නේ එකී ආරක්ෂක අමාත්‍යාංශයේ අමාත්‍යවරයා වන විධායක ජනාධිපතිවරයා වන අතර, ආරක්ෂක මෙහෙයුම් සිදු කිරීමට අවශ්‍ය නිල බලය ලැබෙන්නේ ආරක්ෂක අමාත්‍යාංශයේ ලේකම් වරයාගේ නියෝග අනුව ය.

ඒ අනුව ත්‍රිවිධ හමුදා සහ පොලිස් මෙහෙයුම් තීරණය කිරීමේ බලය ආරක්ෂක ලේකම් වරයාට හිමි වෙයි. උදාහරණ ලෙස මානුෂික මෙහෙයුම කාලයේදී සිදුවූ සෑම හමුදා මෙහෙයුමක්ම තීරණය කරන ලද්දේ ද ආරක්ෂක ලේකම් වරයා වශයෙන් ගෝඨාභය රාජපක්ෂ මහතා විසිනි. වත්මන් ආණ්ඩුවෙන් හමුදාමය අත්දැකීම් නොමැති ආරක්ෂක ලේකම්වරුන් පත් කිරීම නිසා ජාතික ආරක්ෂාවට සිදුවූ දේ අපි දු‍ටුවෙමු. ඒ හේතුවෙන් මේ වන විට පත් කර ඇති ආරක්ෂක ලේකම්වරයා හිටපු හමුදාපතිවරයෙක් ය.


එනිසා ආරක්ෂක ලේකම් වරයා විසින් වැලිකඩ බන්ධනාගාරයේ ගැ‍ටුමටට අදාලව ආරක්ෂක අංශ යෙදවීමට උපදෙස් දීම ඉතාමත් නීත්‍යානුකූල ක්‍රියාවක් වේ. ඒ සඳහා විශේෂිත වූ "protocol" ඇති අතර ඒ අනුව යමින් පළමුව පොලිසියත්, එය ප්‍රමාණවත් නොවීමෙන් "STF" එකත්, අනතුරුව එයත් ප්‍රමාණවත් නොවීමෙන් අවසානයේදී යුද හමුදාවත් යොදවා ඇත.


[චෝදනාව 2]: STF බන්ධනාගාරය තුළට ඇතුළු වී ඇත්තේ බන්ධනාගාර අධිකාරීවරයාගේ අනුදැනුමකින් තොරව ය.

මේ සඳහා පළමුව ප්‍රධාන පද 2 ක නිර්වචන දෙස බලමු.

(i). බන්ධනාගාරගත සිරකරුවා:  කිසියම් අපරාධයක වරදක් සම්බන්ධයෙන් අධිකරණ නියෝගයකට අනුව රජය විසින් සිරගත කර සිටින පුද්ගලයෙක් වන අතර ඔහු සම්පූර්යණයෙන්ම බන්ධනාගාර දෙපාර්තමේන්තුව පාලනයට යටත්ව ජීවත් වේ. පහත දැක්වෙන්නේ බන්ධනාගාරගත සිරකරුවන් ය.

(ii). ත්‍රස්තවාදියා: නීතියේ ස්වාධිපත්‍යයට එරෙහිව යමින් ආයුධ සන්නද්ධව සිට අන් අයට එරෙහිව ඒවා භාවිතා කරන හෝ කිරීමට සූදානම් තැනැත්තා. ඒ අනුව පහත පින්තූරයේ ආයුධ සහිතව සිටින්නේ සිරකරුවන් නොව ත්‍රස්තවාදීන් ය. අනෙක් අතට ඔවුන් එසේ මෙසේ අය නොව, මිනීමැරුම් වලට වරදකරුවන් වී සිටින, ආයුධ පුහුණුව ලබා සිටි බිහිසුණු පාතාල සාමාජිකයන් ය.


සිර මැදිරියේ ආයුධ ගබඩාව කඩා ආයුධ අත් පත් කරගෙන, ජෙලර්වරුන්ව ප්‍රාණ ඇපයට අරගෙන සිර මැදිරි වලටම දමා ඉබි යතුරු දමා, ගිණි අවි ඔසවා රාජ්‍යයට එරෙහිව තර්ජනය කරන මොවුන්ට "සිරකරුවන්" ලෙස කවරෙක් හෝ සිතයිනම්, ඔවුන් පාස්කු ප්‍රහාරය කළ "සහරාන්" නැමැත්තාව ද ආගමික බැතිමතෙක් ලෙස සිතනු ඇත.


අදාල කමි‍ටු වාර්තාවේ "STF බන්ධනාගාරය තුළට ඇතුළු වී ඇත්තේ බන්ධනාගාර අධිකාරීවරයාගේ අනුදැනුමකින් තොරව ය" නැමැති චෝදනාව අනුව පාසලක බෝම්බයක් තිබෙන බව වාර්තා වුණත් එය නිශ්ක්‍රීය කිරීමට විදුහල්පතිගේ අවසරය ලැබෙන තුරු බෝම්බ නිශ්ක්‍රීය අංශයට බලා සිටීමට සිදුවේ.

වත්මන් ආණ්ඩුවේ මුග්ධ පරිපාලන ක්‍රමවේදය අනුව "සහරාන්" යනු ත්‍රස්තවාදියෙක් බව පෙනි පෙනී තිබියදීත් නීතිපති දෙපාර්තමේන්තුව අවසරය නැති නිසා පොලිසියට ඔහුව අත් අඩංගුවට ගැනීමට නොහැකි වූ බව පාර්ලිමේන්තු කාරක සභාවේදී සාක්ෂි දුන් කාත්තන්කුඩිය පොලිසියේ හිටපු ස්ථානාධිපතිවරයා පැවසුවේය.


මෙවන් ත්‍රස්තවාදී තත්ත්වයකදී බලාත්මක වන්නේ "ආයතන සංග්‍රහය" නොව ත්‍රස්ත මර්දන පනතයි. ත්‍රස්තවාදීන් කිසියම් රාජ්‍ය හෝ පෞද්ගලික ස්ථානයක සිටියදී එය මැඩ පැවත්වීමට අවශ්‍ය STF යෙදවීමට රජයට අදාල ආයතන ප්‍රධානියාගේ අනුදැනුම හෝ අවසරය අවශ්‍ය නොවේ.

සිරස වෙබ් අඩවියේ උක්ත කමි‍ටු වාර්තාව සම්බන්ධයෙන් මෙසේද සඳහන් වේ. 
"එහි දැක්වුනේ එවක බන්ධනාගාර කොමසාරිස් ජෙනරාල් පී.ඩබ්ලිව් කොඩිප්පිලි, බන්ධානාගර බුද්ධි අංශයේ ජේලර් ඉන්දික සම්පත්, එවක ජ්‍යේෂ්ඨ නියෝජ්‍ය පොලිස්පති අනුර සේනානායක, බ්‍රිගේඩියර් ශාන්ත දිසානායක, මැගසින් බන්ධානාගාර අධිකාරී එමිල් රන්ජන් යන පුද්ගලයින් රාජකාරිය පැහැර හැර ඇති බවයි."
සිය රාජකාරිය පවා පැහැර ඇති පුද්ගලයෙක්ගෙන්, පරිශ්‍රයට ඇතුළු වීමට රජයේ ආරක්ෂක අංශ අවසර නොගැනීම ගැන වත්මන් ආණ්ඩුවේ ඊනියා කමි‍ටු වාර්තාවෙන් චෝදනා කර තිබීමෙන්, එකී කමි‍ටුවේ ඔලමොට්ටල කම පැහැදිළි වෙයි.


[චෝදනාව 3]: STF මෙලෙස ඇතුළු වී ඇත්තේ ගැටුම පාලනය කර ගැනීමට තම නිලධාරීන්ට හැකියාව ඇතැයි බන්ධනාගාර අධිකාරිවරයා දැනුම්දී තිබියදීයි.

කිසියම් සිරකරුවෙක් ගිණි අවි අතට ගත් විට ඔහු තවදුරටත් සිරකරුවෙක් නොවේ. ත්‍රස්තවාදියෙක්ම වේ. කිසියම් ආයතන ප්‍රධානියෙකුට හෝ පෞද්ගලික දේපලක අයිතිකරුවෙකුට, එය තුළ සිටින ත්‍රස්තවාදියෙක්ව පාලනය කරන්න පුලුවන්ද බැරිද යන කාරණාව රජයේ ආරක්ෂක අංශ වලට අදාල නොවේ. ත්‍රස්තවාදියා කොතනද වහාම ආරක්ෂක අංශ එතනට කඩා පැන එම ත්‍රස්තවාදියාව මැඩ පවත්වයි. ගෝඨාභය රාජපක්ෂ මැතිතුමන්ගේ කාලයේදී ජාතික ආරක්ෂාව ඒ අයුරින් ඉ‍ටු වූ නිසා බියක් සැකක් නැතිව ජනතාවට ජීවත් විය හැකි වුණි.



[චෝදනාව 4]: වැලිකඩ බන්ධනාගාරය තුළ සිදුවූ ගැටුම, හඳුනාගත් පිරිසක් ඝාතනය කිරීමේ අරමුණින් සැලසුම් කළ එකක්.

හඳුනාගත් පිරිසක් ඝාතනය කිරීමේ අරමුණින් සැලසුම් කළ එකක් යැයි කීමට අදාල නිශ්චිත චෝදනා එහි නොදැක්වේ. හඳුනාගත් සිරකරුවන් ඝාතනය කිරීම උදෙසානම් මේ ආකාරයෙන් ලෝක ජනමාධ්‍ය වල පල වෙන අයුරින් මහා ගැ‍ටුමක් ඇති වෙන පරිදි එය සැලසුම් කිරීමට කිසිදු රජයක් මෝඩ වන්නේ නැත. ඒ අනුව එය ඉතාමත් පදනම් විරහිත චෝදනාවකි.


[චෝදනාව 5]. ඇතැම් මෘත දේහ අසල තිබූ ගිනි අවි පසුව එම ස්ථානවලට ගෙනැවිත් දැමූ ඒවා.

එකී තර්කය නගන්නේ පින්තූර දෙකක් පෙන්වමිනි. එක පින්තූරයක මෘද දේහ සමග ගිණි අවි ඇති අතර අනෙකේ ගිණි අවි ඉවත් කර ඇත.

එය සිදුවූයේ කෙසේදැයි දැනගැනීම සඳහා ප්‍රහාරාත්මක හමුදා මෙහෙයුමක් සිදුකරන ආකාරය කෙටියෙන් විස්තර කළ යුතු වෙයි. මෙහිදී අප හෙළි කරන්නේ හමුදා මෙහෙයුම් සම්බන්ධයෙන් ජාත්‍යන්තරව ප්‍රසිද්ධියට පත් තොරතුරු පමණක් වන අතර ශ්‍රී ලංකා හමුදාවට අනන්‍ය වූ උපක්‍රම මෙමගින් විස්තර නොකෙරේ.


සංග්‍රාමික භූමියකදී සතුරන් මැඩලමින් ඉදිරියට යාම "Forward Defense Waves" යනුවෙන් හැඳින්වෙයි. එහිදී ප්‍රධාන වශයෙන් භාවිතා කරන "Military tactics" වන්නේ "Flanking maneuver , Indirect approach  , Penetration , Pincer ambush , Pincer maneuver , Swarming" ආදියයි. ඒ කුමන අවස්ථාවකදී වුවද සම්පූර්ණ හමුදාවම එකම විට ප්‍රහාර එල්ල කරමින් ඉදිරියට නොයන අතර එය "waves" අනුව සිදුකරයි. ඒ අනුව පළමුවන ‍රැල්ල, දෙවැනි ‍රැල්ල, තෙවැනි ‍රැල්ල ආදී වශයෙන් හමුදා භට පිරිස් කණ්ඩායම් වශයෙන් ප්‍රහාර එල්ල කරයි. First wave නොහොත් පළමුවන ‍රැල්ල මගින් X නම් ස්ථානයක සිට Y නැමති ස්ථානයක් දක්වා සතුරු ඉලක්ක වලට පහර දෙමින් ඉදිරියට යාම සිදුකරයි. ඔවුන්ගේ ඉලක්කයන් වන්නේ සියලුම දෘෂ්‍යමාන සතුරන් මර්දනය කිරීම සහ සතුරු භූමිය අත් පත් කර ගැනීම වේ. ඉන් අනතුරුව දෙවැනි ‍රැල්ල යන විට ගහන්න සතුරෙක් ඉතිරි වී නොමැත. දෙවැනි ‍රැල්ලේ ප්‍රධානතම වගකීම් වන්නේ පළමුවෙනි ‍රැල්ලට මග හැරී ඇති දෙයක් ඇත්දැයි සොයා බැලීමත්, සතුරන් අටවා ඇති මර උගුල් තිබේනම් ඒවා ඉවත් කීරීමත්, හමුදා මෙහෙයුමට සම්බන්ධයෙන් සියලුම තොරතුරු මූලස්ථානය වෙත වාර්තා කිරීමත් ය. හමුදා අණ දෙන නිලධාරීවරයාගේ අණ පරිදි එහිදී ඝාතනය වූ සතුරන්ගේ ඡායාරූප ගැනීමද සිදුකෙරේ.

ඒ අනුව වැලිකඩ ගැ‍ටුමේදී මෘත දේහ අසළ ගිණි අවි ඇති පින්තූරයෙ ගනු ලැබ ඇත්තේ දෙවැනි ‍රැල්ල සමග ගිය හමුදා ඡායාරූප ශිල්පීන් විසිනි. හමුදාව විසින් යම් යම් අවස්ථා වලදී ඡායාරූප මාධ්‍ය වෙත නිකුත් කරයි.

එසේම දෙවැනි ‍රැල්ලේ සිටින භට පිරිස් මගින් සතුරු මර උගුල් ආදිය නිශ්ක්‍රීය කරමින් සැඟවී සිටින ත්‍රස්තවාදීන්ව "Grid Reference" ක්‍රමයට සොයා බලන අතරේ සතුරු මෘත දේහ අසළ ඇති ගිණි අවි ඉවත් කිරීමද සිදු කරයි. ඊට හේතුව වන්නේ සැඟවී සිටින සතුරෙක් විසින් එම ගිණි අවි ‍රැගෙන ප්‍රහාර එල්ල කිරීමට හැකියාවක් තිබීමත්, එසේම දෙවැනි ‍රැල්ලට පසුව එහි පැමිණෙන මාධ්‍යවේදීන් සමග වුවද සතුරන්ට මාධ්‍යවේදී වේශයන් පැමිණීමට හැකියාව තිබීමත් නිසයි.

ඒ අනුව දෙවැනි ‍රැල්ල මගින් ගිණි අවි ඉවත් කිරීමෙන් අනතුරුව එහි ගිය මාධ්‍යවේදීන් විසින් මෘත දේහ අසළ ගිණි අවි නොමැති පින්තූරය ගෙන ඇති බව පැහැදිළි වේ.

නමුත් ත්‍රස්තවාදයට සහය දැක්වීමේ චෝදනා යටතේ මෛත්‍රීපාල ජනාධිපතිවරයාගේ නියෝගයෙන් වර්තමානයේදීද තහනම් කර ඇති ලංකා ඊ නිවුස් වෙබ් අඩවියේ මෙය පළ වූයේ, ආයුධ ඉවත් කළ පසු ගත් දෙවැනි ඡායාරූපය පළමු ඡායාරූපය ලෙසට නම් කරමිනි. එකී ලංකා ඊ නිවුස් වෙබ් අඩවිය මූලාශ්‍ර කර ගනිමින්, වත්මන් ආණ්ඩුවෙන්ම පත් කල ඊනියා කමි‍ටුව විසින් දෙවැනි පින්තූරය මුල් පින්තූරය ලෙස හුවා දක්වා ඇත.

උදාහරණ ලෙස පහත දැක්වෙන්නේ පාස්කු ප්‍රහාරයට පසු තවත් ත්‍රස්තවාදීන් සැඟව සිටි නිවස්නයක් STF මගින් වටලන ආකාරයයි. පළමු ‍රැල්ල මේ ආකාරයෙන් ගොස් සතුරන් අඩපන කරන අතර, ඔවුන් සතුරන්ගේ තුවක්කු ඉවත් කරමින් සිටින්නේ නැත.



එහිදී සැඟවී සිටි ත්‍රස්තවාදීන් බෝම්බ පුපුරාගෙන මිය ගිය ආකාරය දැක්වෙන ඡායාරූප ගෙන තිබුණද, මෙවර ප්‍රසිද්ධ නොකළේ, ලංකාඊනිවුස් වැනි දේශද්‍රෝහී වෙබ් අඩවි මගින් එම ඡායාරූප යොදා ගනිමින්ද ප්‍රබන්ධ ගොතමින් ආරක්ෂක අංශ වලට මඩ ගසන බැවිනි.


මීට අමතරව සිරස පුවත් විකාශයේදී කරන ලද පහත චෝදනා කිහිපය දෙසද බලමු.

[චෝදනාව 6]: මියගිය එක් සිරකරුවෙක්ට නිදහස් වෙන්න දවස් 2 යි තිබුණේ, එවන් සිරකරුවෙක්ට පැනල යන්න අවශ්‍යතාවයක් නෑ.

සංවිධානාත්මක Prision Break එකකදී සිරකරුවෙන් හැසිරෙන්නේ කල්ලියක් ලෙසටයි. ඊට "mob psychology" නැමැති මනෝවිද්‍යාත්මක සිද්ධාන්තය ද හේතු වේ. එහිදී එකී කල්ලියට සියලුම සිරකරුවන් පාහේ එකතු වන්නේ, ඊට එකතු නොවන අයව මරා දැමීමට එහි සිටින පාතාල කල්ලි නායකයින් පසුබට නොවන නිසයි. පාතාලයට බැස්ස කෙනෙකුට "දැන් මම ඕවට නෑ" කියා බේරීමට නොහැකි බව සාමාන්‍ය ජනතාව පවා දන්නා දෙයකි.

එම චෝදනාව ඇත්තක් කියා උපකල්පනය කළහොත්, අදාල පුද්ගලයා සිර මැදිරියෙන් පැනීමට අනෙකුත් සිරකරුවන් හා එක් වූ බවත්, එසේ එක් වීම නිසා නිදහස් වීමට දින 2 ක් තිබුණද ත්‍රස්තවාදී චෝදනා යටතේ යළි සිරගත වීමට සිදුවෙන බවත් ඒ අනුව පැන යාමට උත්සාහ ගත් බවත් පැහැදිළි වෙයි.

අනෙක් අතට බන්ධනාගාර ගතව අපරාධ සඳහා දඬුවම් විඳින සියලුම සිරකරුවන්, අපරාධ කර ඇත්තේ නිදහස් වීමට දින කිහිපයක් ඇතිව නොව සම්පූර්ණයෙන්ම නිදහස් ජීවිත ගත කරන අතරතුරදීය.

සිරස ටීවී එකේ මාධ්‍යවේදියා සිතන ආකාරයට බන්ධනාගාරගත අපරාධකරුවන් යනු "මාරම තාර්කික" අයනම් ඔවුන් මෙය කියවන ඔබ මෙන් කිසිදු අපරාධයක් නොකර නිදහස් ජීවිත ගත කරනු ඇත.


[චෝදනාව 7]: නිදහස් වූ සිරකරුවෙක්ව සිරස මැදිරියට ගෙන්වා ඔහු විසින් කරන වෙනත් චෝදනා.

මෙය සමාන වන්නේ කොටි සංවිධානය පරාද කිරීමට දායක වූ රණවිරුවන්ට එරෙහිව හිටපු මරාගෙන මැරෙන කොටි සාමාජිකයන් විසින් කරන චෝදනා වලටය. සමහර සිරකරුවන් නිදහස් වුවද ඔවුන් දිගින් දිගටම පාතාලයට යටහත් භාවයක් දැක්වීම සිදුකරන අතර බුද්ධි අංශ විසින් ඔවුන් ගැන අවධානයෙන් සිටී. ඔවුන් සෑම විටම ආරක්ෂක අංශ වලට එරෙහිව කතා කරයි.

වත්මන් ආණ්ඩුවේ කාලය තුලදී එක් පසකින් දරුණු කොටින්ව නිදහස් කරන අතරේ, කෝප්‍රල් සුනිල් රත්නායක රණවිරුවාට මරණ දඬුවම ලබා දුන්නේ ඒ ආකාරයෙන් හිටපු මරාගෙන මැරෙන කොටි සමාජිකයන්ගේ සාක්ෂි අනුව යමිනි.


සිරස ටීවී ආයතනය විසින් පාස්කු බෝම්බ කරුවන්ගේ පියා වූ ජේවීපී ජාතික ලයිස්තු සභික ඊබ්‍රාහීම්ගේ යාලුවන්ව කැඳවා ප්‍රශ්න කළද ලැබෙන්නේ ඔය ආකාරයෙන් ආරක්ෂක අංශ විවේචනය කරන පිළිතුරු ය.



[චෝදනාව 8]: තුවක්කු ගැන තිබෙන රස පරීක්ෂක වාර්තා:

මේ කියන රස පරීක්ෂක වාර්තාව හදා ඇත්තේ ද වත්මන් ආණ්ඩුව බලයට පත් වූ පසු වය. වත්මන් ආණ්ඩුව බලයට ආ සැනින් ආයතන ප්‍රධානීන්, නීතිපති පමණක් නොව අසාද් සාලි ලවා තර්ජනය කරවා රටේ අගවිනිසුරු පවා වෙනස් කළ හැටි කාටත් මතක ඇත. ඒ අනුව රස පරීක්ෂක වාර්තා ආණ්ඩුවට ඕන ආකාරයෙන් හදා ගැනීම අපහසු නැති බව සිතීමට සිදුවේ.

අනෙක් අතට වැලිකඩ සිදුවීම සම්බන්ධයෙන් උක්ත වාර්තාව ලියා ඇති ආණ්ඩුව පත් කරන ලද කමි‍ටු සාමාජිකයන් වන්නේ විශ්‍රාමලත් මහාධිකරණ විනිසුරු බන්දුල අතපත්තු, විශ්‍රාමලත් නියෝජ්‍ය පොලිස්පති ගුණසේන තේනබදු හා බන්ධනාගාර ප්‍රතිසංස්කරණ අමාත්‍යාංශයේ නීති නිලධාරි ලලිත් අන්ද්‍රාහැන්නදි යන අයයි. මෙවැනි වැදගත් සිදුවීම ගැන සොයා බැලීමට සාමාන්‍යයෙන් විශ්‍රාමික ශ්‍රේෂ්ඨාධිකරන විනිසුරුවරයෙක් සහ හමුදාවේ විශ්‍රාමික ජෙනරාල් වරයෙක් පත් කළ යුතු වුවද ඒ දෙකම සිදුවී නැත. එකී කමි‍ටු වාර්තාව හැදූ විශ්‍රාමලත් නියෝජ්‍ය පොලිස්පති ගුණසේන තේනබදු මහතාව ආණ්ඩුවෙන් පොලිස් කොමිසමේ ප්‍රධානියා බවට පත් කළේත් එතුමාගේ අතිශය අපක්ෂපාතී භාවය නිසා විය හැකිය.

වාර්තාව හැදූ තිදෙනාටම, ජාතික ආරක්ෂාව ගැන මෙලෝ හසරක දැනුමක් නොමැති බව ඔවුන් කරන ලද සමහර චෝදනා වලින්ම පැහැදිළි වේ. STF එක ත්‍රස්තවාදීන්ව මර්දනය කිරීමට බන්ධනාගාර කොමසාරිස්වරයාගේ අවසර නොගැනීම ගැන චෝදනා කිරීම, එසේ චෝදනා කර ඇත්තේ බන්ධනාගාර කොමසාරිස්වරයා රාජකාරිය පැහැර ඇති බවටත් චෝදනා කරමින් වීම, ආයුධ ගත් ත්‍රස්තවාදීන්ව පාලනය කිරීමට බන්ධනාගාර කොමසාරිස්ට හැකි යැයි විශ්වාස කිරීම, හඳුනාගත් සිරකරුවන් ඝාතනය කිරීමට ආණ්ඩුවකින් මහ දවල් ආයුධ සන්නද්ධව බන්ධනාගාර වලට ගොස් ප්‍රහාර එල්ල කරන බව සිතීම, ආයුධ ඉවත් කිරීම්ට පෙරත් ඉන් පසුවත් ඡායාරූප ගන්නා බවට නොදැන සිටීම ආදිය මගින් මෙකී කමි‍ටුවේ බුද්ධි මට්ටම පැහැදි වෙයි.

වත්මන් ආණ්ඩුවේ ආරක්ෂක ඇමතිවරයා පාස්කු ප්‍රහාරය ගැන පාර්ලිමේන්තු කමි‍ටුවේදී පැවසූයේ ජාතික ආරක්ෂාව ගැන කිසිම දැනුමක් නැති බවයි. ඉතින් ඔවුන් මෙවැනි කමි‍ටු වෙත පත් කරන අනුගාමිකයන් ගැන පුදුම විය යුතු නැත.



එදා වැලිකඩදී ආයුධ අතට ගත් ත්‍රස්තවාදීන්ගේ ඉල්ලීම් ඉ‍ටු කරමින් ඔවුන්ට පලා යාමට ඉඩ දී ආණ්ඩුව ත්‍රස්තවාදීන් ඉදිරියේදී දණ ගැසුවානම්, ඔවුන් සංවිධානාත්මකව ක්‍රමක්‍රමයෙන් සිදුකරන අපාරාධ වල එකතුව පාස්කු ප්‍රහාරයට නොදෙවෙනි වීමට ඉඩ තිබුණි.

ආණ්ඩුවේ එකතරා ඇමතිවරයෙක් ද පැවසූ පරිදි, යම් ලෙසකින් ගෝඨාභය රාජපක්ෂ මහතා ආරක්ෂක ලේකම් වරයා ලෙස 2017 වන විටත් සිටියානම් සහරාන් ඇතුළු ත්‍රස්ත කල්ලිය ගැන තොරතුරු ලැබුණ 2017 වසරේදීම නීතිපති දෙපාර්තමේන්තුවේ අවසර නොමැතිව වුවද ත්‍රස්ත මර්දන පනතෙන් ලැබෙන බලතල ප්‍රකාරව විශේෂ ප්‍රහාරක ඛණ්ඩයක් යොදවා මැඩ පවත්වනු ඇත. 254 ක් ජනතාවට (රෝහල් ආරංචි මාර්ග අනුවනම් 600 කට වැඩි) ජීවිත දානය දෙනු ඇත. එවිට සිරස බීබීසී අල්ජසීරා ආණ්ඩුවේ මඩ වෙබ් අඩවි ඇතුළු එන්ජීඕ නඩ වලින් වැලිකඩ ඊනියා "සිරකරුවන්" ගැන දැන් අඬා වැටෙන ආකාරයෙන්ම සහරාන් ඇතුළු "බැතිමතුන්" ගැනද හො‍ටු පෙරනු ඇත.

කාදිනල් තුමන්ගේ ඉල්ලීම් ඉටුකරන බවට ගෝඨාභය මහතාගෙන් පොරොන්දුවක්


මාධ්‍ය නිවේදනය

කතෝලික රදගුරු මණ්ඩලය සහ අගරදගුරු අති උතුම් මැල්කම් රංජිත් හිමිපාණන් 2019 අප්‍රෙල් 21 වැනිදා පාස්කු ඉරිදා සිදුවූ ව්‍යසනය සම්බන්ධයෙන් නිකුත්කර තිබූ නිවේදනය කෙරෙහි මාගේ අවධානය යොමු විය.

මුළු රටම කම්පනයට පත් කරමින් අහිංසක ජනතාව මරුමුවට හා අතිබිහිසුණු ලෙස තුවාල සිදු කරමින් පාස්කු ඉරිදා සිදුවූ මෙම කුරිරු ත්‍රස්ත ප්‍රහාරය නිසා මිය ගිය අයගේ ඥාතීන් සහ පීඩනයට පත්වී ඇති ජනතාවගේ ඉල්ලීම තවමත් ඉටු නොවීම නිසා උන්වහන්සේ පත්වී ඇති අපහසුතාව සහ පීඩනය මට තේරුම් ගත හැකිය.

එම නිවේදනය මගින් ඉල්ලා සිටිනුයේ මෙම ප්‍රහාරය පිටුපස සිටි සහ ඒ සඳහා කුමන්ත්‍රණය කළ අය, සංවිධානය කළ අය, ඊට අනුග්‍රහය දැක්වූ අය, වගකීම් පැහැර හැර සිය රාජකාරිය ඉටු නොකළ අය, සැකකරුවන් අත්අඩංගුවට නොගෙන හෝ ගෙන නිදහස් කළ අය, සෙවීම සහ නිර්දේශ ඉදිරපත් කිරීම සහ වැරැදිකරුවන් වන අය නීතියේ අධිපත්‍යෙය් යටතට ගෙනඒමට බලයත් ජනතා අධිකාරී බලයක් ඇති ස්වාධීන කොමිෂන් සභාවක් පත් කරන ලෙසයි.

අගරදගුරු හිමිපාණන් මෙම ඉල්ලීම කරනු ලබන්නේ පීඩනයට පත් සිය කතෝලික ජනතාව සම්බන්ධයෙන් පමණක් නොව සමස්ත ශ්‍රී ලාංකික ජනතාවගේ හිත සුව පිණිස බව මම තරයේ විශ්වාස කරමි.

එපමණක් නොව මෙවැනි ව්‍යසනයක් ඉදිරියේදී ඇති නොවීමට වගබලා ගන්නා ලෙසද මෙම ඉල්ලීම මගින් අවධාරණය කර තිබේ.

රට තුළ තිබූ අවුරුදු 30ක කුරිරු ත්‍රස්තවාදය අවුරුදු 3ක් තුළ අවසන් කිරීමට මූලිකවම දායක වූ මමද මෙම කරුණ හොඳින් වටහා ගෙන ඇති අතර රජයෙන් ඉල්ලා සිටිනු ලබන්නේ අති උතුම් කාදිනල් හිමිපාණන් විසින් කලක් .තිස්සේ කරනු ලබන මෙම සාධාරණ ඉල්ලීම ඉටු කරන ලෙසයි.

මහින්ද රාජපක්ෂ ජනාධිපතිතුමා සමග එක්ව ක්‍රියාකර කුරිරු ත්‍රස්තවාදය පරාජය කරමින් රටේ ජනතාවට බියෙන් සැකෙන් තොර නිදහසේ ජීවත්වීමේ අවස්ථාව සලසාදීමට හැකි වූ බව රටේ ජනතාව හොඳින්ම දන්නා කරුණකි.

අති උතුම් මැල්කම් කාදිනල් රංජිත් හිමිපාණන් ස්වාධීන කොමිෂන් සභාවක් පත් කරන ලෙස කර ඇති සාධාරණ ඉල්ලීම ඉදිරියේදී අප රජයක් බලයට පත්වූ විට නොපමාව ඉටු කිරීමට පමණක් නොව මේ රටේ සමස්ථ ජනතාවටම ත්‍රස්තවාදයෙන් හා අන්තවාදයෙන් තොර රටක් තුළ බිය සැක නොමැතිව නිදහසේ ජීවත්වීමේ අයිතිය ලබා දෙන බවද ඉඳුරාම ප්‍රකාශ කරමි.

ගෝඨාභය රාජපක්ෂ,
ජනාධිපති අපේක්ෂක

Sunday, August 11, 2019

මහින්ද මැතිඳුන් අමතන, පොහොට්ටු නායකයා-ජනාධිපති අපේක්‍ෂකයා නම් කරන සමුළුව… [LIVE]


ශ‍්‍රී ලංකා පොදුජන පෙරමුණේ මංගල මහා සමුළුව අද සුගතදාස ගෘහස්ත ක‍්‍රීඩාංගණයේදී පැවැත්වෙයි.

මෙම සමුළුවේදී පක්‍ෂ නායකත්වයට මහින්ද රාජපක්‍ෂ මහතා පත් කෙරෙන අතර ජනාධිපති අපේක්‍ෂක ලෙස ගෝටාභය රාජපක්‍ෂ මහතා පත් කරීමට නියමිතය.

අද සමුළුව සදහා කැදවා ඇත්තේ පොදුජන පෙරමුණේ පලාත් පාලන මන්ත‍්‍රීවරුන් හා විපක්‍ෂයේ පාර්ලිමේන්තු මන්ත‍්‍රීවරුන් පමණි.



mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.