Mahinda Rajapaksa: අබ්දුල් රාසික් හෝ කිසිදු අන්තවාදියෙකුගේ සහය ගෝඨාභය මහතා ලබා ගන්නේ නැත.

Saturday, October 12, 2019

අබ්දුල් රාසික් හෝ කිසිදු අන්තවාදියෙකුගේ සහය ගෝඨාභය මහතා ලබා ගන්නේ නැත.


අබ්දුල් රාසික් නැමැත්තා ගෝඨාභය රාජපක්ෂ මහතාට සහය දෙනවා කියන වීඩියෝවක් අශේන් සේනාරත්න පළ කර ඇති අතර එය අපගේ අවධානයට ලක් විය.

ගෝඨාභය රාජපක්ෂ මහතා විසින් අබ්දුල් රාසික්ගේ සහයෝගයක් ලබා නොගන්නා බව අප වගකීමෙන් යුතුව ප්‍රකාශ කරමු.

අබ්දුල් රාසික්ව පාස්කු ප්‍රහාරයට අදාල පාර්ලිමේන්තු කාරක සභාවේදී ප්‍රශ්න කිරීමට ලක් විය. එපමණක් නොව පාස්කු ප්‍රහාරය සහ ඉන් අනතුරුව සිදුවූ ආන්දෝලනාත්මක දැ සම්බන්ධයෙන් ජනතාවගේ අප්‍රසාදයට ලක් වී ඇති හිස්බුල්ලා (ඔහු වෙනම ජනාධිපතිවරණයට තරග කරයි), සා‍ෆි සහාබ්දීන්, රිෂාඩ් බදියුදීන්, අසාද් සාලි, මංගල සමරවීර, රාජිත සේනාරත්න, රන්ජන් රාමනායක ආදී කිසිදු අන්තවාදියෙකුගේ සහයෝගය ගෝඨාභය රාජපක්ෂ මැතිතුමන් ලබා ගන්නේ නැත. අනෙක් අතට රටට ආදරය කරන රටේ නීතිය පිළිපදින ජනතාව අතර අප්‍රසාදයට පත් වී නැති සියලුම ශ්‍රී ලාංකිකයන්ට ගෝඨාභය මහතාට සහයෝගය දැක්වීමට හැකියාව පවතී.

එම නිසා "අහවලාගේ සහය ගෝඨාට" කියමින් අන්තවාදීන් "ඉන්ටර්විව්" කරමින් අශේන් සේනාරත්න සිදු කිරීමට උත්සාහ ගන්නා මොළ ශෝධනයේ ඔබ ගොදුරක් නොවන්න.

අන්තවාදී "අහවලා" ගෝඨාභය මහතාට සහයෝගය දෙනවා කී පළියට ගෝඨාභය මහතා පළි නැත. ගෝඨාභය මහතා "අහවලාගේ" සහය ඉල්ලා නැත.

සමාජයේ වෛරයට පාත්‍රව සිටින අබ්දුල් රාසික් සජිත් ප්‍රේමදාසලාගෙන් මුදල් ලබා ගෙන සිංහල භාෂාවෙන් ගෝඨාභය මහතාට සහය පළකරනවා කියමින් වීඩියෝවක් කරන්නේ සැබැවින්ම ගෝඨාභය මහතාට ඡන්ද ලබා දීමට නොවේ. එසේනම් අබ්දුල් රාසික් එම විඩීයෝව කළ යුතුව තිබුණේ දෙමළ භාෂාවෙනි. අබ්දුල් රාසික්ගේ අරමුණ ගෝඨාභය මහතා කෙරෙහි මිනිසුන් කලකිරවා සජිත් ප්‍රේමදාසට වාසි අත්කර දීමටයි.

එම නිසා අශේන් සේනාරත්නගේ වීඩියෝ සත්‍ය නොවන, සජිත් ප්‍රේමදාසගේ මැතිවරණ ව්‍යාපෘතිය වෙනුවෙන් "ප්ලාන්ට්" කළ සැලසුම් සහගත ඒවා පමණක් බව මතක තබාගන්න.


අප වෙත තොරතුරු ලැබී අති ආකාරයට, ඉදිරියේදී අශේන් සේනාරත්න විසින් වෛද්‍ය සා‍ෆි සහාබ්දීන්වත් "ඉන්ටර්විව්" කර ඔහුත් ගෝඨාභය මහතාට සහයෝගය දෙනවා කියමීන් විඩීයෝවක් කිරීමට නියමිතව ඇත.

නමුත්ස් සා‍ෆි සහාබ්දීන් යනු එක්සත් ජාතික පාක්ෂිකයෙක් පමණක් නොව, එක්සත් ජාතික පක්ෂ වේදිකාවේ කතා කළ, එක්සත් ජාතික පක්ෂයෙන් ඡන්දය ඉල්ලූ අපේක්ෂකයෙක් ද වන අතර ඔවුන්ගේ රඟපෑමට හසු නොවන මෙන් ඔබ සැමට මතක් කර සිටිමු.


කිසිදු අන්තවාදියෙකුගේ සහයෝගය ලබා නොගන්නා බවට ගෝඨාභය මහතා ප්‍රසිද්ධියේ ප්‍රකාශ කර ඇති මොහොතක, අන්තවාදීන්ගේ මඩ වලට ‍රැව‍ටුණ අයට ඇත්ත දැන ගැනීමට මෙම පිළිතුර හැකි තරම් බෙදා හරින මෙන් ඔබෙන් ඉල්ලා සිටින්නෙමු.

mahinda.info වෙබ් අඩවියේ ඇති වෙනස.

[1]. mahinda.info වෙබ් අඩවිය පෙනී සිටින්නේ බොරුවට එරෙහිව බැවින් අපි පළමුව බොරු නොකළ යුතු ය. වෙනත් නමකින් "ස්වාධීන සහ අපක්ෂපාතී" ලෙස පෙනී සිටීමට අපිට හැකි වුවද අපි එසේ කරමින් ජනතාව ‍රැවටීම සිදු නොකරමු. මෙය මහින්ද රාජපක්ෂ මැතිතුමාගේ අන්තර්ජාල මාධ්‍ය අංශයෙන් සිදුකරන වෙබ් අඩවියක් බව සෘජුවම පෙන්වා දී ඇත.

[2]. mahinda.info වෙබ් අඩවිය විසින් මෙහි ඇති ලිපි වල කරුණු තහවුරු කිරීමට විකීපීඩියාහි ඇති "Evidence-based journalism" සම්ප්‍රදාය අනුව ඔබට මූලාශ්‍ර එකින් එක පෙන්වා දෙයි.

[3]. mahinda.info වෙබ් අඩවිය කරුණු තහවුරු කිරීමේ මූලාශ්‍ර ලෙස හැකි සෑම විටම එක්සත් ජාතික පක්ෂයට හිතවත් වෙබ් අඩවි මූලාශ්‍ර කර ගනී. ඊට හේතුව එම වෙබ් අඩවි අපක්ෂපාතී නිසා නොව "ඌරාගේ මාළු ඌරාගේ පිටේම තබා කැපීම" යන ක්‍රමවේදය උදෙසායි.

[4]. mahinda.info වෙබ් අඩවිය විසින් "මඩ ගැසීම" හෙවත් කිසිවෙකුට එරෙහිව නිශ්චිතව සනාථ කළ හැකි සාක්ෂි නොමැතිව චෝදනා එල්ල නොකරයි.